خطيبي قدي فطول

[مشكلتي]

السلام عليك مخاوتي كيما راه باين من الموضوع المشكل اللي عندي هو انو خطيبي اللي نحبو ومنقدرش نتخيل دنيا بلا بيه قدي فطول -_- المشكبل هذا يعني راه مقلقني لدرجة كبيرة كبيرة بزاف مشي انا انسانة تع مظاهر الحمد لله ولكن تمنيت من اللي كنت صغيرة يكون راجلي طويل عليا ونحس بالامان معاه ورجوليتو منيش نقول بلي تزيد بطول لكن تكون له هيبة اكيد
انا وليت نخمم فبزاف صوالح مثلا كي نكون معاه يجيني تخمام تع نقعد نشوف غير في طولو مع العلم انو هو 25 سنة وانا 19 سنة نخاف كشما نزيد ندير رياضة نطوال عليه هههه اقترحت عليه رياضات بطريقة غير مباشرة ووالو ميحبش
منيش نعرف وش نلبس عندي معظم الاحذية تاعي ماوليتش نلبسها على جالو ويادرى منظري فعرسي كيفاه رح يكون
طولي عادي ياخاوتي 1.68 مناسب فسني هو لي قصير قوللولي وش هو الحل برك باش مانزيدش نخمم

[محمد جديدي التبسي]

وعليكم السلام ورحمة الله
نقولك ربي يهديك
لو كان هو يخمم في هذا الأمر كمشكلة ممكن نعذروه
انت مازلت صغيرة وموسوسة ولست واعية بالزواج حسب كلامك
الزواج اكبر من هذه الشكليات
مثلا فستان زفاف وخاتم وحنة وووو هذه كلها عادات انا ضدها رغم ما تعنيه للنساء
هذا الجيل تاعكم ممكن تبطل فتاة الزواج لو يطلب منها زوجها ان تزف له في حجابها ولا تلبس فستان ابيض الدي هو تقليد للغرب والمسلسلات؟؟
كبري عقلك وتجاوزي هذه الامور...ربي يتم زواحكم على خير

[hanan7]

الطول والعرض والشكل والجسم كلها أشياء ماديه التفاهم والحب والعقل أهم من هاي الأشياء يعني حرام تسمى هاي مشكله طالما انتي بتحبيه ف ما تشوفي الرجال يلي أطول منو خليكي مع خطيبك الله يوفقك حبيبتي .. انا مثلاً طولي 160 وخطيبي 175 وعايشين عادي *_*

[sohaibdz]

بصراحة تامة انت ماراكيش تاع زواج من كلامك فهمت بلي عقلك و تفكيرك ليس ناضج ...كيفاش رايحة ديري اسرة و اولاد و تكون عندك مسؤوليات؟!!

[الصحة النفسية]

و عليكم السلام و رحمة الله و بركاته ؛

أنا مثلكِ أختِ الصغيرة أميل للرجل فارع الطول لأسباب منها الشخصية و منها النفسية فأنا طويلة أبلغ من الطول 173 سم و هذا ما جعلني أجد صعوبة في إيجاد الرجل المناسب ، من الطبيعي أن تميل الفتاة للرجل الطويل ، فالطول في نظرها يمثل الاحتواء ، الأمان ، القوة ، السيطرة ، الهيبة ، و في الغالب هذه الأمور هي التي تجعل الفتاة تنجذب نحو الرجل سيكولوجياً و فيزيولوجياً ، فالمرأة مختلفة عن الرجل ، ليست بيولوجية بطبعها ، و لا تبحث عن إشباع حاجتها البيولوجية بقدر بحثها عن إشباع حاجتها للأمان و العطف و الإهتمام ، فأهم ما يحفز رغبتها في الإقتراب من الرجل هو إحساسها الداخلي بالأمان معه و تعتقد أن بنيته الجسدية تعبر عن حجم الأمان الذي بإمكانه منحه إياها ، و لكن ثقي جيداً أختِ فالرجل الحقيقي ليس في طوله أو بنيته ، بل في أخلاقه و معدنه ، فلا علاقة للطول بالأمان ، و لا العضلات المفتولة بالقوة ، إعتقادتنا النفسية من ربطت هذه الأمور بتلك ، و الإعتقاد يبطل إذا لم يثبت علمياً ، الرجل يقاس بأخلاقه ، فالرجولة مواقف ، تذكري جيدا المواقف وحدها من تصنع الرجال ..بالمناسبة في سن 19 سيتوقف طولك فلا رياضة تنفع في زيادته و لا طعام ، لذلك كوني مطمئنة ، أدام الله سعادتكما و وفقكما لكل ما فيه خير لكما.

[زبدة ذايبة]

الزواج يا بنتي ماراهوش صباط نتمناو يكون بالشكل الفلاني

الزواج ماراهوش طول رجل أو قصر امرأة

الزواج ماراهوش تصديرة ديريها قدام الناس

هذا رجل رايحة ترتبطي بيه على المليحة والدونية

أهم مافي الزواج المودة والرحمة

انت تقولي على روحك مانحبش الشكليات

لكنك تفكري فيها كثيرا وباتت تشغل ذهنك الليل والنهار

قاعدة تحسبي للناس وش يقولوا عليك وعلى الرجل اللي ارتبطتي

ياهل ترى راكي متأكدة 100% مافيكش عيوب خطيبك هذا راه حاشم بيها ويفكر فيها مثل ماراكي تفكري بيها ؟؟؟؟؟؟

ممكن لو كان تعرفيه بمنتدى الجلفة يجي هو يكتب هنايا ويقول خطيبتي إنسانة سطحية هل أفسخ الخطبة ؟؟؟؟؟؟؟؟

انت بالنسبة ليك مشكلة الرجل هي شحال من سنتيمتر فيه

كنت النهار الأول ماتقبليش

علاش تقبلي بيه وتولي دبري عليه يدير الرياضة اللي طول على حساب رأيك

ممكن يتقبل منك الكلام هذا مرة واثنين. لكن مع مرور الوقت رايحة تخسريه

راكي رايحة تبقاي وحدك

وش كانلوا هو يتزوج من وحدة تحشم بالطول تاعو

غدوة من الغدوات رح يفكر أنك تخليه على أدنى عيب أو مشكلة صحية يمكن تصرالو

حاولي ترتقي بتفكيرك شوية راكي رايحة تولي مسؤولة على أسرة

تقولي أنا ماشي تاع شكليات واتضح أنك يهمك الشكليات أكثر من أي شيء آخر

وما يخطرش في بالك نهائيا انه لما تقدملك للزواج يعني انت راكي كاملة

وهي الحقيقة انه تغاضى على عيوبك فقط

بالتالي :

ماتكثريش تحفري مور الراجل لأنه يروح ويخليك

كاين منك بزاف والبديل كاين

يتزوجها 1.80م وماتحشمش بيه كي تمشي معاه

وتزيد تخاف منه وتحترمه وتقدره

ماكلاه تخلطي على روحك وتقعدي تجمعي في التفاهات

إذا ماراهش عاجبك خليه يروح لوحدة ثانية

لو كان جيتي تحبيه تاع الصح كان هذ الحاجة التافهة ماتفكريش فيها نهائيا

ويما أنك إنسانة تاع شكليات وليتي تفكري غير في الشكل

[حمزه أبو مريم]

السلام عليكم خطيبي اللي نحبو ومنقدرش نتخيل دنيا بلا بيه

وعليكم السلام ورحمة الله وبركاته
ما دام أنك تحبّينه ولا تستطيعين مجرد التخيّل أنّ الدنيا تكون من دونه فمن المفروض أنّ هذا الهاجس لا يكون أساسا أو أنّك تبالغين في قولك فعين الرضا كما يقول الشاعر عن كلّ عيب كليلة

[طموح متجدد]

و عليكم السلام و رحمة الله و بركاته ؛

أنا مثلكِ أختِ الصغيرة أميل للرجل فارع الطول لأسباب منها الشخصية و منها النفسية فأنا طويلة أبلغ من الطول 173 سم و هذا ما جعلني أجد صعوبة في إيجاد الرجل المناسب ، من الطبيعي أن تميل الفتاة للرجل الطويل ، فالطول في نظرها يمثل الاحتواء ، الأمان ، القوة ، السيطرة ، الهيبة ، و في الغالب هذه الأمور هي التي تجعل الفتاة تنجذب نحو الرجل سيكولوجياً و فيزيولوجياً ، فالمرأة مختلفة عن الرجل ، ليست بيولوجية بطبعها ، و لا تبحث عن إشباع حاجتها البيولوجية بقدر بحثها عن إشباع حاجتها للأمان و العطف و الإهتمام ، فأهم ما يحفز رغبتها في الإقتراب من الرجل هو إحساسها الداخلي بالأمان معه و تعتقد أن بنيته الجسدية تعبر عن حجم الأمان الذي بإمكانه منحه إياها ، و لكن ثقي جيداً أختِ فالرجل الحقيقي ليس في طوله أو بنيته ، بل في أخلاقه و معدنه ، فلا علاقة للطول بالأمان ، و لا العضلات المفتولة بالقوة ، إعتقادتنا النفسية من ربطت هذه الأمور بتلك ، و الإعتقاد يبطل إذا لم يثبت علمياً ، الرجل يقاس بأخلاقه ، فالرجولة مواقف ، تذكري جيدا المواقف وحدها من تصنع الرجال ..بالمناسبة في سن 19 سيتوقف طولك فلا رياضة تنفع في زيادته و لا طعام ، لذلك كوني مطمئنة ، أدام الله سعادتكما و وفقكما لكل ما فيه خير لكما.

فعلاً ، الأمر نفسي أكثر منه إجتماعي، و الأمور النفسية من الصعب مقاومتها إلا بإيجاد مفاهيم تحل محلها أليس كذلك ؟ حتى القوة قد لا تحقق الأمان !!

[خالد عنابي2]

هذا قسم مشكلتي وليس قسم مشكلتي التافهة .

[karlita]

هذا قسم مشكلتي وليس قسم مشكلتي التافهة .


عفوا اخي ما قد يبدو لك تافها هو عند البعض عظيم ...

شوفي اختي مشكلتك ماهيش كبيرة انت برك خايفة من هدرة الناس يقولو فلانة اطول من راجلها وبلابلا .. نقلك حاجة مدامك تحبيه ميهمك فحتى عربي متعقدي روحك من طولو موالو حاجة طبيعية
والله غير نعرف بزااف زوجات اطول من ازواجهم وعايشين حياتهم هانيين نورمال .. الفايدة في التفاهم و المودة

خلي يقولو اطول منو ياك انتوما راضيين ... مدامك حبيتيه فراه هاد الطول مش رح يكون عائق والا فمجرد اعجاب
واخيرا مكانش انسان كامل متنسايش

ربي يهنيكم متنسايش اعرضينا على العرس خخ بي يهنيكم ويرزقم ال>رية الصالحة

تحياتي
..

[first first]

قتلك التخمام من اجل الطول؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تخممي على الصبابط لي تلبسي؟؟؟؟؟؟؟؟؟؟؟؟؟؟؟؟؟؟؟وتبكي على الصبابط لي خسارة ماتقدريش تلبسيهم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


معذورة للعمر دخل كبير



حلمك رجل طويل عادي لكن تيقني ان الطول لن يغير مجرى الحياة لاللاحسن ولاللاسوء .............ممكن يصبح عقدة اذا حبيتي تجعليه كذالك وحسب.


خطيبك ينقصه بعض السنتمترات على تمثال احلامك لي نحتيه في مخيلتك وانت لو يطلع على تفكيرك ممكن يشك في قدراتك العقلية ياطفلة؟؟؟

ربي يهنيك وماتزعفيش من جهة راكي نورمال كلنا وشخصيا عندنا تفكيرات غريبة ورهيبة واحد كون يكتبها ممكن نصلح في قسم النكت او الغرائب

ربي يهنيك ويبارك لكما وفيكما

[mohamed ett]

صراحة بالرغم من أنه مشكل تافه و الحياة الزوجية هي تحمل للمسؤوليات و تعاون بين الزوجين على هموم الحياة و أقامة عائلة ملتزمة بأحكام الدين..........
الا أنه لابد أن يراعى التكافؤ بين الزوجين و لا بد أن يكون القبول بالزوج عن قناعة لأنه ربما يحدث مشاكل في قادم الايام...........
و من جانب و الله مسألة الطول أنا شخصيا أرقتني كثيرا فو الله مؤخرا رفضت فتاة و الله اية في الجمال و اعني ما اقول و محتشمة الا انها أقصر مني بكثير و مشكلتي أني طويل كذلك 1.87.....
فلم استطع صراحة القبول ن تكون زوجتي قصيرة علي بشكل كبير و الله اعلم...........

[om nour elyagine]

سلام عفوا اختي ولكن ساضيف على ماقاله الاخوة احمدي الله على انك عثرت على رجل طويل قصير غني فقير سمين رقيق المهم يعرف ربي اذا خليتيه يطير كلاك بوبي

[oumhana]

اسمحيلي كراكي تخممي هكذا كجا يخطب فيك وين كانو عينيك؟؟؟؟ ولا المهم الخطبة و الخاتم و التصديره والتزغريت و خطيبي خطيبي؟؟؟؟؟ يابنتي الزواج هو تجاوز كل هاذ التفاهات،الزواج ميثاق غليظ بين الطرفين مشي هو طويل ونا قصيرة و العكس. إملا زيدي قولي بلي كنت تتمناي يكونو عينيه violets وتفهات أخرى.وقلت منقدرش نتخيل الدنيا بلا بيه لو كان صح ميهمكش طولويا لالة المقبلة على الزواج.
راكم دايرين حالة يا البابيش عمبالكم الزواج ساهل. لي تهدرمعاها تقولك ختيبي و من بعد تلقالوالعيوب .

[22bilal bilal]

هههههههه
واذا كان الواحد طويل تقلوا لالا معدكش سيارة وخدمة وووو
.....
الحمد لله انو الواحد براسوا لا مراة ولا حب الحمد لله كثيرا

[22bilal bilal]

ربي يجبلكم واحد جميل كما النبي يوسف عليه السلام .
السلام عليكم

[الاريام]

السلام عليك مخاوتي كيما راه باين من الموضوع المشكل اللي عندي هو انو خطيبي اللي نحبو ومنقدرش نتخيل دنيا بلا بيه قدي فطول -_- المشكبل هذا يعني راه مقلقني لدرجة كبيرة كبيرة بزاف مشي انا انسانة تع مظاهر الحمد لله ولكن تمنيت من اللي كنت صغيرة يكون راجلي طويل عليا ونحس بالامان معاه ورجوليتو منيش نقول بلي تزيد بطول لكن تكون له هيبة اكيد
انا وليت نخمم فبزاف صوالح مثلا كي نكون معاه يجيني تخمام تع نقعد نشوف غير في طولو مع العلم انو هو 25 سنة وانا 19 سنة نخاف كشما نزيد ندير رياضة نطوال عليه هههه اقترحت عليه رياضات بطريقة غير مباشرة ووالو ميحبش
منيش نعرف وش نلبس عندي معظم الاحذية تاعي ماوليتش نلبسها على جالو ويادرى منظري فعرسي كيفاه رح يكون
طولي عادي ياخاوتي 1.68 مناسب فسني هو لي قصير قوللولي وش هو الحل برك باش مانزيدش نخمم


دخلت فقط لاقول لكي ربي يكون فيعون خطيبك عليك لانك تافهة و عقلك رغم انك 19 الا انو نتاع وحدة ذر و الله كارثة هذه الاشكال تبني بيوت و تربي اجيال

[طيور الجنان]

اختي الطول هذا عمرو ماكان عائق للزواج نقولك حاجة اطلبي ربي يكون انسان صالح يتقي الله فيك و في نفسه هذا هو الصح.

[أم درين]

قلنالهم الشرط في الزواج لازم يكون الدين قالونا رانا قدقد في الطول
سبحان الله