وش رايكم نتكلمو شوية على المصروف والراتب ههه

[هاجر الأمل]

اخواتي كلنا نعرفو انو موضوع الراتب الشهري ومصروف البيت هو هاجس كل مراة فهد المجتمع..وسبق ان وضعت اخت هذا الموضوع من قبل..وش رايكم كل اخت تحكيلنا قصتها مع هذا الامر هههه..ولي عندها افكار او نصائح تمدهملنا فضلا وليس امرا هكدا نتحاورو ما بينا ونستفادو ..اتمنى تفاعل اخواتي

[هاجر الأمل]

وينكم مكانش لي يحب يتكلم ؟؟؟؟؟

[souadraghad]

السلام عليكم
انا موظفة اتقاضى شهريتي عادي في كل شهر...بصح والله مايخلص الشهر نكون ادينت وتسلفت باش نكملو...مافهمتش علاش ..شهريتي اللي مربية ولا الحياة غلاة والمعيشة صعابت...والله قد ما نقول نتقشف ونزير مانقدرش...مع العلم اني انا وزوجي متعاونين ..لكن مانكملش الشهر....عييت نظم...درت رسائل وكتبت فيهم كل واحدة لواش...مثلا المصروف تاع الدار...مصروف الاولاد...مصروف للادخار ههههههه .....هذه الاخيرة دايما فارغة...نكمل لخرين نولي ليها....
واش تحبي الله غالب هذا حال الزوالي والحمد لله

[amirgtu]

شهرية متكفيش مصاريف بزاف معيشة غالية يا حليل زوالي

[Lili Rose]

مــوضوع مهم

و هو ليس فقظ هاجس كل مرأة فــي مجتمعنا

بــــل هـاجس كل النساء الرجال الأطــــفال الشــــيوخ الكـــــبار الصــــــغار ......:d

المهم أظــن أن هدا راجــع لغلاء المعيشة في بلادنا

وكثرة المــتطلبات التي تفرضها علينا الحياة اليومية.

خــاصة نـــحن النساء عندنا مطالــب غــير مـنتهــــــــــــــــــــــــية

وأيضـــا مفاجأت اللحظة الأخيرة مثل الأعراس و التهاني...

و الحمد لله على كل حال وربي يرزقنا القناعة

و يكون في عوننا للتوفيق بين المداخيل و المصاريف









اخواتي كلنا نعرفو انو موضوع الراتب الشهري ومصروف البيت هو هاجس كل مراة فهد المجتمع..وسبق ان وضعت اخت هذا الموضوع من قبل..وش رايكم كل اخت تحكيلنا قصتها مع هذا الامر هههه..ولي عندها افكار او نصائح تمدهملنا فضلا وليس امرا هكدا نتحاورو ما بينا ونستفادو ..اتمنى تفاعل اخواتي

[خربشة ناعمة]

المعيشة غالية و الشهار ما يقدرش يدخر اذا كان عندو الاولاد ,يوكلهم او يكسيهم او يداويهم او يقريهم ،فقط اللي يخدم فالتجارة او يخدم روحو هذو اللي تلقايهم لابلس عليهم ،انا شفت كامل الشهارين الله غالب عليهم

[foufou78]

الصدقة هي التي تحل المشكل جربيها

[صفاء رحاب]

سلام لبنات
انا خاطيني الشهرية منيش خدامة و زوجي يتحكم فيها وحدو يعني منشاركش معاه فالمصاريف
عندي نظرة عامة كفاه يتصرف
الجزء المخصص لمصاريف الدار لازم منتجاوزوهش و اذا نقص في اواخر الشهر لازم نديرو تقشف حتى تلحق الشهرية بدون ديون

[salamandal]

الشهرية عند الدولة ما تدير والو ودولتنا ماشي ساهلة تمد بليمنى وتنحيلك بليسرى انا كنت خدام ندي قريب 6 ملاين مانيش لاحق قريب راح نجن من الضغط تاع الخدمة كي نقلق في الدار يوليو ما يعرفونيش
حبست الخدمة درك المصروف قليل بصح رحمة ربي الحمد لله ما عندناش وما يخصناش

[salamandal]

المعيشة غالية و الشهار ما يقدرش يدخر اذا كان عندو الاولاد ,يوكلهم او يكسيهم او يداويهم او يقريهم ،فقط اللي يخدم فالتجارة او يخدم روحو هذو اللي تلقايهم لابلس عليهم ،انا شفت كامل الشهارين الله غالب عليهم

اعتقد انك مخطئة التجار الي يخافو ربي قاع تلقيهم مزيرين كيما الموظفين يعني يعيش كفاف

[salamandal]

عندي كل شهر نحي 4000 الف تاع الفواتير باه ما نتزيرش كي ايجيو - التريسيتي الغاز الماء التليفون الانترنت - و البقول والسميد و الزيت و العجائن ومواد التنظيف نشريهم الكل رافيطايمة والخضرة مرة كل سمانة الجاج وين ما يفض نشري و اللحم لحمر لمن استطاع اليه سبيلا ونعوضو بشوية فيونداشي والا مرقاز والمصاريف الاخرى على حساب الحال

[صفاء رحاب]

سلامندال
و الله ضحكت من قلبي على اللحم لمن استطاع اليه سبيلا
رانا كامل كيف كيف نعوضوه بالعدس

[salamandal]

سلامندال
و الله ضحكت من قلبي على اللحم لمن استطاع اليه سبيلا
رانا كامل كيف كيف نعوضوه بالعدس

كل دجاجة تبيض على قدها
كان الله في عون هذاالشعب




شكرا على مرورك

[cerina]

nchelh rabi ta3ti el baraka

[Fifirose2009]

هيا نمدو لبعضنا افكار باش نقتاصدو

[zehwa]

ربي ايكون في عونكم.....المعيشة غالية

[أم أيمن الحبيب]

السلام عليكم
الراتب الشهري إذا ما تحكمناش فيه من بداية الشهر نهاية الشهر ستكون تقشف وديون لازم على الشهار يعيش على حسب راتبه مهما قل، تنظيم المصاريف من البداية أمر مهم وتوزيعها على النفقات بالتدرج الأولوية للنفقات الضرورية من عام، فواتير...ثم النفقات الكمالية.
هذه المعلومات الجميع يعرفها لكن التطبيق صعب أكيد أعان الله الجميع
نصيحة أخرى لازم على الزوجين يسعاو باه يحسنو الدخل بامتهان مهن أخرى كأن تمارس الزوجة الماكثة في البيت حرفة ما كالخياطة صناعة الحلويات... أو يجد الرجل عمل أو حرفة خارج وقت الدوام أبواب الرزق واسعة فقط على المرء أن يجد ما يناسبه