تابع لـ "زوجي و أخوه"

[مشكلتي]

السلام عليكم
أنا صاحبة المشكلة لي حطيتها من قبل عنوانها "زوجي و أخوه"......"السلام عليكم
مشكلتي من النوع الخاص و أصبحت تقلقني كثيرا أرجو من الاخوة مساعدتي
انا امراة متزوجةاوالحمد لله "مند 06 أشهر" ساكنين مع أخ زوجي الاكبر لي هو متزوج أيضا مند 03 سنوات
المشكلة مايصرفوش نهائيا لا هو و لا زوجته رغم انهم خدامين لكن والو مايشروش حاجة للمنزل ... والله و ربي شاهد انا ملي دخلت لهدا المنزل راني ناوية الخير و الكل شهد هاد الشي عليا و نحب نعيش بمعنى " ناكل و نزهى" لكن كي نلقى غير انا و زوجي نصرفو وهوما يلقاوها واجدة والله هاد الشي مكاش لي يتقبلو...الى متى و الامور هكدا؟؟؟
للعلم حتى راجلي ماراهش قابل هدا الشي لكن ميحبش المشاكل
أرجو نصائحكم و مساعداتكم و لو بالدعاء للفرج
شكرا"

اود لو ازيد بعض التوضيحات :
هدا السكن ملك الدار " باسم شيخي " و أهل الزوج "ابوه و امه و اخوته "ساكنين حاليا في appartement . كي جيت انا عروسة و لاحظت الكوزينة فارغة قالي زوجي انهم "اخوه و مرتو" ياكلو برا تقريبا لكن احيانا تحب مرتو تطيب ما تلقا والو . في هاد الحالة علاش ما ديرش حسابها و تقضي. بالاضافة انو دايما زوجي يقولي ماعليش نقضو و نجيبو غير مول النية لي يربح . لكن الى متى هاد الوضع؟؟ صدقوني حتى الازيس التالي كي يكمل مايجيبوهش وانا تعبت المصروف غالي و بما أننا في دار وحدة ومتاكدة أنو زوجي 100 بال 100 ما يكريش لان المنزل مبني جديد و صرفو عليه بزاف "خاصة هو " وللعلم أخوه حتى أتناء البناء ماكاش يعاون
راني مديت كامل المعطيات لي نعرفها و العلم لله... من فضلكم أرائكم تهمني و ربما تفرج علينا
انا بانتظاركم اخوتي

[ام رضوان]

السلام عليكم
ربي يفرج عليك امين
اختي هذا راهو رجع استغلال مابقاتش عشرة
راهم كاينين اباء وكي يشوفو ولادهم يخدمو ومايصرفوش يغيضهم الحال ليشتا عزاب فمابالك انت تصرفي على السلف ومرتو
اختي على حساب واش زدتي قلتي راهو عندك حلين
الاول واللي هو الانسب ديري كوزينتك وحدك واصرفي انت وزوجك على روحكم
الحل الثاني واللي راهو محتم
كولي انت وزوجك برا
حتى يفهمو رواحهم
والله حاجة توجع القلب
ربي يكون غي عووووونك امييييين

[نورالهدى**]

ساهلة ديرو لقسطة كيما كامل العايلات

راجلك يصرف عليك وعلى اولادك برك

الحياة المشتركة ماخرجتش عليكم

[محمد جديدي التبسي]

المعطيات مازالت ناقصة لكن حسب ما ذكرت فأنت في مجتمع يختلف عما اعرفه
يعني زوجين عايشين خارج البيت ويأتون للبيت سوى للنوم وأكل البيسطاش امام شاشة التلفاز وان أحسا بالجوع تنهض زوجة سلفك تصنع وجبه خفيفة من عندك؟
حلكم تحبسو لقضيان اسبوع وشوفو الوضع
وان اردت معالحة المشكلة من جذورها لازمكم مطبخ منفصل على الاقل راه ما يليقش تعيشوا بهذه الحال مطبخ واحد مع سلفك الذي لا يحل له رؤيتك بلا حجاب وحتى التواجد معك بمكان واحد.

[طيور الجنان]

اختي مادام الدار جديدة راجلك ماش راح يمري على الاقل ديري كوزينتك وحدك هكذا تتهناي كي تعيشي مع ناس مايفهموش رواحهم صعييييبة و خاصة راهو مايقدر يعايبو مايقدر يتحمل ربي يكون في العون.

[زبدة ذايبة]

الحال صعيب !!!!!!!!!!!!!!!!

مالقينا ماندبروا

تصرفي وطيبي وكي ياكلوا ترفدي وتغسلي لمواعن !!!!!!!!!!!!!!!!

لو كان تكملي هكذا رايحة تبقاي هكذا حتى طيحي

لازم ديري حد لهذ الاستزاف

مثل ماقالولك الأخوات ديري كوزينتك وحدك

خليها تشمر على ذراعتيها وطيب وتصرف أكيد

أما أنك تخدمي وتزيدي تعطيلها دراهمك تاكلهم هي وراجلها والله هذا عين الظلم

اهدري مع راجلك يوقف هذ المهزلة اللي راهي في الدار

على الأقل من باب الرجلوة والنخوة والغيرة

يغير عليك على الأقل !!!!!!!!!!!!!!

ويقدر تعبك على الأقل

دخلتي بنيتك لكن لا للاستغلال

حطي النقاط على الحروف مع زوجك

وماتخليش الأمور تتراكم والخاسر الوحيد في هذ المعادلة هو أنت

لازم تهدري معاه ماتبقايش ساكتة

ماكفاش ساكنة مع خوه في دار وحدة ( عيب كبير وباب فتنة عظيم)

قال الرسول صلى الله عليه وسلم : الحمو الموت

يعني من تضربي ماتجيش

يكون راجلك ماكاش في الدار ومرتوا تخدم ويجي هو

تبقاي معاه وحدك ؟؟؟؟؟

والعكس

يجي زوجك ويلقى مرت خوه وحدها في الدار وانت في داركم يدخل ولا يبقى في الشارع يستنى حتى يجي خوه !!!!!!!!!!!!

هذ الخاوة اللي سكنوا بهذ الطريقة مافكروش في الشرع نهائيا

ومافكروش في محظورات الخلوة


هذي خالوطة كبيرة بزاف ،،،، وزيد خطيرة !!!!!!!!!!!!!!!!!!!!!

فيها التساهل بحدود الله وشرع الله

ارجعوا لما أمر الله به تريحي انت وكل أطراف المشكلة

وزيد تربحي دينك وعرضك ورضى الله

فهمي راجلك أن هذ المعيشة اللي راكم عايشينها غالطة وحرام في الدين

ساكنة مع خو راجلك في دار وحدة !!!!!!!!!!

اسمحيلي

كتبتلك ديري كوزينتك وحدك


لكن كي فصلت في الموضوع لقيت المشكلة أكبر من الكوزينة ومن الخبز والبطاطا و.......

هذي حدود الله راكم تتعداو فيها ولا تنبئ بخير مطلقا

رب يفرج عليك

[hanan7]

اختي حطي بغرفتك تلاجه و حطي الاغراض يلي بتجيبوها جوا التلاجه يلي بغرفتكم و اطبخي ع قدك انتي وجوزك وولادك ويلي بدو ياكل يجيب أغراض طالما هما بدهم يستغلوكم لا تكونو لقمه سهله .. الله يكون بعونك عزيزتي

[ALHIKMA]

فكرة الصلاجة في الغرفة مليحة بزاف.... جربوها اكيد تنفع.... اذا حبيتي طيبي هزي القضيان من الثلاجة نتاعك وطيبي قيمتك وقيمة زوجك
وهوما اكيد راح يديرو حل لروحهم
وربي يكون في عونك

[ايمان4]

فكرة الثلاجة هي انجع حل .ً.. كما قالت الاخت حطي الفريقو في بيتك تستحقي حاجو طيبي منو حقك و حق راجلك و كي تكملي ارفدي ف الفريقو ما تخليش ف الكوزينة خليها تسطوي فيها غير لماعت ديرو شغل لاسيتي نتاع جامعة هذا ما ينفع

[لمسة ابداع]

و الله ربي يكووون في عوووونك

[nihal159]

الإخوة كفو و وفوا خاصة الأخت زبدة ذايبة بارك الله فيك.
نصيحتي ليك إتخدو موقف حازم من البداية؛ ماتخلوش لحكاية تطول أكثر من هك و أخ زوجك و مرتو يوالفو عليكم أنكم أنتم لي تصرفو عليهم.

[zakaria1980]

انا مع فكرة الثلاجه في الغرفه لأنها لن تكلفكم الكثير وستحل المشكله ربي يهدينا