مشكلتي بيتي

[مشكلتي]

السلام عليكم
باختصار شديد و بدون اطالة خاوتي خواتاتي انا متزوجة حديثا و لديا مسكني الخاص الذي لا اشعر فيه براحة ابدا خاصة كي نبقا وحدي و يروح زوجي للعمل نبدا نتوحش اهلي نبدا نقول لوكان غير نروحو لدار اهلو وليت نروحلهم بزاف لدرجة وليت نفوق انهم بداو يتقلقو مني معهم حق و دارنا نروح و نريح بالاسبوع لكن شحال نعيا هكدا مابين دارنا و دارهم اعطوني حل كيفاش نوالف داري و تحلالي المعيشة فيها غير ندخللها نحس روحي في سجن خاصة ان زوجي ما يحبنيش نخرج ساعدوني في حل نشعل قران فيها و نصلي و زوجي يصلي...صباح نلهي روحي باشغل لكن غير يخلاص نمل و نولي ماشي طايقة واااالو

[michaella]

السلام عليكم
اختي اشغلي وقتك بقراءة القرءان مثلا بختمه كل أسبوع أو تعلمي الأشعال اليدوية كفن الطرز و الكروشي و التريكو و الخياطة و الماكرامي فهي تلهي النفس و تشغلها و بذلك تتأقلمي مع بيتك و البقاء فيه

[طيور الجنان]

اختي الحمد لله راكي في نعمة نساء بزااااف يتمناوها و الحمد لله كي راكي قريبة من اهلك و اهلو كي تتقلقي تروحي لكن ماشي دايما انت الان امرأة مسؤولة لازم تبقاي في دارك تقومي بيها و تسناي راجلك باه كي يجي يلقاك مايحسش بللي ماتزوجش لهي روحك بعمل المنزل راه مايخلاصش حاولي طيبي لزوجك كل مرة حاجة جديدة و ان شاء الله ربي يرزقك الذرية الصالحة اكييييد راح تتلهاي في دارك و توليي تخرجي بالحساب .

[يسمينة البجائية]

السلام عليكم
انا في نفس حالتك . كنت نبكي و دخلت في واحد اكتئاب يا لطيف . و زوجي ثاني ما يحبش نخرج بزاااف , ندور ندور في البيت ما عندي ما ندير غير النظافة البيت و الطبخ و الصلاة . ما عنديش صحابات و لا واحدة . عندي الانترنت و تيليفون مع والديا و خلاص شريت ماكينة الخياطة و راني نتعلم بالشوية . صعيب يا ختي المسلم ما لازمش يبقى لوحدو علاخاطر الشيطان يفتنه بسهولة و يفكرو غير بالأحزان و الوسواس في أتفه الأمور .
أنا نتمنا لك ذرية طيبة تتلاهي بيهم و لا ديري bloc و حطي وصفات الناجحة عندك بالصور كيما منتدى ام رامي ام كوثر منتدى أم أماني .... هم أمثال لينا . وعلاش ما نديروش حنا ثاني و نخترعوا اشياء مليحة
ربي يأجرنا و يسهل لينا كامل و الله بزااااف بنات ما لقاش سترة .

[sohaibdz]

اهدري معاهم في السكـايب ولا فايبر واحكمي دارك

[ع.عيسى]

المشكل الذي تعانيه ، تعاني منه جميع النساء حديثات الزواج المستقلات بالسكن ....اذا امكن اطلبي من زوجك السكن في بيت اهله

[خالد عنابي]

باختصار ماعجبكش العز ودارك وحدك وتبحثين عن الذل والحياة تحت اقدام عجوزتك واهل زوجك

رفعت الاقلام وجفت الصحف .

[وَحْـــ القلَمْ ـــيُ]

سبحان الله
وحدة مع اهل زوجها تطلب دار
وحدة بدار تطلب اهل زوجها
قعدي في دارك توالفي
ذكري ربي وماتخليش الشيطان يفسد عليك حياتك
وديجا راه عندك الانترنت شوفي حاجة تفيدك تابعيها
شغلي الوقت ديال باي عمل مفيد

[أم سيفاكس]

ياختي هاد الوقت الفارغ تولي تحوسي عليه ماتصبيهش .
بعد مجيئ الاطفال كامل وقتك يتعمر وتولي ماتلقايش وقت تضيعيه.
المشكلة انك والفتي تخرجي وكي زوجك منعك واللتي تحسي روحك محبوسة .
لكن انصحك ان تغتنمي الفرصة الان اذا حبيبتي تحفظي القرآن هدا هو وقتوا
واذا حبيتي تتعلمي الخياطة واعمال الديكور هدا هو وقتها.
الانترنت تتعلمي منه كل شيئ طبخ خياطة ديكور وتولي كل صبع بصنعة.
ماتخليش الشيطان لعنة الله عليه يصورلك انك محبوسة وتدخلي في اكتئاب.
حاولي تتعلمي الطبخ والحلويات من الانترنت والله عالم كبير تولي محترفة
وتفرحي زوجك واولادك مستقبلا ان شاء الله .
تعلمي اللغات من الانترنت .المهم عندك امور كثيرة تعمري بها وقتك .
كي تخدمي شعلي القرآن او شعلي الاذاعة راهم يونسوا مليح في الدار .
ثقفي نفسك في امور دينية وفي امور دنياوية .
انا نحب نطالع امور كثيرة بصح ماعنديش الوقت .
اذن اغتنمي الفرصة قبل مجيئ الاطفال .تولي تتمناي يزيد يطوال النهار باش تكملي شغلك .

[intel-i7]

هناك مليار حاجة تقدري ديريها
تعلمي الطبخ
تعلمي لخياطة
تعلمي حاجة جديدة من الانترنت كالتنمية البشرية. الاعلام الالي. اللغات .....

[hodayena]

اختي احكمي دارك واتلهاي في روحك وراجلك والوقت الفارغ اتعلمي صنعه كروشي اتعلمي الطياب اتعلمي مكياج احفظي قراءن ديري الرياضه في الدار
او كي يجي الطفل الاول تولي تحوسي على الوقت ومتصيبيهش حتى لنفسك املا قلشي روحك مدام راكي انتي وراجلك

[حاملة المصحف]

حالتي مثل حالتك اختي في الاول موالفتش لكن خممت بلي لازم نشغل وقتي
مثلا شغل البيت يخلاص في ساعتين ثلاثة على الاكثر

كاين دورات حفظ القران هنا في المنتدى شاركي فيها ان احببتي

مرة على مرة جربي وصفات جديدة فرحي بيها زوجك كيروح من الخدمة

او ممكن تتعلمي كروشي او دورات تعليم اللغات ظك الحمد لله الانترنت فيها كلش قادرة تتعلمي قداه نحاجة

ربي يرزقك و يرزقني بالذرية الصالحة ان شاء الله

[majdi11]

ياختي هاد الوقت الفارغ تولي تحوسي عليه ماتصبيهش .
بعد مجيئ الاطفال كامل وقتك يتعمر وتولي ماتلقايش وقت تضيعيه.
المشكلة انك والفتي تخرجي وكي زوجك منعك واللتي تحسي روحك محبوسة .
لكن انصحك ان تغتنمي الفرصة الان اذا حبيبتي تحفظي القرآن هدا هو وقتوا
واذا حبيتي تتعلمي الخياطة واعمال الديكور هدا هو وقتها.
الانترنت تتعلمي منه كل شيئ طبخ خياطة ديكور وتولي كل صبع بصنعة.
ماتخليش الشيطان لعنة الله عليه يصورلك انك محبوسة وتدخلي في اكتئاب.
حاولي تتعلمي الطبخ والحلويات من الانترنت والله عالم كبير تولي محترفة
وتفرحي زوجك واولادك مستقبلا ان شاء الله .
تعلمي اللغات من الانترنت .المهم عندك امور كثيرة تعمري بها وقتك .
كي تخدمي شعلي القرآن او شعلي الاذاعة راهم يونسوا مليح في الدار .
ثقفي نفسك في امور دينية وفي امور دنياوية .
انا نحب نطالع امور كثيرة بصح ماعنديش الوقت .
اذن اغتنمي الفرصة قبل مجيئ الاطفال .تولي تتمناي يزيد يطوال النهار باش تكملي شغلك .

هذا الكلام الحكيم

ان اردت الاستفادة خذي بنصيحتها فقد حلت مشكلتك

بارك الله فيها

[ام جعفر وباسم الحبيب]

ما تخليش وقت فراغ في حياتك....نوضي بكري صلي الفجر ...مارسي حركات رياضية بسيطة...قومي بسقي النباتات التي ببيتك لان الامر حقا مسلي...قومي ببقية اعمال البيت تنظيف ...طبخ...غسل ملابس...اقرئي قران او احفضيه...طالعي كتب للاسف في بلدنا الامر غريب ان المراة تقرا بعد الزواج لكن الحقيقة الامر ممتع ومفيد...هناك الكثير من الاشياء التي يمكنك القيام بها ....
خذي ورقة وقلم واكتبي اي شيء جميل يمكنك فعله او تعلم فعله ومن ذلك ستجدين ان وقتك صار ممتلئا وممتعا وسوف تحبين بيتك وسوف يشتاقون الى ان تقومي بزيارتهم....اتمنى لك السعادة حبيبتي الغالية...

[مومي23]

ما تلمك الا دارك
زينيها نظفيها تشعرك بالراحة و القضية هي قضية وقت فقط و تتعودي

[naamane3]

جيبي كاش واحد يعيش معاكم
امه او امك او اخته او تبني يتيم

[ام كمال]

السلام عليكم صديقنى اختى ما لقيت واش نكتب ربي يهديك ويهدينا

[أم رقية نسرين]

احمدي ربي راكي في نعمة لي غيرك من النساء وصلو للطلاق بسبة انهم يطالبو بسكن مستقل
ام سيفاكس بارك الله فيها كفات ووفات خودي بالنصائح تاعها
وربي يرزقك عن قريب بالأطفال لي يعمرو عليك الدار و تتمناي نص ساعة فقط تريحي فيها
ربي يهنيك ختي

[ام احمد اياد]

يا اختي الحمد لله اكنك تسكني وحدك لانك بعدتي عني المشاكل لي تعانبها اي وحده تسكن مع الاهل الزوج والمشكله تاعك بسيطه تعاني منها اي وحده في بداية الزواج

[ayoub55]

صراحتا غريبة هذه الدنيا قبل دقائق اقرا لامراة تشتكي انها طول عمرها عايشة في الشقاء خدمة اهل الزوج وحلمها بيت لوحدها # وما اكثرهم للاسف # والان اقرا موضوعك ومشكلتكي الوحدة في بيتكي الخاص

احترت ماذا اقول