الحل الجذري مع الأطفال و المراهقين الذين لا يسمعون الكلام ..... مع زٌخْرُفَةٌٌ

[zokhrofa]

السلام خواتاتي

طفل يحب كلمة لا


طبعا الكثير من الامهات عندهم مشكل انو ولادها ما يسمعولهاش هدرتها و ما يديروش و اش تطلب

غير اذا عيّطت ..... عاودت ألف مرة .... ربما حتى تضرب في بعض المرات

اليوم جبتلكم تحدي جديد و هااااااااايل راح ماشي يكون شيء اكاديمي

و انما راح يكون جد ممتع و راح يعاونك انو وليدك الصغير او وليدك الكبير يسمع الهدرة

و كلمتك تولي مسموعة بطريقة مختلفة عن الماضي

راح يولي كاين احترام متبادل بينك و بين ولادك

راح كي يخلاص النهار ما تقوليش اووووووووووف مزيا رقدو باش نريّح

خاطش يومك راح يكون فيه اقل ضغوطات من الايام السابقة

تقدري تلحقي انك تتوحشيهم و هوما راقدين ماشي تتمناي الليل يزيد يطوّل

هيا ورولي شكون راهي محتاجة هذه الطريقة بكل صراحة ؟

[zokhrofa]

هيا نشوفو الطريقة الصحيحة لجعل الطفل صغير او مراهق

مطيع و متعاون

طبعا الطاعة هي انو الواحد يدير حاجة مكانش حاب يديرها

او ما يديرش حاجة كان حاب يديرها

طاعة لشخص كبير عليه

يعني شخص عندو رصيد كبير عندنا من الثقة اتجاههم

يعني طبيعي شخص لا يطيع شخص ما عندوش ثقة فيه

لأنه يا امّا لم يكسب ثقة الطفل بعد يا امّا كسبها و ضيّعها لسبب ما

كأن يكذب عليه او يعده بشيء ولا يلبيه له مثلا

او نطيع شخص يخلصنا من موقف صعب لا نستطيع الخروج منه

يعني الطفل يستطيع الاطاعة عندما يكون في مأزق مثلا

و طبعا مرّات لا يلجأ للآباء

لذلك الطاعة عند الطفل تستطيع ان تكون للوالدين او لشخص غريب بكل سهولة

أمّا التعاون فهو ليس كالطاعة ابدا

لأنّ التعاون هو اخذ و عطاء يعني شخص يتفق مع شخص على عمل شيء ما و يكون الشخص موافق على فعله

طبعا يقبل الاسلوب و الوقت و وووو بالتفاهم و الحوار في ذلك

و في الاخير يقوم به بناءاََ على ما أٌتٌفِقْ عليه

و هنا يكمن مشكلة الأمّهات

كيف ؟

الأم دائما تطلب من اولادها الانصياع

يعني الرضوخ لأوامرها مهما كان الطفل رافض

مهما كان غير راغب بذلك

مهما كان الطفل منزعج من ذلك

هنا تصبح الطاعة .. طاعة عمياء

لذلك لازم تعرفي أنو طفل راح تكون حياته احسن بكثيييييير لو كان متعاون و ليس منصاع

هناك طرق كثيرة تجعل طفل متعاون معاك

مثلا الأطفال من 5 سنوات فما تحت يحبو أسلوب الأسئلة

يعني كان تشوفي الألعاب في لرض

تقوليلو هاذو الالعاب وين بلاصتهم ؟

راح يقولك في علبة الألعاب

قوليلو براااااااااافو شحال شاطر وليدي

ياااااااااا انا راني حايرة كيفاش عرفت بلي بلاصتهم تم ؟

خير من كي تدخلي وتلقاي الألعاب في الارض تبداي تعيطي و تقوليلو حطهم في علبة الألعاب sinon راني ندير و نعمل و نصنع ووووو

مثال آخر :

اذا كان وليدك يتفرج التلفزيون و انتي حاباتو ينوض روحي ليه و قوليلو بقاو 5 دقايق على نهاية وقت التلفاز

تحب نفكرك كي يخلاصو ولا انت تعرف وحدك وقتاش يخلاص يا شاطر

طبعا انتي تكوني وريتيلو في ساعة الحائط ولا في ساعة يدو وقتاش يخلاص الوقت

و يكون يعرف واش معناها 5 دقايق

الامور مرتبطة مع بعضاها

اذا حبيتي الأمر يجوز بسهولة أكبر

قوليلو كي يخلاصو 5د و طفي التلفاز تجي نوجدو كيف كيف الطابلة واش تحب تحط هذه المرة الطباسة ولا الخبز ؟

راح تفكيرو يروح للاجابة على سؤالك و يثبت معلومة أنو التلفاز راح يطفى راح يطفى ضرك لازم نخمم في واش ندير

يتبع

[&ام ايوب&]

متابعة للموضوع بارك الله فيك

[zokhrofa]

شكرا ام ايوب

[nouabdou]

بارك الله فيك

[zokhrofa]

شكرا أختي لمرورك العطر

[فاصلة]

السلام عليكم عوديتنا أن ننتظر منك الجديد والمفيد.
صراحة أنا ابني أوصلني الى مرحلة حرجة . صرت أستعين بوالده دائما ليلبي الطلبات. وصرت أغتاظ عندما أراه يلبي طلبات الغرباء وانا لا. فغيرت أسلوبي معه وأدخلت الحوار بيننا. أما الوعود فأنا دائما ألبيها وأفي بها.

[zokhrofa]

و الآن ؟ ماذا يحصل بينكما ؟ هل تغيّر ؟ هل اصبح يلبّي لكي الأوامر ؟

[فاصلة]

نعم في البداية تحدثت إليه. مطولا.
واكتشفت مؤخرا أنه يرد أن يحصل على أكبر قدر من الرعاية والدلال. فقد صار يتمارض أي يلعبها مريض. هاذي رجلو توجع فيه هاذي كرشو هذا راصو. أهدرت معاها في جلسة مطولة واحكيتلو على أطفال محرومين . المهم أنا انخلعت فيه على الكذب لي اتعلمو. أعطيت كل الاهتمام وبديت دائما نهدر والحمد لله راهو يتبدل. أحيانا بلا ما نهدر يروح يغسل ويغسل أسنانو ويبدل قشو. وأحيانا نفكرو. الحمد لله. وكاين حاجة الجانب الديني فاني عند دوره في التربيه الصحيحه

[zokhrofa]

صحيتي برافو عليك و الله قلتي الكلمة الصح

الجانت الديني ينقص عليك بزاااااااااف الخدمة خاصة كي تحكيلو قصص و عبر يتعلم منها الشجاعة و عدم الكذب و الصبر ووووو


في الحقيقة الطفل كي يزيد يولي في عمرو 4 اشهر يولي يكذب ههههه ما تنخلعيش فقط باش يدي الاهتمام

لكن دائما الام تفهم وليدها انو هذه الطريقة بالعكس ماما راح تولي ما تحبكش

و انو كي تقول الحقيقة تولي تحبك و تعطيك واش تحب

للأسف كاين امهات كي يسألو وليدهم مثلا انت ديت الحبة تاع القاطو لي كانت في الثلاجة يقوللها لا

مع الاصرار و تكلخلو و تحنحن عليه كي يقوللها نعم انا تشعل فيه بكف

طبعا الطفل انساي يزيد يقولك الحق

لكن لو كي يعترف تقوليلو انا كنت حابة لوكان جيت و قتلي ماما حاب ناكلها انا نعطيهالك او نقولك اوكي كول

احسن من راك كليتها باسرقة وكلاها معاك الشيطان و انت بقيت جيعان صح ؟ راك حاب تزيد وحدة ؟

يقولك ايه قولو شفت خاطش كان قتلي ماما حاب ناكل تولي حلال عليك و كي تاكلها تشبع و حتى وتحب تزيد انا نزيدك

لكن الآن انت جيعان خاطش كليت حاجة حرام و الشيطان دالك منها و على هذا مراحش يكون عندك الحق لحبة أخرى

يعني بأسلوب جد هادئ راح يعرف الحق من الواجب

[أريج13]

جزاك الله خيرا زخرفة ...سرعة الانفعال و الرد و عدم التريث يوقعنا في اخطاء فادحة و مشاكل مع اطفالنا نحن في غنى عنها
اعجبتني كثيرا طريقة طرحك للموضوع ...بارك الله فيك على الافكار التي دونتها...و جعل هذا العمل في ميزان حسناتك....

[zokhrofa]

اهلا أختي والله عندك الحق في واش قلتي

سرعة الانفعال وااااااااااااا كم هي مشكلة كبيرة

في الحقيقة ماشي غير مع الصغار تعوّدنا ان نكون متسرعين في كل حاجة

في الحكم على الناس، في الرد قبل فهم السؤال، في الانفصال، في الزواج، مع الأطفال

تسرع في تسرع

لكن الحمد لله ربي جعل هذا شيء مكتسب وليس فطرة على الأقل عندنا الوقت نتدارك أنفسنا و نصحح أخطاءنا

[FATIHA131]

اشكرك اختي
بارك الله فيك

[zokhrofa]

شكرا أختي على مرورك العطر

[ام جعفر وباسم الحبيب]

موضوع مهم....انا كنت عاقلة وناس ملاح...بالصح ولادي ردوني قبيحة....اصرخ كثييييرا....جننوني...هاذ الاسبوع راني مع ابني الاكبر عندو عامين راني نعلم فيه كيف يتخلص من الحفاضات....الحقيقة عفرتني ..اتمنى لك لك كل الخير اختي زخرفة واتمنى التوفيق لباقي الاخوات الله يعينهم...

[نبع العلوم]

انا ابني عمره 9 سنوات وابيه طول اليوم غائب ولديه 2 اخت واخ ولكنه يتدلل كثيرا ولا يسمع الكلام كما قالت الأخت يشتري للجيران وانا لا ودائما في غضب
مع اخوته يغير منعما ويحس اني افضل اخوته عليه ويرد الكلام عليا وانا دئما في شجار معه جربت معه كل الطرق احيانا اقرا اساليب التربية من اجله ولكني افشل تعلم لغة العقاب بالضرب فقط وانا اكره هذه الطريقة بيني وبين نفسي ولكنها اجدها الطريقة الوحيدة لتطاوله عليا لا ادري ما ذا افعل .

[zokhrofa]

موضوع مهم....انا كنت عاقلة وناس ملاح...بالصح ولادي ردوني قبيحة....اصرخ كثييييرا....جننوني...هاذ الاسبوع راني مع ابني الاكبر عندو عامين راني نعلم فيه كيف يتخلص من الحفاضات....الحقيقة عفرتني ..اتمنى لك لك كل الخير اختي زخرفة واتمنى التوفيق لباقي الاخوات الله يعينهم...

السلام اختي ام جعفر بالنسبة للحفاضات في سن 3 سنين وحدو يحبسهم و يلحق للقناعة انو كبير ووووو

لذلك خليه في الوقت الراهن فقط قوليلو شوف خوك ما يديرش كذا ووووو

مع الوقت راح يحشم و يولي وحدو يشد

خاطش كاين أطفال الجهاز البولي ديالو يكون مزال ما لحقش للنضج التام يبقى مرات لا يتحكم فيها

نهار يولي يقولك ماما حاب ندير pipi حاشاك و يكون شادها تم تنحيلو ليكوش

[zokhrofa]

انا ابني عمره 9 سنوات وابيه طول اليوم غائب ولديه 2 اخت واخ ولكنه يتدلل كثيرا ولا يسمع الكلام كما قالت الأخت يشتري للجيران وانا لا ودائما في غضب
مع اخوته يغير منعما ويحس اني افضل اخوته عليه ويرد الكلام عليا وانا دئما في شجار معه جربت معه كل الطرق احيانا اقرا اساليب التربية من اجله ولكني افشل تعلم لغة العقاب بالضرب فقط وانا اكره هذه الطريقة بيني وبين نفسي ولكنها اجدها الطريقة الوحيدة لتطاوله عليا لا ادري ما ذا افعل .

السلام أختي اهلا بيك

شوفي اوّل حاجة تقدري تبداي بيها هي أسلوب الحوار عندما تقولي امر ما

يعني روح اشريلي ما يروحش ... زيدي المرة 2 اشريلي ما يروحش ... خلاص الكلام الآن المرور الى المرحلة الثانية و هي العقاب

كيف ؟

بالتجاهل

ما تتكلميش معاه و ما تعطيهش ياكل و ما تخليهش يروح يقرا ووووو كل حاجة لا

ما تخافيش ما راحش يموت بالجوع و المعلم قوليلو ما بعثتوش خاطش ماراهش يسمعلي الكلام و لازم تقوليهالو اوكي ؟

و اذا جا يتكلم معاك قوليلو كي تكون جاهز للاعتذار و تغيير طريقة تعاملك معايا انا جاهزة للكلام غير هذا لا تتكلم معي

وبس

ما تزيديلو حتى كلمة موراها حتى و يضرب عام و هو يهدر

مادام مزال ما اعتذرش ابقاي صامتة

كي يجي يتكلم معاك و يعتذر روحي معاه في غرفة وحدكم و اغلقي الباب و اسمعيه واش حاب يقول دون ان تجاوبيه

كي يكمل قوليلو حسنا راح نشوف اذا نسامحك بعد ما نشوف اذا تغيّرت صح

هكذا يعرف انو اتخاذ القرار دايما معاك ياخذ وقت تفكير ماشي ماما اسمحيلي تقوليلو سماح و خلاصت الحكاية

جربي هذه الطريقة و عودي لنا ان شاء الله تكون ناجحة

عكس هذا نلقاو حل آخر ان شاء الله

[zokhrofa]

التعامل مع المراهق

دايما المراهق التعامل معاه يكون عن طريق ابرام اتفاق

و طبعا الاتفاق ماشي كيما نعرفوه عند معضم الآباء و كااااااااااامل مرّيتو بهذه المرحلة مع امكم او ابوكم

تقولك شوفي احنا نديرو كذا و كذا و كذا .... متافقين ؟

هذا ماشي اتفاق .... هذا بلاغ وزاري ههههه و كي يسمعو تستناي منو يُقِرْ لي قلتيه

الاتفاق الحقيقي :

هو انك تقعدي مع وليدك المراهق لي عمرو من 10 او 11 سنة الى فما فوق

اقعدي و اشرحيلو المشكلة لي عندك معاه في موضوع ما

انا محتاجة كذا

انا شايفة انو انت محتاج تدير كذا و كذا و كذا

و من بعد تسأليه انت واش رايك ؟

هو يقول رايو و انتي تقولي رايك

و من بعد ديرو اقتراحات

أسئليه مثلا صحا انت واش تقترح لهذي المشكلة ؟

اسمعيه و شوفي الاقتراح لي انتي موافقة عليه و هو تان موافق عليه

خاطش غالبا تكون الاقتراحات من حاجات انتي قلتيها و هو ماشي موافق عليها

او هو قالها و انتي ماشي موافقة عليهم

اقعدي غربلي معاه الاقتراحات حتى تلقاي يا لوكان اقتراح واحد انتوما الاثنين موافقين عليه

الآن جربي الاقتراح لفترة و من بعد شوفي واش حا يصرى بعد هذا

و طبعا لو وليدك ما التزمش بالاتفاق هذا عاودي اهدري معاه

الطريقة الثانية لي تقدر تفيدك مع وليدك هي

طريقة الاشارات

مثلا تدخلي لغرفة وليدك و تلقاي حوايجو في الأرض شاوريلو عليهم بدون ما تقولي ولا كلمة

تلقايه نسى روحو قدام التلفاز شاوريلو بيدك على الساعة اليد بدون ما تتكلمي

لقيتي الصوت عالي شاوريلو براسك عن أنو الصوت مزعج و ما تقولي حتى كلمة

يعني الخلاصة أنو الطفل او المراهق مرات يتجاوب مع الأم كي يكونو الكلمات قلال جدا في الكلام

يعني درّبي روحك كيفاش تقولي الحاجات في جمل جد قصيرة لا تتعدى 10 كلمات

و تقدري حتى تستعملي اسلوب الكلمة الواحدة

مثلا تدخلي الصالون تلقاي المخدة في الأرض قوليلو المخدة و اخرجي

وقت الرقاد و تسكتي

المذاكرة و تسكتي

الحمام و تسكتي

سنانك و تسكتي

كلمة وحدة

الطريقة الثالثة لي تنفع مع المراهقين و حتى مع الأقل سن هي

طريقة المشاركة

مثلا انتي اتفقتي مع الطفل انو يرتب الغرفة

لكن الغرفة مخروبة بزاف

تدخلي الغرفة و تقوليلو شوف نقسمو الغرفة على 2

و نشوفو شكون فينا لي يكمل الأول

من بعد رجعيها متعة

يعني اذا انتي كملتي في 5 دقايق و هو في 6 دقايق

قوليلو المرة الجاية لازم نحطمو الرقم القياسي تاعنا

يعني انا لازم ندير اقل من 5 دقايق و انت تدير اقل من 6 دقايق

تقدري مثلا ما تقسميش الغرفة الى اثنان تديرو فقط سباق مع الوقت

و تشوفو شحال وقت درتوه كي كملتو التخمال

يعني هدفك واش هو في الأخير ؟

هو أنو الطفل يعرف كيفاش يخمّل الغرفة

و يعرف انو الأمر يخلاص بسرعة و تقدر ما تديش أكثر من 5 دقايق برك هو لي كان يتماطل

بهذي الطريقة الطفل تاعك يحس انو كاين حاجة مشتركة بيناتكم

و أنكم فريق واحد من غير ما يحس أنو انتي في ناحية و هو في ناحية أخرى

انتي تأمري و هو يقول لا

فتكون و تبقى الأمور بيناتكم دايما في صراع و اصرار على القوة

من فينا رأيه يجوز في الأخير

الطريقة الرابعة للتفاهم مع الأطفالك هي

طريقة المرح

مثلا دخلتي غرفة بناتك و لقيتي الملابس في الأرض

في عوض ما تقوليلهم هاذي غرفة هاذي

الملابس هنا بلاصتها ؟ ماشي بلاصتها الخزانة ؟

قوليها بطريقة أخرى

مثلا : واضح راكم دايرين عرض الأزياء اليوم على السرير ديالكم

او مثلا دخلتي غرفة الذكور و لقيتي كل الالعاب في الأرض و الدنيا مخروبة

قوليلهم ياااااا باين اليوم جاز كاش مارد من هنا زربعلكم كلش وخلاكم حاصلين و أضحكي

و راح يضحكو معاك ولادك و يبداو يتعاونو معاك و يطمو اللعب معاك

اذا خلاصة القول في التعامل مع الأطفال هي

انو في عوض ما يكون هدفنا هو أنو ولادنا يخضعو لأوامرنا بدون نقاش

نخلوهم ينفذو الأمور بالتعاون معانا

ماشي أنا نأمر و هو ينفذ و نبقى نتفرج

و كاين الكثييييييير من الأمهات يستعملو الكلمات الجارحة و البذيئة

و حتى الضرب

في عوض ما يضحكو مع اولادهم و يخيرو الوقت المناسب لطلب الأمر من الطفل و التعاون معاه على تنفيذه

و بهذا تكون المقاومة أقل و التعاون أكثر و أنت في راحة أكبر

[goudjil14]

متابعة للموضوع بارك الله فيك

[zokhrofa]

اهلا أختي مرحبا بيك معانا

[Ilinà Pàtchikà]

شكرااااااااا جزيلا لك

[om nour elyagine]

شكرا على المجهود اخت زخرفةوالله انت راءعة داءما تتحفيننا بالجديد انا مشكلتي مع ابنتي اننا نعيش في بيت العاءلة وداءما تاتي بالجديد اي تقلد ابناء الاعمام في تصرفاتهم وتفضل العب معهم بدل البقاء معي والله انا اعاني لانه لا مفر من لقاءهم اليومي واذا اغلقت عليها الغرفة تبدا بالصراخ وبالعنف احبسها وقت القيلولة

[zokhrofa]

شكرا على المجهود اخت زخرفةوالله انت راءعة داءما تتحفيننا بالجديد انا مشكلتي مع ابنتي اننا نعيش في بيت العاءلة وداءما تاتي بالجديد اي تقلد ابناء الاعمام في تصرفاتهم وتفضل العب معهم بدل البقاء معي والله انا اعاني لانه لا مفر من لقاءهم اليومي واذا اغلقت عليها الغرفة تبدا بالصراخ وبالعنف احبسها وقت القيلولة

اهلا أختي انتي الرائعة



الطفل يجب ان يلعب مع الصغار حتى يولي 7 سنين باش يولي عندو وقت التعلّم و وقت اللعب

شحال في عمرها بنتك

و واش راكي حابتها تدير معاك بالضبط لوكان تقعد معاك

يعني معليش تقوليلي واش هي النشاطات لي تقتارحيها عليها ؟

[ام الاحباب]

ربي يجازيك كل خير ...اختي زخرفة

[ام الاحباب]

ابنتي ذات 12 عام .كانت شاطرة بزاف ..يعني ترتب غرفتها بسرعة فائقة ...تغسل الاواني بسرعة واتقان...وقت الصلاة ما نذكرهاش ....لكن فجاة اصبحت تتماطل في كل شيئ ...واذا ذكرتها تتنرفز وتقول لي عييت حتى لو تنجز اي عمل ...تلعب كثيرا...لا تقبل النصح ولا الكلام ...هي تنجز الواجبات وفي وقت الفراغ تلعب او في التلفزيون لا تترك لي اي فرصة للكلام معها...انصحيني كيف اتعامل معها

[zokhrofa]

اهلا اختي اهلا بيك قبل كل شيء

قوليلي هل صرات حاجة بيناتكم؟

هل صرات حاجة في عاءلتك مشكل؟

هل حضرت نقاش حاد بينك و بين زوجك؟

هل رحلتو ؟

هل فقدت صديقة ؟

هل بدلت استاذة؟

هل رحل احد من العاءلة اي توفي؟

[ام الاحباب]

لا لم يحدث اي شيئ مما قلت ...كنت جدية شيئا ما في الدراسة في الابتدائي لانها كانت لا تحب ان تدرس ..والان الحمد لله في جانب الدراسة اما الجوانب الاخري فهي كسوووووووولة ولا تقبل النصح ولا الكلام

[zokhrofa]

حسنا اذا مازال مالقيتيش الشيء لي يجذبها

شوفي هل جربتي تعطيها تهتم بيك

مثلا بالجمعة كي مايكون عندك والو اجبدي ماكياجك كاااامل و اجبدي طلاء الاظافر و قوليلها اليوم انتي حلاقتي

طبعا و هي تمشطلك و تماكييلك حدثيها على امور لم يسبق ان سمعتها

مثلا شكون اول من دارت مكياج وووو

بعد حديث طويل حاولي تفتحي المجال باش تفهميها انو انتي راكي تماكيي لباباها و انها هي بدورها نهار تتزوج تولي كيما انتي

ضروري جدا تقوليلها هذا الكلام باش تعرف انو قبل الزواج المراة ممنوع تتزين غير في بيت باباها و ليس برا و قوليلها انو الناس لي راهي تديرها يا اما متزوجة يا اما راهي تدير في حاجة تغضب ربي

هل اعجبتك الفكرة ؟

مع الوقت البنت تحس انها قريبة ليك و مرة على مرة اجبدي نشاطات تديريهم كيف كيف مثلا عرض الازياء تعطيها لبسة ديالك تلبسها

بعد ما تشكلي معاها علاقة وطيدة
عودي ديريلها نشاطات هادفة مثلا واش رايك انتي ديري الكايك اليوم انا نوريلك و انتي ديريه

اوقفي معاها برك و خليها كيما خرجاتو تخرجو المهم تعرف انها راكي واثقة منها

مهم جدا الاطفال يعرفو درجة ثقة الاولياء فيهم

[ام الاحباب]

شكرا اختي على اهتمامك ...حاولت ان نعمل معاها الكيك لكنها رفضت ...تقول لي ضرك انجي واتروح اما للتلفزيون -مسلسلات ...هذا اقلقني كثيرا- او اللعب مع الصديفات كانها تتهرب

[zokhrofa]

شوفي ما كنتش حابة ندخلك في هذا الموضوع لكن في الاخير طحت فيه

قوليلي واش من نوع تاع مسلسلات راهي تشوف ؟

[om nour elyagine]

السلام عليكم النشاطات التي اقدمها لابنتي تحفيظ القراان اللعب بالطابلات الرسوم المتحركة فقط

[ام الاحباب]

شوفي ما كنتش حابة ندخلك في هذا الموضوع لكن في الاخير طحت فيه

قوليلي واش من نوع تاع مسلسلات راهي تشوف ؟

تحب التلفزيون -*الرسوم المتحركة و كل انواع المسلسلات جزائرية -العربية و الامازيغية- التركية الهندية ...لككككككككن انا ما مخليهاش تشوف التركية والهندية الا نادرا.....يعني ما تبعش كامل الحلقات ....هي الصلاماعنهاش الوفت .....لانها تدرس ... ومستواها ممتاز ...لكن في وقت فراغها تفضل تقضيه في مشاهدة التلفاز او اللعب مع صديفاتها فالحومة ...ما حبتش تكبر على اللعب فالحومة
المهم ما تفعدش معايا ولا تحكي معايا عكس اختها الاكبر منا 14 سنة اللي تحكي معايا في كل شيئ

[zokhrofa]

السلام عليكم النشاطات التي اقدمها لابنتي تحفيظ القراان اللعب بالطابلات الرسوم المتحركة فقط

السلام عليكم و رحمة الله تعالى وبركاته

واااااااع الطبلات و التلفاز فقط ؟

اختي قريتي موضوعي على التلفاز و الشاشات عامة؟

و هل قريتي موضوعي نشاطات للاطفال؟

راني حاطة بزاااااف

[zokhrofa]

تحب التلفزيون -*الرسوم المتحركة و كل انواع المسلسلات جزائرية -العربية و الامازيغية- التركية الهندية ...لككككككككن انا ما مخليهاش تشوف التركية والهندية الا نادرا.....يعني ما تبعش كامل الحلقات ....هي الصلاماعنهاش الوفت .....لانها تدرس ... ومستواها ممتاز ...لكن في وقت فراغها تفضل تقضيه في مشاهدة التلفاز او اللعب مع صديفاتها فالحومة ...ما حبتش تكبر على اللعب فالحومة
المهم ما تفعدش معايا ولا تحكي معايا عكس اختها الاكبر منا 14 سنة اللي تحكي معايا في كل شيئ

السلام اختي ام الاحباب

انا شخصيا كان في عمري ستتة عشر سنة كي كنت نخرج نلعب فالحومة

اختي الطفل من عامين الى سبعة عشر عام حقه الشرعي اللعب

لكن التلفاز اسفة ممنوع المسلسلات بكل انواعها

خاطش راهم يفطنو في الاطفال غراءز مازال الوقت عليهم المفروض المسلسلات بعد سن المراهقة اي بعد ثمانية عشر سنة

خليها تلعب مع صحاباتها خاصة اذا ماهمش رفقاء سوء

انتي حاولي تحبسي الضغط عليها نهائيا ماتزيدي تطلبي منها حتى حاجة يعني انها تحكيلك او او او

و جربي اسلوب طنشيها كيما طنشك يعني كي هي تطلب منك حاجة ما تلبيهالهاش نهار تطرطق تقولك علاش قوليلها الانسان كيما يعامل الناس راح يلقى نفس المعاملة

[ام الاحباب]

السلام اختي ام الاحباب

انا شخصيا كان في عمري ستتة عشر سنة كي كنت نخرج نلعب فالحومة

اختي الطفل من عامين الى سبعة عشر عام حقه الشرعي اللعب

لكن التلفاز اسفة ممنوع المسلسلات بكل انواعها

خاطش راهم يفطنو في الاطفال غراءز مازال الوقت عليهم المفروض المسلسلات بعد سن المراهقة اي بعد ثمانية عشر سنة

خليها تلعب مع صحاباتها خاصة اذا ماهمش رفقاء سوء

انتي حاولي تحبسي الضغط عليها نهائيا ماتزيدي تطلبي منها حتى حاجة يعني انها تحكيلك او او او

و جربي اسلوب طنشيها كيما طنشك يعني كي هي تطلب منك حاجة ما تلبيهالهاش نهار تطرطق تقولك علاش قوليلها الانسان كيما يعامل الناس راح يلقى نفس المعاملة
والسلسلات كيفاش نمنعها ...كل ما نقول لها ماتشوفيش ...تبكي وتقولي راكي تمنعي كل شيئ صحاباتي كامل يشوفو ...والله حرت كيفلش نعمل معاها كل ما ننتقدها في شيئ تخسسني اني راني نضغط عليها

[zokhrofa]

والسلسلات كيفاش نمنعها ...كل ما نقول لها ماتشوفيش ...تبكي وتقولي راكي تمنعي كل شيئ صحاباتي كامل يشوفو ...والله حرت كيفلش نعمل معاها كل ما ننتقدها في شيئ تخسسني اني راني نضغط عليها

اوكييييييييييي راهي حلت عليك باب هايل

قوليلها بما أنو صحاباتك تان يشوفو ممنوع تزيدي تشوفي صحاباتك هاذو لي راهم يشوفو المسلسلات

و شوفيها واش تقولك

بعد ما تقوليها خليها مع نفسها تخمم

و ولي ليها بعد ما تهدأ و تسكت و احكي معاها بكل هدوء

يا بنتي انا ما نيش ضد المسلسلات انا ضدهم الآن فقط نهار تولي في عمرك 18 اتفرجي واش تحبي طبعا في اطار المعقول

لكن الان تصرفي مثلما تتصرف طفلة عندها 12 سنة

يعني العبي .... ارسمي ... طالعي .... اخرجي برا العبي مع صحاباتك

انا اقترح عليك تخليها تعرض صحاباتها مرة على مرة ديرلهم هي الكيك

قوليلها واش رايك يوم السبت القادم تعرضي صحاباتك بصح انتي لي تخدمي القاطو و يشوفوك واش تعرفي ديري

[ام الاحباب]

شكرا اختي زخرفة على اهتمامك ...المشكل انو كل اصحابتها تاع الحومة وتاع المدرسة حكاياتهم كلهاعلى مسلسل معين وهذا هو اللي خلاها تطلب مني اني نخليها تشوف ...وانا رفضت في البداية لكن ...بما انني عاملة ...يعني غائبة عن المنزل طول النهار فضلت اني نسمح لها تشوف شوي خير من انها تشوف كل شيئ ورائي خاصة في ايام العطلة..لكنني سقطت في مشكل اخرهو انها ارتبطت كثيرا بالتلفزيون ....ولا اعرف اذا كان هذا هو سبب قلة كلامها معي ...سامحيني اختي كسرت لك راسك ....جعلها الله في ميزان حسناتك

[zokhrofa]

طبعا أختي هو السبب الرئيسي

ما نعرف اذا شفتي موضوعي على التلفاز أم لا

لكن صدقيني كل ما هو شاشات يجعل الانسان سواء كان كبير او صغير غير قابل للحوار

انا تاخذي رايي اتخذي اجراءات جد صارمة معاها

حتى ولو استلزم عليك تدي عطلة معاها و تحبسيلها التلفاز و توريلها انو الدنيا ماشي تلفاز

هذا الامر ديريه كي يكونو في عطلة الصيف

ادي معاهم عطلة و امنعيها من صديقاتها لي يتحدثو على التلفاز

و امنعيها من كل الشاشات

هذا راح يكون بالنسبة ليها ديتوكس

لكن طبعا عوضيها في المقابل بخرجات تحواس كل 2 يوم خرجيها

باش تشوف العالم الخارجي و تتعرف عليه

اديها لمتاحف

اديها لحدائق

الخرجة لا تعني زيارة الاقارب ارجوك ماشي من الدار للدار

خرجيهم للبحر اذا قريب ليك اذا ماشي قريب ليك اديهم للغابة و ديرو اكل على الهواء

و حاولي تكون ممنوعة الهواتف

[ام الاحباب]

ربي يخليك ويحفظك ويرزقك الجنة

[zokhrofa]

امين اختي إن شاء الله ربي يكون معاك

[دكتورة حبيبة]

كيما العادة شكرا على الموضوع ختي وليدي في عمرو عام بديت نحس بلي يفهم هدرة تاعي كي نحب نفهمو كاش حاجة بصح حاب نعرف إذا نقدر نعاقبو في هذا العمر

[zokhrofa]

اهلا أختي مرحبا بيك و شكرا على الاطراء من دواعي سروري ان تمرّي من هنا و أن استطيع مساعدتك

اختي لا مزال بزاااااف صغير على العقاب

العقاب يبدأ من عمر 2 سنة

و احرصي على ان لا يكون بالضرب

انا شخصيا اعتمدت الضرب الخفييييييف جدا على اليد لكن مع الوقت لاحظت اني راني نعلّم في ولادي الضرب خاطش ولاو كي يزعفو يضربو

من هذاك اليوم اعتمدت فقط كلمة شوووووووووووووووت و نطرطق عينيا مليح هههههه فقط و اذا شفتها ما نحاتش يدها من واش راهي ترفد او تخلط نرفدها و نبعدها على هذاك المكان

حسيت حتى انا ارتحت نفسيا خاطش والله على ما اقول شهيد كنت كي نضربهم في يدهم مع انو خفيف في الليل نبات نبكي

ربي يسامحني و يسامح كل ام ضربت ابنها او بنتها

علابالك شفت مرة فيديو في اليوتيوب عنوانه : ضرب الأبناء مع د. طارق الحبيب

انصحك تشوفيه في اقرب فرصة راح تترسخ عندك فكرة هايلة

لي ما عندهاش يوتيوب نقوللكم بكل اختصار الدكتور يقول الانسان الذي يعتمد اسلوب الضرب لشرح رفضه لموقف هو انسان غير راقي

كلمة غير راقي راح تخليك طول عمرك متأكدة انو ليس بالضرب يتربى ابناؤنا

جربوها و راح تشوفو

اذا اختي في الأخير وليدك عليميه حتى السن 10 و اشرحي له

خوذي كل الوقت مع انو مراحش يفهم تم تم لكن جربي مرة 2 3 حتى يفهم في الاخير هو مازادش معلم

[دكتورة حبيبة]

شكرا ختي وخيردليل في هذا الخصوص قول الرسول عليه الصلاة و السلام على تعليم الأبناء الصلاة في 7 و إضربوهم ل 10 و حنا ملي يزيدو ولادنا وحنا ناكلو فيهم مساكن هبلناهم و هوما صغار الله غالب ماماتنا مانو يضربونا كبرنا على مفاهيم غالطة فاتربية نشالله نتعاونو ونبدلوهم

[zokhrofa]

نعم و هذا هو هدفي في الحياة ان شاء الله كل مفاهيم الخاطئة نتخلصو منها و نبنو جيل جديد قوي الشخصية

طبعا قبل 10 سنين مهمة كل ام و اب هي تعليم الاطفال مرة و 2 و 3 حتى سن 10 اذا خرج الطفل عن الطوع تضربه ضربة صغيرة ماشي بالكرافاش هههه

[chekkat]

كل ماقدمته فى هدا الموضوع صحيح

[zokhrofa]

شكرا على مروركم الكريم