ادعوا الله يفرجها علينا

[مشكلتي]

السلام عليكم ملخص الحكاية هو خويا الصغير العاق جميع من ف المنزل مربيين ومأدبين وهو عالة وراه رايح لامور اخرى والضحية امي نتمنى تدعيو ربي يخفف علينا ابتلاءه امور بزاف لم اتمكن من شرحها لان المشكى للبارئ اريدكم اخواني ان تدعو لنا بالفرج القريب وشكرا

[$silina$]

rabi yfaraj 3likom w yahdih inchlh

[أم سلوى]

الله يصلح باله ويغير من حاله
ثانيا. كل العائلات لديها هذا الصنف في الاخير يتعقل عادي...مراهقين فقط..

[muslim girll]

ربي يهديه
ويصبركم عليه
لازم تعرفو تحلو المشكل بهدوء وحكمة ...وماكالاه تحسسوه بلي هو اللي ماشي مليح وانه ليس كاخوته وانه وانه .... بالاك لوكان تبينولو بلي بديتو تثيقوا فيه يكون احسن (((((((بالاك ،))))) خاتش حنا مانعرفوش لحكاية كاملة .
بالتوفيق

[zari18]

كما قالت الأخت muslim girll (http://www.djelfa.info/vb/member.php?u=422642)
لازم تعرفوا أين المشكل بالضبط و تحل بالعقل والرزانة
ربي يهديه ويرجعوا لطريق الصواب

[ridha34]

ربي يفرج عليكم.

[اناناسة]

السلام عليكم, ربي يفرج عليك و على كل انسان لا يعلم بحاله الا الله ... ربي يجمع شملكم و يطمئن قلوبكم ,,,, اكثر من ادعيه السكينه ابحث عنها في الانترنت ستجدها ايات جاهزه للذكر كل يوم

[ام رضوان]

اسال الله العظيم ان يفك كربكم ويهدي اخيك ويرجعه الى جادة الصواب
اللهم سخر له من ينصحه وياخذ بيده الى بر الامان
اللهم اهدي ابنائنا وابناء المؤمنين
وعافهم واعفو عنهم ياكريم اميييييييين

[ridha34]

ربي يهديه و يتوب عليه.

[حاملة المصحف]

ربي يفرج عليكم.

[زبدة ذايبة]

حاولوا تعرفوا سبب العقوق

العقوق مايجيش بين عشية وضحاها

ممكن الطريقة اللي راكم تتعاملوا بيها معاه هي اللي دارتلوا هذا الشيء

وخاصة بعدما قلت أنه رايح لأشياء ثانية

ممكن راكم تعيطو عليه وتضربوه وتهينوه

هو يحس في نفسه راجل وأنتم تضغطوا عليه باش يبقى ولد صغير

اعطولوا المسؤولية بالتدريج

واهدروا معاه وناقشوه

ماتعيطوش عليه وتسبوه

وين ما تهدروا معاه قولوا انت راجل

انت اللي تاكلين عليك

انت نتوقعوا تكون إنسان عندك رأي وعندك قيمة في وسط الرجال

ديروا جهدكم ورجعوه للطريق الصحيح

ماعندوش غيركم يقدر يعاونوا من الحال اللي راه فيه

مارايحنش يجو الجيران والأقارب يساعدوه ويرشدوه للأمور الصحيحة

ليمن تخلوه ؟؟؟؟؟؟؟

ماعندوش غيركم

ساعدوه بالحنان والعاطفة والتقبل

كونوا معاه إخوة محبين

وماتكونوش أعداء منتقمين

هذ التصرفات اللي راه يتصرفها تدل على أنه عندكم مشكلة في البيت

انتوما هايلين وتشوفوا فيه ماشي مليح

بما أنه هو الصغير احتمال كبير دللتوه زيادة

أو أنكم قاسيين عليه زيادة

راجعوا تصرفاتكم انتم

وغيروا من طريقة تعاملكم معاه

يقدر يكون عنده شخصية مختلفة عنكم

وقد يكون مدار الأمر كله أنكم لا نتقبلون الاختلاف

يعني حابين يكون عندكم قالب واحد في التعامل والأخلاق

ممكن هو عنده شخصية مميزة ، وطريقته في الكلام تستفزكم

وهذا ماشي مبرر توصلوه للإنحراف

الأخلاق اللي راه عليها سببها أنتم

وهذه طريقتوا باش يعاقبكم ويكسرلكم المثل والأخلاقيات الموجودة في البيت

يحول يأذيكم بكل طاقته وقوته (بلية)

حاولوا تسترجعوه بطريقة ذكية

وحاولوا تساعدوه ، هو يحتاج للمساعدة

وخلي الوالدة تدعيلوا ليل ونهار

عوض ماتدعي عليه

وحتى الإخوة يدعولوا يرجع للطريق الصحيح.

حاولوا احتوائه بقدر ماتقدروا

وماتفرطوش فيه نهائيا هو مريض يحتاج لأن تتفهموه

رب يهديه ويصلح حالكم