الى أصحاب الخبرة

[مشكلتي]

السلام عليكم مشكلتي تبدأ من تحويلي لإدارة فرعية للمؤسسة الأصلية التي كنت اعمل بها ، أنا شاب موظف عمري 26 سنة ليسانس و لي خبرة في الجانب العملي لمدة 3 سنوات لكن ليس لي خبرة في التسيير لي تقريبا 4 أشهر عيينت في هذا الفرع لمؤسستي و هو يبعد عنها بـ 10 كلمتر
المشكلة بعد تعييني كلفت بتسيير هذا الفرع بما فيهم المنظفات ،في هذا الفرع توجد منظفتين وحدة عمرها 23 سنة و الأخرى 24 تصورا من يوم دخولي لهذا الفرع وجدتهما على خلاف و بينهما حرب كيدية ، المشكلة لو كان المشكل يقتصر علىيهما فقط أنا لا دخل لي ، لكن المشكل أكبر من دلك أن خلافهما أثر على سير و نظافة المؤسسة تصورا وصل الخلاف بينهما الى الضرب و الركد داخل المؤسسة ، تكون قاعد في البيرو نتاعك تلقى وحدة فيهم فايتة تجري لاحقة صاحبتها بفروتوار
و لعياط تقول سوق عييت معاهم و الله قريب نضرب وحدة فيهم كرهت منهم .
و الله فشلت كل حيلي فصلت بنهما في كل شيء حتى في الدوام ، بلا فائدة تخيلو ا التي وضعت لها دوام الفترة المسائية تأتي يوميا صباحا غير هكداك إزعاج
كتبت تقرير مفصل حول المشكل بتحويل إحداهما الى فرع من الفروع بدون فائدة لم يستجب المدير المركزي و إزداد المشكل أكبر
أعطوني الحل ماذا أفعل ؟

[خالد عنابي]

سبحان الله هل هذا مشكل تكتب عنه هنا وتطلب المساعدة ؟

2 نساوين مقدرتيش تفريها معاهم وانت المسؤول تاعهم ؟؟؟؟

مالا ديرهم مديرات وانت ولي نظف وخلاص هكذا يولي منظف واحد وتنتهي المشاكل !

كون صاحب هيبة وشخصية وما تخليهمش يفرضو انفسهم عليك راهم 2 بنات برك عيب ؟؟

كيف تعمللها دوام مسائي وتاتي صباحا كركرها خارج المؤسسة وان لزم الامر اكثر

[22bilal bilal]

افصلى بينتهم فى الايام اي
نهار تجي هدك .ونهار تي الاخرى ولى تجى بلا عمل غير تشوش اطرديها .
وحل اخر اعملى كنترول دي فيهم وفرات .

[ياسمين تلمسان]

المشكل ما راهو فيك

[عثمان الجزائري.]

إتصل بالمدير شخصيا، و ليكن تقريرك هو الفصل النهائي بعد المرور على المجلس التأديبي، ما يغضوك ما والوا أبعتهم يروحوا ماهمش تا خدمة، بحكم أنك قريب في السن منهم جاتك صعيبة شوي، مي نورمال صديقي المسؤول لازم يكون حازم و قبيح، نحيلهم ليامات لي يتعاركوا فيهم كي تقيسلهم جيوبهم درك يريحوا على رواحهم

[salamsi]

المشكل ما راهو فيك.......

[hanan7]

انا مو صاحبة خبره بس اخصم من راتبهم مع كل مشكله بتوقع هيك راح تقل مشاكلهم الله يوفقك اخوي

[عاصمة الضباب]

السلام عليكم،خويا لوكان يسمع بيك الشيخ النوي راه يحطك هابط طول حياتك.أخي كون جدي ووريلهم العين الحمرا هاذا ما ينفع،كيفاه في مؤسسة واحدة تجري والأخرى موراها بالفريتوار والمدير يشوف،بالاك راك عطيتهم وجه ولا ملامحك بريئة كثر ماللازم،ما تهدرش معاهم بالسياسة ونعلو بليس وراكم كبار...لالا. شوف لبعيد اذا ما قدرتش تسيطر على الوضع راها الكفاءة نتاعك في خطر روح خير وخلي واحد يقدرلهم يجي في بلاصتك أنا في بالي راح تقول ماعرفتش للخدمة ولا صعيبة خرجو زوج بنات بالاك هما صح واعرات بصح يا خويا راك راجل ماهوش بعيد الموظفين كامل يتمردو عليك كي يشوفو كلمتك ماهيش مسموعة ومايقيموكش كامل....ماتضيعش مستقبلك،بالتوفيق.

[ايمان4]

ههههه ما تكثرش الهدرة معاهم يعني خلي العلاقة جد رسمية و ازعف بزاف يعني راك عارف الادارات نتاعنا كونك هاكك و اخربلهم ف الشهرية بالصح شوف ال pointage عندمن يتدار كي يتدابزو مكاش النهار شغل ما خدموش و ما تهدرش كامل معاهم وحادهم يترباو

[ع.عيسى]

يا خوبا افرض وجودك ، كيفاش 2 منظفات مقدرتش تحكم فيهم ؟؟؟؟

[محمد جديدي التبسي]

من يعمل في ادارة يمكنه ادراك أن الامر ليس بالسهولة التي يتحدث عنها البعض هنا
مجلس تأديب وفصل موظفين ليس امرا بسيطا مهما كان حجم المسؤول ولو والي الولاية
انت مطلوب منك استدعاء العاملتين للمكتب وايجاد تفاهم بينهم لكي لا يتكرر ما حدث والسلام
اجعل عملهم بالتناوب وممنوع تجي وحدة في وقت الاخرى
ربي يعينك.

[زبدة ذايبة]

عليك وعلى المطرق

عندك التقارير اكتب فيهم وصور حتى مظاهر الإهمال في أداء العمل

عندك الإنذارات ماتبخلهمش

ماتهدر معاهم ماتولي لابس الطابلية ورافد البالي في يدك

انت تهدر وهما يهدروا

أي صلاحية تأديبية في يدك استخدمها

وإذا عندك تخصملهم من الراتب اخصم وماتخافش (بالمعروف ماتظلمهمش)

ولاعندك الصلاحية تمسهلم الشهرية رايحين يوليو حبابات في نهار

ورح تتعدل الأوضاع وتنتهي الحروب

[zakaria1980]

يقولولك نخدم أفضل من الرجال واش هدا الجنس ربي يستر

[sarl02]

حما عليهم الحال هذو مع الدخلة تاع الربيع...كون كاين امكانية التواصل على الخاص انقولك واش ادير معاهم والله يرجعو كيما الخواتات مطايبين.