تابع ....هل شروطي مبالغ فيها ؟

[مشكلتي]

السلام عليكم ورحمة الله تعالى وبركاته
انا صاحب الموضوع : http://www.djelfa.info/vb/showthread.php?t=2036651 ، اشكركم جميعا على ردودكم الكريمة مع ان بعضها كان متهجما ، كما علي تصحبح بعض المفاهيم الخاطئة : اولا اناا لم اقل انني ارفض زيارة الزوجة لاهلها اواقرابها سواء في المناسبات او غير المناسبات فهو حقها المشروع ، ثانيا شئ طبيعي ان اخرج برفقتها لنشق الهواء والاستجمام في المرافق العامة وتنح على روحها ، وتشري حوايجها ، ولكني ارفض انه نهار بطولو رافدة المفاتح تدخل و تخرج بحجة القضيان واقتناء حاجيات البيت والسمر في بيوت الاصدقاء . والقيل والقال ، ومناسبات الاقارب البعاد جدا كعرس بنت عم راجل ختها و.معلباليش ....، كما اني اود الرد على بعض الردود :
-الاخت نورسين.داية : نعم الزواج هو اشبه بقفص العصفور لكل من المراة والرجل لذلك يقال له القفص الذهبي ، لان كل طرف هو سجين الطرف الاخر ، وبالنسبة لملاحظتك انت على حق الاستاذ الجامعي في الجزائر اجرته ضحك (فقط 11 مليون للشهر ) وذلك مقارنة بتونس والمغرب.
الاخت صُبح الأندلس: شروطي ليست نابعة من الوساوس وانما الحرص على عرضي .
-الاخت om nour والاخت 7anine 87 : بالتسبة للرجل لي ما يراقبش زوجته وما يسقسي عليها مع من خرجت ولا وين راحت فلا اعتقد انه تحرر وحسن الظن وانما دياثة وانعدام النيف .
-الاخابراهيم داود : تلبية الرغبة البيولوجية في الحلال ما هوش حرام ولا عيب فلولا الرغبة لما كان اصلا الزواج و بالنسبة لقولك عن شروطي انها ارهاب في حق المراة لا اعرف اين هو الارهاب في صونها وحفظ كرامتها ؟؟؟
-الاخت first firs و الاخ الأمين الجزائري : نعم انتما على حق وفهمتوا الموضوع بشكل جيد ، يبدو ان المشكل ليس في الشروط ولكن في طريقة سردها شكرا لكما .

[خالد عنابي2]

المهم اخي كي توضح شروطك بلغة سهلة وواضحة وعبارات لا تقبل التاويل نقدر نقلك اذا شرةطك مبالغ فيها
لان المفاهيم تختلف بين الناس

[ثلجَة]

سهل الله امرك و سددك لما فيه خير

[زبدة ذايبة]

كنت رايحة نرد عليك البارح وانشغلت شوية لقيت الإدارة غلقت الموضوع

ان شاء الله يكون رأيي مناسب ليك

المشكلة يا أخي ماراهيش في الشروط

أنا راني معاك 100% في شروطك

المشكلة راهي في توقيت الشروط

يعني كاين شروط تتقال في الخطبة قبل ماتولي زوجتك

وكاين شروط بعد الزواج وفي هذه الحالة لاتسمى شروط هذه في الشريعة تسمى أوامر

انت اللي تقرر في كثير من الأشياء في بداية الزواج

بالتالي :

حتى لايتم رفضك في كل مرة من قبل المرشحات بالزواج بك ماعليك إلا أن تصنف شروطك إلى نوعين مثلما ذكرت لك سابقا

الأشياء تاع الزيارات والخرجات والأسواق وووووو خليها بعد الزواج يعني ماكالاه تجبد هذ الهدرة قدامها أو قدام أهلها

ولما تكون معاك في بيتك انت اللي ترسم الخطوط العريضة لتحركاتها أنت اللي تعطي الإذن في الخروج وفي الزيارات وفي الصديقات و....

أما قبل الخطبة فتكون شروط العمل والبقاء في البيت والحجاب الشرعي ولعجار ولا النقاب تطرحها أثناء الخطبة لأنها تكون في البداية

إذا وافقت الفتاة على هذه الأمور فإن باقي الأمور الأخرى سهلة بإذن الله وإن رفضت مافي داع لتطلعها على قوانينك بعد الزواج

وحدة ماتقبل ديرها في قفص. حتى وإن كان عندك كل المؤهلات

الأمور المادية والعلمية ترشحك فقط أنهم يقبلوك كزوج

لكن تسبق شروط وأمور مازال ماجاش وقتها رح تخليهم يشكو فيك أنك إنسان قاسي وبلا عاطفة

على خلفية القول الشائع لدى النسوة: ( هذا مازل ماراحت ليه وراه يزير عليها، لوكان تروح ليه يولي يضربها؟؟؟!!!!)

راح يتهموك بأنك مازالك عايش في دولة بكري. مع أنني من عشاق دولة بكري

هذا حتى تكون على بينة مما يحدث في الكواليس داخل مجتمع النساء.

لك الحق المطلق في الشروط ومثلما قلت لك لابد من احترام الترتيب والتوقيت في الشروط فقط

ربي يهنيك ويرزقك الزوجة الصالحة.

[الأرض المقدسة]

السلام عليكم وبعد :
أعتقد أن المرئ لا يحتاج الى وضع شروط على من أرادها زوجة له - إذا ما أخذ بقول رسول الله - في الإختيار - حين قال : .. فاظفر بذات الدين تربت يداك . - فمن كانت صاحبة دين وخلق لن تحتاج معها الى الاشتراط مسبقا - بالتوفيق -

[نور لاتراه]

السلام عليكم وبعد :
أعتقد أن المرئ لا يحتاج الى وضع شروط على من أرادها زوجة له - إذا ما أخذ بقول رسول الله - في الإختيار - حين قال : .. فاظفر بذات الدين تربت يداك . - فمن كانت صاحبة دين وخلق لن تحتاج معها الى الاشتراط مسبقا - بالتوفيق -

السلام عليكم
اوجزتم فأصبتم
من كانت ذات دين
فانها تعرف ما لها وما عليها
بالتوفيق

[exellance]

شروطك ليست بتعجيزية لكن لا تناسب الجميع كاين لي تحب تكمل قرايتها وتخدم وكاين لي متحبش تلبس العجار نتا كي تروح تخطب اختار وحدة قاعدة فالدار مش تروح لوحدة تقرا وتقولها حبسي

[nihade off]

كنت رايحة نرد عليك البارح وانشغلت شوية لقيت الإدارة غلقت الموضوع

ان شاء الله يكون رأيي مناسب ليك

المشكلة يا أخي ماراهيش في الشروط

أنا راني معاك 100% في شروطك

المشكلة راهي في توقيت الشروط

يعني كاين شروط تتقال في الخطبة قبل ماتولي زوجتك

وكاين شروط بعد الزواج وفي هذه الحالة لاتسمى شروط هذه في الشريعة تسمى أوامر

انت اللي تقرر في كثير من الأشياء في بداية الزواج

بالتالي :

حتى لايتم رفضك في كل مرة من قبل المرشحات بالزواج بك ماعليك إلا أن تصنف شروطك إلى نوعين مثلما ذكرت لك سابقا

الأشياء تاع الزيارات والخرجات والأسواق وووووو خليها بعد الزواج يعني ماكالاه تجبد هذ الهدرة قدامها أو قدام أهلها

ولما تكون معاك في بيتك انت اللي ترسم الخطوط العريضة لتحركاتها أنت اللي تعطي الإذن في الخروج وفي الزيارات وفي الصديقات و....

أما قبل الخطبة فتكون شروط العمل والبقاء في البيت والحجاب الشرعي ولعجار ولا النقاب تطرحها أثناء الخطبة لأنها تكون في البداية

إذا وافقت الفتاة على هذه الأمور فإن باقي الأمور الأخرى سهلة بإذن الله وإن رفضت مافي داع لتطلعها على قوانينك بعد الزواج

وحدة ماتقبل ديرها في قفص. حتى وإن كان عندك كل المؤهلات

الأمور المادية والعلمية ترشحك فقط أنهم يقبلوك كزوج

لكن تسبق شروط وأمور مازال ماجاش وقتها رح تخليهم يشكو فيك أنك إنسان قاسي وبلا عاطفة

على خلفية القول الشائع لدى النسوة: ( هذا مازل ماراحت ليه وراه يزير عليها، لوكان تروح ليه يولي يضربها؟؟؟!!!!)

راح يتهموك بأنك مازالك عايش في دولة بكري. مع أنني من عشاق دولة بكري

هذا حتى تكون على بينة مما يحدث في الكواليس داخل مجتمع النساء.

لك الحق المطلق في الشروط ومثلما قلت لك لابد من احترام الترتيب والتوقيت في الشروط فقط

ربي يهنيك ويرزقك الزوجة الصالحة.



+1
انتهز الفرصة و نقولك بلي ردودك دايما يعجبوني
بارك الله فيك

[FroM Hell]

كنت رايحة نرد عليك البارح وانشغلت شوية لقيت الإدارة غلقت الموضوع

ان شاء الله يكون رأيي مناسب ليك

المشكلة يا أخي ماراهيش في الشروط

أنا راني معاك 100% في شروطك

المشكلة راهي في توقيت الشروط

يعني كاين شروط تتقال في الخطبة قبل ماتولي زوجتك

وكاين شروط بعد الزواج وفي هذه الحالة لاتسمى شروط هذه في الشريعة تسمى أوامر

انت اللي تقرر في كثير من الأشياء في بداية الزواج

بالتالي :

حتى لايتم رفضك في كل مرة من قبل المرشحات بالزواج بك ماعليك إلا أن تصنف شروطك إلى نوعين مثلما ذكرت لك سابقا

الأشياء تاع الزيارات والخرجات والأسواق وووووو خليها بعد الزواج يعني ماكالاه تجبد هذ الهدرة قدامها أو قدام أهلها

ولما تكون معاك في بيتك انت اللي ترسم الخطوط العريضة لتحركاتها أنت اللي تعطي الإذن في الخروج وفي الزيارات وفي الصديقات و....

أما قبل الخطبة فتكون شروط العمل والبقاء في البيت والحجاب الشرعي ولعجار ولا النقاب تطرحها أثناء الخطبة لأنها تكون في البداية

إذا وافقت الفتاة على هذه الأمور فإن باقي الأمور الأخرى سهلة بإذن الله وإن رفضت مافي داع لتطلعها على قوانينك بعد الزواج

وحدة ماتقبل ديرها في قفص. حتى وإن كان عندك كل المؤهلات

الأمور المادية والعلمية ترشحك فقط أنهم يقبلوك كزوج

لكن تسبق شروط وأمور مازال ماجاش وقتها رح تخليهم يشكو فيك أنك إنسان قاسي وبلا عاطفة

على خلفية القول الشائع لدى النسوة: ( هذا مازل ماراحت ليه وراه يزير عليها، لوكان تروح ليه يولي يضربها؟؟؟!!!!)

راح يتهموك بأنك مازالك عايش في دولة بكري. مع أنني من عشاق دولة بكري

هذا حتى تكون على بينة مما يحدث في الكواليس داخل مجتمع النساء.

لك الحق المطلق في الشروط ومثلما قلت لك لابد من احترام الترتيب والتوقيت في الشروط فقط

ربي يهنيك ويرزقك الزوجة الصالحة.



رد في المستوى كالعادة ...اتفق معكِ

[**د لا ل**]

السلام عليكم
برأي هي ليست شروطا تعجيزية أو مبالغ فيها كما قيل من قبل

الأمر يُختصر ببساطة في الفتاة نفسها

فان كانت ذات دين وخلق تعرف مالها وما عليها فثق تماما أنها ستقبل بشروطكَ

لذا أحسن القصد مرة أخرى أخي وحاول إيصال فكرتك بطريقة لينة وغير متشددة

وفقكَ الله

[محمد جديدي التبسي]

ما وضعته من شروط أكثر من عادية واشد على يديك في التمسك بها حتى مسالة تغطية الوجه يجب ان تطرحها من البداية لأنك ستجد صعوبات جمة ان اردت ذلك بعد الزواج
وكما ذكر الاخوة لابد ان يكون اسلوب عرض هذه الشروط مناسبا ليس فيه شدة او كبر يعني عندما تجتمع بولي الفتاة اخبره بما تريد او اخبرها هي مباشرة يوم الرؤية الشرعية ...ربي يفتح عليك.

[نورسين.داية]

هههه السلام عليكم

يا خويا ما تزعف ما والو ...........هههه ربي هينك و الصراحة 11 مليون بالنسبة لي كرؤية للأستاد الجامعي يستحق أكثر من دلك مقارنة مع المجهود المبدول ...إن كان حقا يؤديه .....عموما ربي هينك وإن شاء الله تلقى لي توالمك
بالتوفيق .....مازعفش رانا غير نحكو

[mounir moon]

ياخي لما تصعب على الناس و على نفسك الحلال بين و الحرام بين
هل انت ملتزم حق الالتزام اذا تزوج بسلفية و انتهى الامر لا تضع شرط و لا شيء فهي تخاف الله قبل ان تخافك و اذا انت اردت ان تتزوج بمن تعجبك جمالا فتحمل مسؤوليتك كما نقول ذنبك على جنبك

لماذا تحارب و تناقش بشدة كل هذا انت حر في الاختيار و الزواج و الشروط.
بالتوفيق
:)

[nihade off]

ياخي لما تصعب على الناس و على نفسك الحلال بين و الحرام بين
هل انت ملتزم حق الالتزام اذا تزوج بسلفية و انتهى الامر لا تضع شرط و لا شيء فهي تخاف الله قبل ان تخافك و اذا انت اردت ان تتزوج بمن تعجبك جمالا فتحمل مسؤوليتك كما نقول ذنبك على جنبك

لماذا تحارب و تناقش بشدة كل هذا انت حر في الاختيار و الزواج و الشروط.
بالتوفيق
:)
صح
اكيد راح لعند وحدة تخدم معاه و قالها هاد الشروط اكيد ترفضك
على حسب علمي كاين الالوف من البنات تقبل هاد الشروط دون تفكير
نتا تاني اعرف وين تروح برك

[kaderkader1541]

شروطك عادية جدا
تدل على رجولتك و غيرتك على شرفك
لا تنتظر رأيا من النساء اللواتي اعتدن الخروج صباح مساء من بيوتهن

[biti]

كاين شروط مقبولة و كايت لي حيرتني مثلا امك و اختك محارم حتى تخرج معاهم و زيد عن نفسي نفضل تحرمني من الانترنت على المراقبة
متغطيش الشمس بالغربال راه الشك عاميك و الدليل دير ثقو في امك و اختك و امها و اختها لالا باخي هاد الام هي لي رباتها كيفاه ولات مش ثقة و الا مش ثقة علاه تجيب بنتها و زيد مراقبة النت دليل على اتعدام الثقة
اما 11 مليوم و تحوسة في الصيف هادو عن نفسي نستبدلهم بالثقة و كفي ادا مكنتش رايح توثق الله يعينها لي تتزوج بيها

[خالة امير]

مستحييييييييييييييييييييييييييييييل نقبل براجل كيفك لو نقعد حياتي كاملة وحدي......
واش هذا؟؟؟؟؟؟؟؟؟ ماكانش ..ماكانش ..ممنوع..ممنوع؟؟؟؟؟
غير بدل طريقة تفكيرك اخي، انت باين راك تبني على مواقف سابقة أو حكايات صحابك..
علاش هاذي لي راح تتزوج بيها عدوتك و حاب تعاقبها؟؟؟؟؟
والله حيرتني...
أنا متزوجة و خدامة و الحمد لله دائما و أبدا....زوجي متدين...نخدم و نروح مانعرفش الخرجة لكن انا لي نحب هكذا مش زوجي...جامي قالي ماتخرجيش ..انا لي نحب نبقى في داري نعوض واش فاتني في الخدمة... والحمد لله
انصحك بتغيير نظرتك للحياة..وطبعا كل واحد و عقليتو

[ع.عيسى]

مستحييييييييييييييييييييييييييييييل نقبل براجل كيفك لو نقعد حياتي كاملة وحدي......
واش هذا؟؟؟؟؟؟؟؟؟ ماكانش ..ماكانش ..ممنوع..ممنوع؟؟؟؟؟
غير بدل طريقة تفكيرك اخي، انت باين راك تبني على مواقف سابقة أو حكايات صحابك..
علاش هاذي لي راح تتزوج بيها عدوتك و حاب تعاقبها؟؟؟؟؟
والله حيرتني...
أنا متزوجة و خدامة و الحمد لله دائما و أبدا....زوجي متدين...نخدم و نروح مانعرفش الخرجة لكن انا لي نحب هكذا مش زوجي...جامي قالي ماتخرجيش ..انا لي نحب نبقى في داري نعوض واش فاتني في الخدمة... والحمد لله
انصحك بتغيير نظرتك للحياة..وطبعا كل واحد و عقليتو
علواش حابة الناس تمشي بعقليتك وعقلية راجلك ، نتي. مستخيل تقبلي بصح كاينة لي تقبل ، هو حابها ماكثة في البيت وزاجلك يبغي الخدامة ، نتي تحبي الخدمة بصح كاينة لي متحبش الخدمة تحب تقعد في دارها بمعنى تخرج عليها هذه الشزوط ، كل واحد وعقليتوا وقناعتوا

[النجمة القطبية]

يا اخي الفكرة ماشي في الشروط لكن الفكرة فيما وراء هده الشروط
لازم تعلم ان المراة عموما عندها طريقة تفكير تحليلية بمعنى انها تحلل من امامها في بضع دقائق واسال النساء يقولولك انهن بارعات في هدا
الانسان بطبعه يكره الحرص يعني لو انا مثلا قلت لخاطب ما انا اكره الرجل البصباص الدي ينظر للنساء والدي يحب الاختلاط بهن فاي رجل طبيعي راح يفهم مباشرة اني اعاني من خوف داخلي او تجربة سابقة وقد يعتبره اتهام مباشر وينفر من الزواج بشكل عام
لا ادري ان وصلتك الفكرة
يعني انت تقول للمراة النت مراقب !!!! علاه عليك قولها منحبش النت ونمنعوه كامل في الدار انا وانتى وخلاص
تقولها مثلا تخرجي مع يما ومع اختي فقط وديري العجار والبرقع ووو وادا انت غير ملتزم وزيد استاد جامعي يرحم والديك كيفاه تفكر الطفلة اكيد تقول راح صاحب تجارب او حاب يحطني في الدار وياخد راحتو هو برا
يا اخي مرانيش نتهمك حاش لكن حبيت نعطيك فكرة عن التفكير اللي ممكن يجي في بال الطفلة وشعورها بالخوف من المجهول ومن مستقبل مظلم
مالا انا راح نعطيك نصيحة لازم تحسسها بالامان وانك انسان ملتزم وتعرف ربي وانا متاكدة انك كدلك فقط خانك التعبير
قل لها باختصار انا حابة نفتح بيت مسلم يرضي الرب
قل لها انا انسان ملتزم لا اختلط بالنساء ونحب مرتي كيفي وتصون عرضي فيا ريت تلتزم بالحجاب وتغطية الوجه ومتكثرش الخرجة ونخرجو كيف كيف
ادا حست منك انك في الطريق الصحيح ولا تفرض عليها ما انت تفعل عكسه راح ترتاح وتفرح وتقبل
اما ادا حست انو انت في واد وشروطك في واد اخر فمستحيل تلقا واحدة تقبل
يعني مثلا انت متحرر وتختلط بهدي وتلك وعايش حياتك على الاخر وهي ديكور في الدار مستحيل تلقى اللي تقبل
مالا بدل طريقة صياغة الشروط باش تفهم مليح انو انت ماشي متعصب لكن فقط تخاف الله
ربي يوفقك

[الفاتحة]

هههه السلام عليكم

يا خويا ما تزعف ما والو ...........هههه ربي هينك و الصراحة 11 مليون بالنسبة لي كرؤية للأستاد الجامعي يستحق أكثر من دلك مقارنة مع المجهود المبدول ...إن كان حقا يؤديه .....عموما ربي هينك وإن شاء الله تلقى لي توالمك
بالتوفيق .....مازعفش رانا غير نحكو

يا اختي والله ما فهمت منين جاب 11 مليون هادي انا استاذة في الجامعة منذ 7 سنوات واتقاضى 5 ملاين سبحان الله الكذب وين وصل

[ع.عيسى]

يا اختي والله ما فهمت منين جاب 11 مليون هادي انا استاذة في الجامعة منذ 7 سنوات واتقاضى 5 ملاين سبحان الله الكذب وين وصل

وانا استاذ متوسط منذ 2 سنوات نتقاضى قريب ل 5 ملاين مع المردودية ؟؟؟، وبالنسبة للجامعة الاستاذ الجديد بديبلوم دكتوراه في الهضاب مثلا الجلفة : 9.7مليون + 1.6 مردودية =11.4 مليون للشهر .وتزداد مع سنوات الخبرة والترقية ...بصحتكم ، اما نتي تفقدي روحك بلاك راكي استاذة نتاع متوسط .

[أم درين]

السلام عليكم ورحمة الله تعالى وبركاته
اردت ان اطرح عليكم الشروط التي افرضها للمرأة عند الزواج ، لكي تقولوا رايكم فيها ، ولكي اضعكم في الصورة الكاملة ، فانا شاب في 29 من العمر اعمل استاذ جامعي ، لدي سكن خاص ، اعيش مع والدتي وشقيقتي الصغرى ، شروطي للزواج هي : عدم العمل اي اريدها ماكثة في البيت ، اكمال الدراسة بعد الزواج مستحيل ، كثرة الخرجة مكانش ، لا اسمح لها بالخروج لوحدها الا اذا كانت مع اخوها او ابوها او شقيقتي الكبرى او والدتي ، كثرة الحوانت مكانش ، قضيان البيت مستحبل ، الفيسبوك ومواقع التواصل الاجتماعي بالمراقبة ، الخرجة للببوت والمناسبات للصديقات والاقراب لبعاد مكانش ، حمام النساء مكانش ، اللباس المستور اتناء الخروج اي السروال واللباس الضيق مكانش وممكن ندرلها العجار ، لكن في المقابل : تحويسة كل صيف بالطبع اذا كانت الظروف مواتية ، الهنا لان اسرتي صغيرة وامي عاقلة بزاف ، حاجة ما يخصها من لبستها وماكلتها ، بالله عليكم هل شروطي مبالغ فيها حتى اقابل بالرفض بسبب هذه الشروط ؟؟؟
وعليكم السلام ورحمة الله
شروطك جميلة في معظمها،مشكلتك في طريقة سردها

ينقصك حسن التعبير وهو الامر الذي قد يقلب الموازين في وجهك
لا خير في رجل لا يغار
وأيضا لا خير في رجل يتهم زوجته قبل أن يراها
أغلب ما اشترطتم معقول،ولكن طريقتك في الحديث فظة وتوحي بالعكس
قولك "مستحيل" وقولك "بالمراقبة"
هذي كلمة لازمك تحذر منها لأنو بمجرد ما تسمعها اي امراة تحسبها إهانة واتهام

كلمة صعيبة وقاسية
تقدر تبدلها بأي كلمة تناسب المقام كثر
وقولك "نديرلها لعجار" سبحان الله وقولك "اللباس الضيق ممنوع"

لاحول ولاقوة الا بالله

لما قريت هاذو العبارات حسبتك تنظر للنساء انهم من اهل الجاهلية الاولى وانت هنا

في مقام المعلم المؤدب

كاين نساء ماشاء الله متحجبات تنحي عليك عناء الامر والنهي في الامور الواضحة
ونتا واش يديك للي مش متحجبة حتى تولي تقولها الضيق ممنوع



وقولك في المقابل ''تحويسة''

سمحلي يا اخي لكن تقول راك تشري فيها؟؟
تشريها بلبس الحجاب والمكوث في البيت؟
صدقني اي امرأة تخاف الله وتعلم انه قد فرض عليها الحجاب والقرار بالبيت لغير الحاجة تحس باهانة لما تقرا كلامك

سوء الظن بالعيال لم يكن موجودا في الدين والدين منه براء
والرجل الذي يسيء الظن و''يشك بزاف'' يوقع في الضيق

والمرأة اذا عرفت انها محط شك او مراقبة من احد -أمر سيء للغاية-
من الافضل ليها تحس بانها محل ثقة

وفقط للتذكره :المرأة التي لا يمسكها دينها لاماسك لها

اذن اظفر بذات الدين

وصدقا كون تتقدم بهاذي الشروط كيمما راهي دوك بطريقتك هاذي لأكثر امراة تقية على وجه الارض :::ترفضك
عرف كيفاه تهدر وتصيغ كلامك

لأنو لي يسمع كلامك يقدر مايفرقش بين الغيرة المحمودة وسو الظن

وفقط للإشارة :
مرات كاين إخوة يكتبو مواضيع هنا على نسائهم لما يصدر عنهن فعل مشين لا يرضاه الله
أغلب من يرد على الموضوع يؤيد الزوج في موقفه ويقول له -الزوجة اللي مش صالحة طيشها عليك-

ومرات كاين أخوات هنا يكتبو مواضيع على أزواجهم لما يصدر عنهم فعل مشين لا يرضاه الله

هل تعلم بم يردون على الموضوع في هذه الحالة؟؟
اغلب من يرد يخاطب الزوجة ويقول : اصبري ،استري عليه، ادعي له بالهداية
لا اعلم لم اوردت هذا التعقيب ربما لاني لمست في كلامك بعض الحرص الزائد الذي يؤدي الى سوء الظن
واردت ان انبهك



وأنصحك نصيحة لوجه الله لا تبحث عن الكمال

تحرى ذات الدين

واعلم ان لكل أمة عيوب
فاستر عيوب زوجتك و(ساعفها)
فالزوجة تلميذة لزوجها

لكن للتعليم أصول

[om_hadil]

شروطك يا استاذي الفاضل عادية جداااا،،، فقط طريقة سردها،،، نوعا ما غريبة ،،، انا اخي استاذ جامعي ،،، خطب بنت جامعية و اشترط عليها عدم العمل و عدم الخروج وحدها و و و و و و ،،، هي طلبت مسكّن مستقل و كان لها ،،، توقفت عن العمل برغبة منها ،،، بعد ست سنوات من الزواج هو الان يطلب منها ان توصل ابنتهما الى المدرسة ،،، و تشتري أغراض البيت ،،، بسبب انشغاله الدائم ،،،، اما العطلة التي تتفضل بها فصارت في وقتنا الحالي شيئ عادي و ليس غريب،،، اخي يقضي عطلته مع زوجته و بناته خارج الوطن ،،،،

انت نسيت اهم بند الا و هو عدم اشتراط مسكّن مستقل،،، قد تقول كيف و ليس لي الا أمي و اختي ،،، اعرف حالات كثيرة اشتد فيها النزاع بسبب السكن،،، التي تريدها ان تكمل معك حياتك ،،، افهمها انك لا تقدر ان توفر لها سكن مستقل ،،، اما الخروج و الدخول و اللباس فهذا حسب البيئة التي ستخطب منها،،، موفق استاذي الفاضل