جمالي

[مشكلتي]

خاوتي راني نرجف من القلقة دموعي على خدي تعيشو لي عندو هدرة مليحة يقولها ماتكملوش على نفسيتي وعل ىحالتي لي راني فيها ..
انا الطفلة المتوسطة بين 2 خواتات وحدة متزوجة ووحدة صغيرة عليا واخ كبير عليا ب 5 سنين ..
راني نعاني هذو الايام بحكم انو اخي يحوس على طفلة رح يتزوج بيها ... خويا على قدر من الجمال ولو انو ماشي صفة يقيسو بيها الراجل بصح المرا اللي تشوفو تقولو كان جات عندي طفلة نخطبهالك كان جات عندي طفلة منطلقكش .. ودائما يقارنو بيناتنا حنا لبنات وهو .. ما نتشابهوش خلاص حنا نشبهو للاب تاعنا خرجنا سمرات وهو لامي ابيض البشرة وعيون خضراء ... المشكل هذا رايح ويزيد صحاباتي كانو يقولوهالي وتفوت نورمال مي درك ما قدرتش البارح جات لينا يمات صاحبو تزوخ بزااااف اول مرة نعرضوها على العشاء عمبالكم غير شافتني حسيت بلي معجبتهاش اول كلمة قاتها لماما كي دخلت ليهم هذي مشي زي خوهم ؟ ؟ !!!!!!! منبعد قالت لماما وختهم لكبيرة تشبهلهم ولا باهية شوية !!!!!!!! ما تقولوليش رايحة تحوس تخطب ولا بسك مجات شعلى هذ الشيئ
موراها انا تعقدت فلهدرة صح صح ومعجبنيش لحال وماما راهي وين تروح تهدرها ..لخالاتي فتيليفون ...

وانا والله يا خاوتي غير متوسطة لجمال ما خصني والو مارانيش بلوندا صح مي والله ماراني مزعوقة بش يقارنوني كل مرة بخويا مناش توام لي لازم نخرجو نتشابهو ...كل مرة يقولولي متبانيش ختو نتجرح بزاف
حتى ولو انو علابالي مشي الزين لي يبني كلش والاخلاق هوما صح بصح المجتمع لي ما يرحمش انا حساسة بزاف للكلام وقد ما سييت ما نسمعلهمش نتاثر ونسهر ليل مع البكاء

[•~ندية الجوري~•]

السّلام عليكم و رحمة الله و بركاته ...~


لن أطيلَ عليكِ؛؛؛


مشكلتك بداخلك في حساسيتك الزّائدة
لو لم تكوني مُقتنعة بما يُقال عنكِ لمــا تأثّرتَِ لتلك الدّرجة
فلا تجعلي من عيونهم و أقوالهم مرايــا لك ...تنعكسين فيها كما أرادو بك
ثمّ لماَ تقتلين نفسكِ حُزناًَ و بكاءاً ...
هل سيغيّر ذلك من لونِ عيونكِ و يزيدكِ حُسناً
أمْ أنّه يذهبُ بـ نظارة بشرتك


فقط ترفّعي ..ترفّعي عن أقوالهم ...
و توقّفي عن مُقارنة نفسكِ بوسامة أخيك


و دُمي بخير ..~

[حضنية28]

السلام عليكم
الاخت الكريمة
انت عندك مشكلة في الثقة بالنفس
الكلمة اللي يقلوهالك تاثر فيك بزاف
وهدا نتيجة الحساسية الزائدة اللي تعاني منها
لازم تكون واثقة من نفسك ومتخليش كلام الناس ياثر فيك بزاف

[youyou19]

متخليش كلام الناس ياثر فيك والجمال جمال الروح وخلي تقتك بنفسك قوية

[اسيل منة الله]

والله انت جميلة
روحك هي اجمل شيء , وقلب اهم واعظم جمال حبيبتي الله يرى قلوبنا , ترفعي عن تافهين
انت جميلة فاتنة هيك على طبيعة بساطتك وكلش وخلي تافهين كشما يزدلهم زين تاعهم عمر ولا عمل .

[hanan7]

الجمال جمال القلب والروح .. البطن بستان وممكن يكونوا كل أخ وأخت ما بشبهو بعض تعالي عنا شوفي اخواتي وأنا ما بنشبه بعض نهائياً كأنو كل حدا من ام ههههه وماعنا مشاكل بهاد الشي .. خليكي طبيعية وخلي ثقتك بنفسك عاليه .. بالتوفيق حبيبتي

[الرميصاءْ]

المشكلة راها فيك خليتي كلام الناس يأثر فيك
الجمال هو جمال الروح وكل واحد كيفاه يظهرلو الجمال
موفقة اختي

[عثمان الجزائري.]

لا تقلقي أختي فجمال المرأة لا يقارن أبدا بجمال الرجل، و أغلب الأسئلة و الكلام الذي يقال يكون من باب الإستغراب لا أكثر و لا أقل فمثلا أخي الصغير أسمر البشرة على خلافنا و أنا عيناي زرقاوتين و باقي الإخوة لا ، أحيانا عندما نلتقي لا تستطيع أن تجزم أننا إخوة إلا في بعض نقاط التقاطع، الجمال لا يعبر عن شيئ لكن الأخلاق هي كل شي...

[لحن الحياة.]

مكيش زينة ..اووووومبعد وراه لبربلام... ما تنسايش بلي الزين هاذاك راه خووووك اقلبيلهم لعقلية اصلن يولو يحنفقولك علا جال خوك كل مرة كي يقولولك خوك زين قلهم ايه مالقيتلوش. قع وحدة تعجب وتتحل فيها لعين باش يتشواو سيربلاص.اصلن منش زينة وافتخر واعلا مافي خيلهم يركبوه ونهار يقسم ربي الزهر قلهم باي باي هههههههه

[manel 26]

خلقنا رب العالمين

علابالي هذو الناس الي راهم يهدروا على الجمال كارثة

ربي يهديهم و فكريهم ربي يصورنا

و راكي تقولي انتي سمرا و من بعد الجمال غير للبيضااء

ما تديريش على هدرة الناس

كوني فاتنة في اخلاقك فقط

[وَحْـــ القلَمْ ـــيُ]

؟
هداك الله
كون تحطي ودنك للناس ما ترقديش الليل وما تخرجيش من الدار
انت اصلا قلتيها راكي مليحة
وهذا قدر الله
الامر هذا ماشي غير نتي تعاني منو
انا تاني عندي خويا باهي
وعندي ختي سمرة تاني وسمرة بزاف والناس يقوللها مايبانش خوك
و نهار كنت صغيرة ونخرج معاها يبداو يقولولها ما تبان ختك نتي كحلة
وهي طبعا عادي كلام الناس ما يقدم ما ياخر
وكانت في تمام الرضى
ولما كبرت تلهات بوجهها ولات خير منا ^^
***
راني خفت منك هه
كون جيتي ختي كون قتلتيني بالضرب في كل مرة يقولك واحد نتي كحلة وهي لا
نقولك اللي غريب فيكم مش منكم المرة الجاية كي يقولولك ما تبانيش ختو قوليلهم هو مايبانش خونا ^^
ولكن حبيت نسقسيك
يعني نتي تخلصتي من كل المشاغل في الدنيا حتى لقيتي الوقت باش تخممي في كلام الناس هذا؟؟؟
صراحة انا ما عنديش الوقت ليها )=

[زبدة ذايبة]

غريب وعجيب أمرك !!!!!!!!!!!!!!!!!

قريت مشكلتك شحال من خطرة مافهمتهاش

انت وش دخلك في خوك !!!!!!!!!!!!!!!!!!

عينيه خضر ولا زرق !!!!!!!!!!!!!!!

هو يحوس يخطب وانت علاه مقلقة

حسيتك وكأنك مرشحة للزواج به

الأحاسيس اللي عندك تجي لوحدة يتقدموا ليها ناس ويكون فرق كبير بينها وبين الخطيب

يكون هو شباب بزاف وهي نص نص مثل حالتك

وكي تجي تعليقات الناس عليها على أنه أكثر جمال منها

يكون عادي جدا إحساسك تقلقي وتزعفي

لكن انت خلطتي شعبان في رمضان

من المفروض تفرحي كي خوك شباب

الناس تشكروا هو وانت تتعقدي ؟؟؟؟؟؟؟

ولا راكي غايرة منو كي شباب !!!!!!!!!!!!

مافهمتش مليح

الشكل والتصوير من عند الله عزوجل واحد فينا ماعندو اليد في هذ الأمور

علاش راكي رابطة روحك بيه

درتي لروحك مشكلة ماعندها حتى معنى

طبيعي جدا الناس تستغرب لما تلقى الإخوة مايتشابهوش

واحد عينيه زرقاوتين وأشقر والثاني أسمر والثالث هجين بين هذا وذاك

الناس ماتقصدكش بالانتقاد

انت اللي راكي تنتقدي في نفسك وتقولي لوكان غير جاو هذوك العينين تاوعي

التهاي بقرايتك وأشغالك وخليك من هذ الأفكار السطحية والساذجة

الحمد لله عندك عينين تشوفي بيهم احمدي ربي

ماعندك عينين مقلوبين ، ولا خارجين ولا فيهم المرض

والحمد لله عندك بشرة مافيهاش تشوهات وحروقات ومافيهاش برص

احمدي ربي صباح وعشية على هذا النعم الكثيرة والكبيرة

وش خصك ؟؟؟؟؟؟

بصحتك ماشاء الله

خصك عينين زرق ، وبشرة بيضاء باش تكوني مرتاحة !!!!!!!!!!!!!!!!

مالقيتيش وش ديري

درتي كلش بقالك غير المقارنة بينك وبين خوك

دخلاتك الغيرة منو وليتي كي تسمعي الهدرة تاع الناس تقولي هو السبة

عقدتي روحك بروحك

واحد ماعقدك

[أم سيفاكس]

غريب وعجيب أمرك !!!!!!!!!!!!!!!!!

قريت مشكلتك شحال من خطرة مافهمتهاش

انت وش دخلك في خوك !!!!!!!!!!!!!!!!!!

عينيه خضر ولا زرق !!!!!!!!!!!!!!!

هو يحوس يخطب وانت علاه مقلقة

حسيتك وكأنك مرشحة للزواج به

الأحاسيس اللي عندك تجي لوحدة يتقدموا ليها ناس ويكون فرق كبير بينها وبين الخطيب

يكون هو شباب بزاف وهي نص نص مثل حالتك

وكي تجي تعليقات الناس عليها على أنه أكثر جمال منها

يكون عادي جدا إحساسك تقلقي وتزعفي

لكن انت خلطتي شعبان في رمضان

من المفروض تفرحي كي خوك شباب

الناس تشكروا هو وانت تتعقدي ؟؟؟؟؟؟؟

ولا راكي غايرة منو كي شباب !!!!!!!!!!!!

مافهمتش مليح

الشكل والتصوير من عند الله عزوجل واحد فينا ماعندو اليد في هذ الأمور

علاش راكي رابطة روحك بيه

درتي لروحك مشكلة ماعندها حتى معنى

طبيعي جدا الناس تستغرب لما تلقى الإخوة مايتشابهوش

واحد عينيه زرقاوتين وأشقر والثاني أسمر والثالث هجين بين هذا وذاك

الناس ماتقصدكش بالانتقاد

انت اللي راكي تنتقدي في نفسك وتقولي لوكان غير جاو هذوك العينين تاوعي

التهاي بقرايتك وأشغالك وخليك من هذ الأفكار السطحية والساذجة

الحمد لله عندك عينين تشوفي بيهم احمدي ربي

ماعندك عينين مقلوبين ، ولا خارجين ولا فيهم المرض

والحمد لله عندك بشرة مافيهاش تشوهات وحروقات ومافيهاش برص

احمدي ربي صباح وعشية على هذا النعم الكثيرة والكبيرة

وش خصك ؟؟؟؟؟؟

بصحتك ماشاء الله

خصك عينين زرق ، وبشرة بيضاء باش تكوني مرتاحة !!!!!!!!!!!!!!!!

مالقيتيش وش ديري

درتي كلش بقالك غير المقارنة بينك وبين خوك

دخلاتك الغيرة منو وليتي كي تسمعي الهدرة تاع الناس تقولي هو السبة

عقدتي روحك بروحك

واحد ماعقدك
الاخت الكريمة مع كل احتراماتي ليك
كلامك جارح وفيه تجريح وكلام لايقال
معندكش الحق تقوليه
( احسست كانك مرشحة للزواج به) كلام لايقال بين الاخوة ابدا .
(هوشباب بزاف وهي نص نص مثلك،) ....راكي زدتي كملتي بنفس المنطق تع هؤولاء الاشخاص اللي جرحوها.

اذا كنت مختصة نفسية انصحك ان تغيري تخصصك لتصبحي محامية للتهجمي على خصمومك ، لان المهنة تع المختصة النفسية لازم تسمع الشخص وتحاول تفهموا بطريقة ذكية ليس التهجم عليه وسبه ونعته بشتى انواع الشتائم
البنت قالت انا محبطة نفسيا ربما راهي مراهقة ونفسية المراهق تكون رهيفة جدا ويتحسس كثيرا ،وقد لاتكون شابة خرجت من سن المراهقة ولكن بسبب كلام تع اشخاص ناقصين فهامة رجعت تتوسوس من روحها.
وعليه .
والانسان يقول خير او يصمت.
هي قالت ماتزيدوش عليا بالانتقاد والتجريح فهموني برك
كنت قادرة تفهميها ببعض الجمل اللي قلتيها ان الله خلق وفرق وفقط
بالنسبة للاخت صاحبة المشكلة نقلك ياختي الكريمة الله غالب ماشي كل الناس فاهمة
ماشي كل الناس تميز قبل ماتتكلم .
حقيقة لما يكون الابناء مختلفين الناس تتساال بدافع الفضول في بعض الاحيان وهذا لا يجب ان يقلقك ابدا .
وهناك اشخاص يحبوا يجرحوا اشخاص اخرين بكل الطرق .
انت لازم تقوي شخصيتك جيدا وكلما قالولك الناس هاذ الكلام لازم تضحكي وتقوليلهم ثقة في النفس انك مايخصك والوا وكل واحد كيفاش خلقوا ربي .وانت راضية بما اعطاك الله من جمال والحمدلله وانك سمرة ومسرارة .
وماتخليش الناس تهدر وانت تزعفي وتتكون عندك عقدة وامبعد تصبح كراهية ضد المجتمع وتنغلقي على نفسك .لا
الطريقة الصحيحة انك تجاوبي كل واحد قالك هاد الكلام ان اخوك خرج لامك وانت للاب ديالك وانك تحبي الاب ديالك وراكي فرحانة انك تشبهيلوا .
وزيد كل مايقلك واحد هاد الكلام رجعيلوا السؤال على نفسوا هو
قليلو وانت لمن تشبه ختك خير منك او خوك خير منك المهم كل واحد جاوبيه بقدر الكلام اللي قالوا ليك .
ومتبقايش تخمي في هاد الامر لان كثير من الناس عندهم جمال كبير بصح الزهر مكانش.
وانت باذن الله يكون زهرك في كل ميادين الحياة احسن بكثير.
خترات الزين الزايد يجلب العين . فقط

[zalamite]

ياو ادعي لخوك بالحفض والصون ماشي مليحة الهدرة بزاف الناس عينيهم مدافع الله يسترنا ...و نتى متعمريض راسك بزاف المقارنة بين الناس دائما هكدا ...هدو حبوا يحطموك معنويا برك كوني قوية يا مخلوقة..

[ALHIKMA]

حتى تعرفوا ان الجمال مسألة نفسية ونسبية
هناك من هي اقل منك جمالا لكنها في نفسها تشعر انها اجمل منك
وهناك من هي اكثر منك ولكنها تشعر انها اقل منك
وانظري اين تضعين نفسك
على كل حال التاثر بالكلام السلبي للناس صار من الماضي
اخطيك منهم خليهم يطلبو ويغنو كيما يحبو
احمدي الله على الصحة والعافية

[زبدة ذايبة]

الاخت الكريمة مع كل احتراماتي ليك
كلامك جارح وفيه تجريح وكلام لايقال
معندكش الحق تقوليه
( احسست كانك مرشحة للزواج به) كلام لايقال بين الاخوة ابدا .
(هوشباب بزاف وهي نص نص مثلك،) ....راكي زدتي كملتي بنفس المنطق تع هؤولاء الاشخاص اللي جرحوها.

اذا كنت مختصة نفسية انصحك ان تغيري تخصصك لتصبحي محامية للتهجمي على خصمومك ، لان المهنة تع المختصة النفسية لازم تسمع الشخص وتحاول تفهموا بطريقة ذكية ليس التهجم عليه وسبه ونعته بشتى انواع الشتائم
البنت قالت انا محبطة نفسيا ربما راهي مراهقة ونفسية المراهق تكون رهيفة جدا ويتحسس كثيرا ،وقد لاتكون شابة خرجت من سن المراهقة ولكن بسبب كلام تع اشخاص ناقصين فهامة رجعت تتوسوس من روحها.
وعليه .
والانسان يقول خير او يصمت.
هي قالت ماتزيدوش عليا بالانتقاد والتجريح فهموني برك
كنت قادرة تفهميها ببعض الجمل اللي قلتيها ان الله خلق وفرق وفقط


يا أم سيفاكس

أنا لست محامية وماعنديش هذ الهواية

وكلامي ليس جارحا مثلما تقولين

واحتراما لك نبينلك أبعاد ردي اللي ماعجبكش مع أنني لست ملزمة بالتوضيح

وش حبيتي نجاوبها ؟؟؟؟؟؟

البنت تبحث على ناس يبكوا معاها على هذا قالت ماتجرحونيش

ودوائها في هذا الشيء اللي راهي خايفة منو

مانقدرش نقولها عندك الحق في الطريقة اللي راكي تفكري بيها

هي نفسيتها مهزوزة وضعيفة وراهي محطمة بسبب شيء تافه جدا

قاعدة حاطة وذنيها للناس وش يقولوا على زينها وزين خوها وشكون اللي أقل جمال هي ولا خوها

في رأيك نزيد ندللها زيادة على الشيء اللي راهي فيه

مشاعرها مخلطة بسبب الغيرة من جمال أخيها

وراهي تضيع بسبب المقارنة بينها وبين خوها وغيرتها من أخيها !!!!!!!!!!!!!!!!!!!!

مانقدرش ندللها ونحللها ومانجرحهاش ( حلليها أنتي)

هذا أسلوبي في الرد على المشكلات ماشي شرط يعجبك انت

اللي يهمني صاحبة المشكلة. ماكتبتش حل المشكلة ليك حتى تناقشيني فيها

وبالنسبة لاتهمامك لي بالسب والشتم فهذا لاأقبله وهو مردود عليك

إذا ماقدرتيش تفهمي أبعاد ردودي فهذه والله مشكلتك وهي لاتعنيني

تقدري تنصحيها بطريقتك وبأسلوبك ومافي داع تعطيني النصائح والتوجيهات احتفظي بيها لنفسك

الحمد لله المنتدى مفتوح للجميع ومجاني

ومقص الإدارة موجود

[نورسين.داية]

أول مرة أقرأ مقارنة مثل هذه .....أصلا بين الإخوة لا مجال للمقارنة في الجمال .............الصراحة من يفكر بهذا المنطق إنسان مستواه يقرأ عليه السلام

[محمد جديدي التبسي]

الحساسية ما تمشيش في مجتمعنا لازم تنحيها
اعرف ايضا شاب وسيم جدا ولديه اخوات بنات عاديات جدا لكن اخلاقهن راقية كان الخطاب عندهم كثيرون
ثلاثة من اصدقائي تقدموا لخطبة اختين له لكن تفاجئوا انهم ليسوا بجمال اخوهم وليس لهم عيون زرقاء مثل اخيهم
وفي الاخير تزوج احدهم والاثنين تزوجوا من مكان آخر والاخت الاخرى مخطوبة وكانت تخير وتختار كل اسبوع خاطب وليست ذات جمال كبير
أختي الاخلاق هي الاهم كما قلت والأهم من كل هذا هو التوكل على الله وحسن الظن به ورمي كلام الناس وراء الظهر لشيء وهبنا الله اياه ولا نملك الا الرضى به وشكر الله عليه وعلى نعمه التي لا تعد ولا تحصى.

[fathbb]

أخيتي ...أنا أتفهم وضعك، لكن تأكدي أن ثقتك في نفسك ستزيدك جمالا..وتقبلي نظرة المجتمع السطحية بكل رضى ..وأنصحك أن تتقربي من الله فيزيدك نورا....

[smile10]

السلام عليكم شوفي أختي أولا لازم تكون عندك ثقة كبيرة في نفسك وماتخلي حتى واحد يهبطلك المورال وباش تكوني نفسك بالطريقة الصحيحة وتعيشي في

سلام داخلي مع ذاتك أقراي كتب عن التنمية البشرية رايحة تتغير نظرتك للحياة وتولي تشوفي الدنيا هادي فاااااااانيااااااا بكل مل تحمله الكلمة من معنى أكيد

الجمال صفة محبوبة لدى الجميع ولكن ليست كل شىء أو أهم شىء في الحياة والجمال قضية نسبية كل واحد والمعايير ديالو ماراهوش حاجة مطلقة ومتفق

عليها كاين سمرا متوسطة الجمال ولكن مسرارة وكاين بلوندا بالعين الخضراء وسامطة رهج هههه :( وأهم حاجة تخليك تكوني مرتاحة هو الرضا بما قسمه

الله وأعطاه لنا دون اعتراض لأنه أكيد عطاك صفات ماعطاهمش لمولات البشرة البيضاء والشعر الأشقر ونزيدلك حاجة مهمة بالزاف وهي النظر لمن هم

أقل منك روحي لسبيطارات شوفي الناس كيفاش راهي تعاني ..روحي لدار الأيتام شوفي المغابن هادوك كيفاش رااهي صاريتلهم للزوالي اللي معندوش

عشا ليلة لهادوك الناس ذوي الإحتياجات الخاصة والمعوقين اللي يتمنى يمشي وإلا يهدروإلا يسمع ويشوف ..التما برك رايحا تحمدي ربي بكرة وعشيا على

كل ما أعطاك ...أكيد أختي أنا نتفهمك أي إنسان بالطبيعة يغيضو الحال إذا واحد قلل من شأنو وإلا حس من كلامو باللي راه يعاير فيه بالصح كي يكون عندك

إيمان كبير بالله وحسن ظن بيه في كل الظروف هادو الناس كامل يبانولك ريح عابرة ...

وربي يريح بالك أختي تحياتي :)

[مياسم الصمت]

السلام عليكم ورحمة الله وبركاته
الأخت ما نكذب عليك ونقولك الجمال ما عنده تأثير وانه الجمال جمال الروح
يبقى كلام فوق الريح

لكن انت وبنفسك قلت جمالك مقبول
مالا خلي ثقة بنفسك و ماتخلي غيرك يهزها
الي هدر معك بكل ثقة قولي له
عاجبتني روحي