وضعي لا يطاق

[مشكلتي]

السلام عليكم
ادخل في المشكل مباشرة والله يا خاوتي غير كرهت حياتي الزوجية ونقولها بكل صراحة اكبر غلطة درتها في حياتي كي تزوجت بهاذ الرجل انا صغيرة ورافدة هموم فوق طاقتي
سبحان الله لا فائدة منه عييت ما نسقم عييت ما ننصح والو
راجلي عصبي لدرجة كبيرة لاتفه الاسباب يقلب الدار كان يضربني وضرك بطل بعد ما قريب دارلي عاهة وانا مليت من هاذ الوضع يا خاوتي ومش هاذا المشكل تاعي برك المشكل انو زوجي يصلي الجمعة واوقات الي تنفحلو وهاذ الشي معذبني وقاهرني والله وزيد هو انسان لا يحترم احدا لا صغيرا ولا كبيرا
لا ازكي نفسي لكني مرأة جد هادئة محافظة على كل الصلوات في وقتها لا اشاهد في التلفاز الا الاشياء المفيدة لي ولاولادي وكذلك النت لبست الجلباب بارادتي والحمد لله
بعد زوجي عن الصلاة جعله يشاهد المحرمات وهاذا منذ ان تزوجت به منذ 3سنوات ولي الان معه ولدين
في بداية زواجنا انصدمت من هذه المشاهد وبكيت كثيرا وواجهته انكر ثم اعترف وطلب السماح وبعدها بقي مدة لم يشاهد ثم رجع الى عادته رغم ان ربي رزقه والله نعم الزوجة في كل شيء لكن انا من اخطات الخيار
الغريب في الامر اني ما عدت احس بتلك الغيرة وتلك الحرقة في قلبي مثل الماضي واصبح عندي امر عادي ووالله ما عدت ابحث وراءه الان لكن اكتشف بالصدف ولا يشاهد عندما اكون في البيت بحكم ان النت في البيت فقط ولا يوجد في هاتفه
اصبح كل شهر يقولي ما توحشتيش داركم نديك ؟ووالله من قبل لم يكن يأخذني لاهلي الا بعد عراك ومناوشات وبكاء وابيت ليلة واحدة في اكثر من شهر
هل اضحي بذهابي لبيت اهلنا من اجل ان اجلس معه حتى لا يشاهد المحرمات؟مع العلم اني لا اخرج من البيت الا لاهلنا او الطبيب او المناسبات ووالله اختنق كثيرا من هاذ الوضع
او اذهب لاهلي واطنش وكل واحد حسابو عند ربي ؟لاني ضحيت من اجله كثيرا ولم يقدر ذلك ابدا

ضف الى ذلك منذ مدة قصيرة كان يتكلم مع بنات في الهاتف وحصل لقاء بينهم وعرفت ذلك وواجهته وطلبت الطلاق اذا بقي على وضعه هاذا خيرته بيني وبين نزواته بعد ان صدمت فعلا من فعلته بي ولم استطع نسيان الامر الى الان رغم اني اتظاهر بذلك شكوت قلة حيلتي الى العلي القدير والحمد لله اني تجاوزت الامر باقل الاضرار
احترت والله يا خاوتي
لماذا يتزوج الرجل ؟اليس لتحصين نفسه! والله انا وابنائي ضحايا نزوات هاذا الرجل والوضع ما عاد يطاق انصحوني كيف اتعامل معه كل الطرق جربتها ولم افلح
ادعولي بالله عليكم ربي يفرجها علي
ارجو من الادارة حذف الموضوع بعد يومين والسلام عليكم ورحمة الله وبركاته

[خالد عنابي]

طيب وحنا وش نقدرو نديرولك ؟

[jirardo]

ربي يفرج عليك

[سَامِيَة]

والله غير قسمتيلي قلبي يا ختي شوف يازمان ولاو بنات الحلال يطيحوا في ولاد الحرام والعكس صحيح؟ أنا حرت في بلاصتك كيفاه تقدري تتصرفي معاه ما دام قلتي جربتي كل الطرق؟
....أول حاجة ادعيلوا ربي يهديه هذا راه خارج مجال التغطية .
.....شوفي كيفاه تنقصي من الضغط اللي راه عليك..متقعديش غير تبكي وتقتلي روحك بالزعاف حتى تجيبيها في صحتك. فرحي روحك شوية واهتمي بيها على جال نفسك واهتمي بولادك حاولي قدر الإمكان تخليهم بعاد على المشاكل تاعكم .
...خطأ أنك تحرمي نفسك من الذهاب إلى بيت عائلتك وكيف لا أن تروحي عن نفسك وتفرغي ما بداخلك.
...حاولي كيفاه تخرجي من جو الروتين والملل اللي ربما راه مغطي على حياتكم الزوجية
. ..متضليش جايبتها موراه نسايه شوية سنة الحياة تقول بلي إذا حبيتي واحد يجري موراك توقفي ومشي في الإتجاه المعاكس لما ينتبه بلي راكي توقفتي من الجري وراه يعود هو يجري موراك.
....إذا أستمر الوضع هكذا واحسست أنك وصلت لدرجة إمكانية الإنفجار اخبري أهلك واتركي الأمر في أيديهم فالله لا يحمل نفسا إلا وسعها.
....مقدرتش ننصحك بالطلاق لانو ماهوش ساهل مع وجود الأولاد دوك يعطوك الأعضاء كاش نصائح قومي بيهم واطرقي كل الأبواب وما تنسايش بلي ماكانش أرحم من ربي على عبادو لجئي ليه قبل ما تلجئي لأي شخص
ربي يفرج عليك ويهديلك راجلك ويعوضك خير على صبرك وعلى الأيام المرة اللي شفتيها، بالتوفيق.

[هشام 12]

شوفيلو زوجه ثانيه وخوفيه من عذاب الله على ترك الصلاة والركض وراء الشهوات ربي يهديه

[حاملة المصحف]

ربي يفرج عليك

[ايمان4]

هههه زوجة ثانية و هو وحدة ما قجرلهاش و فقعها هذا يليقله يبقى بوحده و تخليله الدراري يتهرد معاهم باش يتربى ماشي تزيد تشوفله النسا ....
هاد السيد يا اختي كنتو تتحراو عليه قبل دركا صايي طفرت يعني انت دركا كي رايحة تتطلقي عندك فرص بزوج اولاد باش تعاودي الزواج؟ و فرضا تزوجتي ماشي يقبلك بيك باولادك؟ فرضا قبلهم ماشي يبغيهم كيما اولاده ؟
و اذا بقيتي ف الدار تزيدي لباباك الهم فعوض ما كانت عنده بنت رجعت بثلاثة ؟ كوني حازمة مع باهم و انت الوحيدة لي تعرفي كيفاش تتصرفي معاه حاولي راكي حاولتي حاولتي زيدي حاولي مرة اخرى بلاك يتصلح
ياك حبس من الضرب ايا كيما حبس من الضرب درك يزيد يحبس صوالح وحدخرين ... النت راها تدير مشاكل اقطعوها متزيدوش اتخصلوا ...
التلفون ؟ ينحي تلفون باش يبرا من داك الطبيعة نتاع لبنات ... و يولي مسؤول و الذراري اصبرا شوية اتزوجتي 3 سنين جبتو زوج ها متتقلقوش تجيبو لاولاد واحد و شوفي الحالة خاطرش هاد الشي راه يضرهم المشاكل و كلش ... و ايلا راكي تقولي بالاولاد نقبضه لكان تجيبي 30 متقبضيهش بيهم خاطرش هو اصلا ما سامعش بيهم
المهم ربي يهديه و يهديك و يلم شملكم

[قدور بن عاشور]

كنت سأنصحك بقطع النت، و لكن بما أن المشكلة تجاوزت النظر للحرام إلى اللقاءات الغرامية، فالأمر أصعب و يبدو أن السيد كان هكذا قبل أن يتزوجك.

[Asma Bouanani]

اهتمي اكثر بنفسك في هندامك عطرك وشعرك ولا تعيريه اهتمام كأنوا غير موجود وشوفي النتيجة ودعيلو بالهداية في صلاتك

[زبدة ذايبة]

ماعندك غير الصبر

الصبر مفتاح الفرج

عندك وليدات معاه خلاص

بينو بين اللي خلقوا

كثريلوا من الدعاء بالهداية

العاصي إنسان ضال مايعرفش الطريق

ومايجيش في بالك أن المعصية تخليه مستمتع

والله يتبعها الندم واليأس وظلمة في القلب


اصبري على زوجك

لعل الله يحدث بعد ذلك أمرا

[kacimo.samy]

قالك شوفيلو زوجة ثانية ههه
باه تزيدي تحصليها و وتتوانسو مع بعضاكم
والله ربي يهديك ؟؟
انا نقلك ربي يصبرك فقط

[غُـرُورُ أُنْــثَــى]

اهتمي بروحك بلبسك بشكلك كي يدخل للدار ماتخليهش وحدة الصقي فيه دليه بينيلو بلي راكي مهتمة بروحك و فرحيه ديريلو حوايج لي يبغيهم ماتخليلوش الفراغ نسيه في بنات برا بلبسك و عديلك و اهتمامك بروحك صدقيني كي يشوفك تبدلتي وو ليتي خير من قبل راح هو تاني يتبدل و يولي يجي للدار على جالك يعني لازم ترجغيه هابل عليك نتي برك مهما كان هدا زوجك ماشي براني عليك و السلام

[nihal159]

أختي ماكانش حاجة تفيدك قد الدعاء؛ ماعندك ماديري غير تصبري و تدعيلو بالهداية

[الواثق]

القضية ليست فيك..........السؤال.......ماهو عمله ؟.....من هم اصدقائه.........كيف حال اخوته؟.........اشياء كثيرة الاجابة عنها هي اساس الحل......الرجل 80 بالمائة من شخصيته متعلقة بالعمل والاصدقاء والاخوة..........وغيرها..................عليك بالدعاء والله الهادي...............والله المستعان

[طيور الجنان]

ربي يفرج عليك اهتي مع وجود الاطفال المرأة تولي تتحمل على جال اولادها ادعيلو ربي يهديه و اكثري من الاستغفار.

[هديل527]

السلام عليكم
بنيتي كان الله في عونك
ما انصحك به هو الصبر ثم الصبر هذه المشاكل انتشرت بشكل رهيب في وقتنا الحالي السبب هو ضعف الايمان والابتعاد عن الله عزوجل
ما عليك فعله اقرئي يوميا سورة البقرة واكثري من الاستغفار وان استطعت قيام الليل فافعلي واكثري الدعاء وفوضي امرك لله
ان شاء الله ربي يفرج عليك في القريب العاجل

[فجرالحرية]

فعلا مشكلة لما يكون الزوج بهذه الحال
ولكن مشاكل كهذه ليس من هب ودب يحلها
فربما كل شخص ينظر الى مشكلتك من تجربته الخاصة
فلابد من طرح السؤال على مستشار في الشؤون الاسرية والتربوية
وكان بامكانك البحث
وجدت نفس المشكلة تقريبا طرحتها زوجة على المستشار الاسري والتربوي وكان الجواب كالاتي فلربما تجدين ضالتك فيف واسأل الله لك فرجا قريبا وان يهدي زوجك

***احرصي على أن ينتظم في صلاته، واقتربي منه في حياته, وأعطيه الأمان, أعطيه الثقة, وادخلي إلى حياته الخاصة، فإنه يحتاج إلى أن تثقي فيه, ثم بعد ذلك امنحيه التقدير والاحترام, ليعطيك الأمن الذي أنت بحاجة إليه, فالمرأة إذا أمنت مع زوجها, واطمأن إليها, وقدرته واحترمته تلاشت مثل هذه الخلافات الصغيرة.

كما أرجو أن تقتربي من حياته، ولا تكوني سلبية, وبادري أيضاً بالدخول إلى حياته, والتعامل معه, واقتربي منه جداً, وكوني المبادرة أيضاً لطلبه بطريقة عملية ليس بمجرد طلب، ولكن عليك أن تتزيني له, وتحرصي على الاقتراب منه, وتدخلي إلى حياته.

كذلك ينبغي أيضاً أن لا تحاصريه أكثر من اللازم, وأن لا تتخذي أسلوب التحقيق, ونرفض كذلك التنبيش والتجسس عليه, فإنك عرفت المرض, وينبغي أن تبدئي رحلة العلاج، فإن التفتيش والتنبيش يدفعك إليه الشيطان؛ ليملأ حياتك نكداً وحزناً ودموعاً, وهذا طبعاً ليس في مصلحة أحد, بل شعوره بمثل هذه الأشياء يزيده إحباطا.

احرصي كذلك على أن تذكريه بالله، فإن مشاهدته للأشياء السيئة هي رأس البلاء, والإنسان إذا شاهد الأشياء المخالفة بعد ذلك يندفع في هذا الاتجاه, فكوني قريبة منه, ودائماً احرصي على أن تثني عليه, وسلطي الأضواء على جوانب تميزه.

ونسأل الله تبارك وتعالى أن يعينك على الخير, وسوف نسعد جداً بالتواصل بعد العمل بهذه الإرشادات, إعطائه الثقة, الاقتراب منه, تذكيره بالله تبارك وتعالى, تشجعيه, ذكر إيجابياته, تذكيره بالأيام المشرقة, تذكيره بولده, تذكيره بحرصك على المحافظة على الأسرة, عدم الشكوى منه لأي أحد من الناس.

نسأل الله أن يعينك على الخير, وعليك كذلك قبل ذلك وبعده بالدعاء, فإن قلبه وقلوب العباد بين أصابع الرحمن يقلبها.

نسأل الله لنا ولك وله التوفيق والسداد والهدايا.
++++++++++++++++++++++++++++++++++++++++
انتهت إجابة الدكتور أحمد الفرجابي مستشار الشؤون الأسرية والتربوية.

[smile10]

إن شاء الله ربي يفرج عليك من بابو الواسع يا أختي ... هذا راه إبتلاء كبير الإنسان اللي لازم يكون في كتافك ويصونك بما أنك أمانة الداها من دارهم راهو هو اللي منغص

عليك الحياة بالصح ماتقطعيش لياس ربي كبير وراهو قادر على كلش نحكيلك قصة واقعية لامرأة كان راجلها يسكر كل ليلة ويدربها ويجي في الليل في حالة كارثية مسكينة هي

تلبسلو وتغسلو وترتبو في مكانو وترفد زربية الصلاة تقوم الليل وتدعي ربي يهديه إلى سواء السبيل السيد هذا مع الوقت وهو يهدر مع صاحبو قالو راني حاير في كل مرة نجي

سكران بالصح في الصباح نلقى نفسي في أبهى حلة ومرتب في سريري والله ماعلابالي كيفاش وشكون اللي راهو يقوم بيا هكدا؟ صاحبو دبر عليه وقالو هاد الليلة دير روحك

سكران بالصح ما تشربش وعس شكون هذا الإنسان ...كيما كان الحال دار السيد واش قالو صاحبو وشاف كل حاجة بأم عينو وهو ماشي مصدق الزوجة ديالو هي اللي كانت قايما بيه
وكانت تدعي وتقولي يا ربي هذا زوجي ماليش غير أهديه إلى سواء السبيل ومن هذيك الساعة السيد صرالو تحول جذري وأصبح من أعقل وأتقى الناس وهذا كل من صبر

الزوجة وإلحاحها في الدعاء نصيحتي ليك اختي ديري قيام الليل ودعيلو بكل صدق وأكيد رايحا تكون سبة ترجعو لجادة الصواب آمين

[رندة.]

ربي يفرج عليك ويهدي زوجك ان شاء الله.

[فايزة1207]

تصدقي بنية يهديلك ربي زوجك