كسرة الشحمة من مطبخي بالصور

[nihal159]

السلام عليكم و رحمة الله و بركاته
ليوم رايحة نمدلكم وصفة كسرة الشحمة على طريقتي لي نقلتها على أمي ربي يحفظهالي
للعجين: نستعمل كمية من السميد+ ملح+ القليل من خميرة الخبز+ زيت+ ماء دافئ للعجن؛ العجين لازم يكون متماسك و مش رخو؛ نعجنوه من 10 دقايق حتى ربع ساعة؛ نتحصلو على عجين أملس؛ نقسموه نصفين لكن جزء أكبر من الأخر.
بالنسبة للحشو: بصل مقطع رقيق+ ثوم+ فلفل حلو و فلفل حار نشويهم و نقيهم و نقطعهم قطع صغييييييرة؛ طماطم حب و ملعقة طماطم مصبرة؛ جزر مبشور؛ شحمة مرابية باش تذوب تمتم؛ اللحم المفروم إختياري.
بالنسبة للتوابل؛ نستعمل ملح+ فلفل أسود+ راس الحانوت أنا نستعمل ماركة الذواقة تاع تونس تعجني بزاف.
في طنجرة نحط لبصل و الثوم و الفلفل و الجزر و نستناهم حتى يذبلو؛ من بعد نضيف الطماطم حب و المصبرة و الشحمة و التوابل و نخلي الحشو يتجمر في خاطرو.
نطرح العجين؛ نبدا بالجزء الأكبر؛ نطرحو على شكل دائرة و نفرد فوقو الحشو و نغطيه بخبزة العجين الثانية و نلم الحواف فيق بعض و نطيبها فالطاجين.
إن شاء الله تعجبكم طريقتي و تجربوها .
http://www5.0zz0.com/2017/03/19/14/256149779.jpg (https://www.0zz0.com)
http://www12.0zz0.com/2017/03/19/14/287541098.jpg (https://www.0zz0.com)

[رزان.]

يعطيك الصحة أختي
احنا عندنا نسموها المشحمة :1:
بصح كاين تغيير في المكونات

[nihal159]

يعطيك الصحة أختي
احنا عندنا نسموها المشحمة :1:
بصح كاين تغيير في المكونات


الله يسلمك أختي؛ الله يبارك أختي بلادنا واسعة وكل منطقة و كيفاش يسمو.
لو تعملي مزية ؛ حطيلنا المكونات لي تستعملو في منطقتكم باش نتعلمو من بعض.
مرورك أسعدني.

[طيور الجنان]

يعطيك الصحة اختي نهال راهي تشهي احنا تاني نديرها و نزيدولها فرماج اكلة ساهلة و فيها كل شي بصحتكم.

[nihal159]

يعطيك الصحة اختي نهال راهي تشهي احنا تاني نديرها و نزيدولها فرماج اكلة ساهلة و فيها كل شي بصحتكم.

الله يسلمك سعيدة؛ أنا الفرماج نحطو فالمحاجب؛ يجي بنة خيال

[أم سيفاكس]

اااممم روعة هايلة والله شهيتيني يا نهال ختي
يعطيك الصحة

[nihal159]

اااممم روعة هايلة والله شهيتيني يا نهال ختي
يعطيك الصحة

الله يسلمك يالحبيبة؛ شهيتك فالجنة إن شاء الله؛ أسعدني مرورك

[سحابة باردة]

واش انقولك راكي شاف العجائن وكسرة الشحمة من الذ ماكلت من يد الميمة الله يحفضك فكرتيني
برافو نهولة واصلي

[nihal159]

واش انقولك راكي شاف العجائن وكسرة الشحمة من الذ ماكلت من يد الميمة الله يحفضك فكرتيني
برافو نهولة واصلي

الله يسلمك حبيبتي؛ شكرا على التشجيع؛ ربي يحفظلك الوالدة إن شاء الله و ديرلك كسرة الشحمة فالزيارة الجاية بإذن الله.

[اسيل الباتول]

روووووووعة الله يعطيك الصحة عزيزتي نهال
حنا تاني تقريبا نفس الوصفة لي نديروها سواء العجينة ولا الحشو
راكي عطيتيني دبارة وش ندير عشايا يا لفحلة
شكرااااااااااااااااااااااا

[nihal159]

روووووووعة الله يعطيك الصحة عزيزتي نهال
حنا تاني تقريبا نفس الوصفة لي نديروها سواء العجينة ولا الحشو
راكي عطيتيني دبارة وش ندير عشايا يا لفحلة
شكرااااااااااااااااااااااا

العفو حبيبتي؛ الله يسلمك شكرا جزيلا على التشجيع و بصحتكم مسبقا.

[ام احمدي]

هااايلة وتشهيييي
ربي يحفظلك ماماك ويخليهالكم ياارب

[nihal159]

هااايلة وتشهيييي
ربي يحفظلك ماماك ويخليهالكم ياارب

ربي يحفظك و يحفظلك كل عزيز و غالي؛ أسعدني مرورك؛ شكرا جزيلا.

[fleur de lili]

تسلم الايادي وربي يحفض لميمة

[omkamel]

بارك الله فيك شهتينا بصحتكم

[nihal159]

تسلم الايادي وربي يحفض لميمة

صباح الخير؛ الله يسلمك؛ ربي يحفظك و يحفظ أحبابك؛ أسعدني مرورك

[nihal159]

بارك الله فيك شهتينا بصحتكم

صباح الخير؛ شهيتك فالجنة إن شاء الله؛ بارك الله فيك

[ام هدول]

:19:اممممممممممممممممممممم...شميت ريحة كسرة الشحمة ..على الصباح جيت نجري ....يعيطك الصحة .باينة بنيينة تقريبا نفس طريقتي اختلاف طففيف فقط ...
تسلم الايادي :19:

[nihal159]

:19:اممممممممممممممممممممم...شميت ريحة كسرة الشحمة ..على الصباح جيت نجري ....يعيطك الصحة .باينة بنيينة تقريبا نفس طريقتي اختلاف طففيف فقط ...
تسلم الايادي :19:

الله يسلمك شاف؛ هذي شهادة نعتز بها؛ بارك الله فيك حبوبة؛ أسعدني مرورك

[عبـد الحميد الجزائري]

بارك الله فيك

[nihal159]

شكرا بارك الله فيك

[أم رقية نسرين]

يعطيك الصحة صح بنينة مالفين نديروها بصح بلا شحمة

[nihal159]

الله يسلمك مريومة؛ أسعدني ردك

[mimi_belle]

ما شاء الله يشهييييي بصح عندي سؤال ما تخمرش الخبزة تطيب مباشرة ارجو الرد باش نجربها

[روعة الصحراء]

اممممممممم تشهي يعطيك الصحة ياالفحلة

[نور الصباح]

يعطيك الصهة تشهي وربي يحفظلك ميمتك

[أ م ساجد وسيم]

اممممم باينة بنينة بزاف يعطيك الصحة

[nihal159]

شكرا لمروركن العطر؛ شكرا

[fati13]

يعطيك الصحة

[مسرات]

مممم بصحتكم تشهي سييتها مرة بصح عجوزي ديرلها الغرس وانا معحبتينيش

[nihal159]

صباح الخير؛ الله يسلمك فاتي؛ أختي مسرات شكرا لمرورك؛ حنا نديروها مالحة مانحطوش معاها الغرس؛ جربيها على طريقتنا إن شاء الله تعجبك

[أم حمزة السلفية]

يعطيك الصحة شهيتينا

[اسمهان79]

سأنتحر اممممممممم قتلتيني
احلى تقيييييم حبيبتي

[nihal159]

الله يسلمك أم حمزة؛ شهيتك فالجنة إن شاء الله.
أحلى إثراء من أحلى شاف؛ الله يسلمك حبيبتي إسمهان.