🌹🌹رفيس الكسرة أوالمبروم🌹🌹

[أم يوسف2]

السلام عليكم خواتاتي حبيت نشارككم اليوم بأكلة او طبق كاين لي يعرفوا وكاين لي لالا ولي هو:::
:):)رفيس الكسرة او الرفيس المبروم:):)
كاين عدة مناطق يديروه وكل واحدة منها تطلق عليه تسمية مختلفة وحتى طريقة عمله تختلف.
وفي مناطق الوسط يسمونه رفيس الكسرة او المبروم وهذا الاخير معناه مدور اي حباته تأتي على شكل دائري.
نبداو بالمقادير:🌺🌺سميد. ملح.فنجان زيت وماء نلموا بيه العجينة
تمر غرس
زبدةاو مارغرين او دهان.... لي تحبوه.
طريقة التحضير:📷📷
اولا نحضر العجينة هي كسرة اوفطير عادي
نحط السميد في جفنة نزيدلوا الملح والزيت)انا مانحبوش يجيني مبسس بزاف يجي يڨهم ولي تحبوا هكاك تكثر الزيت)ونلم بالماء عادي,نعمل خبزات نطيبهم فالطاجين
(مانرققهمش بزاف نطيبهم خشان شوية)
بعدها نقسمهم ونرحيهم فالروبو(ضوكا عصر السرعة بكري كانوا يكسروا بالمهراس)
كي يترحاو نحكم سيار الزرع لي عندو ثقوب كبيرة ونصيرهم:الرقيق يطيح والخشين يبقى من الاعلى وهذا الاخير نزيد نحيلوا الخشين بزاف ونعاود نرحيه
وهكذا حتى نكمل العملية ‘
ثم هذاك الرقيق نزيد نجوزو فالصيار لي واسموا الخراج او لي عندوا ثقوب رقيقة اوصغيرة‘
.يولي عندنا خليط رقيق ومتوسط وخشن😊😊😊😊😊
العملية الثانية:نكون فورت التمر الغرس في كسكاس اوبعدها نقيه مليح من النواة(كاين لي يدير الما في كسرونةويشمخ يدو فالما وينقي التمر والما هاذاك يدير فيه شوية ملح نخلي التمر في جهة.
من جهة اخرى في جفنة نحطشوية من الخليط المتوسط ونشمخوا بهاداك الما ونلوز ونفتل مثل الكسكس اي ندور الحبات باصابع اليد فقط حتى تولي مدورة.
في نصف العملية نضيف حوالي ملعقتين تمر وشوية زيت زيتون ونبدا نضيف فالخليط الثالث الخشن ونبقى نزيد فالنا بشوية ونفتل حتي نكمل كل الخليط الرقيق والمتوسط والخشن والحبات تولي مدورة مليح.
بعدها نفور الخليط ونطوا في جفنة نضيفلوا التمر حسب الرغبة ونضيف معاه زبدة مذوبة او لي تحبوها نخلط مليح وهكذا الطبق يكون واجد وكاين لي يرافقوه باللبن او الرايب انا ناكلوا هكاك.
اسمحولي كنت حابة نحط الصور باش تفهموا اكثر لكن عندي مشكل في الهاتف ولي عندها اي استفسار راني هنا ونتمنى تجربوه نشكر عجوزتي بزاف هي لي علمتلي هاد الاكلة ماكنتش نعرف نديرها
:19::19::19::19::19:عييت راني نكتب بالهاتف هههه 😄😄😄😄🌹🌹🌹

[آسيا 27]

الله يعطيك الصحة ام يوسف :19:

[أم يوسف2]

الله يعطيك الصحة ام يوسف :19:

الله يسلمك شريكتي
شكرا على المرور

[fleur de lili]

ام يوسف يعطيك الصحة سخفتيني فيه .
حنا تاني في باتنة نقولول رفيس الكسرة .

[تالا تسنيم]

اممممممم عجبني بزاف طريقة جديدة عليا ربي يعطيك الصحة مشكورة

[أم يوسف2]

ام يوسف يعطيك الصحة سخفتيني فيه .
حنا تاني في باتنة نقولول رفيس الكسرة .

فلوغ اختي اسعدني مرورك شكرا،

[أم يوسف2]

اممممممم عجبني بزاف طريقة جديدة عليا ربي يعطيك الصحة مشكورة

اختي تالا يعطيك الصحة لوكان جينا قراب لبعضاناا نبعتلك تذوقي ان شاء الله تجربيه:mh92::mh92::mh92::mh92:

[edelweiss_dz]

الله يعطيك ماتتمناي,نحب بزاف هذه الوصفة,عمري ماجربتها,كانت أمي تحضرها مرة في الزمان,لكنها توفات واحنا مازالنا صغار ندرسوا قبل ماتعلمهالنا,من يومها مازدتش ذقتها,هذا وقت طويل وانا حابة نجربها,لكن زوجي قبايلي و يرفض كل الأكلات الحلوة أصلا التمر ماياكلوش.مشكورة على الوصفة,لما ألتقي مع أخواتي نحضرها ونشوف إذا هوما تاني يحنوا لأكلات أمي.

[edelweiss_dz]

يعطيك الصحة

[ام هدول]

ام يوسف الوصفة ر ايعة من تقاليد بلادنا ...فقط ياريت كانت مرفقة مع الصور رايحة تكون اوضح ....بارك الله فيك على الشرح ..في ميزان حسانتك يارب

[أم يوسف2]

الله يعطيك ماتتمناي,نحب بزاف هذه الوصفة,عمري ماجربتها,كانت أمي تحضرها مرة في الزمان,لكنها توفات واحنا مازالنا صغار ندرسوا قبل ماتعلمهالنا,من يومها مازدتش ذقتها,هذا وقت طويل وانا حابة نجربها,لكن زوجي قبايلي و يرفض كل الأكلات الحلوة أصلا التمر ماياكلوش.مشكورة على الوصفة,لما ألتقي مع أخواتي نحضرها ونشوف إذا هوما تاني يحنوا لأكلات أمي.

الله يرحمها ويوسع عليها راهي خلات فحلات موراها الحمد لله
فرحت كي عجباتك الوصفة حتى انا ماكنتش نعرف نخدمها علمتني عجوزتي
كي ديروها حطيلنا التطبيق وشكرا على المرور

[أم يوسف2]

ام يوسف الوصفة ر ايعة من تقاليد بلادنا ...فقط ياريت كانت مرفقة مع الصور رايحة تكون اوضح ....بارك الله فيك على الشرح ..في ميزان حسانتك يارب

سررت بمرورك العطر اختي ام هدول ايه عندي مشكل في الهاتف حبيت نحط الصور لكن الله غالب وحاولت نشرح بقدر الامكان باش تفهموني واي سؤال راني موجودة:19::19::19:

[edelweiss_dz]

شكرا أم يوسف.انشالله نجربها في أقرب الآجال إذا التقيت مع اخواتاتي,لأننا رانا كل واحدة في ولاية:الجزائر بومرداس البويرة و بجاية.نتوحشوا بعضانا واحنا في بلاد واحدة
لما سألت على الوصفة مدوهالي بخليط تمر و هرماس,ماحبيتش نجرب الوصفة لأن أمي كانت تعملها فقط بالتمر
لعلمك سمعت مؤخرا أن في غليزان و نواحيها طبق يشبه هذه الأكلة يسموه برزقان
أنا رايحة نجرب الوصفة ,لكن للأسف مانعرفش ننشر الصور,حاولت من قبل نجاوب الأخوات بوصفات مصورة ماعرفتش
بارك الله فيك

[أم يوسف2]

شكرا أم يوسف.انشالله نجربها في أقرب الآجال إذا التقيت مع اخواتاتي,لأننا رانا كل واحدة في ولاية:الجزائر بومرداس البويرة و بجاية.نتوحشوا بعضانا واحنا في بلاد واحدة
لما سألت على الوصفة مدوهالي بخليط تمر و هرماس,ماحبيتش نجرب الوصفة لأن أمي كانت تعملها فقط بالتمر
لعلمك سمعت مؤخرا أن في غليزان و نواحيها طبق يشبه هذه الأكلة يسموه برزقان
أنا رايحة نجرب الوصفة ,لكن للأسف مانعرفش ننشر الصور,حاولت من قبل نجاوب الأخوات بوصفات مصورة ماعرفتش
بارك الله فيك

شكرا على المعلومة ماسمعتش بيها من قبل واهل زوجي يحبوها فقط بالتمر مايحبوهاش بالهرماس

[أم يوسف2]

للعلم فقط انا كي ندير كمية كبيرة ونخبيها فالمجمد كي نحب نجبد نخليها شوية وبعدها نرشها بالماء ونعاود نسخنها لاني كنت فورت الكمية قبل مانخبيها

[انا هي رزيقة]

اممم مشاء الله عليك ام يوسف نموووت على هذ الصوالح دوماج مكانش صور ..... ربي يبارك فيك على الوصفة و الشرح حبيبتي جعلها الله في ميزان حسناتك

[القبايلية]

يعطيك الصحة على الوصفة تستحق التجربة

[أم يوسف2]

اممم مشاء الله عليك ام يوسف نموووت على هذ الصوالح دوماج مكانش صور ..... ربي يبارك فيك على الوصفة و الشرح حبيبتي جعلها الله في ميزان حسناتك
اووو شكون جات وطلت على موضوعي بوركتي اسكتي برك مالبارح وانا دايرة بيه حالة هههه:1::1::1:
[quote=القبايلية;3996571594]يعطيك الصحة على الوصفة تستحق

اختيقبايلية شكرا على المرور شرفتوني:):):):)

[edelweiss_dz]

ربي يحفظك يا الفحلة
كل ماتفيدك عجوزتك بوصفة قديمة أفيدينا بها,ربي يطول في عمرها,هكذا لا يضيع الموروث:الله غالب نموت على التقليدي
سقسيها إذا تعرف بركوكس بالعشوب ( الأعشاب) ,لأن راجلي كل مرة يهدرلي عليه و هو ماعرفش يشرحهولي,كان ياكلو في صغره في لبلاد كي كانت يماه مازالها في الحياة,مافهمتش إذا يفتلوه بالأعشاب و للا يطيبوه بالأعشاب,المهم يجي ناشف ماشي حسوة و يسقيوه بزييت الزيتون قبل الأكل.
استخبري من عند الموسوعة اللي عندك راهي كنز,ماتنساينيش
مشكورة مسبقا

[أم يوسف2]

ناكاش مشكل اختي ان شاء الله برك نلقى عنها الاجابة ماذا بيا نساعدك :cool::cool::cool:م

[أم يوسف2]

للاسف اختي كنت حابة نفيدك لكن قالتلي جامي درتو

[edelweiss_dz]

مشكورة أختي
نظن تكون وصفة اخترعتها أمه للاستفادة من لحشاوش اللي كانت تنوض عندهم في لجناين,أصلا البركوكس كما نحطهولو ياكلو, بالاك كاش نهار نشقى للشنوة في تيبازة نشريلو لحشاوش اللي يتباعو عندهم في السوق,و نجرب زهري على الأقل انحيلو السخفة,و إذا ماكلاهش ناكلو أنا و نزيد ندير أغروم بالعشوب:عصفورين بحجر واحد
تمتعي بوجود حماتك بجنبك:أنا لا أمي لا عجوزتي

[أم يوسف2]

ربي يخليك اختي ماذابيا تديريني ختك هذا شرف ليا
ربي يشدلك ان شاء الله في زوجك وصحتك

[edelweiss_dz]

ربي يخليك و يكثر من أمثالك,هذا شرف لي

[جنة الفردوسْ]

تسلم الاياااااااااادي

[حياة نور الدين]

بارك الله فيك ام يوسف تامني نقرا ونتخيل خخخخ تمنيت نشوف صورته لانه اول مرة نعرف هده الاكلة ربي يجازيك خير ويطلعك على خير يا رب

[jenah]

اممممممم تشهييي يعطيك الصحة

[أم يوسف2]

تسلم الاياااااااااادي

شكرا حبيبتي جنة الفردوس

[أم يوسف2]

اممممممم تشهييي يعطيك الصحة

صحيتي اختي تعيشي

[أم يوسف2]

بارك الله فيك ام يوسف تامني نقرا ونتخيل خخخخ تمنيت نشوف صورته لانه اول مرة نعرف هده الاكلة ربي يجازيك خير ويطلعك على خير يا رب

وفيك بارك الله اختي لعزيزة حيوتة لوكان جيتي قريبة نديورلك ماشي خسارة فيك حنونتي:dj_17::dj_17::1::1::1:

[conductrice]

يعطيكـ الصحة

[أم يوسف2]

يعطيكـ الصحة

بلا مزية ختيتي

[om obaida]

ya3tik saha fi mizan hasanatak wrabi ya3tik wakfa sahla

[أم يوسف2]

ya3tik saha fi mizan hasanatak wrabi ya3tik wakfa sahla

شكرا حبيبتي ربي يخليك

[نوال عيسى]

بارك الله فيك ويعطيك الصحة على الشرح
في انتظار المزيد من المواضيع المفيدة

[أم يوسف2]

بارك الله فيك ويعطيك الصحة على الشرح
في انتظار المزيد من المواضيع المفيدة

وفيك بارك الله اختي نوالو تعيشي شرفتي موضوعي وماتغيبيش بزاف علينا:1::1::1::1: