حب أم خيانة

[مشكلتي]

السلام عليكم...أنا شاب في عمري 24 سنة ..المهم أنا عندي وحد الشيرة فاميلتنا مالبعيد هاد الشيرة راهي فوحد 3 سنين صديقة معايا فالفيسبوك ..المهم ماكان بيناتنا والو ..قبل شهرين من الان كان عندي صاحبي فالدار و كان يخدم بالميكرو تاعي و شاف الصورة تاع ديك الشيرة المهم السيد عجباتو بزاف قالي حاب ندي فاسبوكها و راني سيريو ..أنا مديتهلو ...صاحبي مع الأيام ولا يهدر معاها و راح لعندها لممدينتها تلاقاها بارسكو تسكن في ولاية أخرى ..في هاذ ليان صاحبي قالي الشيرة ماراهيش تعاملني كي قبل الله يحظك سقسيها كاش حب ولا زعما تاستيها ..أنا نحبيتش ..قبل يومين الشيرة قاتلي راح نستعرفلك بحاجة و هيا أني معجبة بيك أنتا و نحبك و راني فرغت لي في قلبي ..مع العلم أننا كنا نحكو مي كي أصدقاء فقط و لافامي ...حاب حل لهاذ المشكل و السلام

[نورسين.داية]

المهم قصص الأنترنت كلها هكذا ......مضيعة للوقت و فراغ عاطفي و مادي و موسوعات خيارية .متاحة للجميع لكل الأعمار...تعتمد الى التغيير التداولي الامنتهي .......مسألة خيانة و مشكلتك أخي حلها سهل دير فورمات لعقلك .....أظن أنك سوف ترى الأمور بطريقة اخرى أكيد

[مراد سابقا10]

سبحان الله قريبة ليك وتمد الفايسبوك انتاعها لواحد غريب واش يعبث بيها

هذي تسمى ........................ والديوث لا يدخل الجنة

ربي يهديك

[•°o.O ســــــــــــــــــــــآم O.o°•]

صاحــــبك لازم تـــصارحـــــو بالحــقـــيقــــة ~~~
و هي !!!~~~

[أثيلة]

دير لي يناسبك

[قدور بن عاشور]

يا خي قوم حبي،
الفايسبوك في العالم كله يستعملوه للتواصل الإجتماعي
إلا في الجزائر وسيلة للعشق من الشعب المكبوت جنسيا،
عندها الحق الوزيرة كي قالت الفايسبوك أخطر من المواقع الإباحية،
لأنه يؤدي إلى ممارسة الإباحية و ليس مشاهدتها فقط

الله يهدينا

[عثمان الجزائري.]

من كلامك يبدوا لي جليا أنك في مرحلة المراهقة أو حتى أقل، المهم ستعلم قريبا أنك تضيع في وقتك و جهدك في أشياء تافهة و على رأسها الحب، ما رأيك لو قلت لك أن هذه الفتاة لا تحبك و لا هم يحزنون هي تمر بفترة فراغ و سرعان ما يملأها أحدهم إما صاحب شكارة أو سيارة أو من ينوي الحلال هذا بالطبع إذا كانت في سن الزواج، كيف ترضى خيانة الرجال، ألا تخشى أن يخونك غيرك مع أختك، الأقارب قديما كانوا يذبون على أعراض أهاليهم و أنتم الآن " حاميها حراميها "، نقولك صديقي المرأة لا تحب بل تستت و ستعرف هذا و أتمنى أن تراسلني حتى و لو بعد سنين، هل ترضى أن تتشاجر و تتعادى أنت و صديقك من أجل قطعة لحم نتنة قالك ناس بكري " ما يفرق بين الرجال غير النساء و المال "، كن رجلا و قل لها أنا لا أخون الرجال، إختر لك أصدقاء يعينوك على الخير و دعك من سفاسف الأمور، أعلم أنك لن تصدقني لأننا قوم لا نؤمن إلا بالتجربة و إني إختصرت عليك الطريق و لك واسع النظر، إقطع إتصالاتك بها و تب إلى الله و إبدأ حياتك من جديد فخير لك أن تصل متأخرا خير من أن لا تصل...ربي يهدينا أجمعين

[abdelka22]

الله يهدينا

[زبدة ذايبة]

ياهل ترى تقبل على ختك هذا الشيء ؟؟؟؟؟؟؟

وهذي الطفلة اللي عندك 3 سنين وانت معاها ماسألتش نفسك ولو للحظة نهاية هذا الشي ماهو ؟؟؟؟؟

هذو 3 سنوات وانت معاها وش هي النتيجة اللي جبتها ؟؟؟؟؟

وش هي الفايدة اللي تحصلت عليها ؟؟؟؟؟؟؟

الفراغ في الفراغ والإثم في الإثم

الآن :

البنت هذي كي قاتلك (نحبك) ياهل ترى رايح تجري تتزوج بيها ؟؟؟؟؟

وهذي كي تحبك تقبل انت ( تحب) أو (تتزوج) من فتاة مديتها لواحد ثاني

وكي درت معاها الصداقة وهي من عايلتك تروج ترميها لصاحبك يلعب بيها ؟؟؟؟؟؟؟

هذي كي تكون إنسانة رخيصة وماتسواش كنت دير لقدر برك لنفسك ولعايلتك

هذي اللي قريبة ليك رميتها لصحابك

لو تكون إنسانة ثانية بعيدة وش دير فيها ؟؟؟؟؟؟

24 سنة ماراكش صغير !!!!!!!!!!!!!!

راك راجل

وش مازال هذ التصرفات اللي راك دير فيها؟؟؟؟؟؟

وين راه الدين ، والأخلاق والرجولة في الحكاية اللي راك تكتب فيها

هذي أعراض ناس ،

غدوة تتزوج ويكون عندك لبنات رح تتفكر هذا الشيء

وذنوبك تعاود تخرج من جديد

الرسول صلى الله عليه وسلم قال :" إعمل ماشئت فإنك كما تدين تدان"

يعني دير وش حبيت (خير أو شر) كيما دير كيما يندار فيك

بنفس الطريقة بنتك أو أختك يديرولها نفس السيناريو لو كان ماتوبش إلى الله وترجع

هذ البنت اقطع علاقتك بيها نهائيا

هي وغيرها

إذا عندك لاستعداد روح تزوج

أما هذ اللعب بالأعراض نعطيك نصيحة أخطيك منو مايجيب غير الشر والفقر وغضب الله

[lachiche]

أخطيك منها و منو قلهم بيناتكم الصوق هاذا يجيبلك المشاكل

[رندة.]

ربي يهديكم ان شاء الله انت ،وهي، وصديقك

[savita]

ربي يهديكم

[yako02]

و انت الطفلة كي عاجباتك علاش مديت فيسبوك تاعها ولا انت راك تاستي فيها و حكات مع صاحبك و معجبهاش رجعت ليك تقلك نحبك و جاي هنا فرحان بروحك و تقول صيبولي حل المشكل انت درتو ربي يهديكنم لي ناوي حلال يروح لباب الدار عطيت مجال لصاحبك يحكي معاها و انت حابها تعرف هذي واش يسموها..........؟؟؟؟
و الان زعما كي تقبل بيها واش راح يكون موقف تاعك مع صاحبك فكرفيها و دير روحك في بلاصتو
الله يهدينا و يهديك خويا