ماباليد حيلة

[مشكلتي]

السلام عليكم ورحمة الله تعالى وبركاته
منين رايحة شحال من خطرة نقول نكتب مشكلتي ونتراجع لكن الضغط يزيد عليا يوم بعد يوم عمري29 سنة حكاية الزواج هي مشكلتي قولولي ياخي الزواج مكتوب من عند ربي لاكان ربي مازال ماكتبليش ياخي ماشي دنبي دارنا دايما يفكرو فيا بلي رايحة نلحق الثلاثين ومازال ماتزوجتيش وانا لي خايبة لي ماعرفتش ندبر الراجل لكان سمعو بوحدة تخطبت يقولو هاديك شاطرة جابتو من الجامعة من الخدمة من برا ياناس انا رايحة نهدر مع الرجال برا ماشي منتربيتي ياخي ربي ماقالش هكدا المهم انا دايما لمنعرفش نتصرف بمعنى جايحة مانهدرش بزاف ونحشم و و و نقعد نقول مع روحي نورمالمو يشكرو ربي اني ملخرجتش الطريق وحاكمة في روحي صحيح اني قيريت وخدمت وشفت بلي البنات لطايرين وليكلمو الرجال تزوجو وحتى لمخطوبات ومتزوجات يقمن بتصرفات يندى لها الجبين
حتى الخطاب ليجاوني يجيو بطريقة رسمية يعني يتكلمو مع عائلتي ولما تلحق الخطوة باش يجو للدار يحبس كلش حتى الناس ليعرفوني
وكل مرة نعدي وقت غير ربي ليعلم بيه حتى وليت نشوف روحي مانستهل حتى واحد مانيش شبح الحمد لله عندي حسن الاخلق والخلق لكن لمادا لا ادري
والقطرة التي افاضت الكاس الام ديالي جات محرشا عليا سمعت بوحدة تخطبت عن طريق الانثرنث قالتلي دبري راسك ديري كيما هيا تصورو لما الم تطلب من بنتها مثل هدا الطلب ربما لانها كبيرة مي علابلها بلي هادي دنيا فيها دئاب بشرية
والله غير عييت من هدا الحكاية
حبيت نخرج واش في قلبي راه معمر و الشكوى لغير الله مدلة
دعوة خير منكم تكفيني

[مياسم الصمت]

لا حول ولا قوة إلا بالله
بماذا عساني أرد عليك عزيزتي
الجهل و عدم الرضى بقدر الله عمى بصائر البعض و للأسف هم كثر
حتى أصبحوا يعترضون على قدر الله و قضائه
ولا راد لقضاء الله

ارضاء الناس غاية لا تدرك
الناس دائما تتكلم
وهل تركوا الأزواج حتى يتركوا العزاب ؟؟
ما عليك الا الصبر و الدعاء وتخيري أوقات الاستجابة
و اكثري من الاستغفار
نسأله تعالى أن يقر عينك بما يثلج صدرك ويرزقك الزوج الصالح و الذرية الصالحة
وكل بنات وأبناء المسلمين
لا تحزني أخية وتوجهي لله بالدعاء
وحده من يفك كربك

[nihal159]

ربي يرزقك بالزوج الصالح إن شاء الله

[JALALOV]

فك الله مشكلتك ويسر امرك بنيتي

ما تقولينه صحيح ان صاحبة الطرق الملتوية ووعلب الالوان بالوجه هي من تتزوج رغم ان الكل بالمنتديات يزعم انه يبحث بنت فاميليا لكن وقت الزواج تجدين النوع الذي تحدثتي عنه من يتزوج

لكن بنيتي في الاخير كل ماهو مكتوب لك في لوح محفوظ سيأتيك لامحالة

استغفري ربك فهو نعم الوكيل ونعم المدبر

[طيور الجنان]

اختي ربي يرزقك الزوج الصالح عاجلا غير اجل اااامين

[عثمان الجزائري.]

لا إله إلا الله محمد رسول، و حسبنا الله و نعم الوكيل

[عاصمة الضباب]

السلام عليكم،أختي استمتعي بالنعم اللي عطهالك ربي وما تركزيش على الشي اللي ما تملكيهش واللي ما عندك حتى دخل فيه،الزواج ما هو إلا حلقة من حلقات السعادة ماهوش الكل فالكل ثبتي على القيم نتاعك ونشاله ربي يعوضك خير على الصبر نتاعك.
.... فيما يخص الناس اللي مقلقاتك بالهدرة نتاعها وتضغط عليك مالازمش تخليهم يحسوا بلي راكي مهمومة حتى يولوا يهدروا مسكينة.....نهار كامل تخمم. ..شوفو كي ضعافت ويولوا يشفقوا عليك،ما تخليهمش الفرصة باه يوجهولك إن صح القول هاديك النصائح المغلوطة إذا راكي متأكدة من المبادئ توك.
.....ضحكي وعيشي حياتك في حدود ما يرضي رب العالمين وارفعي راسك وما تحشميش بكونك مازال ما تزوجتيش ماراكيش وحدك كاين الملايين......نصيحتي ختي رضاي بقسمة ربي وسلمي أمرك ليه وقتها رايحة تحسي بالطمأنينة والسلام الداخلي وخلي لي حاب يهدر يهدر كل واحد يلتهى بالمشاكل تاعو كلي زعما الناس كامل راها هانية إلا اللي ماهيش متزوجة؟؟!!فيما يخص يماك صبري على كلامها أكيد راها تضغط عليك عن حسن نية وحب في مصلحتك إذا توشاتك هدرتها ديري روحك كلي ما سمعتي وكيما قلت خلي الهم في قلبك ما تبينيهش وتصرفي دايما من منطلق قوة ماشي ضعف.
يا رب يرزقك الزوج الصالح ويزيد يكملك بالذرية الصالحة،بالتوفيق.

[Nada Sweet]

السلام عليك اختي
اولا الدنيا مكاتيب وكلشي بيد ربي حنا نعبدو ربي ونبعدو على الحرام باش نرضوه مش باش نتزوجوا او غير ذلك
ما تقوليش اللي دارت ودارت تزوجت وانا لا ...ابدا اختي..الدنيا لا تساوي عند الله شيئا الصح في الآخرة واللي تزوجت مادخلتش الجنة ...وفي الآخرة كل واحد رح يحاسبو ربي
علابالي نظرة المجتمع صعيبة وخصوصا كي تجيك من اقرب الناس...لكن لازم تكوني قوية لازم تكوني مؤمنة صح وديري ربي في قلبك..رانا ضياف في هاد الدنيا والرزق على ربي..الصح في الآخرة الصح كي يكون راض عليك ربي..الصح كي تعيشي حياتك قريبة لربي..اما كلام الناس فماتخليهش يوصل لطبلة وذنيك...طنشي وابتسمي..كلشي بيد ربي وربي مافيه غي الخير....شوفي واش عطاك ربي قبل ماتشوفي واش ماعطاكش..واحمدي ربي على كل شيء..الحمد لله كي انت ماغلطتيش و اغضبتي ربي في حين كاين بزاف بنات اغواتهم الدنيا...
بالنسبة لقولك مابيدي حيلة انت مخطئة ...بيدك حل وهو افضل بكثير من اقترتح امك سامحها الله "بالمناسبة لا تغضبي منها ...لم تقل ماقالت الا لأنها تحبك وتريد ان تراكي سعيدة"
الحل اختي ان تدعي الله ...ان تأخذي بالأسباب وهي في حالتك الدعاء فقط "وقال ربكم ادعوني استجب لكم" "فإني قريب اجيب دعوة الداعي اذا دعان" ادعي الله بيقين وبحسن ظن ..لا يكون عندك ادنى شك ان الله سيستجيب دعاءك "ان كان في ذلك خيرا لك" ...اكثري من الدعاء وخاصة في ااوقات الإجابة "ابحثس عن هذا اكثر" كالثلث الاخير من الليل ..في السجود..بعد الصلاة المكتوبة...بين الأذان والإقامة ....اكثري من الاستغفار "فقلت استغفروا ربكم انه كان غفارا يرسل السماء عليكم مدرارا ويمددكم بأموال وبنين" ...من هذه الأية وعد الله المستغفر بالرزق والذرية الصالحة والله لا يخلف وعده فقط ثقي فيه واكثري من دعائه وبإذن الله سيرزقك الله الزوج الصالح الذي يسرك عاجلا غير آجل.
في الأخير اختي كوني سعيدة ..عيشي مع الله ولا تسمحي لأي أحد ان يؤثر فيك.
دعواتي لك بالزوج الصالح والذرية الصالحة والكثير من السعادة والهناء بإذن الله

[غزلانْ]

السلام عليكم

يبقى الزواج مكتوب كيف لهم الضغط عليك وسياستهم هذه ليست في محلها
لا أدري ما أقول لك رزقك الله الزوج الصالح

[زبدة ذايبة]

مانلومش الأم تاعك مسكينة الله غالب عليها

هي راهي تحت الضغط ومالقاتش كيفاش دير من حل

لدرجة أنها تسمع لحكايات تاع لبنات اللي يتزوجوا بعد مغامرة أو علاقة عن طريق النت

المشكلة فيها أنها تسمع بالحكايات اللي تنتهي بالزواج

من كذا علاقة فاسدة ممكن وحدة تنجح

والبقية كلها فساد دين وأعراض

لكن الناس ماتحكيش على البنات اللي يضيع شرفهن في ثواني باسم الحب والوعد بالزواج

شحال من وحدة متعلمة وموظفة و...... وطاحت في بئر الضياع بسبب وعود باطلة بالزواج

حياتها كلها تدمر بسبب الخطيئة.

حاولي تخففي الضغط على الوالدة تاعك بقدر ماتقدري

هي اللي راهي دايرتلك المشكلة في البيت

السن تاعك ماراهوش كبير لدرجة تدق أمك ناقوس الخطر

ويبقى المكتوب هو الأول والأخير.

خففي عليها وذكريها بالإيمان بقدر الله

وأن الله رزاق ذو القوة المتين

وأنه مايتحرك من متحرك ولايسكن ساكن ولا تسقط ورقة إلا بعلمه وبأمره سبحانه وتعالى

عززيلها إيمانها بالله

وقوليلها مدام راكي متسخطة وغير راضية بقدر الله الخاطب مارحش يجي

لازم تكوني راضية بقسمة الله ، وتدعيلي رب يرزقني الزوج الصالح والذرية الصالحة

عاوني أمك تكون معاك ماتكونش ضدك

عاونيها على طاعة الله واتباع أوامره واجتناب نواهيه

وقوليلها أن تشجيعها لك للعلاقات المحرمة والحرام بشكل عام العاقبة تاعو ماشي ساهلة

وهذا والله ظلم منها أنها تدفعك للحرام

وكأن الناس هي اللي ترزق نفسها بنفسها

اللي تزوجت ماجابتوش بشطارتها هو كان مكتوبها قبل مايخلقها ربي

ولكن الأسباب اللي دارتهم للزواج كانوا حرام xحرام

حاجة ماتضيع عند الله

الصبر على البلاء والابتلاء يجازي عليه رب العالمين بغير حساب " إنما يوفى الصابرون أجرهم بغير حساب"

كثري من الدعاء والله عزوجل مايضيعكش

وديري في بالك أنك في امتحان لو كان تنجحي فيه تربحي الدنيا والآخرة

ماكاش أعظم كارثة قد مصيبة الدين. اللي يروحلوا الدين يكون ضيع كلش

حافظي على دينك وعلى أخلاقك

ولا طاعة لخلوق في معصية الخالق ( ماطيعيش أمك اللي تقولك تعرفي على الرجال والله هذا منكر عظيم)

وديري ثقتك في الله. وتأكدي أنه مايضيعكش سبحانه وتعالى

ربي يرزقك الزوج الصالح والذرية الصالحة

وكي اليوم جيتي تكتبي على مشكلتك ، تجي تكتبي أنا صاحبة الموضوع ...... جيت نبشركم انني تزوجت

[خالد عنابي]

رأي سفيه هذا الذي اشارت به عليكي
النت معمرة ذئاب بشرية ومعمرة بناس يتمسخرو تاني

[BAROUD]

ستأتي لحظة يجبر الله فيها خاطرك لحظة يفزّ لها قلبك و تشفي كُل كسوره و يعوضك عما كان فاطمئني
لأن عوض الله إذا حل أنساك ماكنت فاقدة

أبشري يا فتاة

[zakaria1980]

ربي يرزقك الزوج الصالح اختي

[softech]

كلامك يا اختنا يدل على معدنك الاصيل
كلنا نحس بهذه الغربة في هذا الزمن الذي صار فيه الامين خائنا و الصادق كاذبا و منافقا
و صار فيه الملتزم معقدا ...و لا حول و لاقوة الا بالله
يا اختنا لا باس عليك ...فلتعلمي ان معظم المتزوجين الان يشتكون من شتى انواع المشاكل و البعض ندم انه تزوج
المشكلة يا اختي ان هناك رجال يبحثون عن مثيلاتك بحثا حثيثا و لم يصلوا بعد
و اما عن امك فما عليك الا ان تدخلي الى الانترنت و تقصي عليها بعض القصص التي يقشعر لها الابدان علها تفهم.
الصبر يا اختنا و نسال الله رب العالمين ان يرزقك زوجا يقدرك و يسعدك دنيا و آخرة.

[hanan7]

الله يبعتلك ابن الحلال يارب ويسعد قلبك ويجبر بخاطرك .. توكلي على رب العباد وإن شاء الله ربي يعطيكي ما تتمني يارب بس اهم شي خليكي ماشيه بالطريق يلي بترضي رب العالمين

[ام وائل فخر الدين]

الشي الوحيد يلي ننصحك بيه اخيةاكثري من الاستغفار لانه يفتح ابوابا كثيرة و والدتك اكيد هي تحبكي لكن تريدك مثل بقية الامهات ان تراكك عروسا و تفرح بك ليس الا

[ام براء عبيدة]

ربي يرزقك الزوج الصالح اكثري الاستغفار المؤمن في الدنيا مبتلى

[mounir moon]

سادعوا لك ان شاء الله ابشري بالفرج باذن الله

[mounir moon]

حسب رأيي
في عهد الصحابة يوجد من يعرض ابنته على شاب صالح ليتزوجها ليس عيب لكن لم اسمع بفتاة تعرض نفسها الا في مؤخرا في مجموعات و مواقع لكن لا انصحك بهذا انصحك بشيئين
الاول : الثقة بالله فكلنا نرى بنات يعرضن انفسهن للزواج بالقوة و يجيبوا الرجل مبصح كاين حاجة ناقصة من تفعل هكذا تجد نفسها مع زوج غير مقتنع بها مئة بالمئة لانه لم يخترها هو بل هي سحبته اليها هنا تبدأ المشاكل و حسب نوعية الرجل وعادة تنشئ بينهم مشاكل كبيرة.
هذا من جهة
من جهة اخرى يمكن لابوك او اخوتك يعرضوا على اصدقائهم الصالحون و من يرون فيهم ملائمة لك الزواج بك لماذا يضغطون عليك انت فلياتوك هم بزوج صالح

الصبر ثم الصبر فسياتيك زوج افضل من كل الازواج مقتنع بك تمام الاقتناع
تستطيعين التصرف اسئلي مفتي ما هي الحالات و الاشياء التي يجب ان افعلها او التقرب من امام وداعية في نفس الوقت هناك شاب صالح لم يجد فتاة صالحة تقرب من الداعية نفسه فتحصل البركة

[أم عبد الله السلفية]

رزقك الله الزوج الصالح عاجلا غير آجل
اصبري اخيتي و اثبتي فإن مع العسر يسرا إن مع العسر يسرا