احترت....ردودكم تهمني

[مشكلتي]

السلام عليكم


اجيبوني لما يجيوا ناس يخطبوا ومبعد تقولهم اعطوني مدة نفكر شكون ليعطو هوما ولا حنا حنا قولنا يعيطوهوما باش يسقسو ونعطيوهم الرد بصح هوما ماعيطوش وفاتت مدة وحنا شغل لوكان نعيطو بالاك فيها احراج يقولو راهم يعرضو علينا في الطفلةكما انو بالاك حاطين في بالهم بلي كيمعيطناش يعني الرفض واش نديروا دبرو علينا

[محمد جديدي التبسي]

وعليكم السلام ورحمة الله
انتظري رأي الخاطب وأهله ولا تبادري بأي سؤال حتى لو مضى شهرين
اذا جاءك غيره خاطبا ولا يعلم بالخطبة الأولى فيمكنك تجاهل الأول مادام انتظرت فترة كافية
لأن عادة من يكون معجب بالفتاة ما يطولش ويرد بالايجاب.
هذا هو المتعارف عليه انتم تنتظرون رد الرجل وليس العكس إلا اذا كان لديك علاقة بأخته أو قريبته يمكنك الاستفسار منها بطريقة ذكية...ربي يرزقك كل خير

[الأستاذ *قداري*]

ليس بالضرورة الهاتف ممكن بالاستعانة بوسيط بينكما بالتوفيق .

[طيور الجنان]

اختي اذا اهلك قالولهم اعطيونا مدة نفكرو و نردولكم فممكن هوما فهموها بللي تعيطولهم و تقولو رأيكم اذا انتم لمستم القبول من الشاب و اهلو ممكن هوما تاني يفكرو نفس التفكير يظنو راكم ماشي قابلين فماحبوش يسمطو برواحهم. بالتوفيق

[Sakurasakura]

السلام عليكم اخيتي مادام انتوما قلتو اعطولنا مدة ونردولكم الخبر معنتها انتوما تعيطو و هادي مرت عليا شخصيا في خطبتي ابي طلب من الخاطب مهلة للتفكير ونهار قبلت وسقسينا عليه ابي هو اتصل بالخطيب وقالو نهار تحب تجيب اهلك للخطبة الرسمية مرحبا بيك وقالو ادا عطاك ربي من داري انا راني مديتلك الطفلة هكا كانت الاجابة تع والدي ربي يحفظو وفقك الله ليما يحبه اخيتي

[صمت الرجوله]

و الله يا اختي لست اعلم حال الرجل لكني اظن انه بما انكم انتم طلبتوا مدة للتفكير, اذن لازم عليكم تردوا بالقبول و الا الرفض
حالتك تشبه حالة اختي الصغرى...لما تكلم عليها زوجها طلبت منو الانتظار و هاك كان الحال....رديت عليه انا بالقبول بعد شهر تقريبا و كمل ربي النصيب و الحمد لله

[kingwil]

اختي حسب ما فهمت انه انتم من يجب عليهم الاتصال لانكم من طلب مدة للتفكير
هذي مافيهاش عيب
بتوفيق

[ع.عيسى]

مادام انتم من طلبتم منهم مدة للتفكير اعتقد انه يجب ان تتصلوا بهم انتم ، لاني اضن انه اذا لم تتصلوا يفهموا بلي ماكمش موافقين