شخشوخة الضفر على أصولها من مطبخي بالصور حصريا

[nihal159]

السلام عليكم و رحمة الله و بركاته
ليوم جبتلكم طريقة تحضير شخشوخة الضفر من الالف للياء
نبداو أولا بتحضير العجين لي هو عبارة عن سميد و ملح و نلم العجين بالماء حتى نتحصل على عجينة شادة روحها، نخليها ترتاح شوية من بعد نعجنها مليح حتى تتحصلي على عجينة ملساء و تعمل فرقعات صغيرة عند العجن لتم تتأكدي انو عجينتك معجونة مليح، نقسم العجين الى كويرات بحجم حبة البرتقال، من بعد نحلها بالحلال بسمك3 مم تقريبا، ونديرها فالطاجين، مالازمش نطيبوها بزاف، يعني قيس ماتنشف فقط لعجينة و نحوها من الطاجين، من بعد كي تبرد نشخشخوها كما توضح الصور
http://www5.0zz0.com/2017/03/25/07/232560756.jpg (https://www.0zz0.com)
http://www5.0zz0.com/2017/03/25/07/179121030.jpg (https://www.0zz0.com)
http://www12.0zz0.com/2017/03/25/07/154907717.jpg (https://www.0zz0.com)
http://www4.0zz0.com/2017/03/25/07/383402321.jpg (https://www.0zz0.com)
http://www14.0zz0.com/2017/03/25/07/979354767.jpg (https://www.0zz0.com)

ناتي الان لتحصير الصوص لي تكون حمراء.
المقادير هي قطع لحم انا استعملت لحم بقري و دجاج، حبة بصل محترمة، سنينات ثوم، جزر، جريوات، لفت، فول، ملعقة طماطم مصبرة، حبة طماطم مرحية، كابويا انا نرابيها باش تذوب تماما و تعطيني صوص بنينة و خاترة،غلفل حار، حمص
التوابل هي ملح، فلفل أسود، راس الحانوت.
http://www10.0zz0.com/2017/03/25/07/262023780.jpg (https://www.0zz0.com)
http://www8.0zz0.com/2017/03/25/07/948381642.jpg (https://www.0zz0.com)
http://www4.0zz0.com/2017/03/25/07/926907709.jpg (https://www.0zz0.com)

لما يطيب اللحم نتاعي، نجيب الشخشوخة، نديرها في قصعة و ندهنها بشوية زيت، و نحطها فالكسكاس تفور، لما تفور مليح، نرجعها للقصعة و نسقيها بالرق لي حضرتو و هي سخونة و المرق سخون و نغطيها و نخليها تتشرب مليح.
وقت التقديم، نحطها غي صحن مزين بالخضر و قطع اللحم و نزيد نسقيها بالمرق.
http://www10.0zz0.com/2017/03/25/07/673041576.jpg (https://www.0zz0.com)
نتمنى تعجبكم طريقتي و تشجعوني و لو بكلمة بسيطة، الى اللقاء.

[اسيل الباتول]

يعطيك الصحة نهال سلمت يداك
تقريبا نديروها كيما نتي وشنو الفرق البسيط انو حنا نجمروها يعني بعدما نفوروها وتوجد المرقة نصفي المرقة تاعنا وامبعد في القدر نحط هذيك الشخشوخة ونسقيوها بالمرقة لكن بكميات قليلة باه ماتتعجنش ونحطوها فوق النار تتجمر وفي الاخير نضيفولها قطعة زبدة ونحطوها في صحن ونزينوها بالحمص واللحم والخضر ونقدموا معاها المرقة اذا ناشفة نزيدو نسقيوها

[nihal159]

صباح الخير اسيل، شكرا حبيبتي يعطيك الصحة ، انا الشخشوخة تاعي راهي جديدة مش ناشفة علابيها ماجمرتهاش خفت تتعجنلي، حتى حنا نديرولها الزبدة في دارنا، لكن الزوج مايحبهاش علابيها انا مانديرهاش.
مرورك اسعدني.

[زينب 83]

ما شاء الله يعطيك العافية موضوع جميل و اخلى تقييم

[nihal159]

شكراااااااااااااااااا زينوبة أنتي الأحلى، بارك الله فيك عالتشجيع

[المطمئنّة]

السلام عليكم ورحمة الله وبركاته
أنا من المشجعات لك ولكل العضوات دائما
شكرا جزيلا على الوصفة
تعلمنا منكن الكثير

[naila166]

يعطيك الصحة اختي زيدي كثريلنا من الاطباق التقليدية و بصحتكم

[بالقران نرتقي]

ربي يحفظك اختي نهال عندي شحال وانا نحوس كيفاه يديرو شخشوخة الظفر ومالقيتش يعطيك الصحة غدوة انديرها، ان شاء الله

[Virgile]

شكرا لك على ابداع أيديك

لكن للاسف مطبخنا أصبح مغربي يوما بعد يوم

وتسوف نفقده للأبد

[&ام ايوب&]

ماشاء الله سلمت يداكي

[حياتي كلها امل]

شكرا نهال يعطيك الصحه

[ام هدول]

يعطيك الصحة نهولة ....الطبق هوهو ...فقط اختلاف طفيف في الطريقة ...لكن الاختلاف يعني التمتع واكتشاف ....اطباقنا التقلدية التي لا يعلى عليها .....بارك الله فيك
سخفتني في الشخشوخة نحبها هههههههههه......

[سمية 61]

يعطيك الصحة تشهي

[أم سيفاكس]

اممممممممم نهال خرجتلك هاييييييلة وتشهي روعة .

والله يعطيك الصحة يالعزيزة
ولك احلى تقييم

[nihal159]

السلام عليكم ورحمة الله وبركاته
أنا من المشجعات لك ولكل العضوات دائما
شكرا جزيلا على الوصفة
تعلمنا منكن الكثير

صباح الخير أختي؛ شكرا على التشجيع؛ بارك الله فيك

[nihal159]

يعطيك الصحة اختي زيدي كثريلنا من الاطباق التقليدية و بصحتكم

صباح الخير؛ بإذن الله مازال نزيد نحط أطباق أخرى و هذا بفظل تشجيعاتكم؛ كلمة شكرا قليلة عليكم و ماتوفيش حقكم؛ شكرا شكرا

[nihal159]

ربي يحفظك اختي نهال عندي شحال وانا نحوس كيفاه يديرو شخشوخة الظفر ومالقيتش يعطيك الصحة غدوة انديرها، ان شاء الله

صباح الخير؛ ربي يحفظك أختي؛ بإذن الله ديريها و تنجحي فيها. مرورك أسعدني.
ماتنساينيش بدعاوي الخير:19:

[nihal159]

شكرا لك على ابداع أيديك

لكن للاسف مطبخنا أصبح مغربي يوما بعد يوم

وتسوف نفقده للأبد

صباح الخير؛ لن نفقده بإذن الله لأنه جزء من الهوية الجزائرية؛ أسعدني مرورك

[nihal159]

ماشاء الله سلمت يداكي
صباح الخير أم أيوب الله يسلمك حبيبتي؛ أسعدني مرورك

[nihal159]

شكرا نهال يعطيك الصحه

صباح الخير؛ العفو أختي؛ أسعدني مرورك؛ شكرا

[nihal159]

يعطيك الصحة نهولة ....الطبق هوهو ...فقط اختلاف طفيف في الطريقة ...لكن الاختلاف يعني التمتع واكتشاف ....اطباقنا التقلدية التي لا يعلى عليها .....بارك الله فيك
سخفتني في الشخشوخة نحبها هههههههههه......

صباح الخير أم هدول؛ كتبت الموضوع و أنتي في بالي هههههههه قلت تذخل مولات الكوزينة و تشوف هذ التكعبير تضحك عليا ههههههه؛ الله يسلمك أختي؛ راني نتعلم منكم و يوم بعد يوم نتحسن حتى نولي شاطرة عليكم هههههههههه

شهيتك فالجنة؛ أسعدني مرورك ؛شكرا

[nihal159]

يعطيك الصحة تشهي

صباح الخير؛ الله يسلمك سمية؛ شكرا على التشجيع

[nihal159]

اممممممممم نهال خرجتلك هاييييييلة وتشهي روعة .

والله يعطيك الصحة يالعزيزة
ولك احلى تقييم

صباح الخير؛ صديقتي أم سيفاكس؛شكرا حبيبتي على التشجيع و التقييم؛ أسعدني مرورك

[sousou 16]

اممممممممم4444444444444 يعطيك الصحة نهولة تشهي

[nihal159]

اممممممممم4444444444444 يعطيك الصحة نهولة تشهي

الله يسلمك سوسو، يعطيك الصحة

[سلسبيل86]

...بارك الله فيك
مممم الشخشوخة نحبها

[nihal159]

...بارك الله فيك
مممم الشخشوخة نحبها

وفيك بورك؛ شكرا لمرورك

[حياة نور الدين]

بارك الله فيك اختي نهال في ميزان حسناتك طبق روووعة وفرحت بزااف بمشاركتك في الكوزينة متحرميناش من طلتك وابداعاتك اختي

[nihal159]

بارك الله فيك اختي نهال في ميزان حسناتك طبق روووعة وفرحت بزااف بمشاركتك في الكوزينة متحرميناش من طلتك وابداعاتك اختي

الله يسلمك أختي؛ إن شاء الله كل مانعمل حاجة نحطلكم تشوفوها و تنصحوني إذا أمكن باش نزيد نحسّنها؛ الله يبارك عليكم راكم مبدعات و أكيد رايحة نتعلم معاكم أشياء مفيدة

[سحابة باردة]

صباح النور بسم الله ماشالله شخشوخة وعليها الكلام
الله يبارك في هذوك اليدين نموت على كل انواع شخشوخة
ان شالله نجرب نتاع الضفر وتنجحلي

[nihal159]

صباح النور بسم الله ماشالله شخشوخة وعليها الكلام
الله يبارك في هذوك اليدين نموت على كل انواع شخشوخة
ان شالله نجرب نتاع الضفر وتنجحلي
ربي يبارك فيك؛ الله يسلمك سحابة؛ جربيها بإذن الله تنجحلك

[Lili Rose]

ممممممممم بنينة تسخف مشكورة أختي

[أم رقية نسرين]

يعطيك الصحة سلمت يداكي
الشخشوخة محبوبة الكل كاين فروق بسيطة عندنا في طريقة التحضير
بصحتكم و للمزيد من التألق إن شاء الله و احلى تقييم

[manoulamarina]

بارك الله.فيك يعطيك الصحة

[وردة زمن]

يعطيك الصحة اختي سخفتيني يم يم للاسف لا تضهر الصور بليز عاودي حطيلنا الصور

[oum islem]

استمتعت بقراءة موضوعك وانغمست في التقليدي حتى وصلت لقسنطينة
تقريبا نفس طريقتي مع بعض الاختلاف البسيط في مقادير الصوص واحنا نجمروها خفيييف وانت سقيتيها

خسارة يضيعو الصور من موضوع مفيد كما هاذا

يسلمو يديك نهال

[انا هي رزيقة]

ماشاء الله عليك نهولتي دوماج مبانوليش الصور بصح اكيد من اروع ميكون مثل كل اطباقنا التقليدية لي نمووت عليهم ... ربي يبارك فيك حنونة و دمتي دائما متالقة

[nihal159]

أم إسلام و زيكا؛ شكرا حبيباتي على التشجيع؛ ردودكم نورت الموضوع و زادته تألقا.
لكن مافهمتش علاش راحو الصور للأسف.