سؤال بخصوص عيادة الدكتور كمون تونس

[karim2006]

السلام عليكم و رحمة الله و بركاته
من فضلكم اريد عنوان و رقم هاتف عيادة طب العيون للدكتور كمون بتونس
و جزاكم الله كل خير

[سطايفية بكل فخر]

السلام عليكم
اخي كريم انا كنت رايحة ننصحك بتونس وبالذكتور صالح محجوب او الدكتور كمون لانو الاحسن ولي نوثق فيهم
بخصوص كمون
هناك 2 كمون الاب والابن وفي زوج ما شءالله ويخدمو مع بعض في الجراحة لكن لافيزيت كل واحد عندو محلو الخاص والعمليات تقام في مصحة البحيرة تاعهم

بخصوص الاب الذكتور محمد كمون هو ما شاء الله جراح كبير وعندو خبرة لكنو حاليا ابنو لي يدير العمليات لانو كبر ومع ذلك رايو الطبي ماش اء الله
هو متواجد في مصحة التوفيق الدولية بتونس العاصمة في طريق المطار حاول تتصل وتحكم رونديفو لانو عندو غاشي كبير
واذا كنت رايح دير عملية فهو رايح يوجهك لمصحة البحيرة التابعة ليهم
بخصوص الابن الذكتور هيكل كمون عندو الغاشي مي اخف من باباه ويمشيو بالرونديفو ايضا هو جاي في تونس العاصمة لكن في عمارة مش في مصحة في المنزه
وهو طبيب ماش اء الله وتقدر تتوجه ليه مباشرة رايح نمدلك العناوين اخي وانت عيط احكم رونديفو وروحلهم
ولما توصل بالسلامة بكر باش تكومنفيرمي الرونديفو تاعك وتحكم التور تاعك
اليك العنماوين اخي وربي يشافيك ويعافيك اخي
فقط متروحش وحدك لانو منتقدرش تسوق وحدة واذا دارولك القطرات في عينك استحالة تشوف
بخصوص صالح محجوب خليه البديل الاخير اذا ملقيتش كمون روح ليه
المهم انت احكم رونديفو عندهم في ثلاثة ولي يفوتك فوت عندو وربي يجيبلك الخير اخي ويشافيك

الدكتور هيكل كمون
شارع الملك عبد العزيز ال سعود , العمارة أ 2 الطابق الثاني المنار 3 تونس العاصمة
Telephone: +216 71 87 01 65
FAX: +216 71 87 04 33
هذا رابط موقعو تفضل تلقا العنوان ورقم الهاتف والفاكس وكل المعلومات اخي
http://www.drkamoun.com/contact.php
+
الذكتور كمون محمد
موجود في مصحة التوفيق هذا رقم المصحة قلهم يفتولك البيرو تاعو لانو هناك اكثر من 400 طبيب في جميع التخصصات ولكنها معروفة بالذكتور كمون
tel/:+216 71 860 550
وهذا الرابط تاعهم
http://www.ciotunisie.com/
تلقا فيه كل المعلومات
+
الدكتور صالح محجوب
http://www6.0zz0.com/2017/03/27/16/466050451.jpg

وربي يشافيك اخي
اي سوال او حاجة تسحقها انا في الخدمة

[liyna_24]

السلام عليكم
أختي على رصيف الأمل بنتي عندهل حول في عينها ليسرى من يوم كانت 5 سنوات و قالونا الاطباء يلي تشفى كي تدير 11 سنة
ودايما يغيرولها النظارة برك
اليوم راهي 11 سنة و مانيش شايفتها بلي تحسنت في رايك أختي واش ندير و واش هو الحل المناسب ؟
و شكرا

[سطايفية بكل فخر]

اهلا بالاخت لينا
بداية اختي صوريلي الوصفة لي تخدم بيها النظارات فضلا لا امرا
ثم غاليتي اخبريني هل عطاولكم باش ديرولها البونسمون على عينها او لا يعني غطيتوهالا ولالالا
ثم غايلتي كي تروح معاها للطبيب ويديرلها التايت وشحال تشوف من 10 لكل عين وخاصة اليسرى
واش من طبيب راهي تسويفي عندو
بع د اجابتك هذه سوف افصل لك

[liyna_24]

شكرا أختي على ردك
بالنسبة للبونسمون نعم آخر مرة قاتلي ديريها يوم على اليمنى و يوم على اليسرى (قيل 5 شهر )

بالنسبة للنظر نسيت بصح نشفى قاتلي ما هيش ناقصة (ربما 10/10)او (9/10)
أما عن الوصفة تاع النظارة ما نعرفش نحمل الصور بصح هذا واش مكتوب فيها
O.D (Sphère= +1.50) (Cylindre= +0.75) (Axe=95°)
O.G(Sphére= +1.25) (Cylindre= +1.50) (Axe=80°)
الطبيب سويفيت عند شحال من واحد بصح ما قنعونيش على هاديك نفكر نديها لتونس أفيديني من فضلك أختي العزيزة