Engineer.Soul
2017-04-11, 11:07
السلام عليكم ورحمة الله وبركاته
انا طالب في معهد الهندسة الكهربائية والالكترونيك بومرداس . IGEE ex inelec
بمناسبة انني انخدعت بما يشاع عنه و مالقيتش شكون يعطيني الحقيقة قررت نقلكم حقيقة المعهد باش ما تصرالكمش تاني .
اولا :
اساتحدث الاساطير التي تشاع عن المعهد :
اسطورة رقم 1 : المعهد يقرو فيه اساتذة اجانب : لايوجد اساتذة اجانب الاساتذة من الجزائر . اصل هذه الاسطورة انه قبل كان موجود اساتذة لان المعهد كان مستقل وحاليا هو تابع لجامعة بومرداس umbb والاساتذة اغلبهم من جامعه بومرداس
اسطورة رقم 2 : كي تكمل تدي شهادة مهندس دولة و ماستر 2 : شهادتك هي ماستر 2 فقط + شهادة شرفية في الانجليزية ما عندها حتى قيمة .
اصل الاسطورة يرجع لان الانيلاك كان نظام قديم وحاليا هو نظام LMD
شهادتك ماستر في الهندسة الكهربائية والالكترونيك = شهادة ماستر في تخصص هندس كهربائية والكترونيك من فرع ST
و
مكتوبة بالفرنسية و لا دليل انك درست باللغة الانجليزية و وتاخدها باسم جامعة بومرداس يعني المعهد موجود شكليا فقط
(دارو اضراب حول هذا الموضوع و لازال الحال نفسه لم يتغير شيئ ).
اسطورة رقم 3 : تقرا بالانجليزية : الحقيقة نعم تقرا بالانجليزية . ولكن اي نوع من الانجليزية اخي الكريم .
ساتحدث بالتفصيل عن الانجليزية :
1- في السنة الاولى تقرا انجليزية كمادة معاملها 8 فصل اول و 2 في الفصل الثاني
يقسموكم على 16 غروب جسب اختبار في الانجليزية تديروه في بداية العام وللعلم اسئلة الاختبار تتعاود كل عام نفس الاسئلة .
الغروب من 1-5 : الانجليزية فيها جيدة عموما لكن الختبارات تاعهم صعبة عموما
الغروب من 6-11 :الانجليزية فيها متوسطة والاختبارات عادية
الغروب من12-16 : االانجليزية فيها سيئة والاختبارات سهلة لكن مام يجاوب على كل شي يحقروهم في النقاط على اساس ان غروب 16 ما لازمش يجيب خير من غروب 1
اساتذة الانجليزية : غروب 1 - 2 يقروهم الاساتذة الاقدم في الانيلاك ( ايت قايد - يلس ) : هادو الاساتذة قراو في الماريكان ويحكو انجليزية ممتازة
باقي الغروب: في اغلب الاحيان يقروهم طلاب انجليزية 3 يديرو بيهم STAGE وانتم علابالكم بمستوى التعليم في هذه الحالة .
خلال الدراسة تقراو 4 موديل LS , R W , EST ,GRAM خلال الفصل الاول و الفصل الثاني تقراو LS , RW فقط
LS : Listening and Speaking : في هذه الحصة تحكو على مواضيع مختلفة ووتفرجو افلام و فيديوهات ما تفيدوش منها والغاية من الحصة انك تجرب تتكلم انجليزية وتحاول تنسق جملك وتتقن الهدرة
معاملها : 2
في هذه الحصة راح تتعلم تكتب فقرات و تقراو مواضيع في كل حاجة : RW :Reading and Writing
معاملها : 2
GRAM: تقراو غرامار انجليزي
معاملها : 2
EST : مادة تتكلم عن الكهرباء وتحاول تعطيك مبادئ اساسية في الكهرباء
معاملها : 2
ملاحظة : نسبة استفادتك من هذه المواد في اللغة الانجليزية ما بين 5-20 % في احسن الحالات
نتيجة عدم التنظيم و سياسة اللامبالة بالتدريس فان ما ستدرسه في غروب 4 مختلف تماما عن 6 ومختلف تماما عن 8 والخ
الامتحانات فيها عشوائية والنقاط على حسب الاستاذ (كاين لي يمد لي نوت بدون مبالات وكاين لي لازم تجتهد وماتديش )
خلاصة القول : ما راحش تستفيد منهم بالزاف و لكن بسبب معاملهم العالي اغلب التلاميذ يطلعو بيهم العام
ثانيا :
رح نحكي على الاجواء في المعهد ومحيط الدراسة
الاساتذة :
اساتذة المحاضرات : مستوى الانجليزية تاعهم بين 6/10 - 8/10 ولكن ماشي راح تفهم لانك في اغلب الاحيان راح يعاود وش مكتوب في الكتاب لي يعطوهلك بدون اضافات . والبعض يحب يعقد الاشياء خاصة في الفيزياء واالرياضيات
اساتذة TD :
كارثة بمعنى الكلمة مستوى الانجليزية تاعهم بين 1/10 -5/10 وبعضهم لا يجيد لا الانجليزية ولا المادة لي راه يقري فيها .بدون مبالغة قراتني وحدة ما تعرفش تدير جملة مفيدة بالانجليزية .
اساتذة LAB :
النقطة عندهم تديها انت وزهرك على حساب البروف و في اغلب الاحيان الماتريال تاع اللاب اهم منك تخسرو تحصل .
العمال : الحراس والادارة وعمال النظافة : يتمتعون بحسن المعاملة والاحترام وبعض اللباقة . ما راحش تواجهك مشكلة من هذه الناحية
الطلاب : في اغلب الاحيان العقلية مليحة لكن يوجد الناس لي ما تقدرش تتواصل معاه (الحسد والتكبر والغيرة )
العنصرية : عموما لا وجود للعنصرية بين الطلاب لكن بالنسبة للاساتذة يختلف الامر من استاذ لاخر
الاقامة / اقامة قورصو : اقامة امنة - نظيفة - وسائل الترفيه متوفرة ولكن لن تستعملها نتيجة الضغط الدراسي والوقت -الاكل متوسط - المعاملة جيدة عموما .
وقت الدراسة : في الشهر الاول مجرد انجليزية : تقرا 4 ساعات في اليوم
باقي العام تقرا يوميا ماعدا الجمعة فقط والضغط كبير وبدون راحة
نوعية الدراسة : اغلب دراستك تعتمد على نفسك واغلب الطلاب يعتمدون على اليوتيوب 80% و 40-30% ما يحضروش ليكور لانهم ما يستفيدوش منهم + TD لا محل له من الاعراب لان حل التمرين بدون فهم الدرس لا يفيدك
النوادي : توجد نوادي تقنية تحت اشراف الطلبة تستفيد منها في مجالات اخرى مثل ناد الوميض وناد الالكترونيك
بعض الطلبة يروحو للخارج ولكن هذا لا يمد للمعهد بصلة حيث انهم اما يروحو عن طريق منحة من الخارج او عن طريق حسابهم الشخصي ولا دخل للمعهد باي صلة
خلاصة القول : رغم ان معدل القبول يصل الى 16 الى انه مجرد تضييع للمستقبل و لا شيئ مضمون بعد التخرج قادر تخرج وما تخدمش وبالتالي ان لم تكن ضامن العمل بعد الخروج 100 % ما تقراش فيها لانها ما توصلكش .
السؤال هو : انا درت الكترونيك وندمت وراني باغي ندير ترونسفار ميدسين . هل نقدر ندير ترونسفار بمعدلي 15.76 علوم تجريبية باك 2016 احرار ؟ العام المقبل قصدي
وشنو هوما شروط الترونسفار وطريقتو و وشنو لازم ملف ؟
وشكرا جزيلا!
انا طالب في معهد الهندسة الكهربائية والالكترونيك بومرداس . IGEE ex inelec
بمناسبة انني انخدعت بما يشاع عنه و مالقيتش شكون يعطيني الحقيقة قررت نقلكم حقيقة المعهد باش ما تصرالكمش تاني .
اولا :
اساتحدث الاساطير التي تشاع عن المعهد :
اسطورة رقم 1 : المعهد يقرو فيه اساتذة اجانب : لايوجد اساتذة اجانب الاساتذة من الجزائر . اصل هذه الاسطورة انه قبل كان موجود اساتذة لان المعهد كان مستقل وحاليا هو تابع لجامعة بومرداس umbb والاساتذة اغلبهم من جامعه بومرداس
اسطورة رقم 2 : كي تكمل تدي شهادة مهندس دولة و ماستر 2 : شهادتك هي ماستر 2 فقط + شهادة شرفية في الانجليزية ما عندها حتى قيمة .
اصل الاسطورة يرجع لان الانيلاك كان نظام قديم وحاليا هو نظام LMD
شهادتك ماستر في الهندسة الكهربائية والالكترونيك = شهادة ماستر في تخصص هندس كهربائية والكترونيك من فرع ST
و
مكتوبة بالفرنسية و لا دليل انك درست باللغة الانجليزية و وتاخدها باسم جامعة بومرداس يعني المعهد موجود شكليا فقط
(دارو اضراب حول هذا الموضوع و لازال الحال نفسه لم يتغير شيئ ).
اسطورة رقم 3 : تقرا بالانجليزية : الحقيقة نعم تقرا بالانجليزية . ولكن اي نوع من الانجليزية اخي الكريم .
ساتحدث بالتفصيل عن الانجليزية :
1- في السنة الاولى تقرا انجليزية كمادة معاملها 8 فصل اول و 2 في الفصل الثاني
يقسموكم على 16 غروب جسب اختبار في الانجليزية تديروه في بداية العام وللعلم اسئلة الاختبار تتعاود كل عام نفس الاسئلة .
الغروب من 1-5 : الانجليزية فيها جيدة عموما لكن الختبارات تاعهم صعبة عموما
الغروب من 6-11 :الانجليزية فيها متوسطة والاختبارات عادية
الغروب من12-16 : االانجليزية فيها سيئة والاختبارات سهلة لكن مام يجاوب على كل شي يحقروهم في النقاط على اساس ان غروب 16 ما لازمش يجيب خير من غروب 1
اساتذة الانجليزية : غروب 1 - 2 يقروهم الاساتذة الاقدم في الانيلاك ( ايت قايد - يلس ) : هادو الاساتذة قراو في الماريكان ويحكو انجليزية ممتازة
باقي الغروب: في اغلب الاحيان يقروهم طلاب انجليزية 3 يديرو بيهم STAGE وانتم علابالكم بمستوى التعليم في هذه الحالة .
خلال الدراسة تقراو 4 موديل LS , R W , EST ,GRAM خلال الفصل الاول و الفصل الثاني تقراو LS , RW فقط
LS : Listening and Speaking : في هذه الحصة تحكو على مواضيع مختلفة ووتفرجو افلام و فيديوهات ما تفيدوش منها والغاية من الحصة انك تجرب تتكلم انجليزية وتحاول تنسق جملك وتتقن الهدرة
معاملها : 2
في هذه الحصة راح تتعلم تكتب فقرات و تقراو مواضيع في كل حاجة : RW :Reading and Writing
معاملها : 2
GRAM: تقراو غرامار انجليزي
معاملها : 2
EST : مادة تتكلم عن الكهرباء وتحاول تعطيك مبادئ اساسية في الكهرباء
معاملها : 2
ملاحظة : نسبة استفادتك من هذه المواد في اللغة الانجليزية ما بين 5-20 % في احسن الحالات
نتيجة عدم التنظيم و سياسة اللامبالة بالتدريس فان ما ستدرسه في غروب 4 مختلف تماما عن 6 ومختلف تماما عن 8 والخ
الامتحانات فيها عشوائية والنقاط على حسب الاستاذ (كاين لي يمد لي نوت بدون مبالات وكاين لي لازم تجتهد وماتديش )
خلاصة القول : ما راحش تستفيد منهم بالزاف و لكن بسبب معاملهم العالي اغلب التلاميذ يطلعو بيهم العام
ثانيا :
رح نحكي على الاجواء في المعهد ومحيط الدراسة
الاساتذة :
اساتذة المحاضرات : مستوى الانجليزية تاعهم بين 6/10 - 8/10 ولكن ماشي راح تفهم لانك في اغلب الاحيان راح يعاود وش مكتوب في الكتاب لي يعطوهلك بدون اضافات . والبعض يحب يعقد الاشياء خاصة في الفيزياء واالرياضيات
اساتذة TD :
كارثة بمعنى الكلمة مستوى الانجليزية تاعهم بين 1/10 -5/10 وبعضهم لا يجيد لا الانجليزية ولا المادة لي راه يقري فيها .بدون مبالغة قراتني وحدة ما تعرفش تدير جملة مفيدة بالانجليزية .
اساتذة LAB :
النقطة عندهم تديها انت وزهرك على حساب البروف و في اغلب الاحيان الماتريال تاع اللاب اهم منك تخسرو تحصل .
العمال : الحراس والادارة وعمال النظافة : يتمتعون بحسن المعاملة والاحترام وبعض اللباقة . ما راحش تواجهك مشكلة من هذه الناحية
الطلاب : في اغلب الاحيان العقلية مليحة لكن يوجد الناس لي ما تقدرش تتواصل معاه (الحسد والتكبر والغيرة )
العنصرية : عموما لا وجود للعنصرية بين الطلاب لكن بالنسبة للاساتذة يختلف الامر من استاذ لاخر
الاقامة / اقامة قورصو : اقامة امنة - نظيفة - وسائل الترفيه متوفرة ولكن لن تستعملها نتيجة الضغط الدراسي والوقت -الاكل متوسط - المعاملة جيدة عموما .
وقت الدراسة : في الشهر الاول مجرد انجليزية : تقرا 4 ساعات في اليوم
باقي العام تقرا يوميا ماعدا الجمعة فقط والضغط كبير وبدون راحة
نوعية الدراسة : اغلب دراستك تعتمد على نفسك واغلب الطلاب يعتمدون على اليوتيوب 80% و 40-30% ما يحضروش ليكور لانهم ما يستفيدوش منهم + TD لا محل له من الاعراب لان حل التمرين بدون فهم الدرس لا يفيدك
النوادي : توجد نوادي تقنية تحت اشراف الطلبة تستفيد منها في مجالات اخرى مثل ناد الوميض وناد الالكترونيك
بعض الطلبة يروحو للخارج ولكن هذا لا يمد للمعهد بصلة حيث انهم اما يروحو عن طريق منحة من الخارج او عن طريق حسابهم الشخصي ولا دخل للمعهد باي صلة
خلاصة القول : رغم ان معدل القبول يصل الى 16 الى انه مجرد تضييع للمستقبل و لا شيئ مضمون بعد التخرج قادر تخرج وما تخدمش وبالتالي ان لم تكن ضامن العمل بعد الخروج 100 % ما تقراش فيها لانها ما توصلكش .
السؤال هو : انا درت الكترونيك وندمت وراني باغي ندير ترونسفار ميدسين . هل نقدر ندير ترونسفار بمعدلي 15.76 علوم تجريبية باك 2016 احرار ؟ العام المقبل قصدي
وشنو هوما شروط الترونسفار وطريقتو و وشنو لازم ملف ؟
وشكرا جزيلا!