كيف اتخلص منها

[مشكلتي]

مشكلتي فتاة جميلة غنية وذات نفوذ
لاصقة فيا مع علمها ان اهلها لا يقبلون زواجها مني
انا لا ارغب فيها حاليا
الا انها لااااااااااااااصقة
اشك في عفتها
ولذلك لا اريد ان ارتبط بها
هي لا تمتنع عن اي شيء
تعرف كل ارقام هواتفي
كيف اتحلص منها


الرجاء بدون تجريح

[ريان 7]

يبالي مشي صعيبة تقولها : عافيني , اخطيني .... راك راجل
بين قوسين برك كيفاش هاذي لصقت فيك من راسها ؟؟؟

[مصطفى_س]

السلام عليكم
اظن انها ليس هي التي (لاصقة)فيك بل انت من تسهل لها هذا الامر او انك تحبها
الامر جد بسيط اقطع علاقتك بها و عن شرائح الهاتف قم باستبدالها
انت من تتحكم في زمام الامور
وفقك الله

[زبدة ذايبة]

عفوا تعف نساؤكم

انت قلت من غير تجريح

والمشكلة راهي هنا

لو كان ماشي انت اللي فتحت المجال ليها وربما تكون من النوع المتساهل

ماكانتش تطمع فيك

هي عندها مرتكزات راهي معتمدة عليهم في عملية ( الالتصاق)

هي عارفة أنك ضعيف وساهل

وعارفة أشياء عنك تشجعها في الاستمرار في محاصرتك

ربما وعود ومواعيد و.........


يا أخي وش نقولك

الأمر واضح بالنسبة لي

حافظ على دينك ، وعلى رجولتك

ماتكونش ساهل

ماكاش حاجة تعوض دين المسلم والشرف تاعو

لامال، ولا مناصب

الدنيا هذي راهي رايحة للزوال

والشباب والقوة رايحين للزوال

ومايبقى للإنسان المسلم غير الدين والعمل الصالح اللي يقابل بيه رب العالمين

لا أعتقد أنك في تقوى سيدنا يوسف عليه السلام لدرجة جاتك هذ الفتنة ، وهذا الابتلاء

الإنسان يحوم حول الحمى يوشك أن يقع فيه

ألا إن حمى الله محارمه.

أنا مانتهمش الفتاة لأنها ماجاتش تكتب هنايا

لكن نلقي اللوم عليك انت

قدرت تعرف كل أرقام هواتفك ؟؟؟؟؟؟ غريبة شوية

تساهلت معاها لدرجة كبيرة

وكي تعلقت بيك حبيت طريقة تتخلص فيها منها

كانت قبل مليحة وكي ضربك الملل منها حبيت تهرب

حافظ على دينك واخلاقك

وحافظ على أعراض المسلمات

أكيد عندك أخواتك وان شاء الله رح يكون عندك زوجة وبنات

الشي اللي ماتحبوش على عرضك

انتبه منو على أعراض الناس.

الفتاة مالصقتش كيما راك تقول إلا بعد خطأك أنت

توب إلى الله توبة نصوح

وحافظ على أعراض المسلمات

وحافظ على عرض زوجتك (المستقبلية) وبناتك

كما تدين تدان

انت عارف أنها لاتصلح أن تكون لك زوجة في الحلال

ومع هذا تعرفت عليها وكانت ليك معاها علاقة لدرجة تعرف عليك كلشي

مالقيتلك حتى طريقة ننصحك بيها سوى اتق الله في عرضك وعرض بناتك وأخواتك وأعراض المسلمات

الله عزوجل من فوق سبع سماوات يغضب

الله عزوجل يغير على الأعراض ولهذا حرم الفواحش وحرم الزنى وحرم كل شيء يؤدي إلى الزنى

سواء كانت مكالمات أو تعارف أو ........

الله عزوجل يمهل ولايهمل سبحانه وتعالى

يا أخي خاف على روحك من الله

ممكن الأعضاء الآخرين يعطيولك رأي آخر مخالف تماما لرأيي

لكن أنا والله هذا الذي أراه. وأتمنى من كل قلبي أني نكون غالطة

إذا كنت غالطة نكون ذكرتك

وإذا كنت صحيحة نكون نبهتك

[خالد عنابي2]

غنية وجميلة وذات نفوذ

يعني المراة التي يتمناها اي رجل !

وانت زعم وش حاب ؟؟؟؟؟؟؟


قالك لي ما لحقش على العنب يقول حامض

[mrmilano1984]

للاسف كاين بنات بزاف فاقدين للعدرية يطيحو مع رجال نوايا بزاف ويحشوهالهم وهي تعرف حقيقتها وماتقولش ابدا واش دارت واش عملت نهار تديها تكتشف الكارثة الكبري

[hanan7]

احكيلها حلي عني اتركيني بحالي ..ما اتوقع تكون عديمة كرامه كل هالقد !

[#قطوفها دانية#]

قولها قيلني اخطيني وبدل نمرو بلوكيها من الفيس البوك اخطيها درك تخطيك قلها زوجت قيلني

[عثمان الجزائري.]

يا صديقي أقسم لك بالله لن يأتيك خير من هذه العلاقات المحرمة، بما أنها لاصقة فيك يعني كانت هناك مقدمات قبل هذا و الأرجح أنك أنت من تقدمت الخطوات الأولى، المهم لا تهمك لا هي و لا مشاعرها و لا حتى ما يحدث لها أجبد روحك و قف في وجهها وقفة رجل بشرط أن يكون كل هذا لله، يعني منطلقك منطلق توبة و رجوع إلى الله و لا يضرك مع الله شيئ.

[غزلانْ]

السلام عليكم
كيف لا ترغب فيها حاليا ؟ أهو تردد
ان كانت لها كرامة كلمة منكَ تجعلها تبتعد عنكَ كلياا
و ما لَصقٌها الاّ بسببك

[jirardo]

كيما فتحت مجال باه تعرفتوا دبر راسك باه تغلقوا
ما طلبش حاجة كبيرة
وادا شوفتها صعيبة بزاف ربي يقدرك