الي الاستاذ حفص و التلاميذ الممتازين في العلوم

[الحالمّــة]

السلام عليكم
عندي مشكلة في العلوم نريفيزيها و ممبعد ما نجيبش مليح ما فهمتش اين الخلل؟
ارجوكم ارشدوني الى طريقة مراجعة هذين المادتين

[Aminzaim]

اختي انا متعود اني نجيب مليح فالعلوم سري هو اني ننتبه لشرح الاستاد جيدا و نسال ان كان فيه غموض حتى نحس بلي صح فهمت و المعلومة ترسخت في عقلي ومن بعد نعاود نريفيزي من الكراس و لكتاب و نستعمل قلم رصاص باه نكتب المعلومات المهمة و لوكان نلقا روحي مافهمتش كاشي حاجة نحوس عليها و نسال الاعضاء فالمنتدي منبعد نبدا نحل فالتمارين نتاع لكتاب و كي نلقا روحي حصلت نعاود نرجع للدرس ونعتمد ايضا على كتاب المتميز و الوافي فالعلوم كتب رائعة منبعد نكتب كامل الملاحظات في ورقة و الصباح انوض بكري نصلي و نلراجعهم و مانزيدش نتناقش خلاص مع الزملاء باه ما تتخربطش عليا و كي نبدا نحل نقرا مليح الاسئلة و نكتب عناوين الاجوبة و اي معلومة نتفكرها نكتبها فالمسودة وكي نفضوا ما نتناقش خلاص حتى نصححوا سواء خدمت و لا ماخدمتش
اختي هادي هي طريقتي
اما تخافيش و ايلا راجعتي تاكدي بلي جامي تندمي خدمتي ولا لا
بالتوفيق ارجوا ان تتحصلي على علامات جيدة في المرة المقبلة

[الحالمّــة]

شكرا لك كثيرا اخي
لا انا نريفيزيها مي الاستاذة ما تفهمش مليح + درنا حاجة تاع الفصل الاول بالرغم من اني شعبة رياضيات الا انها تصعبنا شوية والسؤال تاني مانفهمش واش راهو باغي بالضبط من هذاك السؤال شكرا جزيلا ان شاء الله نبدى ندير كيما نتا

[طيف الملاك¤اماني¤]

عليك بالركيز وحل التمارين والفهم جيدا واكثار الاسئلة لازاحة الغموض

[Aminzaim]

شكرا لك كثيرا اخي
لا انا نريفيزيها مي الاستاذة ما تفهمش مليح + درنا حاجة تاع الفصل الاول بالرغم من اني شعبة رياضيات الا انها تصعبنا شوية والسؤال تاني مانفهمش واش راهو باغي بالضبط من هذاك السؤال شكرا جزيلا ان شاء الله نبدى ندير كيما نتا

نعم اختي هده حقا مشكلة كمشكلتي انا في الفيزياء مع الاستاد لكن نحن هنا للمساعدة كما تعلمين اما بالنسبة للسؤال فبحل عدد كبير من التمارين مؤكد ستصبحين جيدة و ستصبح عندك كل الاسئلة واضحة
بالتوفيق:):):):):):):):):)

[طيف الملاك¤اماني¤]

-:):);):):):);):);):):):);):):):)°•°•°•°