دال دو صول أو مونوكوش ؟

[samozin]

السلام عليكم
خاواتي حبيت نسقسيكم , راني حاير بين لادال دو صول المونوكوش ولا نخدمهم في زوج
وثاني حبيت نسقسي قالولي الكولوار (الهول) قالولي ولاو مايديرولوش فايونص , واش رايكم في هذي

[أم سيفاكس]

السلام عليكم
خاواتي حبيت نسقسيكم , راني حاير بين لادال دو صول المونوكوش ولا نخدمهم في زوج
وثاني حبيت نسقسي قالولي الكولوار (الهول) قالولي ولاو مايديرولوش فايونص , واش رايكم في هذي

اختي الكريمة اذا كان رايحة ديري دالدوصول تع اسبانيا ننصحك ديريها هي احسن من المنوكوش لكن اذا كان رايحة ديري دالدوصول تع الجزاير فمن الاحسن ديري المنوكوش لان تع الدزاير تتشقق وتتقشر القشرة الفوقانية مع مرور الوقت وهدا عن تجربة راني دايرة تع الدزاير وتع اسبانيا ومنكوش يعني مجربتهم الثلاتة .
انت متدرتش في الهال فايونس بصح درت في الدروج لان مع التسياق والتزرزيق تع الماء هدا ماينفع اما الهال مادرتش .
رغم انوا فهداك الوقت كانت لامود .
الان صح راهم يقولوا راحت لامود ديالها .
لكن انا ننصحك شوفي اذا اولادك صغار ويقشرو لحيوط بزاف ديريها ادا كان خاطيهم وراكي معودتهم مايلطخوش الحيوط مديريهاش زيادة تع مصروف.
انا مادرتهاش بصح نظل نتبع فيهم باش يغسلوا يديهم بعد الاكل ويمسحوا. والحمدلله معنديش اشكال .
انت متشوفيش لامود شوفي واش يساعدك.
ان شاء الله نكون افادتك

[samozin]

بارك الله فيك اختي وربي يحفظك على النصيحة
اني ان شاءالله نجيب دال دو صلو تاع اسبانيا ومانديرش فايونص

[lilia88]

يا اختي انا ننصحك بالمونوكوش لخاطر لادال دوصول نتاع الخارج غالية حتى والمونوكوش فيه نوع رديء مخدوم بالجبس يشرب لوسخ والنوع لمليح نتاع الاسمنت الابيض و الحجرة سهل التنظيف

[oum sidou]

انا اتصحك بمنوكوش لان دال دوصول لازم كل شوية تكنسيها ايبان فيها كلش و حاجة تسقط عليها تتخدش

[ityou]

مونوكوش خير لانو تقدر تحكه بمرور الوقت وكاين تيراستو فور