واش نقول للقاضي

[lachiche]

السلام عليكم ورحمة الله و بركاته
دارولي غرامة مالية ب 2 ملاين سنتيم في محكمة مسيلة و السبب حكموني نسوق في سيارة و الفحص التقني نتاعها مات ب 10 ايام , بعد ما رحت للمحكمة نرفد رخصة السياقة نتاعي سقسيت السيد لي قاعد في البيرو نتاع الإستقبال قتلو وقتاش الجلسة نتاعي قالي يا وليدي روح تروح و راه يجي ليك اللوسي للدار ، المهم بعد شهرين أو ثلاثة وصلتني ورقة من المحكمة بحكم غيابي فيه غرامة مالية ب 2 ملاين سنتيم ، و أنا طالب و الظروف المادية نتاعي متسمحش باش نخلص البروسي مام ظروف العائلة الله غالب ، نصحوني جماعة باش نكسر الشرع رحت للمحكمة كسرت و قالي 4 افريل الجلسة نتاعك ، قتلو راه مجانيش اللوسي قالي تبدل القانون
المهم هده هي حكايتي ، خاوتي قولولي واش نقول للقاضي لكي ينقصلي في الغرامة والله منقدر نخلص ذاك المبلغ

[lachiche]

يا الخاوة أنصحوني برك واش نقول للقاضي

[paloma.laila]

تقدر دير شهادة الضعف والله منعرف هادي فكرة طحت علي مشحال 2 مليون ديال سنتيم بدولار

[3ahmed3]

تقدر دير شهادة الضعف والله منعرف هادي فكرة طحت علي مشحال 2 مليون ديال سنتيم بدولار

200$ اضن
المهم ربي يعاونك خويا

[paloma.laila]

أمين أخي الكريم ربي يفكك من هاد المشكل

[شكيب خان]

السلام عليكم
اقناع القاضي يتطلب حنكة منك ، حاول ان تشرح له بأنك لست انت المسبب في تأخر في عرض السيارة على المصالح التقنية ، وانما هم السبب ، بحيث انني توجهت اليهم عدة مرات ، وفي كل مرة اجد نفسي خارج القائمة الفحص ، لان عدد السيارات الذين يتم عرضهم على الفحص لا يتجاوز أربعين سيارة في اليوم فقط ، لدرجة ان واحد من الذين شملهم الفحص قال لي : اذا حبيت اجوز كيما انا ما عليك الا بات اهنا )
ثانيا : انك لست من الذين يتورطون في المشاكل باعتبار انك طالب جامعي وانك لم تفكر ابدا في عدم عرض السيارة على الفحص التقني لا نني اعرف انها ضرورية ومخالفتها تعرض صاحبها الى عقوبة وانا في غناء عنها سيدي
والقاضي اذا رأى انك لست من اصحاب السوابق سوف يخفف عنك العقوبة ان شاء الله والسلام

[الاسود يليق بي]

التبليغ كان من الضروري ان تبلغ في مسكنك لم يتغير القانون / بالنسبة لما تقوله للقاضي اولا انك لم تبلغ بتاريخ الجلسة وثانيا مثل ما اخبرك الاخ شكيب خان يسر الله دربك