قصتي مع بريد الجزائر (-_-) السامط يغلب لقبيح

[dz-yac]

السلام عليكم
8 جانفي ..
اتصلت برقم مركز فرز الطرود بالعاصمة لتتبع سلعتي قالت لي الموظفة انه في جيجل rp البريد المركزي
المهم دهبت الى اقرب مركز بريد قالولي مكانش دهبت الى البريد المركزي بجيجل
قالي روح لاقرب مركز بريد ليك ماتجيش عندنا هنا .. اخبرتهم انهم قالو لي انها هنا وهو يعاودلي في نفس الهدرة روح لاقرب مركز بريد
سيد هدا مزال مايعرفش بلي السامط يغلب لقبيح . قلت لو شوف جدها دوكا حوس فالكارني نظرة خاطفة وقالي مكانش
للعلم ان السلعة اشتريتها مند شهر نوفمبر ودخلت الجزائر في 7 ديسمبر
10 جانفي ...
دهبت الى اقرب مركز ems بالضبط في كومبشوفالي اعطيتهم رقم التتبع احد السلع قال لي الرقم خطأ رغم انه صحيح قالي لي يجب ان يكون هناك حرفين فالاخير
المهم ماعلينا الرقم الثاني كان صحيح وعدا نرمال عندو بعد انتظار نصف ساعة
الطرد الاول قالي راه هنا روح عند البيرو تع البوسطة .... رحت قالي مكانش هههههههههه .. ايا قلت ليوم نخلطها دهبت من الجهة الاخرى منين يدخلة العمال وقلتهم رحت عند الشباك رقم كدا وقالي مكانش
زاد عاود حوس فالميكرو باش يتاكد وبداو يضاربو هدا يقولو راه عندك ولوخر يقولو راه عندك هههه لقاو ان الطرد دخل في 3 جانفي
ومبعد قالي راه ماش هنا راه في مركز بريد اخر "الصومام" الغريب ان مركز البريد الدي ارسلني اليه بعيد ولا يغطي المنطقة اللي اسكن بها يعني كان من المستحيل وصول الطرد وانا ماكنت لادهب هناك لاستفسر عنه وبالتالي يرجعونه للصين كارثة
في المساء سادهب هناك واطلعكم على الجديد ههههههههههه كارثة والله ربي وكيلهم
بعض الطرود لم تصلني مند 6 جوان اعتقد انه حدث ربما نفس المشكل وربما تم ارجاع الطرد للصين او الاحتمال الاخر ان البائع لم يرسله اصلا لاني انداك لم اكن اعرف انهم يمكن تتبع السلعة بالجزائر

[fathi amine]

ههههههههه هادي ماشي بلاد

[dz-yac]

ههههههههه هادي ماشي بلاد

كور ومد لعور
من الان فصاعدا نجريهم واكون السبب في فصلهم من العمل علاجال سلعة تع 1 دولار باش يتعلمو يخدمو خدمتهم
ماش يتفششو علينا تقول يمدونا من جيبهم

[kenchi]

اخي ممكن رقم مركز فرز الطرود الذي اتصلت به لان الرقم الذي اتصل عليه لا يردون ابدا

[xeno]

ان شاء الله ربي يرزقنا بهجرة خوتي هذا ما نقوللكم

[dz-yac]

اخي ممكن رقم مركز فرز الطرود الذي اتصلت به لان الرقم الذي اتصل عليه لا يردون ابدا

الرقم 023593444
احيانا يعمل احيانا لا انت وزهرك هههه
دير كما درت انا روح لمكتب ems واعطيه الرقم يقلك وين راه

[dz-yac]

الحمد لله بعد عناء تمكنت من ايحاج السلعة
وللاسف لا خبر عن الطرود الاخرى التي اشتريتها قبله حتى تبا لهم

[kenchi]

المهم مبروك عليك

[هــالة]

هذا هو رقم تتبع سلعتي 04155765598 ولم اعرف عنه شيئا هل دخل الجزائر ام منذ شهرين هل استطيع الاستعلام عنه ام يجب ان يكون به رقمان

[adam21s]

هذا هو رقم تتبع سلعتي 04155765598 ولم اعرف عنه شيئا هل دخل الجزائر ام منذ شهرين هل استطيع الاستعلام عنه ام يجب ان يكون به رقمان
لا يمكنك الاستعلام عنه داخل الجزائر

[النجم الاسود]

هذه بلاد العجائز اخي الدول المتطورة تريد العيش في المريخ و تبحث عن مصادر الحياة فيه و نحن في الجزائر مازلنا نبحث عن طرودنا هنا و هناك؟

[Momen3518]

مبروك الاستلام أخي
هل دفعت 130 دج عند استلامك للطرد ؟

أنا سابقا استلمت اكثر من طرد أما الآن فأخبرني موظف البريد انهم تلقو تعليمة مفادها ان كل طرد يتم استلامه يجب دفع 130 دج
حتى ول كان هدية gift او ثمنه 0.01 $
هل الكل يدفع 130 دج عند استلام الطرود ؟

[omar.5200]

لا حول ولا قوة الا بالله
الحمد لله كي راك صبتو