فشل

[مشكلتي]

السلام عليكم،
أنا جد متوترة و قلقة،متعبة و خائفة.. و الله غير فشلت!!
أنا طالبة جامعية في فترة امتحانات...و هذا ثاني امتحان أفشل فيه..تخيلوو راجعت كل شيء و حتى أنني وجدت الموضوع جد سهل لكنني لم أستطع الإجابة على أي سؤال ،نسيت كل شيء!! ما فهمتش واش صرالي و الامتحان الاول نفس الشيء لكن تاع اليوم أكثر من الأول ،كأنني كل يوم نزيد نفشل أكثر!!! ما فهمتش واش صرالي مخي ماولاش يخدم !!
و الله أنا جد قلقة ، فقدت ثقتي في نفسي...

[sohaibdz]

احتمال كبير جدا تكوني من التعب

[طموح متجدد]

مشكلتك ِ إجابتها هنا ، وضعت أختِ الصحة النفسية إجابة علمية ممتازة ، هذا رابط المشكلة http://www.djelfa.info/vb/showthread.php?t=2045607

[ام رضوان]

السلام عليكم
اسال الله العظيم رب العرش الكريم ان يقويك ويرفع من عزيمتك ويوفقك اميييييين
بنيتي اكثري من الدعاء والاستغفار وطلب العون من الله سبحانه
وكاين حاجة نقولهالك وقلتها من قبل لابني
هو ايضا رجع مدمر وقالي قريت وتعبت وماطلعتش
قلتلو ونقلك
اقعدي مع نفسك وعاودي حساباتك
اذا راكي تقضي وقت مع التلفاز والمسلسلات التافهةووقت مع مواقع التواصل الاجتماعي ولا كاش بنات خايبات يضالو يشايخو غير في حوايج تافهة
وتسهري مع الهاتف وتاكلة غير على قراية الجامعة راكي غاااااااالطة
اللي عينو في قرايتو يسهر معاها ويكثر المراجعة والتمارين وكل حاجة تقدر تفيدك
من جهة اخرى
حافظي على صلاتك وداومي على الدعاء والاستغفار
وازرعي الثقة في نفسك من جديد
ماتياسيش
اتكلي على ربي وقولي انا قوية بربي ان شاء الله ننجح وانزعي من عقلك كلمة فشل فهي تحبط الهمة
لازمك همة قوية بنتي
انت خذي بالاسباب ووكلي امرك لربي سبحانه
نتمنى نكون افدتك وراح ادعيلك ربي ينجحك ويفرحك اميييييييين
بالتوفيق بنيتي

[ع.عيسى]

لانك وكاغلب البنات حفاضات اي تعتمدن على الذاكرة لوحدها ، الفهم هو اساس النجاح

[الواثق]

انا نعطيك الدواء
اولا عليك بالرياضة فهي تحسن الذاكرة.......جربي تسيقي الصباح والعشية راه الفريتوار يساعد الاعصاب المتوترة خاصة تحركه في الماء البارد........انهاء اليوم بغسيل الماعن واعداد قاطو للصباح يجعلكي تنامين جيدا فالسخانة تاع الكوشا تشبه الحمامات التي تساعد على الاسترخاء.........الصلاة في اواقاتها تنظم الوقت وتربطك بالشافي الرزاق ........في الاخير كي تروحي للامتحان اعلمي جيدا ان القاطو لي طيبتيه اهم منه ...............صدقيني رايحة تنجحي

[zakaria1980]

ربي يعاونك اختي حاولي التركيز أكثر

[beautifulmin85]

السلام عليكم

ما الذي تغير منذ آخر اختبار قمت به وكانت نتائجك جيدة ؟؟؟

يعني اذا كانت هذه السنة فقط التي وجدت فيها هذا المشكل

فأكيد هناك أمر ما طرأ في حياتك انعكست نتائجه على تركيزك ودراستك ...

حاولي أن ترتبي أمور حياتك وتجعلي الأولويات فيها من أعلى لأسفل فالدراسة مهمة اجعلي تركيزك وتفكيرك منصب عليها

ليس لأي شيء آخر وأيضا لا تنسي الاستعانة بالله بالصلاة والأذكار صباحا ومساءا وقبل النوم

وبالتوفيق لك في قابل الاختبارات وان شاء الله تعوضين ما فاتك