ساعدوني من فضلكم

[* آناء الليل *]

:)السلام عليكم و رحمة الله تعالى و بركاته :)

انا تلميذة في السنة الاولى ثانوي جذع مشترك علوم و تكنولوجيا
الحمد لله في الفصل الاول تحصلت على معدل 16.90 لم يعجبني هذا المعدل لاني كنت اطمح لافضل من هكذا
ارجو منكم ان تفدوني بنصائح لاعمل بها في الفصل الثاني كي احصل على معدل ممتاز
بالتوفيق للجميع اتمنى لكم دوام التقدم والنجاح
في امان الله

[المُعادلة الصّعبة]

عليكم السّلام ورحمة الله وبركاته اهلا بك اختي اسماء في قسمنا :mh92:
معدلك جيد جدًا بما أنها مرحله انتقاليه كيما تعرفي تبدل عليكم الجو الاساتذة ، و ربما طريقة المعاملة ، طريقة الفروض والاختبارات خصوصا الاختبارات تصعاب فالليسي
فأنتي لما جبتي 16.90 يسمى بقيتي شادة روحك ما اختلش توازنك بزاف مع اني مانعرفش قداش كنتي تجيبي سابقا :19: حبيت نقولك باللي قادره تتحصلي على الافضل بكثيير فقط تنتبهي لوحد الحوايج
المهم
نجيوا ضرك لـ كيفاش تتحصلي على الامتياز ، ضرك ماعندكش عذر التأقلم او الجو تبدل نورمالمو تكوني والفتي ديجا وبديتي توالفي وخلاص انتهى مشكل المرحلة الانتقاليه
ضرك يا اختي لازم تعرفي حاجة انو الامتياز او بالاحرى معدل 17 او 18 واش يتطلب ؟ يتطلب علاامات ممتازة صح ؟ في جميع المواد دون استثناء
حبيت نقولك الحاجة الاولى لي لازم تعرفيها انك تهتمي بجميع جميع المواد دون افراط ولا تفريط / لانهم جميعا يساهموا في المعدل وكامل عندهم تأثير ;)
وانا نقصد بالخصوص هذوك المواد الزايدين تاع التكنولوجيا والمعلوماتية والتربيه الفنية والرياضة :mh31:
طيب
المعدل كذلك يحتوي على علامة التقويم اللي هي كذلك مؤثرة ومؤثره جدًا ثاني، المشاركه والانتباه في القسم مع الاستاذ ما ما تهمليهاش لانو الاستاذ هنا وين رح يتبين ويميز التلاميذ و بالاضافه مبعد لعلامات الفروض ..الخ المهم حضري دروسك وشاركي وانتبهي واسألي وكل شي :19:
رح نقولك انا يا اختي اسماء بالنسبة للمواد الاساسيه افهمي درسك مليح و حلي تمارينات الكتاب كي ترجعي للدار و ليلة الفرض او الامتحان حلي نماذج فروض واختبارات من الموقع الاول للدراسة او من النت عموما ، يعني السر فالمواد العلمية هو التمرن والممارسة وحل تطبيقات متنوعة الافكار ،
بالنسبه للفييزيك رح تقراوا كيمياء عضويه سامطة شوي ومبعدا تقرااوا كيمياء روعة روعة حلوه عسل فقط افهمي القوانين وطبقي بزااف
الرياضيات رح تقراوا الدائرة المثلثيه و دالة cos و sin ثقيله شوي ولكن ركزي جيدا و لازم تفهميها
العلوم ماعلاباليش نسيتها لاني ماكنتش فاهمتها صراحة :1:
بالنسبه للغات حضريهم فالدار واشرحي مفردات الوحدة وعندك في كتاب الانجليزية كلمات مشروحة في اخر كل وحدة انتبهي لها و اضربي عليها طلة
افهمي القواعد ساهله جدا اللغات بامكانك التحصل على علامات ممتازة
مواد الحفظ من اسمها تحفظي بامكانك الحصول على علامات ممتازة ايضا
مادة المعلوماتية والتكنولوجيا مكانش ما اسهل منها كيف كيف كاين لي تتحفظ وكاين لي تتفهم حطي راسك برك
فقط بقاتلك فالمواد الاساسيه تعودي من ضرك تحلي تمارين بزاف ومتنوعة الافكار باش كي يجيك فرض ولا امتحان تكون تقريبا جميع الافكار فاتت عليك
قسمي وقتك باللي يناسبك اانا مانقدرش ندبر عليك لانك انتي ادرى بنفسك وبقدراتك
فقط اجتهاد والله السنة اولى ثانوي سههههههههله جدا فقط اجتهاد اختي و"تحطي راسك" وتعولي صح باللي رح تجيبي المعدل الفلاني
ربي يوفقك ان شاء الله نسمعوا اخبار مليحة على معدلك اخر الفصل تعالي بشرينا
ان شاء الله نكون افدتك ولو قليل
هنا نتوقف علابالي كثرت عليك ديزولي :1:
دعواتك اختي

[amira belmehdi]

كل ما عليك فعله هو الانصات للاساتذة و فعل كل الواجبات المطلوبة منكم

[المُعادلة الصّعبة]

نسيت اهم حاجة اللي هي الادب العربي معامل 3 فقط حاولي تفهمي القواعد وحلي سوجيات من الموقع الاول للدراسة وافهمي القصه يعني الاغلب تجيكم وضعيه ادماجية على العصر الجاهلي والحوايج لي تقراوا فيها مثلا البيئة ومادري وش
الحقيقه الادب ماقراوناش اساتذه اكفاء كنت نقراها وحدي فالدار وكانت علاماتي تتراوح بين 15 16 17 لذلك انتي فقط اجتهدي فيها مع انو مفرداتها صعبه
ربي يوفقك

[المُعادلة الصّعبة]

فقط حبيت نقولك العلوم تعلمي منهجية الاجابة الصحيحة والكافيه لانها هي السر الوحيد للحصول على علامة ممتازة ، الاجابه في العلوم تخضع لمعايير اطلعي عليها في الانترنيت منهجية الاجابة في مادة العلوم لان المراجعة والحفظ الرسومات التفسيرية و المخططات غير كافيه
كذلك بالنسبه للغات الاجنبيه حاولي ساعه على ساعه تدربي على كتابة فقرة وعادة الفقره تجيك على واش قريتي في الوحدة يعني علابيها قلتلك اشرحي مصطلحات الوحدة حاولي تدربي على فقرات باش ما تجيكش صعيبه يوم الامتحان ;)
ليكي موضوع الاخ رؤوف في الحفظ تجدينه في قسمنا اذا عندك طبعا مشكله فالحفظ او تكرهيه او شي من هذا قبيل
وكذلك تذكرت
فالثانوية كاين حاجة ربما معلابالكش بيها موجودة في الكشف
اللي هي نقطة المشاريع والبحوث والاعمال التطبيقية جد جد مساعدة في المعدل انتي اخدمي مشاريعك اللي يطلبها منك الاستاذ باش يعطيك النقطة
نقطة المطالعه كيف كيف فالفرنسية اللي هي fiche de lecture ضرك يقولكم استاذكم ديروها
انتبهي لهذي الاشياء لانها جدا تساعدك في معدلك اختي

[مريم المتفائلة]

ربي يوفقك اختي الاخت ريونننة كفات ووفات كلش قالتهولك ربي ينجحهاا ويوفقهااا

اما الدروس الرياضيات تاع ولا اروعععععععععع روعةةةةةةةةةةةةةة بزافف وححتى الفيزياء حاولي تزيري روحك فيهم بسكوووااا بزااااااااااااف ساهلين اما بخصوص المواد الاخرى سهلة الا الادب غامضة نوعاا ما لانها جديدة عليكم الشعرر ومفردات صعبة هذاا ما استطعت جمعه لك وفقك المولى وبالنسبة لمعدلك ما شاء الله

[* آناء الليل *]

تعجز الحروف أن تكتب ما يحمل قلبي من تقدير واحترام، وأن تصف ما اختلج بملء فؤادي من ثناء وإعجاب. فما أجمل أن يكون الإنسان شمعةً تُنير دروب الحائرين جزاك الله خيرا اختي الريانة الطموحة اتمنى لك دوام النجاح والتالق ان شاء الله

[المُعادلة الصّعبة]

تعجز الحروف أن تكتب ما يحمل قلبي من تقدير واحترام، وأن تصف ما اختلج بملء فؤادي من ثناء وإعجاب. فما أجمل أن يكون الإنسان شمعةً تُنير دروب الحائرين جزاك الله خيرا اختي الريانة الطموحة اتمنى لك دوام النجاح والتالق ان شاء الله
لا شكر على واجب اختي اهلا بك في أي وقت
اي استفسار انا موجودة باذن ربي
امين وإياك فقط دعاء الخير شكراااااا لك
موفقه يارب

[*آية*]

شكراااا لكم
افدتموني انا ايضاا
بالتوفيق