استفسار عن الإرجاء عند التوظيف في منصب أستاذ

[midou 01]

السلام عليكم اخواني الأفاضل
أنا تم استدعائي من الاحتياط في مسابقة الأساتذة الأخيرة
وأنا الآن موظف كأستاذ ثانوي
ولا أمتلك سورسي للخدمة الوطنية
قالوا لي بأن أذهب إلى مكتب الخدمة الوطنية وأعطيهم شهادة عمل وديبلوم ووو ... الخ لكي يعطولي إرجاء
لكن عندما فعلت هذا ، فقالوا لي في مكتب الخدمة الوطنية أنّه ليس لديك الحق في السورسي


لذلك أريد استفساركم اخواني : هل حقيقة ليس لدي الحق في السورسي ( الإرجاء ) ؟

[الأستاذ نبيل]

نعم .. لديك حق في التأجيل
خذ معك محضر التنصيب وليس الديبلوم
في منطقتنا استفاد الأساتذة من ذلك

[midou 01]

هل الأساتذة الناجحين أخي ؟ ام الأساتذة الاحتياطيين ؟

[الأستاذ نبيل]

هل الأساتذة الناجحين أخي ؟ ام الأساتذة الاحتياطيين ؟
سألتُ قبل قليل أحد الاحتياطيين بالهاتف فقال :
يحضر شهادة مزاولة التربص من المديرية ويدفعها بشرط أن لا يكون عاصيا أي لم يأته استدعاء ثانٍ

[midou 01]

الله يعطيك العافية أخي الفاضل
بارك الله فيك على التواصل والمعلومات المفيدة

[albert walid]

اخي روح دي معاك شهادو عمل يمدولك سورسي نورمالمو عام ولا 6 اشهر
واذا مقبلوش قولهم حب ندخل على الي شاد الخدمة الوطنيه قصدي كوموندو الى ثما راه عند نهار استقبال بسمانه ورحله وضعيتك
موضفين الى ثمما مديرش عليهم كين الي مراه حكم فيها والو وموفق
ولا اخر حل ولكنو صعيب يسر تقدر تروح بعد ميغلقو الكزيرنه باه يمدولك سورسي ولكن فيه ريسك كبير على خدمتك

[kafo88]

الله لا تربحهم بلاد تحارب كل شيء لديه صلة بالعلم

[midou 01]

بلاد المكر ، نهار كنت قاعد تحت الحيط ورحتلهم للكزيرنة رجعوني سورسي ، وضرك كي دخلت نخدم محبوش يعطوني سورسي

[midou 01]

إخواني ، عاود رحت لمكتب الخدمة الوطنية اليوم وزادو قالولي بلي ما عندكش حق في السورسي ، راك فايت 6 اشهر ملّي تخرجت
والله مرضوني ، هل أحد فيكم يعرف القانون العسكري جيداً يوضح لي الأمر

[dak]

السلام عليكم
خذ معك محضر التنصيب النسخة الاصلية ونسخة طبق الاصل
والدبلوم ممكن يطلبوه وروح ليهم
انا مدولي سورسي 6 اشهر في 2014

[kafo88]

عذر اقبح من ذنب بكل وقاحة عندك اكثر من 06 اشهر من اللي تخرجت مانخدمولكش سورسي -- يعني لازم تتوظف خلال 06 اشهر الاولى من تخرجك واذا كان العكس تفقد كل حقوقك يا الله ماهذه البلد شوف خويا سبل امرك لقاضي القضاة ان ياخذ الحق الحق في قاضي الارض الذي استعلى وتجبر -- الله ياخذ الحق فيهو --

[hichem_nasro]

أنا حالتي كيفك لكن الفرق بيناتنا هو أنو أنا عطاوني إرجاء منذ التحصل على الشهادة ماشي من يوم التنصيب لكن المشكل أنه غدا ينتهي ههههههههه

هذيك المرة كي سقسيت قالي هذا آخر إرجاء تديه من عندنا ...

راني نخمم كيفاش الواحد متربص و ما يعاودوش يعطوه إرجاء على الأقل إلى غاية نهاية العام الدراسي أو إلى غاية الثبيت في المنصب !!!!!

غدا نروح عندهم و الله يجعل الخير و خلاص