هل شروطي مبالغ فيها ؟؟؟؟

[مشكلتي]

السلام عليكم ورحمة الله تعالى وبركاته
اردت ان اطرح عليكم الشروط التي افرضها للمرأة عند الزواج ، لكي تقولوا رايكم فيها ، ولكي اضعكم في الصورة الكاملة ، فانا شاب في 29 من العمر اعمل استاذ جامعي ، لدي سكن خاص ، اعيش مع والدتي وشقيقتي الصغرى ، شروطي للزواج هي : عدم العمل اي اريدها ماكثة في البيت ، اكمال الدراسة بعد الزواج مستحيل ، كثرة الخرجة مكانش ، لا اسمح لها بالخروج لوحدها الا اذا كانت مع اخوها او ابوها او شقيقتي الكبرى او والدتي ، كثرة الحوانت مكانش ، قضيان البيت مستحبل ، الفيسبوك ومواقع التواصل الاجتماعي بالمراقبة ، الخرجة للببوت والمناسبات للصديقات والاقراب لبعاد مكانش ، حمام النساء مكانش ، اللباس المستور اتناء الخروج اي السروال واللباس الضيق مكانش وممكن ندرلها العجار ، لكن في المقابل : تحويسة كل صيف بالطبع اذا كانت الظروف مواتية ، الهنا لان اسرتي صغيرة وامي عاقلة بزاف ، حاجة ما يخصها من لبستها وماكلتها ، بالله عليكم هل شروطي مبالغ فيها حتى اقابل بالرفض بسبب هذه الشروط ؟؟؟

[rafika1988]

اول شي الزواج مكتوب
يعني اذا ما قبلتش الطفلة بهذه الشروط لان ربي ما كتبهاش هذا ماكان
أما بخصوص شروطك اراها مبااالغ فيهاا في بعض الأمور

ملاحظة صغيرة
أنا لست مع تحرر المرأة....

وربي يوفقك ويرزقك بالزوجة الصالحة

[نورسين.داية]

أرى هذه المرأة التي سوف ترتبط بها مثل ذلك العصفور الدي يشترى لتزيين المنازل و يوضع في قفص ............خاصك غير الهواء الذي تتنفس به تتقشف بيه عليها ..............نقدرو نستبدلوها بآلة .....أو كرسي أو عصفور في قفص لما لا ؟

ملاحظة فقط : المستوى المادي الذي قد تراه بالنسبة لأي فتاة حياة رفاهية ليس مقياس .......أصلا الأستاذ الجامعي أجرته ضحك ....شيعتها أكثر منها

بالتوفيق

[Salima2017]

كل فتاة و شخصيتها و طموحها. يعني لي تحب تكمل قرايتها وتعمل راح ترفضك. و الماكثة بالبيت ستقبل.
اما بخصوص المراقبة عند اسستعمال الانترنت. فلا انصحك. الافضل تكون الثقة متبادلة.
الدخول و الخروج بضوابط. امسك العصى من الوسط.
يمكن في المستقبل تساعدك زوجتك في اخد الاولاد الى المدرسة او الطبيب في حالة غيابك.

[المتفائلة المتفائلة]

العجار مبالغ فيه

[ع.عيسى]

شروطك طبيعية 100% ، خاصة في هذا الوقت لي ما فيه الامان ، انصحك ان تتريث في الاختيار ،واختار على مهلك ، نتا ماكش قليل حتى تتسرع في الاختيار والشباب لي راهم في مستواك نادرين ...بالتوفيق ان شاء الله

[ياسمين قدسي]

يا اخي المراة كائن وما يحبش هادي تاع تجيبها تحطها كي شغل العصفور الي يشروها ويحطوها ف قفص في الدار للزينة وما يخرجوهش من القفص بلاك يهرب
صح هاد زواج وتقدر تشرط بصح نتا راك مزيرها بزاااف ...علاش ممنوع تروح منسبات صديقتها واعراسهم وعلاش كي تزوجاتك خلاص تقطع الصلة بكل المجتمع ...علاش واش راح يصرا كي تروح لعرس صحبتها ولا مناسبة في دار اقارابها !!
هاد ما عنده حتئ تفسير وماعندو حتئ معني ...معليش نوفقك في اللبسة وفي الخروج مع ابيها او اخيها او اهلك معليش والدراسة والعمل معليش مدامك موفرلها نعم العيش بصح انك تمنعها من الزيارات والمناسبات العائلية والاجتماع باخباباها معندهاش معنئ الا انك حاب تخنقها وتعزلها عن المجتمع وثاني تراقبها مالا مش واثق من تربيتها علاه تتزوج بيها اصلا !
حرام يا اخي الرسول وما دراش هاد الحوايج الي راكم تخرجو بيهم كي شغل المراة مش انسان ما تحسش وتقلقش من قعدة الدار وما تحبش تنفس عن نفسها و تشوف الغير وتعيشي وسط الناس

[عثمان الجزائري.]

صاحبي ما تسمعش لجماعة لي يقولولك شروطك مبالغ فيها، و نزيدك حاجة هادم راهم في موضوعك يقولولك راك مبالغ و متشدد في موضوع آخر يقولك الغلطة تاع الرجالة لي ما حكموش بيد من حديد، صدقني غير شروطك شروط تاع راجل حاب يدير دار و يتحكم في زمام الأمور....و لا حاب تتأكد إقرأ الردود في موضوعي - جنون المرأة المتزوجة - في قسم الحياة الزوجية و شوف ماذا قال النساء هناك، يقتلوا الميت و يمشيو في جنازتوا

[thorpe]

شروطك توحي بانك رجل مكتمل الرجولة وفيك من الغيرة ما افتقده الكثير في وقتنا
انا الى جانبك وكل ما قلته والله عين الصواب
وكل من ترى في ذالك ظلما لحقها فهي جاهلة او سافرة فاسقة تريد الفجور
خليك عند المبدا تاعك وما تتنازلش صدقني ان تنازلت ستصغر في عينها
ربي يوفقك خويا لكل ما يحب ويرضى والله كبرت في عيني بزاف كون جات عندي بنتي ولا اخت والله نمدهالك وكلي فخر واعتزاز


هام ليك الرجال

[توحيد الجزائرية]

شروطك غير مبالغ فيها ..
رزقك الباري بمن تسرك ..
لكن تغيرت مفاهيم..للاسف
حتى المجلببات صارت لديهن شروط اكمال الدراسة والعمل ..وهذا غريب
ولا عصفور ولا قفص ..صدقني
هذا الكلام جعل نسبة العنوسة بالجزائر تضاهي 5دول خليجية
...

[صُبح الأندلس]

شروطك لا غبار عليها بل هي الأصل
و لكن المهم أن لا تكون نابعة من الوسواس و قلة الثقة في النساء و سوء الظن لأن ساعتها لو حبستها في قفص فستظل تشك فيها و ربما تمنع عليها وقتها حتى فتح النوافذ كما يفعل بعضهم

[خالد عنابي2]

شروط ثقيلة اخي خفف شويا

كيفاه هذا حتى الاقارب البعاد ماكانش ؟ عشيتي تقطع في صلة الرحم تاني ؟؟

وزيد من بيته من زجاج لا يرمي الناس بالحجارة انت استاذ جامعي ونحن نعرف الجامعات يعني انت عينك على المشوية والمقلية وهي حاطها في قفص ؟ هههههه شويا منطق يا اخي

الحمام تع النساء راني معاك فيها لما فيه من مخاطر ومشاكل ونميمة
الخدمة ما تخدمش ماعليهش من حقك تطلب هذا الشرط طالما انك قايم بالواجب من ناحية وسائل المعيشة
اللباس المستور والحجاب واحد ما يناقشك فيها

انما نقص شوية من حكاية الحانوت ماكانش والاقارب البعاد ماكانش والخرجة خلاص ماكانش
وتقول نديها في عطلة صيفية اذا كانت الظروف مواتية وطبعا في اغلب الاحوال لن تكون مواتية يعني مرة في 5 سنوات هههه هذا هو الواقع

[om nour elyagine]

سلام شروطك ليست تعجيزية ولكن صدقني يا اخي الثقة هي الصح اين صلة الرحم لا تنسى ايضا ان المراقب هؤ الله لايجوز ان تراقب احد
اللباس الشرعي فرض
الخروج بدون سبب حرام
الدراسة والعمل غير مطلوب
امك اختك والانترنيت فوتهم
العطلة ضروري
الله يوفقك لما يرضاه ويحبه

[عثمان الجزائري.]

أصر على رأيي لا تتنازل على شيئ كلنا درسنا في الجامعة و لنا أصقاء من خيرة القوم علما و دينا و خلقا و نعرف جيدا معنى الحياة و لسنا معقدين بل أكثر تفتحا ممن يدعي ذلك، مبادئنا هي مبادئنا، الموت أعزب خير لك و لست وحدك تغرد في السرب فأنا لي صديق مثل حالتك أستاذ جامعي و له نفس الشروط لكنه كما يقول لن تكون معي فتاة تحت سقف واحد إلا إذا وافقت على شروطي و حالتي كذلك يعني من الأخير لا تفشل ستجدها، على فكرة قضية لا تتزوج إجمع المال و سافر فيها جزء كبير من السعادة إبدء بالعمرة و روح شوف بلدان أخرى خير من تجي لي معندها حتى معنى تديهملك ذهب و قنادر تاع روبوكوب و إذا لقيتي من تقبل بالشروط ما تنساش تعرضنا

[كلنا راحلون]

صباح الخير على الجميع....قريت كل الردود ومن النسوة ولا وحدة عطاته الصح ربما غيرة او لا اعرف ......هو طلب يريد مرا ماكثة وضع شروطه فلما العرقلة ......هاد الشروط تلقا فدوار عندي خالي متزوج بدوية نفس الشروط ولا انترنت الا الحمام ورافدة امه......كاين واحد بدوي متزوج بقريبتي نفس الشروط........انا عندي قريبتي لو تخرج وحدها تتودر(تتيه)وخجل ونصحوني اكثر من مليار نصيحة ومع دلك نعيش على راسي .......ولي مافهمتوش بلمقابل الرجال ماهو باغيها خدامة ماتروح تنهك اعراض الناس........الله يسهلك اخي وماتقولي شوفلي قريبتكno

[lalib40]

هذه تسهيلات كبيرة . زيد زير شوي

[lalib40]

كاين امور مايصلحوش كالخروج لوحدها او الخروج للتبضع او الذهاب الى الحمام .... ماعندهاش الدوش في الدار ولا كيفاه ووووووووو

[الأمين®]

السلام عليكم
شروطك عادية لكن الطريقة التي تتكلم بها هي التي تنفر الفتيات منك فهي توحي بالكثير عن عقليتك و نظرتك للمرأة و الزواج.

[22bilal bilal]

طرح جميل
انا معك فى امور كثيرة لان المراة تريد التحرر .وماذا تفعل بمواقع التواصل الاجتماعى
وهل امهاتنا كانوا يتواصلون بهاته الخرافات .
لانها بابب للشر والزنى وتردي الاخلاث وماذا تفعل امراة متزوجة بلفيسبوك ههه وهى متزوجة

اخى اصبر وستلقى التى تقبل بهاته الشروط لان المراة فى الجزائر فاقت عدد الذكور باضعاف اضعاف

[ع.عيسى]

ردود النساء توحي وكانهم عايشين في الجنة والقصور والخدم محبطة بهم ، والحرية المطلقة والكرامة ، في حين ان اغلبهن لم يخرجن من الدوار او ولايتهم عمرهم ما شافوا الدتيا ، يا اخي ردودهن ناتجة عن الغيرة من سعيدة الحظ لي رابحة تتزوج بيك ، اعلم ان اغلبية النساء في مجتمعنا متزوجين ببطالين اذا جابلها في النهار ربع دجاجة يباتوا فرحانين واذا زارت اهلها مرة في العام راها هايلة ،وبعض النساء متزوجات في القصدير لايقي لا البرد ولا الحر او في العائلات الكبيرة كل بوم المشاكل والشغل ، والبعض الاخر متزوجين بالمعنفين وعديمي المستوى وعديمي المكانة الاجتماعية كل يوم دبزة في الوجه والضروس طايرين من اللكمات ، ،وكيما قال الاخ lalib40 ريد زير شوية . تحويسة في الصيف الله يهديك علواش راك جايبها من الترك ، مادام راك مهنيها في معيشتها وساترها من كلام القريب والبعيد ، ومسكنها في بيت محترم وفوق كل هذا تخرجها كل صيف ،بالطيع رايح تلقاها وبشروط اكبر من هادي

[7anine 87]

باش متقولوش غايرة منها انى مزوجة و زوحى تقريب نفس العقلية وراني كارهة حياتى اخى الكريم انت جايبة مرا تكون شريكتك فى الحياة لما كل هده القيود ولما كل هدى الرقابة اين الثقة اخى كترت الشروط وبهدا الاسلوب املىءبالشك وحطين النسا فى سلة وحدة روحو حوسو على بنات الفاميلة ومش راح تحتاجو لكل هدى الشروط وتتهنى من الرقابة ربي يرزقك ببنت لحلال

[~أمة الله~]

عليكم السلام ورحمة الله وبركاته
معظم الشروط مقبولة، وإذا قصدتَ المرأة ذات الدِّين والخلق تلقاها أصلا تعمل بيهم، لكن هناك شروط أخرى أرى فيها وسوسة وعدم ثقة في المرأة، وما هكدا تُبنى الحياة الزوجية، لماذا تمنع عنها المناسبات إذا كانت غير قائمة على معصية الله سبحانه وتعالى، والنّاس اللّي عارضينها ذوي سُمعة طيّبة، وأنتَ من توصلها مثلا أو أخوها أو أبوها؟ لماذا تخرج مع أمك وأختك ولا تخرج مثلا مع أمّها وأختها ؟.
هذا من جهة.
ومن جهة أخرى نظن أنّ طريقتك في إيصال الشروط غير موفّقة، أنا من قرآءتي للموضوع حسّيت راح تدير مزية في بنت النّاس كي راح تتزوج بيها ؟؟؟ لذلك فمن حقّ أي فتاة تشعر بهذا الشعور أن ترفض، الزّواج مودّة ورحمة.
ربي يرزقكم الزّوجة الصالحة.

[ابراهيم داود]

المرأة انسان ولم تخلق لارضاء رغباتك البيولوجية فقط لذلك يجب ان تعامل زوجتك كانسان اولا النبي صلى الله عليه وسلم لم يفرض الارهاب الذي قلته على زوجاته ...*اتمنى لك التفيق والعثور على من تقبل بذلك...لكن تذكر يجب ان تكون اهلا لها ايضا بمعنى ان اراقبك ايضا وان تبحر في مواقع التواصل الاجتماعي وان لا ترفع بصرك لغيرها في الجامعة وان تكفيها حقها في النفقة والبيت وزيارة اهلها وان لا تدع اهلك يلعبون عليها دور الدكتاتور المتسلط وان لا ترغمها على خدمتهم بذل لانه ليس واحبها شرعا او قانونا

[first first]

لعل المشكل اخي ليس في الشروط بحد ذاتها ولكن في طريقة فرضها وسردها
يعني من صيغة موضوعك؟
.....................ماكنشش
.....................ماكانش
....................ماكانش
و....................ماكانش
.........................
.......................
...........................
و...................تاني .ماكانش؟؟؟؟؟

ولكن نوكلها الخبز وتهنى؟؟؟؟وتحوس من الصيف للصيف؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يااخي الليونة وطريقة طرح الافكار تفتحلك باب عضيم لترويجها

اختصر بعض الامور وقلها ماتخرجيش وحدك ....................اهلك المقربين لن احرمك منهم ..................والله اي انسان يتحسس ويهز نظرة على من يملي عليه الامور ملي ويطلب منه عقد اتفاقية لانقاش فيها منذ البدابية

نرجع للشروط اغلبية الناس ماشيين بيها فهي ليست خارجة عن المالوف وتجد من الالوفا ت تتقبل والالوفات ماتقبلش.
ونمدلك راي شخصي واعتبرني اخت تنصح اخاها ..............هناك الكثيرات يعتبرن من يملي هته الشروط دفعة واحدة له عقل متحجر وغي متفهم وغير لين بالتالي تتخوف من الارتباط به ماشي لانها تريد ان تبات كل يوم في بيت وتزور كل يوم صديقة وتهوم من حانوت لاخر

لكان على الصديقات كونك هاني لي تزوج تعتبر صديقاتها ماتو رحمة الله عليهم لابعتتلهم س م س اي مليحة؟؟؟؟؟؟؟؟؟

ربما طولت دون فائدة ...............رزقك الله زوجة صالحة تفهمك وتتفهمها ووانت كذالك تفهمها وتتفهمها

[لمسة ابداع]

الاخ امين الجزائري اجمل رد و رايي من رايو
ربي يرزقك الزوجة الصالحة