للحفاظ على الاحذية و تسهيل ايجادها

[muhibbat rrasoul sws]

السلام عليكم و رحمة الله و بركاته

ببساطة : الشكاير تاع البلاستيك الشفافة جدا كل حذاء في شكارة على حدى

الاحذية المسطحة : قارورات البلاستيك للماء مقطعة، ينزع الجزء الفوقي لها و يترك شي 20سم او حسب طول الحذاء أو النعل

ممكن استعمال جالون أي شيء مثل الذي يحوي سائل الغسيل أو غيره بإعادة تدويره لتنظيم الاحذية غير المستعملة

شيكارات البلاستيك ممكن أيضا استعمالها للدخول للبيت بلبسها حين نحتاج الدخول بسرعة و الحذاء يأخذ وقت لنزعه أو تقديمه إذا جاوكم ضيوف ما يحترموش الدار :/

تقبلوا تحياتي

السلام عليكم و رحمة الله و بركاته

[جهينة اليقين]

شكرا على التدابير بصح الاخيرة صعيبة شوي

[رندة.]

شكرا على الفكرة وكيما قالت جهينة الضيف الي تكلمتي عليه ما عندنا ما نديرو معاه نتحملوه حتان يروح

[سحابة باردة]

مرسسسسسسسسسسسسسسسسسسي

[شمس 15]

مشكورة على التدابير انا رح نهبل من الصبابط.ملقيتلهم حل

[hammi330]

شكرا جزيلا

[ميسون احمد]

فكرة رائع مشكووورة

[أم_فراز]

عجبتني فكرة الشكاير الي نلبسهوهم كي نكونو مزروبين بصح مع الضيف ما تصلحش عيب. اذا هو مافهمش روحو ونحى الصباط نخليوه وفرات. كي تقوليلو دير الساشية يتبهدل وينحي الصباط وفرات.ههههه . ن المفروض واحد مايحرجش الناس. كيما يحب النظافة في. دارو يحبها عند الناس.

[muhibbat rrasoul sws]

شكرا على التدابير بصح الاخيرة صعيبة شوي


عفوا أختي، و الله درتها لما كان والدي مريض و الناس داخلة خارجة و اخبار يدخل من النوافذ مهما تنظفي، حطيتلهم بلايغ عند الباب والو، و شايفينا ماشي لاحقين، امالا اللي فهم خليتو و اللي لالا عطيتلو شكارة بابتسامة.
الله غالب و الا لازم تنظيف بعد كل ضيف!

[muhibbat rrasoul sws]

شكرا على الفكرة وكيما قالت جهينة الضيف الي تكلمتي عليه ما عندنا ما نديرو معاه نتحملوه حتان يروح

عفوا و جزاكي الله خبرا

نعم الضيف نحملوه لكن حسب مقدورنا، أحيانا يجب تسيير قدراتنا لتحمل كل الضيف و الا يأخذ ضيف واحد كل طاقتنا.

[muhibbat rrasoul sws]

مرسسسسسسسسسسسسسسسسسسي

عفوا أختنا الفاضلة

[muhibbat rrasoul sws]

فكرة رائع مشكووورة

عفوا
شكرا على التشجيع

[muhibbat rrasoul sws]

مشكورة على التدابير انا رح نهبل من الصبابط.ملقيتلهم حل


عفوا

نتمنى ضرك تحتل مشكلتهم

[muhibbat rrasoul sws]

شكرا جزيلا

عفوا، بلا مزية

[muhibbat rrasoul sws]

فكرة رائع مشكووورة



شكرا لك على التشجيع ااأتمنى أن تفيدكم

[muhibbat rrasoul sws]

عجبتني فكرة الشكاير الي نلبسهوهم كي نكونو مزروبين بصح مع الضيف ما تصلحش عيب. اذا هو مافهمش روحو ونحى الصباط نخليوه وفرات. كي تقوليلو دير الساشية يتبهدل وينحي الصباط وفرات.ههههه . ن المفروض واحد مايحرجش الناس. كيما يحب النظافة في. دارو يحبها عند الناس.

نتمنى تطبقوها يا أختنا.

أما عن الضيف فهذا كان رأي عملي لمن ضاقت به الأمور كثيرا.