تعيشو قولولي ......وينو المشكل

[زوجة الغول]

السلام عليكم

راني حبيت نسقسي وعلاه هاذ الشهر ما دخلتش المردودية ولا لاباي
أنا كنت في عطلة امومة منذ 1 سبتمبر 2016 حتى 7 ديسمبر 2016 هزيت دراهمي تاع 3 شهور خلاص .:19:
بصح في هاذ الشهر ما لقيت والو:confused:
والمقتصد نروحلو كل يوم يقولي غدوا أرواحي لاكونكسيون ماكانش
يعني خلاص راحتلي هاذ الشهر
مع العلم أني كنت راحا ندير لاسويت دوكوش وليت قلت نروح نخدم خير وف الآخر ما لقيت شيء:confused:

[عبد الرحمان محمد]

ما هذه اللغة المستعملة في هذا الموضوع ؟!

لاكونكسيون لاسويت دوكوش لاباي

[ghazalt assahra]

وقتاش حبسو ليك الخلصة سبتمبر او اكتوبر
لوكان حبسوها لك في اكتوبر بلا ما تخليش حتى مارس
و يمدو ليك جانفي و فيفري رابيل
ولا عند معريفة يكون الامر اسرع

[زوجة الغول]

ما فهمتكش يا ختي
انا خلاص شهور تاع عطلة الامومة سلكت فيهم غير جانفي لي مازل
وكيفاه نعرف وكتاه حبسولي ؟ أنا شهر سبتمبر خلصت ومن بعد خلصت تاع 3 شهورا

[زوجة الغول]

لاكونكسيون يعني لانتارنات ماكانش يقولي.
ولاسويت دو كوش يعني هاذاك الشهر لي بعد 3 أشهر تاع عطلة الامومة
ولاباي هههه يعني الراتب
راني ما خلصتش شهر جانفي وماعلاباليش وعلاه

[ghazalt assahra]

يعني خلصتي سبتمبر عادي
و اشهر الامومة الثلاثة ( اكتوبر و نوفمبر و ديسمبر ) من الضمان الاجتماعي من المفروض تخلصي جانفي
بصح مع التماطل نتاع المديرية يتاخرو ليك بالخلصة شهر او اثنان
تاكدي من انو استئناف العمل نتاعك راح للمديرية فالوقت