one dream
2017-03-07, 16:43
http://www4.0zz0.com/2014/06/02/17/294281228.gif
إن شاء الله تكونو بألف خير حبيباتي
هاذي أول مشاركة ليا في قسم الطبخ
:mh31::mh31::mh31:
وشهر رمضان المبارك مابقالوش بزاف
و حبيت نشاركم تحضيراتي للشهر الكريم
حنا الجزايريين نشمو ريحة رمضان من بعيد لازم ههههههه
http://forum.imageslove.net/photos/img_1431693329_801.jpg
تحضيرات تخص المطبخ و ان شاء الله تشاركوني تحضيراتكم حبوباتي حتى نوفروا وقت
أول حاجة راح نقوم بيها ان شاء الله
https://daysinlife2.files.wordpress.com/2012/05/imagescar7mvfb1.jpg
قائمة المشتريات أو الرافيطايما كيما نقولو انا نوجدها الآن
سكر, زيت, زبدة, قهوة, شاي, فرينة, خل, ماء الزهر, سميد , خميرة,ارز , تليتلي دويدة ,, شخشوخة الظفر, كسكس رقيق من أجل المسفوف للسحور, علبة انناس و كريم شاتني من أجل التحليات, ارز محلبي, زبيب , العينة أو البرقوق ,مشمش مجفف, الحمص , العسل , الديول ,الدجاج , توابل وحتى صابون المواعين و الصرافط وحتى مستلزمات الحلويات : كوكاو , شوكولا بيضاء و سوداء و نواد كوكو و جنجلانية و سكر ناعم نشاء و غرس,,,,, كشما نسيت فكروني
هاذو المستلزمات مش راح نشريهم ضربةوحدةوانما كل مرة نقص حاجة و نحفظها في الخزانة أوالثلاجة, مثلا اذا خلصت عندي القهوة نشري 3 وحدة نستعملها و زوج نخبيهم لرمضان وهكذا
http://www.al-friends.com/up//uploads/images/alfriends-378f55a668.png
اللحم الغنمي : نشريه سمانة قبل رمضان نقسمو كميات على حسب الاستعمال و الى المجمد
لحم الدجاج : راح نشري 5 دجاجات( كل مرة نشري دجاجة ) بما انو رخيس الآن ,أنضفهم مليح نقطعهم و نجمدهم في صينية ,كل قطعة وحدها باش مايلصقوليش ,ثم نجمعهم في أكياس في المجمد _ لحم الدجاج يحفظ في المجمد لمدةتصل 6 أشهر _
http://www.meuse-epices.com/Files/31213/Img/03/boutique-vente-epices.jpg
التوابل : نشريهم أسبوع قبل رمضان مرحيين من عند بائع ثقة ( انا نستعمل فلفل احمرحلو و حار كسبر كمون كركم قرفة و قرنفل زنجبيل )
الفريك : انا نستعمل فريك البشنة أوالذرة لأنو خفيف على البطن نشريه من الصيدلية
http://img-aws.ehowcdn.com/350x235p/photos.demandstudios.com/179/253/fotolia_5840333_XS.jpg
الليمون : يغلى في رمضان لذا يفضل شراؤه الآن ننزع منو الزاست نحفظو في كيس في المجمد و نستخرج العصير و نجمدو على شكل مكعبات في قوالب و كاين حبات نقسمهم على 4 ونجمدهم طول
البرتقال : نشري كمية مليحة نحي منو الزاست و نعصرو بدون اضافات و نجمدو في كؤوس بلاستيكية و في كل مرة نجبد كاس او اثنين حتى نعمل بيهم عصير
الثوم : راح نشري كمية مليحة نرحيه بدون أي اضافات و نوضعو قوالب السيلوكون تكون صغيرة أو نشكل كويرات بواسطة ملعقة فوق كيس بلاستيكي و لما يجمدو نجمعهم في كيس واحد
الجلبانة و القرنون : نقشر الجلبانة و نفورها لمدة دقيقة فقط ونقسمهاعلى عدة أكياس في المجمد أما القرنون حتى هوأنظفو مليح و نغليه دقيقة وحدة برك و إلى المجمد
http://24.ae/images/Articles/20150928070033.Jpeg?2843
الدبشة و المعدنوس و الكرفس : ننزع الاوراق عن السيقان ونحتفظ بالاوراق في علبة و السيقان في علية ثانية لكن نقطعم ونحفظهم في المجمد اكيد , السيقان نستعملهم في أول الطياب و الاوراق نستعملهم في آخرالطياب حتى يطلقو البنة
http://i.ndtvimg.com/i/2015-03/dates_625x350_81427802819.jpg
التمر : راح يغلى في رمضان بزاااف راح نشريه الآن و نوضعو في المجمد و يبقى كما هو في كل مرة نجبد كمية تذوب في الثلاجة حتى نفطرو عليها مع اللبن
الخبز اليابس المرحي : حتى هونحضرو و نحفظو في برطمان و نوضع معاه غطاء تاع علبة الفيتامين سي لان هذاك الغطاء فيه مادة تمص الرطوبة وتحافظ على الخبز تاعنا جاف وتمنع فساده
النعناع : نغسلو من التربة و نشفو بفوطة و ننزع الاوراق عن السيقان و نخليه يجف في الظل حتى يبقى أخضر و نحفظو في أكياس مغلقة في حرارة المطبخ انا نشربو بزاف لأنو يساعد على الهضم وكذلك من أجل عمل الشاي
الحمص : نطيبو في ماءوملح نخليه يبرد و نجمدو
مخلل الفلفل والجزر و البسباس : نملأ بيدون تاع 5 ليترات بالجزرو الفلفل و البسباس و نضيفلهم قرعة خل و رطل تاع ملح و الباقي نكملوه بالماء للعلم فقط بنات هذا المخلل لقيت وحدة داراتوو و راح نجربو ان شاء الله لاول مرة
البوراك : راح نعمل كمية تكفيني أسبوعين نوضعهم في علبة و نفصلهم بأكياس بلاستيكية حتى مايلصقوش لما يجمدو عند الاستعمال منخليهمش يذوبووانما نقليهم مباشرة في الزيت لكن خوذي حذرك من الزيت النار تكون هادئة في الأول
الكسرة : اذاكنتي والعائلة تاعك من محبي الكسرة و متحبيش التعرض لحرارة الطاجين كل يوم مع السخانة الحر تاع الصيف و الصيام ماعليك غير تعملي كمية كبيرة و غير تبرد ضعيها في اكياس بلاستيكية و لفيها بالالمنيوم و جمديها بكل بساطة وفي وقت الفطور شعلي الفرن و سخنيها كانك هذا وين طيبتيها راح تبقى جديدة كيما اول مرة
الفلفل الطماطم :لا داعي تجمديهم لانهم راح يكونو باسعار معقولة بماانو موسم الصيف
هذا وش خميت ندير ان شاء الله اذا عندك اي اقتراح او طرق افضل شاركينا حبيبتي :mh31::mh31::mh31:
إن شاء الله تكونو بألف خير حبيباتي
هاذي أول مشاركة ليا في قسم الطبخ
:mh31::mh31::mh31:
وشهر رمضان المبارك مابقالوش بزاف
و حبيت نشاركم تحضيراتي للشهر الكريم
حنا الجزايريين نشمو ريحة رمضان من بعيد لازم ههههههه
http://forum.imageslove.net/photos/img_1431693329_801.jpg
تحضيرات تخص المطبخ و ان شاء الله تشاركوني تحضيراتكم حبوباتي حتى نوفروا وقت
أول حاجة راح نقوم بيها ان شاء الله
https://daysinlife2.files.wordpress.com/2012/05/imagescar7mvfb1.jpg
قائمة المشتريات أو الرافيطايما كيما نقولو انا نوجدها الآن
سكر, زيت, زبدة, قهوة, شاي, فرينة, خل, ماء الزهر, سميد , خميرة,ارز , تليتلي دويدة ,, شخشوخة الظفر, كسكس رقيق من أجل المسفوف للسحور, علبة انناس و كريم شاتني من أجل التحليات, ارز محلبي, زبيب , العينة أو البرقوق ,مشمش مجفف, الحمص , العسل , الديول ,الدجاج , توابل وحتى صابون المواعين و الصرافط وحتى مستلزمات الحلويات : كوكاو , شوكولا بيضاء و سوداء و نواد كوكو و جنجلانية و سكر ناعم نشاء و غرس,,,,, كشما نسيت فكروني
هاذو المستلزمات مش راح نشريهم ضربةوحدةوانما كل مرة نقص حاجة و نحفظها في الخزانة أوالثلاجة, مثلا اذا خلصت عندي القهوة نشري 3 وحدة نستعملها و زوج نخبيهم لرمضان وهكذا
http://www.al-friends.com/up//uploads/images/alfriends-378f55a668.png
اللحم الغنمي : نشريه سمانة قبل رمضان نقسمو كميات على حسب الاستعمال و الى المجمد
لحم الدجاج : راح نشري 5 دجاجات( كل مرة نشري دجاجة ) بما انو رخيس الآن ,أنضفهم مليح نقطعهم و نجمدهم في صينية ,كل قطعة وحدها باش مايلصقوليش ,ثم نجمعهم في أكياس في المجمد _ لحم الدجاج يحفظ في المجمد لمدةتصل 6 أشهر _
http://www.meuse-epices.com/Files/31213/Img/03/boutique-vente-epices.jpg
التوابل : نشريهم أسبوع قبل رمضان مرحيين من عند بائع ثقة ( انا نستعمل فلفل احمرحلو و حار كسبر كمون كركم قرفة و قرنفل زنجبيل )
الفريك : انا نستعمل فريك البشنة أوالذرة لأنو خفيف على البطن نشريه من الصيدلية
http://img-aws.ehowcdn.com/350x235p/photos.demandstudios.com/179/253/fotolia_5840333_XS.jpg
الليمون : يغلى في رمضان لذا يفضل شراؤه الآن ننزع منو الزاست نحفظو في كيس في المجمد و نستخرج العصير و نجمدو على شكل مكعبات في قوالب و كاين حبات نقسمهم على 4 ونجمدهم طول
البرتقال : نشري كمية مليحة نحي منو الزاست و نعصرو بدون اضافات و نجمدو في كؤوس بلاستيكية و في كل مرة نجبد كاس او اثنين حتى نعمل بيهم عصير
الثوم : راح نشري كمية مليحة نرحيه بدون أي اضافات و نوضعو قوالب السيلوكون تكون صغيرة أو نشكل كويرات بواسطة ملعقة فوق كيس بلاستيكي و لما يجمدو نجمعهم في كيس واحد
الجلبانة و القرنون : نقشر الجلبانة و نفورها لمدة دقيقة فقط ونقسمهاعلى عدة أكياس في المجمد أما القرنون حتى هوأنظفو مليح و نغليه دقيقة وحدة برك و إلى المجمد
http://24.ae/images/Articles/20150928070033.Jpeg?2843
الدبشة و المعدنوس و الكرفس : ننزع الاوراق عن السيقان ونحتفظ بالاوراق في علبة و السيقان في علية ثانية لكن نقطعم ونحفظهم في المجمد اكيد , السيقان نستعملهم في أول الطياب و الاوراق نستعملهم في آخرالطياب حتى يطلقو البنة
http://i.ndtvimg.com/i/2015-03/dates_625x350_81427802819.jpg
التمر : راح يغلى في رمضان بزاااف راح نشريه الآن و نوضعو في المجمد و يبقى كما هو في كل مرة نجبد كمية تذوب في الثلاجة حتى نفطرو عليها مع اللبن
الخبز اليابس المرحي : حتى هونحضرو و نحفظو في برطمان و نوضع معاه غطاء تاع علبة الفيتامين سي لان هذاك الغطاء فيه مادة تمص الرطوبة وتحافظ على الخبز تاعنا جاف وتمنع فساده
النعناع : نغسلو من التربة و نشفو بفوطة و ننزع الاوراق عن السيقان و نخليه يجف في الظل حتى يبقى أخضر و نحفظو في أكياس مغلقة في حرارة المطبخ انا نشربو بزاف لأنو يساعد على الهضم وكذلك من أجل عمل الشاي
الحمص : نطيبو في ماءوملح نخليه يبرد و نجمدو
مخلل الفلفل والجزر و البسباس : نملأ بيدون تاع 5 ليترات بالجزرو الفلفل و البسباس و نضيفلهم قرعة خل و رطل تاع ملح و الباقي نكملوه بالماء للعلم فقط بنات هذا المخلل لقيت وحدة داراتوو و راح نجربو ان شاء الله لاول مرة
البوراك : راح نعمل كمية تكفيني أسبوعين نوضعهم في علبة و نفصلهم بأكياس بلاستيكية حتى مايلصقوش لما يجمدو عند الاستعمال منخليهمش يذوبووانما نقليهم مباشرة في الزيت لكن خوذي حذرك من الزيت النار تكون هادئة في الأول
الكسرة : اذاكنتي والعائلة تاعك من محبي الكسرة و متحبيش التعرض لحرارة الطاجين كل يوم مع السخانة الحر تاع الصيف و الصيام ماعليك غير تعملي كمية كبيرة و غير تبرد ضعيها في اكياس بلاستيكية و لفيها بالالمنيوم و جمديها بكل بساطة وفي وقت الفطور شعلي الفرن و سخنيها كانك هذا وين طيبتيها راح تبقى جديدة كيما اول مرة
الفلفل الطماطم :لا داعي تجمديهم لانهم راح يكونو باسعار معقولة بماانو موسم الصيف
هذا وش خميت ندير ان شاء الله اذا عندك اي اقتراح او طرق افضل شاركينا حبيبتي :mh31::mh31::mh31: