مشكلة مشكلة ...

[مشكلتي]

السلام عليكم

انا طالبة جامعية اشكوا الكسل والتسويف والاهمال مملت من نفسي ومن وضعي الحالي

فنياااانة فنياانة فنياانة فوق الحد لا اساعد عائلتي في المنزل ابداا اتحجج من تعب الدراسة ةالجامعة وتاخري في العودة لذا ما يلومونيش لككن انا الوم نفسي اشعر بالعجز والوهن ناكل ونرقد ونروح نقرا...همكذا تمضي ايامي لا جديد ....اريد ان اتحرك ان انشط لكن استسلم فورا وشعور الفشلة والتعب مرافقي على الدوام رغم اني لا افعل شيئ......اخاف ان يؤثر هذا على حياتي المستقبلية

[زبدة ذايبة]

وش من مستقبل راكي تهدري عليه !!!!!!!!!!!!!!!!!!!!!!!

مكاين حتى مستقبل مع الحالة اللي راكي فيها

انت الوقت الحالي ماراكيش قادرة تسيريه وتستثمريه

وحايرة من المستقبل

الشيء اللي نعرفوا بناتنا كامل قافزات كل صبع بصنعة

وانت تاكلي وترقدي !!!!!!!!!!!!!!!!!!!!

مالقيتيش اللي يعيط عليك وينبهك طلقتي روحك

تعوذي بالله من الشيطان الرجيم ومن الكسل

تزيدي شوية تلقاي شبابك راح في التمسخير

لا نفعتي نفسك ولا نفعتي غيرك

ديري مجهودك الوقت ولا راح مايزيديش يرجع

ربي يهديك

[مريم المتفائلة]

صحيح اخت زبدة ذابية والله اصبتي

سأكتفي بما قالته الاخت لكن عليك بكثرة الاستغفار حاولي تنوضي بكري ترقدي بكري استثمري وقتك غايا تعلمي طياب راكي في عطلة يا اختي

[النجمة القطبية]

اختى العزيزة لازم تبحثي لنفسك عن حل للخروج من الحالة اللي راكي فيها
انصحك بعمل مجموعة من التحاليل لعلك ناقصة في بعض الفيتامينات
او ان عندك مشكل عضوي كالغدة الدرقية مثلا لانها تسبب كسل وزيادة في الوزن واحساس بالوهن
ادا لم يكن المشكل مرضي فهو نفسي او من الشيطان
تعودي ان تكون غرفتك تدخل فيها الشمس خاصة في الصباح الباكر
واحرصي على صلاة الفجر في وقتها
واحرصي على التسبيح والتكبير والاستغفار
هده الامور كفيلة بان تغير حياتك
وابداي باعمال صغيرة ومساعدات بسيطة في البيت ثم تدرجي وبادن الله ستصبحي ربة بيت ممتازة
اعرف من كانت مثلك وهي قريبة من الاباعد كنت استغرب من دلالها ونقول انها مستحيل تقدر تفتح بيت
واليوم راهي ام لاربعة اولاد رغم صغر سنها وقمة في النظافة وحسن ادارة البيت حتى الواحد ولا يتعلم منها
ربي يوفقك ويفرج عليك

[ALHIKMA]

ارقي نفسك بسرعة

[وسيمツ]

من أكثر ما يُشجع به الشاب أو البنت رأي الجنس الآخر في حالته ...
لذا أقول لك أختي أنت تلقين بنفسك إلى التهلكة لن يرغب أي رجل بالارتباط بفتاة بمثل حالتك و ان فعل فسيحسّ أنه مغفّل و قدْ خُدع ، هل ترضين أن يحصل معك هذا ؟
لا شك أن من حولك من صديقاتك بمثل حالتك أو على الأقل صديقتك المقرّبة ،انشطي وتعلمي كلّ شيئ ... البنات القافزات ما خلاو والو.

[الرميصاءْ]

وعليكم السلام ورحمة الله وبركاته

ماتقلقيش في بلادنا لي فنيانة عندها الزهر وتصيبي الخطابة في كل وقت عندها ههههههههههههه
وتصيبي راجلهاوعجوزتها تخدمها وحتى ولادها يتهلاو فيهم
ولي تكون قافزة وربة بيت ممتازة في سن الاربعين واذا جا مكتوبها هههههههه

[michaella]

أختي زوري طبيب يعملك تحاليل الانيميا و الغدة الدرقية

[amina01]

عموما في مرحلة الجامعة اغلب البنات هكذا ....لا تقلقي فيما بعد و خاصة بعد الزواج ستتغيرين لا اراديا لاحساسك بالمسئولية..لا تقسي على نفسك كثيرا ........

[سَامِيَة]

أختي أول حاجة يلزمك تقومي بيها هي تتوجهي للطبيب يفحصلك كيما قالولك الأخوات ركزي مليح مع حالتك الصحية وشخصي الأعراض اللي تحسي بيهم كي تكوني فنيانة خاطر نعرف بلي ممكن هاد الشي يكون مرتبط بمشكل في الغدة الدرقية إذا متقدريش تروحي للطبيب على الأقل قراي على هاد الموضوع وقومي بعملية إسقاط على نفسك واذا لقيتي بلي معندكش مشكل صحي ننصحك بما يلي :
- قبل ما ترقدي فالليل قولي الحمد لله 33 مرة والله أكبر 33مرة و سبحان الله 33مرة ولا إله إلا الله هاذ الأذكار تخليك فالصباح تنوضي نشيطة
- نوضي شوية بكري مام ماتكونيش تقراي وإذا كنتي رايحة تقراي خدمي حاجة خفيفة فالدار وروحي باه تعودي روحك بلي يليقلك تخدمي
- كاين هنا في هذا المنتدى قسم المنزل ومتطلباته، هاد القسم يحكي على الأعمال المنزلية لربات البيوت بالدرجة الأولى، يحكي على يوميات النساء مع شغل الدار من وقت اللي تنوض حتى اللي ترقد من خلال الحرص على تطبيق بعض الاستراتيجيات أثناء أداء أعمال البيت هذا كله من خلال بعض الدورات اللي تشرف عليها بعض الأخوات أنا شخصيااستفدت منها الكثير ديجا راها كاين دورة مثبتة هناك روحي شوفيها وقرايها وصدقيني إلا ماستفدتيش بالياسر تستفادي بالقليل.
- كي تحسي روحك بديتي توالفي ريتم شغل الدار بداي تخممي فالطبخ والحلويات وتقدري ترجعي لقسم الطبخ والمؤكولات وتولي يوميا تتصفيحيه حتى واذا كنتي متعرفيش تطيبي روحي وتبعي مع العضوات وشوفي واش راهم يقدموا من يديهم ومع الوقت رايح تتخلق عندك هاديك الحرارة في قلبك وتحبي تولي كيما هوما ودخلي غير بالشوية فالدومان ولا قولي ليماك تخصصك أوقات معينة نتي طيبي فيها وكيما جات تجي حنا بكري كانت يما تستغل الفرصة وين ما يكونش بابا فالدار وتخلينا نخلطوا لا من سمع ولا من شاف.
- حددي قائمة بمجموعة مهام خاصة بك من الصباح لليل سهليها فالأول ومبعد بداي تزيدي فيها شوية واستغلي أوقات غياب أمك عن البيت أو كي تكون عيانة.
....حنا كي بدينا نتعلمو بدينا بغسيل الأواني وتوضيب الأسرة وكنس الأرض ومبعد بداو يدمجو فينا فالكوزينة مع الطياب والحلويات ومازال حد الآن نتعلمو.

.........هادا واش نقدر نقولك هو كاين بزاف بنات كيما انتي مي يليقلك تشمري على يديك خاطر مهما خدمتي برا ماراحش تحسي بقيمة العمل نتاعك كيما تخدمي في دارك لعايلتك أو أولادك وزوجك مستقبلا، بالتوفيق

[أم سلوى]

كرري انا سغيد ة انا نشيطة بفرح وسرور. ثم رغم الكسل والشعور به فكري في ترتيب المنزل في عقلك ققط قبل النوم بكل التفاصيل ...ثم بعد تكرار هذا الفعل ستشعرين بأول خطوات التحرك ..واول حب للعمل والوثوق بنفسك لكن سيعاودك الكسل كررى ذلك