ماذا أفهم من كلام خطيبي؟

[مشكلتي]

السلام عليكم ورحمة الله وبركاته
أنا فتاة جامعية مخطوبة لشاب متدين أحسبه كذلك والله حسيبه ظروفه المالية صعبة شوية وصارحني من البداية وطلب مني الصبر علاقتي به تسير وفق الضوابط الشرعية غالبا أمس ارسلت له رسالة قلت له ماهي الصفات التي تحبها في المراة وما هي الصفات التي تكرهها محاولة مني للتعرف عليه اكثر فقال لي العشرة كفيلة ان نتصرف دون شعور اعجبني رده ثم بعث لي رسالة وقال لي اكره اننك مثلا تقولي لي جيبلي مصروف ثم لما نجي تقولي لي اه نسيت الزيت ثم لما نجيب زيت تقولي نسيت الملح والحانوت بعيد فارسلت له رسالة وقلت اليس الرجل في خدمة اهله؟؟ فقال الافضل تكتبي قائمة فقلت في نفسي من الان يقولي هك؟؟ انزعجت حقا من طريقة تفكيره ما رايكم بالأمر؟حاسة نفسي الان لو تزوجته رح نطلب منه قضيان مرة وحدا لكني انسانة وممكن انسى شي

[منى6019]

السلام عليكم
لا ارى عيبا في كلامه.....عندو حق
انت اخذت جوابه بحساسية زائدة

[حاملة المصحف]

السلام عليكم
لا ارى اي سبب لانزعاجك اختي هذا طبع اغلب الرجال ميحبوش يروحو و يجيو قداه من مرة مثلا انا زوجي نكتبلو قائمة و نكتب فيها التفصيل نتاع التفصيل يعني مثلا كيلو طماطم تكون حمرة اذا صفلرة متجيبش ههههه و رغم القائمة ساعات يجيبلي عكس المكتوب تماما
يعني اني سالتيه هو جاوبك خذيها بحسن نية و بعج الزواج و مع الوقت تتفاهمو على طريقة القضيان

[layladz]

لا ارى اي سبب لازعاجك فهذه طباع الرجال عموما

[خالد عنابي]

بركاو من التمسخير

[nihal159]

أين المشكل؟ ماقلته عادي جدا؛ لايستدعي النقاش و التأويل

[طيور الجنان]

اختي عااااادي جداااا واش قالك اغلب الرجال هكذا خاصة كي يخرجو من العمل تغبانين ماذا بيهم يريحو يجيب مرة وحدة و مايزيدش يخرج انا راجلي كي يخرج من الخدمة يعيط واش نجيب نقولو لانو اذا دخل للدار مايزيد يخرج يشري والوو.

[mobilisoud]

ههههههههههفي القضيان و راكي تشتكي ........ مادا نقول عن أشياء اخرى

[عثمان الجزائري.]

مشكلتك خطيرة جدا و يجب أن تطلبي الخلع...

[غزلانْ]

كيف له أن يكون جوابه هكذا
الأمر لا يستدعي الانزعاج حتى

[زبدة ذايبة]

أمتع مشكلة قرأتها في المنتدى

مازال لا أنت ولا هو تعرفوا وش هي الحياة الزوجية

راكي انت واياه في هذاك الجزء من الكراس اللي تضع فيه المعلمة ملاحظتها للتلميذة

وبعد الزواج إن شاء الله ستدخلان مع بعضكما لمعترك أسطر الحياة

ستكتبان سطورها مع بعضكما البعض

وستدركان أن الزواج ليس بذلك المنظور الذي كنتما تعتقدان أنه هو

فليس في قائمة خضار منسية ، أو أكل من دون طعم

لا داعي لأن تعطي كلامه كل هذا الاهتمام

ولا داعي للبحث عن التفسيرات التي لامعنى لها

الله أسأل أن يوفقكما لما يحب ويرضى

وأن يبارك زواجكما ويرزقكما الذرية الصالحة

[ام رضوان]

السلام عليكم
وااااااش الهدرة هاذي
باركاوكم من التمسخير
قاعدة تتغنجي على خطيبك واش تحب واش ماتحبش
هذا اكل سوق فاري
اذا كان صاحب خلق ودين استري روحك معاه وحاولو تكونو اسرة
اذا حطيتي التفاهات هاذي في راسك من ذرك واش خليتي للمشاكل اللي مكانش بيت بدون مشاكل
امالا بنيتي حطي عقلك في راسك تعرفي خلاصك
وترفعي على هاذي المواضيع
ربي يهنيك امين

[ايمان4]

هههه ضحكتيني منيش متزوجة هاني عزبة ...بالصح هذا مشي مشكل الاخت ... يعني اصلا القضيان يكبروا الذراري شوية تسحقي حاجة تبعثيهم غير هوما كما راهم يديرو امهاتنا ... و ليه انت حياتك غير قضيان ؟؟ دفشة و تقلاش خطوبة برك

[سماح 2]

ضحكتيني , أجمــلْ مشكــلة ,كن حتى جاو المشــاكل الكُل هكــآ :d

[محمد ايوب طيب]

السلام عليكم ورحمة الله وبركاته
أرى أن هده ليست مشكلة إطلاقا لا ألقي عليك ألوم.
لأننا كل يوم نسمع أنواع وأصناف من المشاكل.
لكن عندما ستتزوجين سترين كيف تتعاملي مع هده الأمور لا أقول لك بأنها
مشاكل.
اضن أنك متخوفة من الزواج لكن عندما تتزوجي إنشاء الله ستعرفي إنك
كنت تبالغي نوعا ما.
جمع ألله بينكما في خير

[wassila21]

أغلبية الرجال هكذا، يحبو يقضو مرة وحدة و يريحوا، حتى أنتي لازم تكوني قافزة و تعملي قائمة لكل حاجيات البيت و يشريلك مرة في الشهر و تريحوا بين زوج، هو من القضيان وأنتي من تخمام واش نطيب، أب زوجي كي يدخل للبيت و الله و يخص الملح ما يعاود يخرج، يقولنا طيبوا مسوس ولا أقعدوا.

[solinne]

ههههههههه الزواج مسؤووووولية كبييييرة يا اختي وستضحكين على مشكلتك هذه يوما ما ........

[22bilal bilal]

سلام عليكم
لاتعطي الامر اكتر من حجمه .
والسلام عليكم

[zakaria1980]

ههه ربي يهديك اختي هدي مشكل لطيف

[ع.عيسى]

ربما قالها بعفوية وبمزاح

[أثيلة]

ربي يهنيك اختي و فعلا الموضوع لايستحق القلق الامر عادي