روطي الدجاج ( وصفة ماما الشهيرة )

[إلهام07]

البسملة1



مساء الخير طبايزاتي https://us.123rf.com/450wm/yayayoy/yayayoy1602/yayayoy160200012/52420163-homme-motic-ne-soufflant-un-baiser.jpg?ver=6

هبلتوني على هذي الوصفة منين نحطها مع صور طياباتي تطلبوها وكتبتهالكم 77 مرة في رسائل خاصة وفي ردود بصح واقيلا ماشفتوهاش قلت نكتبها باش نهني راسي والله كرهت من المعاودة نتاعها .

توبة هاني مانسيتكش وهاهي الوصفة بالاكي ماديريهاش ضرك ماعندك حتى سبة :cool:




المقادير :

قطع دجاج حسب أفراد الأسرة( ياخي الجاجا راهو رخيس .. أبروفيتيو :D )
بصلة مقطعة شرائح
بطاطا حسب أفراد الأسرة
2 حبات جزر ( الجزر هنا ضروري ويعطي بنة تهبل إذا ماعندكش طبطبي على جارتك وسلفي عليها زوج حبات :D:D )
شوية زيت للتقلية ، 3 فصوص ثوم مقطعين ، أوراق رند ، فلفل أسود ، ثوم بودرة ومعدنوس فقط ماتزيدو تخربطو في الوصفة والو من عندكم بنتها في بساطتها:cool: .


الطريقة :

1- نقشر البطاطا ونقطعها دوائر وماتقطعوهاش رقيقة باش ماتتفتش قطعوها متوسطة السمك ونقليها عادي .
ملاحظة : الجزر أيضا تقطعوه دوائر وتقليوه مع البطاطا يجي يهبل بصح ماترميوهش من الاول في المقلاة كي طيب البطاطا نص طياب باش تلوحو الجزر لاخاطر يتحرق بسرعة لأنه حلو .
ملاحظة أخرى: البطاطا والجزر حمروهم في القليان باش يجيكم الطبق بنين لازم يتحمرو ( ماقلتش يتحرقو أهااااااه :cool: ماتقولوليش من بعد قريناها يتحرقو نونونونو قلت يتحمرو :D)

2- في الوقت اللي تقلي فيه البطاطا تكوني فحلة في الكوكوط تحطي شوية زيت وقطع الدجاج على نار متوسطة ( أنا نستعمل دائما الكانون الصغير نحب الحاجة طيب براحتها باش جي بنينة )
نقلي الدجاج بدون أي إضافات باش مايتحرقوش التوابل .

3- كي تشوفوه الجاج بدى يتحمر نضيف شرائح البصل والثوم ونبقى كل شوية نحرك باش مايتحرقش .

4- كي يتحمرو نضيف الملح والثوم بودرة والفلفل الأسود فقط ماديرو حتى توابل أخرى مفهوم ؟

5- نضيف الآن ماء ساخن ومانكثرش بزاف قيس مانغطي الدجاج هذا الطبق مايجيش فيه صوص بزاف ونزيد أوراق الرند.
ملاحظة: إذا حسيتي الجاج عندك قليل بزاف تقدري تضيفي مكعب مرق دجاج عموما الوصفة بنينة وماتحتاجش إضافة مكعب ماجي بصح إذا عادت الحالة مشومرة ....:rolleyes:

6- نضيف أوراق الرند وسيقان نتاع معدنوس يكونو مربوطين باش نقدر ننزعهم فيما بعد ( اختياري إضافة السيقان ) نغلق الكوكوط ونحطها على نار قليلة طيب بعقلها .

7- كي يطيب نفتح الكوكوط وننزع سيقان المعدنوس ونضيف البطاطا والجزر المقليين طبعا يجيكم مستوى البطاطا قدقد مع الصوص مالازمش تنشف الصوص بزاف ( البطاطا كي تقليوها حطوها فوق ورق ماص باش مايجيش الطبق مزيت بزاف )

8- نغلق الكوكوط فقط 10د أو أقل على نار هادئة .

9- نطفي ونقدمها مع رشة بقدونس وراهو ضروري المعدنوس هنا ( إذا مالقيتيش عاودي طبطبي على جارتك خخخخ :D )


أحسن حاجة تتقدم مع روطي الدجاج هي السلطة الخضراء جي معاه روعة ( إذا ماعندكش ماكلاه تزيدي طبطبي على جارتك .. بزاف :D)
http://www.up.djelfa.info/uploads/149065260066712.jpg
http://www.up.djelfa.info/uploads/142726812843183.jpg

https://encrypted-tbn1.gstatic.com/images?q=tbn:ANd9GcSpuc99HXW2Yi-xnVZ63MSCowN-WMnaHpnq51JaOp7B41lrLwC9

صدقوني إذا جربتوها إن شاء الله رايحين تعتمدوا الوصفة لأنو كل من ذاقها عجباتو وطلب الوصفة وراهو تسمى الطبق على اسم ماما يقولولو "الروطي نتاع ......." هههههه لاه تحوسو تعرفو اسم ماما ؟.... بركاو تقرعيج :D

قبل ما نخليكم مع الصور حبيت نوصيك تبعثي صحن لجارتك آآآآآآآآآآآآآو الزرودية من عندها والمعدنوس وبلاك الجاج والبطاطا ثاني بزاف كثرتي ....باش تبقى تسلفلك مرة أخرى :D:D:D ..سياسة :cool:http://www.up.djelfa.info/uploads/149064238167322.jpg

http://www.up.djelfa.info/uploads/149064238169543.jpg
http://www.up.djelfa.info/uploads/149064251995711.jpg
http://www.up.djelfa.info/uploads/149064251997722.jpg
http://www.up.djelfa.info/uploads/149065061878141.jpg

http://www.up.djelfa.info/uploads/149064275883451.jpg

http://www.up.djelfa.info/uploads/14906427588592.jpg

http://www.up.djelfa.info/uploads/149064251999853.jpg


وهذا تطبيقي أنا للوصفة ( وااي أنا الأولى هههه)
نضحك برك ، طبعا تعلمتو من سنين لازم الميراث نتاع ماما واحد مانخليه يديه قبلي :cool:

هذي في عزيمة

http://www.up.djelfa.info/uploads/149065260064731.jpg


نسيت نقوللكم باللي ماما كي يطيب الجاج تنحيه من المرق وتقطرو مليح وتعاود تحمرو في المقلاة في شوية زيت أو زبدة


هيا تصبحو على خير ....https://s-media-cache-ak0.pinimg.com/736x/bf/71/97/bf71976f5619363da8ad20095c1b947a.jpg

[RIMA.87]

السلام عليكم
بارك الله فيك و في أمك و ربي يحفظك
و يحفظلك أمك و يجعل ما تقدمينه في ميزان حسناتك .

[ام هدول]

واالله يا الهام فكرتيني في ماما لعزيزة نفس الطريقة فقط مانقلوش الجزر ..وفي بعض الاحيان نكملوه في الفرن ..
سلميلي على ماماك وربي يحفضها خلاتلك صنعت ييدك لي هي الطياب ....كلو يشهي من تخت ييدك ..ربي يعطيك ولد لحلالال لي يتهلى فيك .....

[nihal159]

يا سلام على البنة؛ من شكله يشهي؛ يعطيك الصحة و ربي يحفظلك ماماك.
أكيد نجربها؛وصفاتك مضمونة نجرب و عينيا مغمضين؛ بارك الله فيك و ربي يعطيك ماتتمناي.

[nihal159]

يا سلام على البنة؛ من شكله يشهي؛ يعطيك الصحة و ربي يحفظلك ماماك.
أكيد نجربها؛وصفاتك مضمونة نجرب و عينيا مغمضين؛ بارك الله فيك و ربي يعطيك ماتتمناي.

[*توبــــة*]

امممممممممم واممممممممممم والف اممممممممممممممم
واخيييرا شفت وصفت ماماتك الغالية
ربي يخليهالكم يا لهلوووبة يا غالية ويعطيك ما تتمناي
ورايحة ندير بنصائحك غير نحمرهم ماتخافيش خخخخخخخخخخخخخ
مي اللي اطبق الوصفة ربي يعين جارتها عليها ههههههههه :d
ديكور السلطات راااااااائع ماشاء الله
شوفي اسم مامتك انا سميتها مامات اللهلوبة وهك نسمي الوصفة خخخخخخخخخ
وتطبيق اكثر من راااائع تسلم ايديك

مرسي بزااااااااااف الهاااموووووووو وربي يجعل كل نصيحة ووصفة من عندك
في ميزااان حسناتك يااااااااااااارب

[غفران 2]

اهلاوسهلا لهلوبةوالله توحشناك وتوحشنا اطباقك المميزة

نفس طريقة امي ربي يحفظها فقط زرودية ماتقليهاش
يعطيك الصحة ويسلم دوك اليدين

[حياة نور الدين]

اهلااا الهام الزينة يعطيك الصحة على الوصفة حقا روووووعة وتهبل ربي يطةل في عمر ماماك ويحفظهالكم يا رب ويفرحك انت حبيبتي باحلى ...........،،ههههههت

[شمس الملوك]

بارك الله فيك

[اسيل الباتول]

اممممممم تشهي اختي الهام يعطيك الصحة نتي وماماك وربي يطوللها في عمرها
حابة نسقسيك برك لون هذاك الجاج بعدما طفي عليه الكوكوت تعاودي تحمريه وحدوا في الفور ولا المقلة ولا هذاك لونو بعدما تقليه مليح في الكوكوت قبل مانزيدلوا البصل والتوابل؟؟؟؟؟؟

[انتي بلون الورد]

امممممممممممممممممممم باينة تهبل انا تان نديرها بهاد الطريقة منديرش الجزر برك .يعطيك الصحة علي للوصفة والصور لي تشهي

[crono]

يعطيك الصحة ربي يطول في عمر ماماك ويحفظهالكم يا رب

[الرجاء الاماني المجد]

روعة يعطيك الصحة اختي الهام ان شاء الله نجربها

[اميريم19]

يعطيك الصحة تشهي جربت الكثير من وصفاتك وكلها كانت رائعة وان شاء الله نجرب هذي ايضا وربي يحفظ امك وامهاتنا اجمعين

[melissat]

طبق شهي امممم ربي يحفظك و يخليلك الوالدة الكريمة

[&ام ايوب&]

الطبق يشهّي سلمت يداك وربي يحفظلك امك

[fleur de lili]

شكرا الهام علي كل المجهودات لي راكى تقدمى فيها
شهتينى ربي يحفظ الوالدة ويرزقك ما تتمناي
نتمنى مدزيدش طولي علينا

[ابني نور عيني]

يعطيك الصحة الهام والله كل وصفاتك مضمونة ولذييييذذة تسلمي وجاري التجريبب

[chouchouta26]

الله يحفظك و يسترك و يحفظلك ميمتك و يطول في عمرها

[حياتي كلها امل]

يعطيك الصحه اختي الهام انت والوالدة الكريمة وربي يطول في عمرها ويخليها تاج فوق راسك

[mamande3s]

http://forum.hawahome.com/nupload/368661_1311938326.gif

[loudjaine]

ربي يعطيك اجر السماوات و الارض ... ما تبخليناش بمزيد من الوصفات

[مريم ريمة]

شكرااا بارك الله فيك جات في وقتها

[belseme]

بارك الله فيك لهومة ربي يحفظلك ماماتك والله روعة معندي منقول ولعقوبة كي تزيدي تحطيلنا وصفات اخرى هههههه علبالي منحشمش هههه سامحينا الهام الله يحفظك رانا في انتظار كل وصفاتك الرائعة وبليز بليز متنسايلناش لي طارط تاع اعياد الملاد سيرتو تاع عيد ميلادك تقتل وقلتي حطيتيها مشتهاش راهي تحفة ربي يجازيك كل خير

[omjoujou]

السلام عليكم
حبيبتي الهام جبتلك تطبيقي وجيت خخخخخخ
والله الطبق جاااا روووووعة بشهادة زوجي واطفالي يعطيك الصحة نتي وماماتك وربي يطوللها في عمرها
ونتي ربي يرزقك الزوج الصالح لي يستاهلك
http://www.up.djelfa.info/uploads/149078844132321.jpg

[زهرة الريف*]

رووووعة ومنضرها يشهي ربي يبارك فيك وفي الوالدة الكريمة يعطيكم الصحة وعجبني بزاف حسك الفكاهي

[benszed]

بارك الله فيك

[إلهام07]

مشكورات أخواتي على الردود الطيبة :dj_17::dj_17:

نسيت نقوللكم باللي ماما تزيد تحمر الجاج في المقلاة بعد ماتقطرو مليح :o


السلام عليكم
حبيبتي الهام جبتلك تطبيقي وجيت خخخخخخ
والله الطبق جاااا روووووعة بشهادة زوجي واطفالي يعطيك الصحة نتي وماماتك وربي يطوللها في عمرها
ونتي ربي يرزقك الزوج الصالح لي يستاهلك
http://www.up.djelfa.info/uploads/149078844132321.jpg
تطبيق رائع من يديك أم جوجو يعطيك الصحة ومشكورة على الثقة وبصحتكم :mh31:

[ام رويدة]

مممممم روووووعة
تسلم يداك يا فنانة وربي يحفظلك الغالية

[فريال88]

يعطييك الصحة لهلوببببببة وانا ممن جرب هذا الطبق ومن اروووووووع اروع ما جربت ربي يحفظلك الوالدة ويفرحها بحجة قريبا ان شاء الله الف الف شكر لانك درتيه موضوع هكذا يسهل البحث شكرا في انتظار طاجين الشواء ههههه تاع خالتي ....... ربي يدول عمرها ويبارك فيها يارب

[ام لقمان02]

يخليلك مماك و يسلموا يديه

[سهام 74]

درته البارح للعشاء امممممممممممممممم جاء يهبل بنين صحيتي يعطيك الصحة و العافية ربي يجزيك و في انتظار وصفات اخرى ما طوليش علينا ربي يرزقك واش تتمناي على تعبك في تحضير و وضع الوصفات

[سلوى سلوى]

روعة لهومتي

[ام رضوان]

بارك الله فيك يالهلوبة
وربي يحفظلك امك ويخليهالك امين
راح نجربها باذن الله
شكراااا

[طبيبة سمية]

يااا حلاوتك مشكورة
راني حفظت الوصفة

[cilia]

يعطيك الصحة الهام و ماماك ربي يحفظها و يطول في عمرها

[omhadil]

يعطيك الصحة الهام دايما فى القمة
ربى يحفضلك امك الغالية
على فكرة رانى نطيب فيه للعشاء
رانى حاسة يجى بنين

[عصفور الجنة]

يعطيك الصحة الهام دايما فى القمة
ربى يحفضلك امك الغالية

[ابني نور عيني]

الف شكر ليك الهام الوصفة فعلا تبان لذيذة وساهلة تاني نجربها عن قريب

[سلوى سلوى]

يعطيك الف صحة لهومتي

[أميرة بيتها]

طبق يشهي ماشاء الله

[لمسة ابداع]

السلام عليكم

رروووووووووووووووووووووعة و الطريقة سهلة جدااااا
رايحة نجربو انشاااء الله

توحشنا جديد طبخك يا شافتنا الحلوة

[آسيا 27]

راااائع الله يعطيك الصحة و ربي يحفظ ماماك و ماماتي و جارتكم :1:انا جارتي مشحاحة شوية خخخخخخخخخخخخخخ :d

[أم يوسف2]

امممم يعطيك الصحة نتي وماماك وصفة هي
تشهى الواحد يشوف المنظر برك تتفتحلوا الشهية خخخخخ

[ام هزار]

بارك الله فيك الهامو . و ربي يحفظلك الوالدة . احبك في الله

[fati 17]

يعطيك الصحة لهومة جربتو هايل وربي يحفظلك ااميمة

[amel algeria]

شكرا وصفاتك دائما رائعة

[Lili Rose]

أحنا نطيبوه كيف كيف بلا مانزيدو السنارية المقلية

و الطبق نسميوه بطاطا برانية

صحيتي وصفاتك الكل هايلين

[manoulamarina]

باينة بنيينة يعطيك الصحة

[om rita31]

يعطيك الصحة جربت الوصفة جات روعة...وصفاتك دايما ناجحة Bravo

[امينة20]

حنونة راني نجرب فيها درك راني دايرتها للعشاء وغدوة نخبرك النتيجة حنونة

[حياة مليزي]

الله يبارك

[khadija a]

ما شاء الله

[بوخاري سليمة]

الحقيقة تبان تشهي ولي زادها حلاوة اسلوبك الممتع في الكتابة شكرا على الوصفة ربي يحفظ السيدة الوالدة:)

[عطر و مطر]

مممم شهيتينا
يعطيك الصحة الهام

[نصارنصار]

بارك الله فيك

[perle 92]

كنا حايرين في الفطور... بصح ضرك خلاص هذا فطورنا اليوم ان شاء الله
يعطيك الصحة انت و ماماك

[كريمة كوكة]

يعطيك الصحة يشهي

[jojo dj]

يعطيك الف الف الف صحه الهام والله قتلتيني بالضحك على سلف على جارتي ربي يحفضلك ماماك

[الوافدة لله]

مشكووووووووووووورة

[ahmed.zako]

بارك الله فيك

[دلوعة أبيها]

بارك الله فيك روطي وعليه لكلام

[lamia zina]

يعطيك الصحة راني ندير فيه

[Sasa17]

مرحبا اختي الهام راهي باينة تشهي مشكورة على كل وصفاتك

[اميرة باخلاقي 00]

بارك الله فيك

[hiba 81]

ربي يحفظك انت وامك

[tafat]

يعطيك الصحة

[sarah soussou]

#تصفيق:19:#تصفيق

[هبة الرحمان انشراح]

قلو بللي ابن الوز عوام والللهلوبه بنت الشاف ..... بارك الله فيك وفي امك اللي علماتك

[jenah]

Boooooooooooon

[yuuke-chan]

ياتا عمري على لهلوبة المنتدى و الانترنت كاملة ماخممتيش تحلي قناة في اليوتوب وصفاتك راهي روعة و لازم تورثينا حتى حنا وصفات ماماك ههه ربي يحفظهالك و يطول في عمرها

[chekkat]

يالها من وصفة رائعة شكرا جزيلا

[حسناء القمر]

تسلم ايدك هايله

[missoum29]

السلام عليكم
بارك الله فيك
و يحفظلك أمك و يجعل ما تقدمينه في ميزان حسناتك .

[nanadoc]

و الله نفس طريقتي 😍😍 بن لا تقاوم 😗😗 يعطيك الصحة

[فاطمة 2018]

جربتو جا رائع ربي يحفظك و يسترك دنيا و آخرة