وين راكم واصلين??

[الدكتورة]

السلام عليكم خاوتي
انا مترشحة حرة بلوكيت الجامعة و راني نعاود في الباك حبيت نقولكم وين راني واصلة فب القراية هكا تقولولي راني مليحة ولا راني روطار
بالنسبة لمواد الحفظ نقدر نقول كملتهم مزالي زوج دروس ولا ثلاثة في الجغرافيا و الباقي صافا حافظتهم اما المواد العلمية ما قريهمشش كيما كنت حابة مي الحمد لله حليت 2 سلاسل لكل وحدة في كل مادة و زدت البكالوريات علابالي ما كثرتش تمارين مي الله غالب هذا لوين لحقت مزال و ضركا راني نعاود في كلش من جديد حتى يكمل افريل
الفلسفة و الادب ثاني قريتهم اما اللغات مزال
في رايكم ياك مانيش متأخرة?راني موسوسة ما وليتش نرقد علابالي هاذي فرصتي الثانية في الباك و الاخيرة مانيش قادرة نتحمل خسارة وحدة اخرى و شكرا على كل حال ربي يوفقكم كامل

[ميليسا 2018]

اهلا بالدكتورة ان شاء الله بخير انا ايضا بلوكيت اظن انك لست متأخرة انا بقالي الادب والفليفة واللغات مهاذو كامل مزال والحفظ جغرافيا كامل مزال ومصطلحات

التاريخ مزال على ما اظن صديقتي راكي مليحة وفي الوقت ومع يخلاص افريل تكوني كملت المراجعة امبعد اللغات تتولهي ليهم وحدهم راكي مليحة وان شاءالله السنة خير ونجيبو

الباك بامتياز بالتوفييييييييييييييييييييييق صديقتي

سؤال الادب كيف راجعتيه وراجعتي شعر ونثر ولا حوايج النثر برك واي موضوع راح تختاري على الاغلب ؟ وشكرااااااااااااااا

كلية الطب تنتظرنا صديقتي هذا العام بالتوفيييييييييييييق

[ذآك الحنين ۦ،]

السلام عليكم أختي
بمآ أنني مررت بنفس تجربتك دعني أخبرك ألا تدعي الشيطآن و الوسأوس تتمكن منك،
توكلي على الله،
ما شاء الله عليك ربي يكملك ، إلى الأمآم
أنت ممتآزة صدقيني ..
ركزي على جمع الافكار الجديدة من التمارين
بالنسبة للغات .. لخصي القوانين الاساسية و تدربي على كتابة الفقرة بالمنهجية الصحيحة،و أهم شيئ قومي بحل البكالوريات السابقة كآفي ☺
أتمنى لك كل التوفيق
الله يوفق الجميع
لا للخوف ، لا للقلق

[ميليسا 2018]

ذاك الحنين ارجوا الاجابة

[الدكتورة]

اهلا بالدكتورة ان شاء الله بخير انا ايضا بلوكيت اظن انك لست متأخرة انا بقالي الادب والفليفة واللغات مهاذو كامل مزال والحفظ جغرافيا كامل مزال ومصطلحات

التاريخ مزال على ما اظن صديقتي راكي مليحة وفي الوقت ومع يخلاص افريل تكوني كملت المراجعة امبعد اللغات تتولهي ليهم وحدهم راكي مليحة وان شاءالله السنة خير ونجيبو

الباك بامتياز بالتوفييييييييييييييييييييييق صديقتي

سؤال الادب كيف راجعتيه وراجعتي شعر ونثر ولا حوايج النثر برك واي موضوع راح تختاري على الاغلب ؟ وشكرااااااااااااااا

كلية الطب تنتظرنا صديقتي هذا العام بالتوفيييييييييييييق

بارك الله فيك اختي طمنتيني هكا نكمل نقرى و انا مرتاحة
أسال الله التوفيق لي و لك و للجميع و بإذن الله الامتياز
بالنسبة للادب انا سأختار موضوع النثر بدون منازع لذا راجعت فقط ما يخصه في ملخص للعام الماضي لم أضف عليه شيئ
بالتوفيق اختي و ربي معاك

[الدكتورة]

السلام عليكم أختي
بمآ أنني مررت بنفس تجربتك دعني أخبرك ألا تدعي الشيطآن و الوسأوس تتمكن منك،
توكلي على الله،
ما شاء الله عليك ربي يكملك ، إلى الأمآم
أنت ممتآزة صدقيني ..
ركزي على جمع الافكار الجديدة من التمارين
بالنسبة للغات .. لخصي القوانين الاساسية و تدربي على كتابة الفقرة بالمنهجية الصحيحة،و أهم شيئ قومي بحل البكالوريات السابقة كآفي ☺
أتمنى لك كل التوفيق
الله يوفق الجميع
لا للخوف ، لا للقلق
شكرا بارك الله فيك على النصائح كنت محتاجة انسان مجرب يفيدني
ربي يوفقك مشكورة :19:

[exellance]

مرحباا اختي راكي هايلة متخافيش
حبيت نسقسيك بالنسبة للادب انا احترت وش نختار نثر ولا شعر يقولو الشعر يمدو عليه احسن
تقدري تحطينا ملخص تاعك تاع النثر ربي ينجحك ويوفقك

[Ranine mimi]

سلام حنسقسيك شحال جبتي معدلك لعام لي فات وتعواه السلاسل لي حليتي فالمواد العلمية

[SABOUHA14]

ممكن الشعر يكون ساهل وممكن النثر ديري جميع احتيطاتك اختي ربي يوفقك

[الدكتورة]

ممكن الشعر يكون ساهل وممكن النثر ديري جميع احتيطاتك اختي ربي يوفقك
شكرا اختي بصح انا علابالي بروحي ما نفهمش الشعر مليح و نفهم للنص مالغري يقولو ما يمدوش فيه النقاط

[الدكتورة]

سلام حنسقسيك شحال جبتي معدلك لعام لي فات وتعواه السلاسل لي حليتي فالمواد العلمية
حليت سلاس الدعم تاعي و سلاسل بو الريش في العلوم و الاستاذ مصطفاي عبد العزيز تاع الرياضيات وقوزري في الفيزياء

[الدكتورة]

مرحباا اختي راكي هايلة متخافيش
حبيت نسقسيك بالنسبة للادب انا احترت وش نختار نثر ولا شعر يقولو الشعر يمدو عليه احسن
تقدري تحطينا ملخص تاعك تاع النثر ربي ينجحك ويوفقك

صح يقولو الشعر يعطيو فيه النقاط مي نتي لازم تشوفي ويناه اكثر موضوع يناسبك و تفهميه بالنسبة ليا انا ندير النص بلا ما نخمم و كل واحد كيفاه تجيه
و على الملخص ماكتبتوش وحدي دايرة عليه غي photo copie قديمة لوكان نصورو ما يبانلكش طول
و ربي يوفقك اختي

[ذآك الحنين ۦ،]

مرحباا اختي راكي هايلة متخافيش
حبيت نسقسيك بالنسبة للادب انا احترت وش نختار نثر ولا شعر يقولو الشعر يمدو عليه احسن
تقدري تحطينا ملخص تاعك تاع النثر ربي ينجحك ويوفقك



معك حق الشعر أفضل
الله يوفق الجميع

[cute angel]

انا نقرا هندسة معمارية و مبلوكيتش المواد العلمية كملت الدروس اني معا التمارين ما عدا علوم مبديتش تمارين و المواد الادبية في رايي نخليها للاسبوع الاخير لانو سهلة اما الحفظ بديت بمصطلحات تاريخ عندي يومين واش رايكوم زعمة نلحق نحفظ كلش

[rext]

شكراااا جزيلا

[Argismed1985]

حذاري من الصيغة الجديدة للتمارين خاصة في الفيزياء إنهاطويلة نوعا ما

[ألفة 98]

ربي يوفقكم انشاء الله اقراو مليح باش ما تندموش انا اعدت الباك حرة لكن لم احقق ما حلمت به مع الاسف