عروسة تطلب المساعدة

[شمس بريكة]

:cool::cool:السلام عليكم شيفاتنا وحبيباتنا :mh92:
انا عروسة عندي اربع اشهر زواج مشكلتي ما عنديش كوشة ولا الفور:sdf:
عندي غير طابونة:sdf::sdf:
وبدينا نكرهو من القليان و المراقي حابة حوايج نغيرو بيهم شوية الروتين
كاش افكار طبخات على الطابونة :19::19::19::19:ويكونو يبانو تاع كوشة :D:D:D:D
انا نحب لي قراتان ولي كيش بصح الله غالب:mad::mad::mad::mad::mad:
راني نستنا في مساعدتكم ما تبخلونيش خياتي راني معولة عليكم :cool::mh31::19::1::1::1::1:

[سارة إبراهيم الخليل]

السلام عليكم
صراحة ليس عندي أي فكرة حاليا
لكن لطالما لفت انتباهي اسم شمس بريكة وعلى ما أذكر زرت موضوعا لكِ،بارك الله لكِ زواجكِ ورزقكِ الله الذرية الصالحة إن شاء الله
جئت لأبارك لكِ
بالتوفيق إن شاء الله تلقاي مساعدة من عند الأخوات

[شمس بريكة]

الله يبارك فيك ويحفظك يا غالية

[ابني نور عيني]

والله ماعندي افكار بالاك الاخوات يفيدوك ربي يعاونك اختي

[شمس بريكة]

علاه وحدة ما جاوبتنيييييييييييييييييييييييي زعفتوني

[جنة الفردوسْ]

حنونتي نقولك ربي يهنيك في زواجك ويكملك ان شاءالله....صراحة عروسة دار عمي ماعندهاش كوشة وطيب البيتزا في الطاجين.... دير عجينة البيتزا عادي ومباعد دير فوق لاصوس وتحطها بالبلاطو فوق الطاجين وتغطي بلاطو واحد اخر واش نقولك واحدد البنة هايلة... وجربت طيبت تارت في الكوكوت جات هايلة...وجربت دارت 2 قرصات مطلوع بالفرينة حلاتهم درت فيهم المرقاز والزيتون والبصل والطاطم و غلقت يعني دارتهم فوق بعضاهم وطيبتهم في المقلقة واحد البنة واش نقوووولك....وايضا كاين الكيكة البخارية ولي كراب .....و ايضا كاين بيتزا الكسكاس والكريب التركي للغالية ام اماني...اوكاين الشورما لبزاف غاليات المنتدى وكاين مقبلات للغالية اسمهان يطيبو فوق المقلقة نورمال...ختي راه المنتدى معمر بأفكار بزاااااف....غير حوسي مليح
http://oumamani.over-blog.com/2015/05/55437c69-553c.html
http://www.djelfa.info/vb/showthread.php?t=1954845
http://www.djelfa.info/vb/showthread.php?t=1806951
http://www.djelfa.info/vb/showthread.php?t=1004316

[*توبــــة*]

اولا الف مبرووك حبيبتي الزييييييييينة
شوفي لي قاطو تقدري مثلا اديري قريوش ولا مقروط مقلي
ولا كيكة المقلاة او الكوكوط... مادلان الكسكاس.. لي بيني.. السفنج
قاطو مايطيبش... التارت مثلا في عيد ميلادو تقدري اديري كيكة ام كوثر
اللي دارتها الهام تارت اممممممممم تهبل تهبببببل خير من التارت المشرية
الطبخ ديري مثلا كريب تركي.. بيتزا الطجين.. غراتان في مقلاة تكون ماتلصقش
كروكات البطاطا او السلق او الشوفلور ... رولي البطاطا او الشوفلور
لحوووووووم .. مثلا مفور وووووووو
اطباق بالدجاج راهي حطت عازفة الناي موضوع هااااااااااايل
شوفي مواضيع ام رامي.. زينب.. اسمهان.. الهام ووووووووووو
المنتدى معمر بالوصفات
ويلا تحبي اي وصفة معينة نقدر نعاونك حبيبتي

[tasnime2014]

بسم الله الرحمن الرحيم
اولا الف مبروك ربي يهنيك و يرزقك ال>رية الصالحة
كاين أفكار كثيرة في المنتدى ممكن تساعدك كاين وصفات المقرونة و السباقيتي في المقلاة للاخت الهام - ارز على الطريقة الخليجية يطيب في لا كوكوت ويجي رائع -سفنج التفاح في المقلاة -اجنحة الدجاج المحمرة في لا كوكوت
كي قلتي تحبي لي قراتان تقدري ديريه يطيب نورمال في طنجرة تكون عريضة شوية و كي ينشف من لا صوص ضيفيلو البيض مع شوية فروماج و غطيه مليح ما تحركيش حتى ينشف بيتزا الطاجين ثاني مليحة
و ممكن الاخوات يفيدوك اكثر
شكرا:19:

[ابني نور عيني]

ابحثي اختي في المنتدى كاين بززاف اطباق

[ام هدول]

شمس مبروك زواجك ...ان شالله تتهني ..بالنسبة لطلبك لبنات كفاو ووفاو ..ماعليش حاولي البحث في لمنتدى كاين وصفات فقط فوق الطابونة عادي يجو رووعة ...خاصة وصفات او وليد
بالتوفيق حبيبتي

[شمس بريكة]

شكرا بارك الله فيكم

[ابني نور عيني]

اختي هاهو ليك موضوع ممكن يساعدك لارز الهام يطيب فقط في الكوكوت ويجي كل حبة وحدها و يجي رطب ماشي ناشف دوقو يهبل و يحمر الوجه و الدجاج انتي اقليه بعدما يطيب لانو ما عندكش فور
http://www.djelfa.info/vb/showthread.php?t=1649711

[edelweiss_dz]

حتى المعجنات تطيب فوق الطاجين لكن ماتخشنيش العجينة