ما رأيكم بما فعل زوج أختي

[مشكلتي]

السلام عليكم

لم اجد مساحة للبوح الا بينكم اخوتي انا متألمة واحتاج ان افضفض

انا فتاة في 35 تقدم لي شخص من معارف صديقتي دلوه علي

وان حساسة وكانت كل مرة يتقدم شخص ونعملو الرؤية الشرعية بين اهلي فيذهب ول يعد
وتبقى الأقاويل

فقررت ان اجري الرؤية الشرعية في بيت صديقتي أخذتني اليها اختي وزوجها من دون علم اي شخص اخر
وتم كل شيء على خير وحصل الارتياح

غير ان زوج اختي انقلب عليها وابدى رأيه بالرفض

وهددها بالطلاق ان تزوجت انا بهذا الشخص ولو بعد عام

أختي ترجتني ان افعل لاجلها ولاجل ابنها المتعلق كثيرا بوالده

المهم انا اليوم قررت ان ارفض وافوض امري الى الله ان الله بصير بالعباد

ما رأيكم

[حمزه أبو مريم]

وعليكم السلام ورحمة الله وبركاته
الشيء المستغرب فيما طرحته من القصة هو ربط زوج أختك مصير الأخيرة بموافقتك على الزواج من هذا الشخص فما علاقة زواجك بزواجه هو إلّا أن يكون هناك سبب مقنع لم تقومي أنت بتوضيحه هنا ؟
وأين أهلك من كلّ هذا هل سيوافقون زوج أختك في موقفه أم سيكون لهم رأي مغاير ، القصة يكتنفها الغموض ولن تكون الأراء سديدة والصورة غير جلية ، موفقة .

[0ibtissam]

اختي حوالي تفهمي سبب رفض زوج اختك ممكن خاطب مش ناس ملاح زدي صلي صلاة استخارة وادي ربي ان شاء الله لي فيها الخير ربي يقدمهلك

[زبدة ذايبة]

الحكاية هذي فيها "إن"

مستحيل زوج أختك هذا ماعندوش علاقة بهذا الخاطب من قريب أو بعيد

واحتمال كبير جدا لو يحدث الزواج هذا رايحين تكتشفوا حاجات على زوج أختك

بالتالي الحل الوحيد اللي عندو هو أنه يقطع ويمنع هذا الزواج حتى لا ينكشف أمره

أختك المتزوجة اللي راهي في مهب الريح للأسف

يسمح فيها راجلها بكل سهولة وهي عندها إبن

غريبة هذ القصة !!!!!!!!!!!!!!!!!!!

أنا من رأيي مايهمكش زوج أختك نهائيا

راكي 35 سنة ماراكيش صغيرة

ماتضحيش بنفسك على جال واحد جاتو الطكوكة في راسوا

إذا كان هذا الإنسان اللي تقدملك صالح، توكلي على الله

كاين بنات راهم يسناو غير تبطلي انتي تجي وحدة في بلاصتك ، ماكالاه تضيعي الفرصة من يدك

وحاولي تقنعي أختك أنه إذا هانت هي عند راجلها لهذا الحد يجي النهار اللي يسمح فيها وراهو سامح فيها على كل حال

واهدري مع الأم تاعك وأبوك وإخوتك

ماتبقايش تفكري وحدك

أهلك هما عزوتك، وهما اللي تلقايهم

ماتبقايش مع راجل عندو إسم زوج الأخت وهو يهدد فيها بالانفصال على حاجة بسيطة ماعندو مادخلوا تتزوجي بسعيد ولا بوزيد

ماتستسلميش للإبتزاز تاعو

غدوة يدير فيكم رايو

ورايح يدخل روحوا في حياتك الزوجية ويولي هو اللي يحكم فيك وفي داركم

ماتحوسيش عليه

يخبط راسوا في الحيط

إذا تنازلتي الآن رايحة تبقاي طول عمرك تتنازلي

ويعلم الله إذا تجيك فرصة ثانية للزواج أو لا

وهذا هو الوقت اللي تتزوجي فيه ويكون عندك أولاد إن شاء الله

وأختك قوليهلها الزواج اللي يستمر تحت الخوف والتهديد ماراهوش زواج

خير تحط النقاط على الحروف من الآن

على كل حال زوج أختك عندو حاجة مخبيها لدرجة قادر يخرب دارو على جال ماتبانش هذ الحاجة

الله أعلم وش هي

لكن هذ المصاهرة اللي راهي رايحة تتم بينك وبين هذا الخاطب ماتخدموش نهائيا ورايحة تتسببلوا في مشاكل وربما فضائح

أنا إذا تاخذي برأيي

أولا ماترفضيش إذا كان الخاطب صالح

وثانيا عليك وعلى أهلك ماتبقايش وحدك مايحقركمش راجل اختك ( انتي واختك)

وقفوه عند حدو يعرف بلاصتوا

درتولوا قيمة وهو مايستاهلش

ماعنديش وش نزيدلك

ممكن باقي الأعضاء يعطولك رأي آخر يفيدك خير

نتمنالك كل التوفيق

[خالد عنابي2]

اما يقدم سببا وجيها ومقنعا جدا

واما فليذهب لكي يلعب بعيدا

او تهديد اختك بالطلاق فليتحمل العواقب ويخسر المنزل ويتحمل النفقة هو الخاسر الاكبر

شيئ اخر لازم تخبرو اهلكم ما يلقاكمش بنات وحدكم يحقركم كي يلقى لي يحبسو يحبس عن حدو

[المشتاق لجنة النعيم]

لا داعي للقيل و القال كما قال صاحب اول تعليق بارك الله فيه الحكاية فيها شيء من الغموض ، و أرى أن له رأي سديد .

[نورسين.داية]

السلام عليكم
يرفض هو لما تكون له صفة ..................و هو ما هي صفته في الموضوع ......صاحبة الشأن أم ولي صاحبة الشأن و هو لا هذه و هذا ......................

شخصيا أرى أن السيد حب يلقى سبب ليفترق عن أختك أيا يلقى هذا الظرف ......

لأنه لوكان مثل الرجل فعلا لبين السبب أما الرفض بدون تبرير واضح ....أن له غرض ضمني و هو طلاق أختك .....أنا لو مكانك ...أوجه له سؤال مباشر ماجابنيش يضرب راسو على الحيط ............
و أختك في حد ذاتها هذا الرجل لا يتكل عليه في أي مشورة أو مسؤولية ....................
سبحان الله ................؟

[نور لاتراه]

السلام عليكم
من الافضل التحري في سبب الرفض
لكي لايظلم احد
والله اعلم

[أُمْنِيَةٌ]

أختي أعتقد والله تعالى أعلم أن أختك متفاهمة هي وزوجها باش يقولك هكذا باش تخافي وماتتزوجيهش ربما هذا الشخص لايناسبك أو فيه مايعيبه لكن أرادا له الستر أحسن من فضحه وأرادا ابعادك عنه بهذه الطريقة حتى تشفقي على أختك وابنها ولا تقبلي بهذا الشخص وانت أدرى بزوج أختك هل هو دائما ما يهدد أختك بالطلاق ؟هل هو انسان رصين ؟

[مسرات]

الحكاية هذي فيها "إن"

مستحيل زوج أختك هذا ماعندوش علاقة بهذا الخاطب من قريب أو بعيد

واحتمال كبير جدا لو يحدث الزواج هذا رايحين تكتشفوا حاجات على زوج أختك

بالتالي الحل الوحيد اللي عندو هو أنه يقطع ويمنع هذا الزواج حتى لا ينكشف أمره

أختك المتزوجة اللي راهي في مهب الريح للأسف

يسمح فيها راجلها بكل سهولة وهي عندها إبن

غريبة هذ القصة !!!!!!!!!!!!!!!!!!!

أنا من رأيي مايهمكش زوج أختك نهائيا

راكي 35 سنة ماراكيش صغيرة

ماتضحيش بنفسك على جال واحد جاتو الطكوكة في راسوا

إذا كان هذا الإنسان اللي تقدملك صالح، توكلي على الله

كاين بنات راهم يسناو غير تبطلي انتي تجي وحدة في بلاصتك ، ماكالاه تضيعي الفرصة من يدك

وحاولي تقنعي أختك أنه إذا هانت هي عند راجلها لهذا الحد يجي النهار اللي يسمح فيها وراهو سامح فيها على كل حال

واهدري مع الأم تاعك وأبوك وإخوتك

ماتبقايش تفكري وحدك

أهلك هما عزوتك، وهما اللي تلقايهم

ماتبقايش مع راجل عندو إسم زوج الأخت وهو يهدد فيها بالانفصال على حاجة بسيطة ماعندو مادخلوا تتزوجي بسعيد ولا بوزيد

ماتستسلميش للإبتزاز تاعو

غدوة يدير فيكم رايو

ورايح يدخل روحوا في حياتك الزوجية ويولي هو اللي يحكم فيك وفي داركم

ماتحوسيش عليه

يخبط راسوا في الحيط

إذا تنازلتي الآن رايحة تبقاي طول عمرك تتنازلي

ويعلم الله إذا تجيك فرصة ثانية للزواج أو لا

وهذا هو الوقت اللي تتزوجي فيه ويكون عندك أولاد إن شاء الله

وأختك قوليهلها الزواج اللي يستمر تحت الخوف والتهديد ماراهوش زواج

خير تحط النقاط على الحروف من الآن

على كل حال زوج أختك عندو حاجة مخبيها لدرجة قادر يخرب دارو على جال ماتبانش هذ الحاجة

الله أعلم وش هي

لكن هذ المصاهرة اللي راهي رايحة تتم بينك وبين هذا الخاطب ماتخدموش نهائيا ورايحة تتسببلوا في مشاكل وربما فضائح

أنا إذا تاخذي برأيي

أولا ماترفضيش إذا كان الخاطب صالح

وثانيا عليك وعلى أهلك ماتبقايش وحدك مايحقركمش راجل اختك ( انتي واختك)

وقفوه عند حدو يعرف بلاصتوا

درتولوا قيمة وهو مايستاهلش

ماعنديش وش نزيدلك

ممكن باقي الأعضاء يعطولك رأي آخر يفيدك خير

نتمنالك كل التوفيق
يعكيك الصحة كفيتي ووفيتي