هل هذه طريقة شرعية للزواج ولا حرام ؟

[مشكلتي]

زميل في دراسة طلب مني الزواج على الفيس بوك رغم أني لا اعرف حتى وجهه ومن ولاية اخرى ولا يعرفني أيضا
كان جل حديثنا عن الدراسة فقط رغم تأنيب ضميري على فعلتي فقد خالفت الشرع ولاقنع نفسي اني لست على خطأ كنت نقول يخي في لقراية وفي الحدود ....المهم والغير المتوقع طلب مي للزواج استغربت كثيرااا ....هل هي طريقة شرعية أم لا...وما حيرني انه يبلغ 22 سنة هل هو كفء للزواج وأنه في سن مناسبة !!! وكاين لي زوجو في سنه!؟ رغم أن أخلاقه لاباس بيها وإنسان محترم.
هل هذا لايرضى الله ولا بركة في مثل هذا الزواج أن تم ؟؟

[nihal159]

نضن كون توافقي على طلبه؛ يقولك بصح لازم نشوفو بعض؛ وكي تشوفو بعض يقولك لازم نتعرفو على بعض؛ يعني حسب رأي و ممكن نكون غالطة؛مجرد أسلوب ماكر لإصطياد الفريسة وما نيتو لا خطبة لا زواج.

[ثلجَة]

السلام عليكم
أختي لناوي لحلال يجيك للدار لا فيس بوك و لا غيرو
أّما هذا الشخص فالكتاب باين من عنوانه
في الأول يقلك زواج
و من بعد تعارف
و من بعد نشوفك
و من بعد الله أعلم بالنوايا
و زيد راهو 22 سنة
هل تظنين أنه في سن مؤهل للزواج ؟؟
و زيدي مازال في مرحلة الدراسة ...
و زيدي و زيدي ...
أغلقي هذ الباب و ريحي راسك
و الرزق الحلال على الله

[سَامِيَة]

أختي منكذبوش على رواحنا كذبة ونروحو نصدقوها كاين حديث للرسول صلى الله عليه وسلم يقول في ما معناه إن الحلال بين والحرام بين وبينهما أمور مشتبهات فاجتنبوا الشبهات. ....علاه كان ضميرك يأنب فيك؟ لوكان مكنتيش عارفة بلي راكي غالطة فهدرتك مع زميلك هذا. ...كيف استطعت التأكد من حسن أخلاقه وأنتي لا تعرفين حتى وجهه؟إذا كان عنده 22 سنة كم تبلغين أنت من العمر؟
اهتمي بدراستك واستمتعي بوقتك والزمي حدودك حتى تحافظي على نفسك فالشيطان يجرب أن يوسوس للإنسان من كل الأبواب ولا ييأس أبدا يضل يحاول ويحاول مستقبلا استمعي لصوت الضمير بداخلك وأي شيء ترين فيه الشك والريبة ابتعدي عنه...الزواج على أرض الواقع وأصبح معقدا فكيف بالزواج الافتراضي.

[ايمان4]

22 سنة في بلدنا و ذكر ليس قادرا على الزواج اللهم اذا هو من عائلة ارستقراطية ثرية جدا و هذا مستبغد
و زيد راه عاد يقرا و انت كيف كيف بربي الزواج كيفاه راح يكون ؟؟؟
المهم حطي راسك في قرايتك راها تمشيلك و هو اذا عينه فيك يا خي مكيش هاربة يجهز راسه و يصنع المستقبل و ينضج شوية و مبمعد لا كنتو عاد على تواصل اتزوجوا لكن تحذير ما تمشيش معاه ف هدرته تحت اسم مرتي و منيش عارفة اغلبيتهم كذابين و خصوصا في ذلك السن .... المهم و اذا كثر عليك قوليله اجي لدارنا اهدر عليا و ابني روحك ...

[Asma Bouanani]

وآتوا البيوت من أبوابها
وشكرا

ليس بالضرورة يكون ذكر من استطاع الباءة فليتزوج قادر تكون عنده روح المسؤولية كيفما كان الحال تستخير الله

[samirovich]

كيفاش يتزوجك على طريق الفايسبوك ؟؟
يبعث لباباك أنفيطاسيو ؟؟؟

[خالد عنابي]

جايبة هدرة بلا زراعة

" زميل " في الدراسة ولا تعرفين حتى وجهه ؟ هه قولي واحد تعرفت عليه فالفيسبوك وليس زميل وما تدوخيناش زميل معانتها يقرى معاك يسما لازم تكوني تعرفيه

المهم عاودي اكتبي موضوع مقدود وفيه تفاصيل وايضاحات باه نقدرو نفهموك على الاقل ومن ثم ندبرو عليك

[sohaibdz]

هبلتونا بالخرطي تعكم