الفول المَنْكٌوبْ ..........على طريقة زٌخْرٌفَةٌ

[zokhrofa]

السلام عليكم

حبيت نعطيكم طريقة سهلة جدا لتحضير

طبق الفول المنكوب


http://www.up.djelfa.info/uploads/149095482521551.jpg

اسمه المنكوب لاخاطرش يجي بدون لحم

المقادير :


2 كغ فول أخضر (او على حسب العائلة يعني انتي كي تنقي الفول تدي غير الحب ديالو شوفي عينك هي ميزانك اذا يكفي عائلتك

او تقدري تقيسي بالطبسي لي تسقي فيه عمري فيه الحب تعرفي كم من طبسي تستحقي و بهذا يكفيك لكل العائلة )

2 مغارف كبار طماطم العلبة

ثوم

ملح

فلفل اسود

كركم

فلفل احمر عكري

ليمون

قصبر

الزيت

سكر

الطريقة :

غلي الماء بعد ما يغلي ارمي فيه الفول لمدة 20د او اكثر حتى يطيب مليح

في نفس الوقت و انتي تغلي في الفول لا تضيعي الوقت

حطي طنجرة فيها زيت + طماطم المصبرة + ملح + فلفل اسود + فلفل احمر+ قرصة صغييييييييرة سكر + ثوم + كركم و شوييييييية ماء باش الفلفل الأحمر ما يوليش مر

كي يتقلاو مليح مرقي بالماء على حسب كمية الفول مالازمش يجي ناشف الطبق و مالازمش يولي شربة

كي يطيب الفول

ارميه داخل الطنجرة

+ ملعقة صغيرة عصير الليمون

كي يطيب الطبق ارمي فيه القصبر و طفي النار

طبعا باش تتأكدي بلي الطبق طاب ذوقي حبة فول اذا طايبة مليح كيما يحب الخاطر

و تكون المرق خثار شوية يعني مبقاش يبان ماء

بصحتكم و كي تجربوها اعطوني رايكم

[zokhrofa]

شكرا لمروركن العطر

[أم سدرة]

شكرا زخرفة على الطريقة منكوب بصح باين بنين خسارة هنا ماكانش الفول كاشما نلقاه في المحلات الحلال بصح راني هابطة للبلاد ونقولهم يطيبوهولي كي نهبط راني ندي عطلة من الطياب ههههه

[اميريم19]

يعطيك الصحة حنا الفول حب ناكلوه مفرو مع الملح ان شاء الله نجرب هذي الطريقة شكرا

[ام هدول]

زخرفة جيت نجري نشوف الفول المنكوب ...سع كي شفتو عرفتو ....كان عندي خوه واحد اخر منكوب ..هههههه...

https://f.top4top.net/p_455jw55v5.png (https://up.top4top.net/)

[zokhrofa]

شكرا زخرفة على الطريقة منكوب بصح باين بنين خسارة هنا ماكانش الفول كاشما نلقاه في المحلات الحلال بصح راني هابطة للبلاد ونقولهم يطيبوهولي كي نهبط راني ندي عطلة من الطياب ههههه

هههههه اتفشي عليهم شوية

[zokhrofa]

يعطيك الصحة حنا الفول حب ناكلوه مفرو مع الملح ان شاء الله نجرب هذي الطريقة شكرا

احنا كيما انتوما و تان نديروه مع الطعام

[zokhrofa]

زخرفة جيت نجري نشوف الفول المنكوب ...سع كي شفتو عرفتو ....كان عندي خوه واحد اخر منكوب ..هههههه...

https://f.top4top.net/p_455jw55v5.png (https://up.top4top.net/)

مممممممممم يشهي يعطيك الصحة ام هدول

[zokhrofa]

شكرا لمروركن

[sousou 16]

امممم مشكورة على الوصفة

[zokhrofa]

عفوا اختي أهلا بيك

[وردة الرمال43]

يعطيك الصحة ان شاء الله نجربو

[zokhrofa]

ان شاء الله أختي وردة

[zokhrofa]

شكون جرباتو تقوللنا ؟

[شمس 15]

يشبه للتبيخة....
مشكورة زخرفة حبيبة الكل انا راني نتبع فيك نحب نطيب الاكل نباتي ......
جربت صوص الطماطم بنتي الصغيرة تاكل و تقولي زيديني لاثوث ....
يعطيك الصحة نجرب الفول هذا بصح اسمحيلي انا نديرو بقشورو نقي غير الاطراف و اليابس بالطبع نتخلص منو...

[zokhrofa]

هههههههه يا عمري عليها ربي يخليهالك

معليش شموسة الابداع ماشي ممنوع ههههه فقط الذوق مراحش يكون نفسو

تعرفي الفول و قشور الفول يختلفو اذا لاخظتي لالا ؟

ما نعرف اذا انا راني نهدر برك هههه خاطش انا نحس ذوق الأكل بالقشور و بدون ماشي كيف كيف

[عطر و مطر]

شكرا اخت زخرفة على الوصفة
ان شاء الله نجربو
يعطيك الصحة

[zokhrofa]

ان شاء الله اختي اهلا بيك