فتح محل تصوير فوتوغرافي [الأرشيف] - منتديات الجلفة لكل الجزائريين و العرب

مشاهدة النسخة كاملة : فتح محل تصوير فوتوغرافي

midou31

2017-01-12, 00:49

السلام عليكم ورحمة الله وبركاته
انا مصور هاوي افكر في فتح محل للتصوير الفوتغرافي لذا ارجو منكم اتقديم النصح و الارشاد حيث اني لست ملم بما يحتاجه المحل من تجهيز و مستلزمات و كذا تكلفنها و العائد علما انني لا املك محل و انوي الكراء
و شكراً مقدماً

mrmilano1984

2017-01-13, 21:39

مشروع ممتاز

midou31

2017-01-14, 13:16

مشروع ممتاز

شكرا على الرد اخي الكريم
ممكن نصائح وتوجيهات لنجاح المشروع و العقبات و الصعوبات التي ممكن ان اواجهها

mrmilano1984

2017-01-14, 14:39

والله يااخي ليس لي اي تجارب او معارف لكن طبعا فكرة ممتازة اتكل علي ربي والله مليحة بزاف رد بالك يقلك لا راك تعرف عبادنا حسادين كبار في قلبهم مايبينلكش ابدا لو تقولو فكرة يحسدك عليها انت خمم بعقلك لا بامور اخري انا نصيحتي لك والله مليحة لكن اين راح تفتح والمكان يلعب جور كبير مثلا جامعات بلديات دائرات الخ اين يتواجد اماكن لي تتطلب فيه وجود هدا المحل اوك ونعطك نصيحة اعملها في بالك مليح جامي تعمل شركة هادي نحيها من راسك نهائيا من دماغك لانو الشركة هلكة مع الجزائري دايمن يجي ليك يتودد ويتمسكن الجزائري ومن بعد يوريلك العين الحمراء نعرف بزاف خدمو شركة والله كامل فشلو عقليتنا هكدا كل واحد يجبد لنفسو فقط الجزائري اناني جدا بطبعه يحب الا مصلحته الشخصية لدا راح تخسر الصفقة من الاول او حتي در عمال نفس الشيء خدام يسرقك يسرقك وماكاش لي يقلك اواه اتكل علي ربي هادوك يرموك علي راسك كما قال لي صاحبي حميم تاع الصح pas de confiance خوك او اختك ماديرش الامان فيهم في التجارة مابالك اصدقاء الخ
والله اعطتلك نصائح قيمة وروح افتح محل خصوصا ان كان تاعكم تجي ممتازة هكا تنحي الكراء من طريقك وربما الكهرباء الخ وتولي فقط تخلص حق الماتريال وربما ديكور المحل الخ وحق السجل والضرائب
اتكل علي ربي لازم يكون عندك محل +راس مال +طبعا تحب هادي المهنة انا خممت فيها عندي بزاف مي دراهم والله ماكاين بطلت الفكرة نهائيا ولكن كفكرة تاعك اشجعك
عندنا واحد هنا ون نسكن يخدم مليح والله كل مانجوز عليه او كي نخدم عندو ماشاء الله بنات رجال شيوخة عجايز اطفال الله يبارك +مكانو جاي علي الطريق يعني يجوزو عليه ناس بزاف
اي استفسار انا لو عندي مصادر ون تشري الماتريال والله نوجهك كان كاين واحد في العاصمة يخدم ماتريال فور ولكن راح هاجر للخارج راح هرب لكندا ولكن ربما يدخل ناس عارفين راح يوجهوك اين تشتري وتسلع

mrmilano1984

2017-01-14, 17:11

اخي هي والله لو يكون عندك محلك الخاص بك احسن بكثير من تكري مصاريف بزاف ولاتضمن ان مدة عام تعمل او تدخل كي يخلاصلك العقد شكون يضمنلك حق الكراء مثلا فهمت يعني لازم تخمم مليح مليح وماتزدم برك كمشروع وفكرة والله حاجة مليحة بزاف نزد نقلك قلنا شعال عندك راس مال وايضا هل تملك حق الكراء لازم هادو امور درها في بالك مليح وفكر جيدا مادابينا تحطلنا كم تملك راس مال +حق الكراء +هل انت قادر تعمل وحدك ومتاكد من نفسك ان عندك هادو الامور نقلك غدوا افتح محل وانت مصور هاوي لايعني اي شيء ناس فتحو محلات تصوير والله ماعندهم شيء ولاباس دارو اموال وكسبو اي استفسار اني هنا اخي

midou31

2017-01-14, 21:45

اخ mrmilano1984 ألف شكر على التفاعل و النصائح القيمة و جزاك الله خيرا
فيما يخص المحل لا املكه على هذيك لازم نكري و فيما يخص حق الكرا عندي قد ما نكري من 6 اشهر الى عام كحد اقصى
املك كاميرا احترافية لابأس بها بملحقاتها (عدسات + فلاش + حامل ثلاثي) وضعت ميزانية حوالي 15 مليون لتجهيز المحل و انا قادر اعمل وحدي

mrmilano1984

2017-01-15, 16:33

اني قتلك مشروع رائع وناجح بحول الله والله فرصة باش تعمل علي روحك ولي يقلك اخطيك او واعرة الخ هادو حسادين راك تعرف العقلية تاع دزاد الحسد والعياد بالله نتا راك في منتدي افتراضي والله يتمناولك مش الخير مايبينوش برك نعرف واحد والله كان ماراحش يفتح محل تاع تصوير صعبوهالو تاع الصح لازملك اعتماد ومانعرف من خرطي وحسد وبغض وكاين لي خلع فيه قالو انا جربت وهو ماجرب اصلا وفشلت ودرت فاييت والله هاك السيد يتسم برجاجة عقل شديدة وفاهم ماشاء الله راح افتح عند روحو وصدقني عمل كثر من لي قالولو الحساد وهم اقرب واشد مقربين حسدوه وخوفوه من فرط الغيرة ويحبو يرموك علي راسك بنصائح وحجج واهية راك فاهم عقلية الديابة مليح يحب الا هو ينجح ومايحملش واحد ينجح
المهم الا راك معول صح تفتح اتكل علي ربي مادامك تملك محل +راس مال +الموهبة عطاك ربي لسان وفهامة وتعرف تصور ستنجح بحول الله
نصيحة لك لاتخبر اي احد بمشروعك السترة مليحة بزاف مع عبادنا لانو لو نويت تتكلم تنوي برك سبحان الله مشروع يفشل وصراتلي ليا يوم ما حبيت نعمل مشروع واحد زعما كان قريب ليا هو لي حسدني وغدرني وراح قال لمول المحل ماتكريلوش وقالو عليا اشياء غريبة حتي السيد بطل صرات لي شخصيا لدا مليحة السترة مع العرب الحساد

mrmilano1984

2017-01-16, 18:27

اخي فيها امور اخري طبعا من غير الة تصوير او كاميرا محترفة ايضا فيها طابعة خاصة باصحاب استوديو التصوير زد هل تلك الميزانية تكفي لتبدا العمل يعني راس مال كاف ان صحيح اتكل علي الله وزد كاينة الاعتماد مش هاك تفتح يطلبوهلك لما تفتح سجل الخ هل تملك ام تكتري

midou31

2017-01-16, 19:36

بارك الله فيك اخي الكريم و جزاك الله خيرا
الطابعة هي اللي راهي مقلقتني خاطر غاليين وانا رايح نكري و راني خايف الميزانية اللي راني دايرها متكفيش

siffou

2017-01-16, 19:50

midou31

2017-01-16, 20:34

السلام عليكم يمكنني مساعدتك اخي في مجال التصوير الفوتوغرافي لدي خبرة لاباس بها في هدا المجال

يا خويا تدير فيا مزية بارك الله فيك

mrmilano1984

2017-01-17, 17:23

bitalger

2017-01-17, 22:30

اخي سبق و عملت في محل تصوير

هنالك ثلاث انواع من طابعات

طابعه صغيره مخخصه لصور هويه
تكلفه : ثلاث ملايين
سعر صوره هويه (ورقه فيها 8 صور صغيره ) : 25 da
اعاده بيع صوره هويه (نفس ورقه بعد تقطيعها) : 150 da
طابعه متوسطه
تكلفه : 18 مليون سنتيم
سعر صوره هويه (//) : 14 دج
اعاده بيع صوره هويه : 150 دج
طابعه كبيره
تكلفه : 150 مليون فما فوق قد تصل لمليار في بعض انواع
تكلفه صوره هويه (//) : 3 دج
اعاده بيع صوره هويه : 150 دج

midou31

2017-01-18, 22:44

اخي كاين حلول ان كنت تقول بلي الميزانية لاتكفي وراها قليلة الخ تقدر تشوف كاين لي يقدرو يبيعولك بالكريدي مثلا او تقسيط مثلا يعني لي يعملو في مجال اعلام الي هم يعرفو مليح شوف لي ثمنها رخيس او شوف لي عندو او يعطيك وحدة تفيرسي ومن بعد تكملو الخ فهمت
المهم اتكل علي ربي وفتح مش اشكال الطابعة تلقالها الحل وزد اكدلي نتا ون راك رايح تفتح بالضبط اخي اي مكان وشكون لي جايين قدامك مثلا بلديات او دائرة جامعة او اقامة جامغية مراكز تمهين الخ
انا نسكن في دائرة و راني شايف محل في وسط المدينة و على الطريق الرئيسي للمدينة و لا يوجد محل فوتغرافي على الطريق الرئيسي لكن سعر الكراء مرحش يكون اقل من 2 مليون على هذيك راني متردد خايف من المدخول ميكونش يغطي المصاريف

midou31

2017-01-18, 22:52

اخي سبق و عملت في محل تصوير

هنالك ثلاث انواع من طابعات

طابعه صغيره مخخصه لصور هويه
تكلفه : ثلاث ملايين
سعر صوره هويه (ورقه فيها 8 صور صغيره ) : 25 معيده بيع صوره هويه (نفس ورقه بعد تقطيعها) : 150 da
طابعه متوسطه
تكلفه : 18 مليون سنتيم
سعر صوره هويه (//) : 14 دج
اعاده بيع صوره هويه : 150 دج
طابعه كبيره
تكلفه : 150 مليون فما فوق قد تصل لمليار في بعض انواع
تكلفه صوره هويه (//) : 3 دج
اعاده بيع صوره هويه : 150 دج

شكرا اخي على التفاعل
صور الهوية هي العمل الرئيسي للمحل الفوتغرافي و الاكثر اقبالا من الزبائن لكن ماهي الامور الاخرى المطلوبة و التي لا يجب علي اهمالها و انا افكر بطابعة متوسطة هل يمكنك اقتراح ماركة معينة علي

mrmilano1984

2017-01-19, 16:22

asma bb

2017-01-19, 20:38

ربي يعينك الاخ عجبتني الفكرة و انا ايضا نحب التصوير و كنت حابة ندير محل تصوير لكن خوفوني الناس قالولي ماتريال غالي بزاااف فتوقفت عن الفكرة ربي يعينك و يسرلك امورك و لكن قولي هل تستطيع دير لونساج؟

mrmilano1984

2017-01-21, 16:12

يكدب عليك لي قالك كل شيء غال اليوم برك رحت عند محل للتصوير اين اقن ولقيت صدقوني غاشي عندو رغم انو في نفس المنطقة يوجد 03 او 04 ونورمال يخدم وكاين معاه خوه ووالدو يعملو عائلة ولاباس والله غاشي
ادا استفدتي من مشروع l'ancej احسن بكثير وممتاز واحد يعطولو الدولة طبعا كل شيء من عند الدولة الماتريال المعدات والكراء نضن ايضا من عندهم الخ يبقي عليك الخدمة برك هكا واحد يكون مهني كي يعمل ماتكسري راسك باش تشري ماتريال ومصاريف اصافية ماتتقلقي علي الكراء كاين نعرفهم بديبلومات اعلام الي والله فتحو مند مدة وراهم يعملو لاباس بيهم صح خدمة شفتهم نقصت مي الحمد لله محلك وتكوني مرتاحة

midou31

2017-01-22, 01:22

ألف شكر على التفاعل و النصائح القيمة
لونساج صعيبة الواحد باه يروحلها خصو يخمم بزاف خاطر كلش يجيك بالساهل في البدية تشري اغلى و احسن متريال و يمدولك حق لكرا و تجهيز المحل و من بعد اذا مكانش النشاط نتاعط يغطي المستحقات اللي عليك تحصل و تصيب الديون يتراكمو عليك و من بعد مدة يبداو الضرائب فان و تجي تبيع المتريال تصيب روحك تخسر فيه بزاف لخطر هذوك المحلات و الوكلاء اللي يتعاملو مع لونساج و يمدو الفواتير النموذجية اسعارهم غالية و غالية جدا
كاين نشاطات ينجحو مع لونساج و هذا النشاط انا يبانلي الواحد يبدا بالشوية اذا نجح و الخدمة مشات مليح ينجم في المستقبل يروح لونساج و يدير توسعة مشروع و هنا يكون يعرف واش يسحق و واش هو المطلوب في السوق

midou31

2017-01-22, 01:29

اخ صح الكراء هو الاشكال في كل شيء تنفق كل شيء علي الكراء مشكل لس تعمل او لا تعمل هدا رزق علي ربي اوك مشكل كي يخلاص العقد وتكون ماعندكش القيمة المالية باش تجدد العقد فهمت هنا الاشكال الكبير والعويص اوك فهمت ربي يعاونك ان شاء كفكرة والله روعة حتي ان كان هناك محلين او 04 ماتديرش عليهم الرزاق ربي والله العضيم لا انا ولاهم يرزقوك انت وعملك وصبرك وجديتك الخ فيها امور كثيرة

عند الحق في هذي احتمال ينتهي العقد و متصيبش باه تجددو وارد و تضطر باه تتحول إلى محل الكرا نتاعو اقل و تبدا من الصفر و الشهرة اللي صنعتها تروح و لا يديها وحد آخر او الاسوء تحبس النشاط

biddi

2017-01-22, 09:23

السلام عليكم
كان لدي صديق و قام بشراء كل اللوازم الخاصة بالتصوير وبعد دلك قالو له انه حرام و قام ببيع كل شيئ و اغلق المحل

midou31

2017-01-23, 23:00

السلام عليكم
كان لدي صديق و قام بشراء كل اللوازم الخاصة بالتصوير وبعد دلك قالو له انه حرام و قام ببيع كل شيئ و اغلق المحل

و عليكم السلام
هي مسألة خلافية بين العلماء كاين اللي حرم التصوير الفوتوغرافي و كاين اللي اجازو و الله أعلم

puma576

2017-01-24, 16:47

بالتوفيق والنجاح

midou31

2017-01-25, 14:32

بالتوفيق والنجاح

شكرا أخي الكريم

brahim21

2017-01-29, 09:31

السلام عليكم
أخي عندي محل تصوير وانا اعمل فيه حاليا
الحمد لله
عندي اسرار فالمهنة ونقدر نعطيهالك وتعمل بأقل تكلفة وتنافس

hmdilmd

2017-01-31, 20:06

فكرة رائعة ومشروع جد ممتاو اتمنى لك التوفيق اخي الكريم

midou31

2017-02-01, 00:51

السلام عليكم
أخي عندي محل تصوير وانا اعمل فيه حاليا
الحمد لله
عندي اسرار فالمهنة ونقدر نعطيهالك وتعمل بأقل تكلفة وتنافس

يعطيك الصحة خويا و بارك الله فيك
كيف يمكن ان نتواصل؟

midou31

2017-02-01, 00:53

فكرة رائعة ومشروع جد ممتاو اتمنى لك التوفيق اخي الكريم

بارك الله فيك مرورك الاروع شكراً اخي الكريم

visa uk

2017-02-06, 20:07

افتح اخي القي المحل والمكان ويكون عندك راس مال حق المعدات هادوك كامل من بعد ساهل الخدمة تجي والزبائن يجو مع الوقت ان شاء الله التصوير متعة لانضير لها انا نعرف صوار راهم يخدمو بين 03 لكن باينين عائلة كامل رواجة بصح يعرف يخدم مليح مليح

حكيمووو

2017-11-26, 19:45

انا مصور فطوغرافي ممكن نساعدك انت من اين

حكيمووو

2017-11-30, 18:19

واش من بلاصة نت ياصديقي اما مصور فطوغرافي

asiaasia

2019-09-30, 23:41

واش من بلاصة نت ياصديقي اما مصور فطوغرافي

من فضلك خل تحتااج الى ديبلوم معين لكي تفتح مصور فوتوغرافي؟

amminnou

2019-10-09, 19:35

المهم اي مشروع يكون صعب في البدايو ز من ثم تسهال الأمور
ربي يوفقك خويا

visa uk

2019-10-12, 17:40

اخي مشكل لونساج معارف صحاح بزاف والا مش معرفة لازم رشاوي ومال راك عارف هاو اشكال تاعهم ادارات معارف ولكتاف صحاح وجرية وووووووووو وزد الرشاوي بش عطوك من ملف الي اخر لدا لي تاكل الخ يقدر يعمل ويعطوالو ماتريال وووو مشكل كبير جدا جدا لونساج لي يخدمو فيها حشاك فاملات اغلبهم اخي ماتدي من عندهم والو هادوك واعرين تاع ادارة فهمت الا عندك بصحتك