باروك رأس السنة الجديدة 2017

[إلهام07]

البسملة1



أوف أوف أوف ..... لا سلام لا كلام لا تقولو واش هذي الغيبة ... يا بن عمي الواحد يجي يكتب موضوع يخرجلو الحب في لسانو من القلقة نتاع تحميل الصور وزيد المنتدى مانيش فاهمة واش بيه واقيلا عاد مايعرفنيش كي ندخل :mad::mad::sdf::sdf:


نبداو بشوية حلاوة نحي بيها الغش نتاع النت:mad: : هذي سفنجة التفاح نتاع المقلاة : http://www.djelfa.info/vb/showthread.php?t=1987934

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339190307051.jpg

وهذي غاتاتوي نديروها ديما يموتو عليها : http://www.djelfa.info/vb/showthread.php?t=1977758 http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339190309522.jpg

هذا بريوش إيطالي اسمو " بانيتوني" عجينتو فيها زاست برتقال فواكه مجففة مختلفة وانا زدت حشيتو مربى فراولة وهو عجينتو جي مرخوووفة بزاف وعلى هذي يطيب في مول لاخاطر عجينتو جارية وزيد يعملوه بالعجينة المخمرة يجي خفيف بزاف :19:
: http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339190311663.jpg

http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339204449241.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339204451642.jpg

هذا يسموه "Dirty Rice" ديرتي رايس يعني أرز وسخ ههههه وصفة أمريكية سريعة للأرز باللحم المفروم يجي بنين يهبل يهبل ومعمر لحم مممممممممممممم
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339204453723.jpg

هذو مثلثات الكيك هزيت الوصفة من اليوتيوب فقط تعملي كيك عادي في صينية وتقطعيه مثلثات ويترمد في صوص شوكولا او معجون ثم في جوز الهند ويقدم يحمر الوجه قدام الضياف :19:
:19::19: http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339213585341.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339213587512.jpg

هذي فطيرة تركية من الفايس بالتونة والخضار والجبن وفيها من داخل صوص الهريسة والموطارد جات حااارة تشلفط وأحلى حاجة طيب في الطاجين يعني سريعة في الطياب :19: :19:
http://www.up.djelfa.info/uploads/148339213590093.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339223736161.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339223738442.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339223740723.jpg

البان سويس بالشوكولا يمي يهببببل نمووتو عليه في دارنا مع الحليب :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339238447811.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339238450092.jpg
وهذي من داخل :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/14833923845243.jpg

البان كايك المسروق يا مامي يهبل قلتلكم خفيف شوفو القرصة نتاعو في الضوء مثقبة تهبل :19:
:19::19: http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339252503821.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339411987433.jpg

المقرونة الوصفة الشهية نتاع المقلاة اتمنى تكونو جربتوها رائعة :19: :
http://www.djelfa.info/vb/showthread.php?t=1978428
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339252506152.jpg

تحلية البيسكوي بالموز والكارامال هذي الوصفة حطيتهالكم من قبل فقط غيرت هذي الرمة الشوكولا بالكاراميل :19:
: http://www.djelfa.info/vb/showthread.php?t=1964637
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339264508311.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339252508143.jpg

تارت الليمون الروسية الوصفة من هنا من المنتدى روووعة يابنات الكريمة حاااامضة تهبل ونكهة وطعم جديد مقارنة بتارت الليمون الفرنسية الحشوة عبارة عن موس الليمون تهبل :19:
:http://www.djelfa.info/vb/showthread.php?t=1577228 http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/14833926451062.jpg

أرز بيلاف "PILAF RICE " على الطريقة الأمريكية لذيذ وسهل وسريع :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339264512643.jpg

هذو دونات ماشفيتش منين هزيت الوصفة وراحتلي الوصفة أصلا آسفة :o
:o:o :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339286397631.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339286399972.jpg

هذا مرق خضار نتاع أيام التشومير هههههههه :D:D:D بصح درتو حااااار يا جدك لو كان تاكليه وتنسفي يخرج من فمك النار يحسبوك "تِنِّين" :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339286401443.jpg

هنا بان أو شوكولا طبعا تعاود تحت مطالبة الجماهير ممممم وماننساش التقرميش نتاعو يم يم :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339301853281.jpg وهذا من داخل :19: :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339301855562.jpg

حساء الجبن نتاع فايزة : http://www.djelfa.info/vb/showthread.php?t=1151491
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339301857663.jpg

هذي بسبوسة البسكويت و جوز الهند يامامي تققققققققققققققتل سرقتها من عند اختي المتزوجة مانعرف منين جربتها واقيلا من موقع فرنسي :confused:
:confused: تهبل وطعمها مختلف تماما وريحتها كي تكون طيب من البيسكوي اللي فيها روعة انا :confused:
عجبتني بزاف :19::19: :

http://www.up.djelfa.info/uploads/148339317108481.jpg

هذي المقبلة جربتها أختي وععععع ياخسارة الفراميج نتاوعي فيها جربتها من موقع فرنسي للطبخ ماتتكلش واقيلا الفرنسيين خاطيهم الكوزينة يخطيهم من المعجنات والحساء يبداو يخلطو :confused::
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339317110362.jpg

خبز النان الهندي بغيت نهبل حتان جربتو لقيتو عادي يعني يشبع للخبز السوري ولكن زايد فيه الجبن فقط بصح خفيف :19::19::19: :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339317112593.jpg

كاب كايك التيراميسو كنت شفت الفكرة من قبل في مدونة أم اماني في رمضان الله يعطيها الصحة خرجلها يشهي ... سخفتني جربتها لكن درت وصفتي للمادلان بصراحة طعم النيسكافي والكريمة رووووعة طارو بيه كلاوه في نهارو :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339347662011.jpg

أجنحة الدجاج بصوص البافالو يمي يمي يمي نموت عليهم مممم :19: :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339438501111.jpg

فلان كارامال بصح انا درتلو الماكياج برك هههه :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339438503742.jpg

بقلاوة الفيلو باللوز :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/14833937285341.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339372855782.jpg

تارت عيد ميلادي بموس الليمون والميرانق و جولي الليمون بطريقةالمرآة :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339372857933.jpg
وهذو طبقات الموس و جولي الليمون المرآة :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339390779751.jpg

وهذو مقروط الليمون و صابلي النيسكافي درتهم لعرس بنت خالتي طبعا الصابلي حصد إعجاب جماهيري واسع ;):
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339390782242.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/14833939078473.jpg

يخنة الخضار :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339411982291.jpg

معجون الكرطوس هذي أول مرة نديرو نمووووت عليه ومانحبوش مرحي على هذي خدمتو وحدي في الدار :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339411984942.jpg

الأرز الخليجي طبق أمي المفضل :19:
: http://www.djelfa.info/vb/showthread.php?t=1649711
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339434371961.jpg

بيتزا الطاجين جي تشبه في نتاع برا بصح ياخاوتي خفيفة ماتشبعش مالفة ندير زوج قرصات في الفرن ياكلو وتبقى بصح في الطاجين ندير 3 ويقولولي ماشبعناش :confused::confused: مافهمتش لاه :confused::confused: :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339434374462.jpg

وهذي " مسيو زكازيكو" درت بوب كورن للسهرة زعمة عارضة أخواتي للسهرة حطيتو ورحت نجيب الشوكولا والسوسات قلاصي لقيتو .... بدون تعليق :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339434376673.jpg

هذو "صبيعات لعروسة " وصفة تقليدية اول مرة نسمع بيها جربتها وعجبتنا بزاف لاخاطر خفيفة وبنينة واقتصادية وسريعة وزاكية وفيها نكهة البرتقال والليمون والياوورت هايلة ننصحكم جربوها راهي معروفة ومالفين ينعتوها في قناة سميرة :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339469390031.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339469394263.jpg

وهذي تارت الليمون بعجينة الزيت من تطبيق أختي المتزوجة : http://www.djelfa.info/vb/showthread.php?t=1552924
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339469392572.jpg

حلويات أختي لعيد الأضحى : صابلي النيسكافي وصفتي و صابلي الكابريس لأم اماني وصابلي الكادر :

http://www.up.djelfa.info/uploads/14833950102531.jpg

أنا في العيد ما كثرتش فقط هليلات معسلين باللوز و مقروط الورقة بحشوة اللوز وهذي وصفة جديدة للمقروط عطاتهالي زميلتي ناجحة 100 بـ100 مهما يكون نوع السميد وفيها البيض انا صراحة عجبتني :19:
:
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339501027442.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339501029363.jpg

وهذو شوية من ريحة العيد :
طاجين الشواء نتاع ماما وروطي دجاج ماما و طاجين الحلو نتاع ماما أيضا أرز خليجي باللحم نتاعي :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339530465121.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339530467652.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339530469983.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339568251573.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339545257871.jpg

وهذي مقبلة مورقة بحشوة السلق واللحم المفروم والاجبان :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339545260242.jpg

جربت تارت النواد كوكو نتاع لهنى موكا تهبل بصح قالولي كثري من داخل المعجون تهبل لهنى يعطيك الصحة:19: حقة راني زدت فيها زاست الليمون وكثرت جات مممممم ريحتها هبال :19: :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339545261863.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339568246951.jpg

هذا معجون الإجاص داراتو ماما شرات اختي منو بزاف رايح يفسد داراتو معجون :19::19: :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339568249442.jpg

هذي كيكة الكيندر ديليس نتاع الأخت زينب درتها بالشوكولا ماروخا بصح زينب عجبتهم بزاف يموتو على الشوكولا بصح قالولي ناشفة لازم تشربيها بالسيرو ;) :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339586072081.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339586074522.jpg

معمول ام رامي حبيبة الكل وشاف نتاعنا يذوب في الفم رااائع والبنة نتاعو دائما تحمر الوجه درناه للضياف في قهوة العشية انا وأختي رائع ويعطيك الصحة حبيبتي :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339586076483.jpg

تارت عيد ميلاد اخواتي التوأم درت كيكة التيراميسو للرائعة أم كوثر درت المقادر ثلاث مرات وعملتها في بلاطو كبير رووووعة تهبل تهبل :19::19: :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339608930951.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339608935253.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339608933212.jpg

الرفيس لقسنطيني نتاع ماما لا يعلى عليه :19::19: :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339623557222.jpg

بودينغ الليمون ، راهو يبان كيك بصح لالا هو تحلية وحامض وقوامه كريمي وأثقل من الكيك :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339623554291.jpg

كيكة قوس قزح مجربة من أختي المتزوجة بعجينة السكر والعجينة خدمتها في البيت ولكن صراحة ماعجبتناش فكرة التارت بالعجينة هذي ماحبوش ياكلوها :
http://www.up.djelfa.info/uploads/148339623559023.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339642977851.jpg

أرز الشاورما الوصفة هزيتها من النت درتو لماما كي كانت مريضة وماتاكل والو كي عادت تحبو وهو أصلا ساهل وسريع عجبها ولات ديما تقولي ديريلي الروز هذاك اللي ساهل :D:D :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339642980082.jpg

تارت عيد ميلاد زكازيكو دارتها ام زيكو :19::19::19::19::19::19: راني نشوف فيها رايحة طيرهالي :rolleyes:::rolleyes: هذو اللي قالك علمناهم الصلاة سبقونا للجوامع ههههه عجبتني يعطيها الصحة :19:
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339642982263.jpg

ميني كايك النيسكافي بالكاراميل والشوكولا :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339666791351.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339666793352.jpg

قراتان بطاطا شاورما :
http://www.djelfa.info/vb/showthread.php?t=1781395
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339666795513.jpg

قراتان المقرونة بالصوص بولونيز للأخت مقدسية يهبل وديما نديرو يعجبنا كامل ونكثر فيه جبن يجي يهبل :19: :
http://www.djelfa.info/vb/showthread.php?t=875171
http://www.up.djelfa.info/uploads/148339674665381.jpg

البسبوسة المحشية للرائعة بيبا تهبل هذي البسبوسة طيبتها وسقيتها وخليتها مسكية وحدها في الكوزينة تتشرب ماعرفتش " مِين عمل العملة السودة دي ؟" :mad::mad::mad::mad:
http://www.djelfa.info/vb/showthread.php?t=1733104
http://www.up.djelfa.info/uploads/14833967466782.jpg

غرايف ام ماجد " مدام بغريرة" يعطيها الربح ضرك ماما حصلت الغراف في راسي لازم ديما انا اللي نديرهم :
http://www.djelfa.info/vb/showthread.php?t=1195741&highlight=%DB%D1%C7%ED%DD
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339674670213.jpg

هذو مودالات قاطو جبتلكم تشوفوهم نتاع المولد الأول صابلي في مول السيليكون بالشوكولا والثاني كرات صابلي في المعجون ومرمد في بان ديبيس مرحي :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339695317591.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339695320032.jpg

بيتزا شاورما
http://www.djelfa.info/vb/showthread.php?t=1734788
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339695321953.jpg

شريت حبة شوفلور كبيرة كي دخلت بيها على ماما عيطت :D:D لو كان تشوفوها تتخلعو طيبت منها ماما للعشاء وبقى أكثر من النصف قاتلي دبري راسك انا درت اللي عليا شوفي كيفاش تكمليه مالا ونهجم عليهم هههه :

1- طاجين شوفلور في الفرن بكرات الاسكالوي هنا أخذت خليط الشوفلور من وصفة اسمهان عجبتني وزدت فيها شوية كمون يجي بنين روعة والصوص بلاكرام فراش والجبن من وصفة أم محمد تاج جا تحفة يا بنات غير جربوه يهبل :19: :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339714171581.jpg

تارت التفاح المورقة الرائعة درتها كي عدنا عطلة مساكن بزاف وهوما ساخفين ويطالبو بيها درت 4 صواني بردو قلوبهم فيها :D
:19: :
http://www.djelfa.info/vb/showthread.php?t=1779739
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339714173852.jpg

2- طاجين الشفلو لأم رامي من القدر على المباشر ههههههههههههه :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/1483397141763.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339751020971.jpg

3- درت بيه حساء الشفلور بصح ماصورتوش خفت تتخلعو أنتوما ثاني ههههههههه وأخيرا خلاص الشفلور من الثلاجة :D مايزيدوش يسخفو عليه من هنا على عام ههههه .


كيكة المول السحري عمرت الوسط نتاعها بموس البرتقال والكيكة فيها زاست برتقال وليمون ومن فوق جولي البرتقال ومشربة بالسيرو :19:

ماجيت نلقى هذاك المول السحري حتان فقدت الأمل لقيتو يتباع في العلمة
خفيفة ظريفة :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339751023622.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339751025853.jpg

هذو لي تارت نتاع عيد ميلاد طفل ماتعرفوهش لا تقرعجو بزاف هكذا هههههههه
دارتهم في زوج اختي المتزوجة هدية له :
كيكة الكيندر و القطار :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339774426951.jpg
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339774429352.jpg

قلب اللوز نتاع اللبن للاخت ليلا كي العادة تهبل رايحة جاية بالمغرفة عليه بردت قلبي :
http://www.djelfa.info/vb/showthread.php?t=1365647
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339774431563.jpg

صابلي الكادر بالتعاون انا وأختي المتزوجة :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339790676141.jpg

فطائر تركية بالدجاج والخضار بعد ماطابو في الطاجين حطيتلهم جبن ودخلتهم للفرن شعلتو غير من فوق يذوب الجبن فقط وقطعتهم وقدمتهم :
http://www.djelfa.info/vb/images/statusicon/wol_error.gifإضغط هنا لرؤية الصورة بحجمها الطبيعي.http://www.up.djelfa.info/uploads/148339790678582.jpg


انتهى .......... اوف قريب شينت بزوج كيلو وانا نحمل في الصور :sdf::sdf:

ماتقولولي لا وصفات لا والو عدتو كسولات وما طبقوش وزدتو بطبطتو وسمنتو غير ماكلاه مالا تطلبو الوصفات تزيدو غير في التبطبيط :D:D


تحياتي .............. أنا لهلوبة http://informa-tico.com/sites/default/files/images/noticias/emoticon.jpg

[ام صفصف]

رواااااائع،متالقة كالعادة اختي

[قمر الماس]

الله يبارك ما شاء الله عليك اختي الهام
دائما متألقة بوصفاتك... جربت عجينة البريزي بالزيت واعتمدت الوصفة.. مقرونة في المقلاة روعة... جربت تاني بطاطا سوتي و غراتانات البطاطا.. الأرز الخليجي.. كعك النقاش مديت الوصفة لخالتي جرباتو جاء رائع..وصفة الباناكوتا تاني جربتها جات تهبل.. عجينة البيتزا اعتمدتها... بصراحة وصفاتك روعة الله يبارك... كل مين نجرب روسات من تيعك تصلح و تجي هايلة... و حتى والدي راهو يدعيلك بالخير.. وليت كي نطيب ماكلة بنينة يقولي هادي باينة من عند الهام تع منتديات الجلفة ههههه
تقبلي مروري و نتمنالك مزيد من التألق راكي تستاهلي كل خير خاطر ماتبخليش
لكن رح نصحح وجهي ونطلب الوصفات تع الأطباق لي حطيتيهم في هذا الموضوع هههههه ماتلوميش رانا نسخفو خاصة كي تكون رائعة من رواىعك
يا ريت وصفة الديرتي و البيلاف رايس.. الفطيرة التركية.. خاصة بسبوسة البيسكوي..ميني كايك النيسكافي بالكاراميل والشوكولا.. و كاب كايك التيراميسو... راني علابالي لي كثرت سامحيني
طاجين الحلو تع ماماك الله يحفظها يشهي و تزيين لي تارت تع أختك روووعة

[ام خيرو]

ماشاء الله ابداع

[0ibtissam]

ما شاء الله مبدعة الله يبارك عليك

[nabila222]

الهام هذي غيبة وشراكي وش احوالك والله كلش روعة وبالطبع والشان كي عادتك كل وحدة تنسيك في ختها سيرتو كيكة التيراميسو عجبتني بزااف حبيت نجربها ولكن عندي بعض الاسئلة ياريت تجاوبيني بسرعة الكريمة لي حطيتيها من فوق بالبوش كرام شونتي ولا نوع اخر حسيتها شكلها روعة ماشي شانتي والشوكولا لي استخدمتيها اي نوع والكريمة تاع شوكولا لي فوق الكيكة واش هي وثاني لي من الاسفل لي بالبوش والطبقة الوحدة قداش من بيضة فيها ياريت تجاوبيني الهام حبيت نطبقها عن قريب .ومشكورة اختي واسمحيلي على كثرة الاسئلة .

[سهام 74]

جغابلنا راهم داروا ساقية هنا في الخدمة انا و صحباتي يعطيك الصحة روعة كل شيء متقون و متحوف ربي يعطيك واش تتمناي رانا نطبقوا في وصفاتك ما نهدروش برك

[ابني نور عيني]

الله الله عليك يالهلوبة كل عام وانتي بالف خير واش هاد البنة وهاد الشطارة يعطيك صحيحتك ويفرحك ربي ان شاء الله في العام الجديد ودايما نسناو وصفاتك المميزة

[وردة الرمال43]

الله اكبر ماشاء الله يشهيييييييييييييييييييييييييييييييو وااااااااااااااااااااااااااااااااااااااااااااااااا ااااع وانا رايحة نموت بالشر
يعطيك الصحة الله يبارك كل شي يهبل 4444444444444444444444444444444444444

[.ام زكرياء.]

الله يبارك الاطباق روعة

[belseme]

الله يبارك لهومة ربي يعطيك الصحة دوختيني بالبزاف قد منشكر وقليل كلش بطبع والشان ربي يبارك فيك ويعطيلك ماتتمناي
كلش يعجب ويسخف والمرة هذه راني غير نططبقلك طبقت صوص المتزريلا المخادعة وبطاطا سوتي ومزال نزيد نطبق
حبيتت نطلب منك فضلا وصفات التارت و بان سويس وبان ششوكولا المقرمش دوختيني بتقرميش
شكرااااااا

[mosta*limoges]

الله الله الله كل عام و نتي بألف خيرو دمتي فنانة و متألقة أطباقك يهبلوا الله يبارك و يعطيك الصحة و يحفظك من كل شر

[إلهام07]

مشكورات أخواتي على المرور :mh31::mh31::mh31:

nabila222 : أسئلة كثيرة دوختيني ههههههههههههه
الكريمة البيضاء هي كريمة شانتيي عادي ولكن طلعتها بعصير كوكتال جات تهبل راهي تبان بيضاء لكن في الواقع لونها برتقالي فاااااتح جدا وبنينة
استعملت شكلاطة " منى " السوداء يعني MINA NOIRE وبما أنها قاسحة أكثر من شكلاطة الحليب الللي استعملتها أم كوثر أنا درت فقط أربع علب بدلا من 6 علب
الكريمة اللي زينت بيها الحواف من الأسفل هي نفس الكريمة فضلت لي من الكيكة لأن الكمية اللي في الوصفة راهي بزاف يعني كي تكملي الكيكة نتاعك تلقاي بقاتلك كمية كبيرة من الكريمة حطيها في بوش وزيني بيها
كي ذوبت الشوكولا خليت مقدار زوج ملاعق جانبا زدتلهم شوية حليب وكتبت بيهم فوق الكيكة لأنو الشوكولا اللي نكتبو بيها فوق الكيك لازم تكون شوية جارية ماشي كيما اللي نديرو بيها خطوط فوق الصابلي لالا هذي لازم تبقى طرية ماتيبسش .
أختي هذي الوصفة مافيهاش بيض : راهي بالبيسكوي طلي على الوصفة راني حطيتلكم روابط كل الوصفات إذا رايحة ديري كمية وحدة كيما أم كوثر تحتاجي علبة وحدة وتفضل منها .


الأخوات اللي طلبو الوصفات إن شاء الله كل يوم نحطلكم وصفة حتان يكملو :19:

[عازفة الناي]

عودة ميمونة حبيبتي .... عمرك طويل البارح كنتي في بالي و نحكي عليك هههههههههههههههه
الاطباق رووووووووووووووووووووووووووووووعة ولي كايك مانحكيش قمة يعطيك الف صحة

[آسيا 27]

00:36 آاااااه يا خفاااشة ههههههه كل شي :19::19::19::19:
كنت قاعدة هاذاك الوقت ما فهمتش كيفاه ما شفتش الموضوع اعجبني كل شي
الله يبارك

[norsofia]

الله يبارك اختي الهام مبدعة وفنانة ممكن تعطيني وصفة المفروض في الرد حابة نجربوا اليوم

[norsofia]

قصدي المقروط لي فيه البيض

[خديجة التقية]

ما شتء الله ربي يبارك فيك

[كاميلياس]

ما شاء الله مبدعة الله يبارك عليك يعطيك الف صحة

[ام هاديل وياسين]

يعطيك الصحة اختي اطباقك روووعة الله يبارك

[إلهام07]

ربي يحفظكم أخواتي


أم مروة و دنيا مشكورة أختي على الثقة و شكرا على بطاقة التهنئة وعام سعيد لك ولكل أسرتك اختي


norsofia هذي هي الوصفة :
2 كيلات سميد
1 كيلة فرينة
1 كيلة سمن + شوية زيت ( يعني الكيلة تزيد تكملي تعمريها مليح بالزيت )
1 بيضة
قرصة خميرة كيميائية
1 كيلة ( مخلطة مابين : ماء + ماء زهر + حليب )
شوية ملح
تتحصلي على خليط جاري شوية تغطيه وتخليه يرتاح عبى الأقل ساعة او زوج من بعد تلقايه تشرب ، تشكليه كيما حبيتي وطيبيه عادي

إذا الكيلة كبيرة شوية هذي هي المقادير

أما إذا رايحة جربي كمية صغيرة برك حذاري هنا البيضة رايحة جريلك الخليط مالا ديري بيضة صغيرة أو صفار فقط وكي تحطي السوائل صبي بالشوية وخلطي ممكن ماتحتاجيش تكملي خليط الماء والحليب وماء الزهر

[belseme]

الهام تعيشي ربي يحفظك حبيت نجرب الكرواصون تاعك والصور متخرجلليش حبيت نعرف 100 ملل تاع الزيت شحال يجيو بالميزان ككان تقدري توزنيهولي

[norsofia]

شكرا اختي الهام ربي يعطيك ما تتمناي

[ام هزار]

ربي يحفظك الهام . و لعاقبة لباروك الترسييييييم . اميين

[عصفور الجنة]

ما شاء الله مبدعة الله يبارك عليك يعطيك الف صحة

اذا امكن مقادير بيتزا الطاجين وكل يوم حطيلنا وصفةهههههههه والله يعجبني طبخك ،جربت بزاف وصفات من عندك رووووعة ربي يهنيك

[إلهام07]

مشكورات اخواتي على المرور الطيب :dj_17:


الاخت اللي تسأل على وصفة الكرواسون هذيك وصفة قديمة صح يجي خفيف بصح إذا حبيتي كرواسون المحلات من بعد نحطلكم وصفة الكرواسون على أصولو مثل المحترفين وعلى العموم كنت حطيتلكم منذ 2 عامين وصفة مطورة وهاهو الرابط :
http://www.djelfa.info/vb/showthread.php?t=1791853

الاخت اللي تسأل على بيتزا الطاجين حبيبتي دائما نفس العجينة فقط طيبيها في الطاجين على نار متوسطة :
http://www.djelfa.info/vb/showthread.php?t=1734788

[الماسة النادرة]

الهام على السلامة هاذو اذا طبقناهم راح يكون عام السمانة الشحم والبدانة ههههه

[فريال88]

رووائع رووووائع روائع لهلووبة ربي يحفظك من العيين حبيبتي ويبارك فييك وبسبوسة البسكوي ما خلاتش ههههههه هاتي الوصفة حبوبتي وشكررا

[belseme]

[QUOTE=إلهام07;3996469340][FONT=Book Antiqua][SIZE=5][COLOR=Navy]مشكورات اخواتي على المرور الطيب :dj_17:


الاخت اللي تسأل على وصفة الكرواسون هذيك وصفة قديمة صح يجي خفيف بصح إذا حبيتي كرواسون المحلات من بعد نحطلكم وصفة الكرواسون على أصولو مثل المحترفين وعلى العموم كنت حطيتلكم منذ 2 عامين وصفة مطورة وهاهو الرابط :
http://www.djelfa.info/vb/showthread.php?t=1791853

بارك الله فيكي الهام كفيتي ووفيتي ربي يعطيك ماتتمناي تعيشي اخر سؤال علبالي طولت بالنسبة للياورت بالنكهات لي ميحبش الذوق باش يعوضو ؟ الله يرزقك من حيث لاتحتسبين

[جوهرة الشرق سكيكدة]

يعطيك الصحة وربي يحفضك ويعطيك ماتتمناي

[nabila222]

الهام ربي يحفظك على الاجابة راني حوست على وصفة كيكة التيراميسو لام كوثر ومالقيتهاش ياريت تحطيلي الرابط رايحة نخدمها اليوم بلييييييييييز وحبيت نعمل وحدة كيما تاعك في الحجم ياريت تقوليلي قداش درتي باكي تاع بسكوي بودواغ ،ورحيتيهم ولا ستفتيهم كيما هما تعيشي جاوبيني في اقرب وقت وربي يحفظك

[لمسة ابداع]

http://www.djelfa.info/vb/images/icons/icon1.gif
الله يبارك الله يبارك
خمسة و خموس عليك طبخك و لا اروع
عندي سنين :confused::confused: انا من رواد منتدى الجلفة بصح و الله جامي شفت مواضيعك :mad::mad::mad: تبهديلة
بصح في هاد السمانة ملي شفت مواضيعك تحمست بزااااااف للطبخ و عدت كل يوم طبخة :19::19::rolleyes::rolleyes::rolleyes:
خسرت تاع الدار مساكن بصح معليش ماشي خسارة:cool::cool:
المهم من الان فصاعدااااا اني عدت فان تاعك :19::19:


ربي انشاء الله تلقاي تعبك هدا في ميزان حسناتك

[SAMAH SAMAH]

بارك الله فيك يا احلى لهلوبة

[OUM TAKIEDDINE]

ما شاء الله روائع يا فنانة

[OUM TAKIEDDINE]

ما شاء الله روائع يا فنانة
بارك الله فيك

[زهر التوليب]

رووووووووووووووعة بمعنى الكلمة
يعطيك الف صحة

[oum Haroun]

بارك الله فيك مشكورة على المجهودات الجبارة وصفات جد رائعة عندي اشحال و انا نستنى تحطي رائعة من الروائع ارجوا ان تحطي كموضوع وصفات الأرز اللذيذة و الفطائر التركية و جزاك الله الف خير

[إلهام07]

مشكورات اخواتي على المرور :dj_17::dj_17::dj_17::dj_17:

أم هارون من عيوني حبيبتي الوصفات بصح والله غير رجع المنتدى يكره ماجي تحطي موضوع تكرهي حياتك قداش من مرة نكتب موضوع ومن بعد نقلق نمسحو ونخرج :rolleyes:


فريال من عيوني ضرك نحاول نكتبلكم وصفة البسبوسة نتاع البيسكوي :19:;)


لمسة ابداع : اختي منك بصح عمرك لا شفتي مواضيعي ولا غير كاميرا مخفية برك لاخاطر مخي راهو دار هكذا :confused::confused::confused:


نبيلة حبيبتي حطيت كل الروابط كل وصفة تحتها الرابط نتاعها تفضلي مرة اخرى وأي سؤال أنا في الخدمة وهذيك راهي بالبيسكوي ماشي بالبودواغ :
تحتاجي علبة وحدة ويبقالك منها أنا استعملت نفس الماركة اللي في الوصفة رخيسة دير 60دج فقط :
http://www.djelfa.info/vb/showthread.php?t=1217138


belseme اختي مافهمتش واش من نكهة ماتحبيش :confused: تقدري تبدلي نكهة الياوورت واش حبيتي مايحهمش وأصلا ماتبانش النكهة نتاعو من بعد تحسي غير نكهة الفاكهة وريحتها على العموم إذا حبيتي ديري في بلاصتو حليب + زاست ليمون او برتقال + فاني وكثري مليح باش جيك ريحة مليحة وتروح ريحة الخميرة والبيض

[موسى2207]

ماتزعفيش الهام والله توحشناك وانت ماعدتيش تدخلي
اصلا كاين عضوات مميزات نقصوا من المشاركة وكاين اللي غاب حسهم
اكلاتك كي العادة هايلين ويحمروا الوجه ما شاء الله عليك ربي يحفظك
حبيت فقط سر الطاجين الحلو باش تجيني مرقته ماشي حلة ربي يسترك
حقا واش راكي مع الاولاد واش من سنة حاكمة
قلتيلي نمدلك نصائح لولدي سنة اولى راه ماقراش تحضيري وزيددخل تخفيض السن وزيد اعسر تعبت معاه

[nabila222]

والله ياالهام ربي يعطيك ماتتمناي على قد تعبك حتى راني حشمت من كثرة الاسئلة اسمحيلي خيتي تعبتك معايا فقط حبيت نعرف كيفاش لاتارت كبيرة هكذا خدمتيها غير باكي وحدة فقط ولا بلاك انا لي مافهمتكش

[mari84]

ماشاء الله كلش روووووعة يعطيك الصحة ياشطورة انا نموت على وصفاتك ونجربهم ينجحولي وزيد تحليهم بروحك المرحة اخر مرة جربت بطاطا شورما رووووعة الله يخليك ويحفظك ويخليلكم زاكازيكو

[إلهام07]

nabila222 سقسي عادي ماتحشميش والله عادي : ههههه هذيك التارت انا درت 3 أضعاف المقادير لأنو درناها لعيد ميلاد يعني غاشي هههههه استعملت 2 علب بيسكويت ودرت في بلاطو الي نطيبو فيه القاطو على هذي جات كبيرة انت ديري المقادير عادي كيما الوصفة برك ;)
نبيلة ماتخافيش الوصفة راهي ساهلة ماهلة ونصيحة استعملي شوكولا سوداء لنتائج افضل :19: والله بنينة وساهلة وخفيفة تهبل :19:


mari84 مشكورة أختي على الثقة وبصحتكم البطاطا :mh31:

موسى2207 : اولا اسمك يضحك ماتزعفيش :D:D:D:D
ثانيا : مافهمتش سؤالك عن طاجين الحلو واش بيها الصوص :confused::confused::confused:
ثالثا : ياخي قتلك مادخليهش سنة أولى دخليه تحضيري تخشنو ريسانكم ومن بعد تحصلوا :mad::mad::mad::mad: والله أنا من أشد أعداء تخفيض السن ماتشوفوهمش في القسم مساكن صغار حابين يلعبو حتى لو يكون التلميذ ذكي ونتائجو ملاح بصح يبقى سنو سن لعب
عموما اللي يكتبوا باليسرى خطهم سيء قليل وين تلقاي أعسر خطو مليح
اما بخصوص النصائح عندي الكثير والحمد لله حققت نتائج العام الماضي مدهشة ولا فخر نقولك ممكن يكون احسن قسم في المقاطعة كامل هضمو الحروف مع نهاية جانفي كملنا خلاص في شهر فيفري أصبحت ندير إملاء نص القراءة كامل وفي أفريل القسم كامل ماشاء الله يقرى النص قراءة مسترسلة مع أنو النص ماكانش للقراءة في البرنامج القديم كانو مطالبين بقراءة جلة أو سطر فقط بصح الحمد لله حتى في الرياضيات حققت أحسن نتائج في مدرستي وبتفوق
العام الماضي كانت عندي سنة أولى والعام هذا طلعت معاهم سنة ثانية
عندي بزاف سلاسل تمارين كنت نخدمهم ونوزعهم للمراجعة مع تلاميذي هو البرنامج العام هذا تبدل بصح عادي يبقى المحتوى العام نفسو أي أسئلة ا:mad: صعوبات قولي وماتحشميش نعاونك إن شاء الله :19:

[faci samia]

الله يبارك فنانة تع الصح ربي يبارك فيك ويحفظك واختك المتزوجة قولها لازم تشاركينا وصفاتك راي فنانة تع الصح ربي يعيشلها زكازيكو.
عودة ميمونة رانا توحشناك انت ووصفاتك طبعا.

[موسى2207]

لاصوص نتاع طاجين حلو تجيني كحلة نشوف مرات طاجين لونه اصفر نحوس على السر
بالنسبة للاسم كنت نراسلك باسمي دخلت باسم زوجي
اما ابني افيديني باللي تقدري عليه

[ام رنين و ارسلان]

شكرا ويعطيك الصحة على هاذو الاطباق والله روعة صح عيشك حطينا الوصفات

[fatihmd]

ماشاء الله ابداع

ربي ينولك واش في بالك

[ام أمينة]

مشاء الله مشاء الله روعة روعة روعة يعطيك الصحة الهام والله توحشتك بزاف بزاف بزاف بزاف بزاف بزاف بزاف بزاف بزاف بزاف بزاف بزاف بزاف بزاف بزاف بزاف بزاف
وربي ليعلم قداه توحشتك واطباقك تشهي ياريت ياريت يكون موضيع احسن لأنك شاف
أما تطبيق والله غير نطبق غير عدت منصورش برك و ديمة ندير g توعك ونضحك نتفكر كي تقولي وليت مدام بطاطا والله حتى زوجي عاد يقلي مدام بطاطا ههههههههههههههه

[luna mery]

:mh92:
شهيتيني
يعطيك الصحة :19::19::19::19:

[فخورة بنقابي]

الهام الله يبارك ما شاء الله عليك
أنا شخصيا والله غير تعلمت بزاف منك ونطبق وصفاتك بزاف وديما ناجحين والحمد لله
شكرا لك حنونة في ميزان حسناتك
طلب صغير برك لوكان تعطينا وصفة البان كيك لي معتمدتها ولكي جزيل الشكر

[satomome]

mashalahhhh
bisouuuuus

[om obaida]

اهلييين بهلال العيد هذي غيبة وشكرررررا عل الباروك كلشي من عندك تحفة

[شمس الملوك]

بارك الله فيك وجعلها في ميزان حسناتك اما عن التطبيق فكوني متأكدة اننا كلنا نطبق في وصفاتك الناجحة ولكل يدعو لكي بدعاء الخير شكرالك

[ام عيسى]

ما شاء الله يعطيك الصحة وربى يبارك فى يديك والله من كثرة نجاح وصفاتك حابة نشوفك ربى يلاقينا فى الجنة ان شاء الله ولك الاجر انك ماتبخليناش وتمدى وصفة كاملة ربى يعطيك ماتتمناي

[belseme]

belseme اختي مافهمتش واش من نكهة ماتحبيش :confused: تقدري تبدلي نكهة الياوورت واش حبيتي مايحهمش وأصلا ماتبانش النكهة نتاعو من بعد تحسي غير نكهة الفاكهة وريحتها على العموم إذا حبيتي ديري في بلاصتو حليب + زاست لضيمون او برتقال + فاني وكثري مليح باش جيك ريحة مليحة وتروح ريحة الخميرة والبيض [/COLOR][/SIZE][/QUOTE]
بارك الله فيك الهام الغاليوكة هبلناك بالاسئلة ربي يجازيك كل خير
اوكي ربي يحفظك نجرب الحليب والزاست راه مليح انا قصدت ريحة الفواكة فالبريوش الله يسترك اختي شكرا

[oum Haroun]

ماشاء الله تحفة تحفة تحفة كل مرة ندخل ونعود نشوف الموضوع تاعك ربي يحفظك من العين

[aicha1010]

يعطيك الصحة يا الهام كل شي بالطبع والشان ،هذا اليامات رآني غير مع وصفاتك جربت كعك النقاش جا تحفة وجربت المادلان المسروق جا يهبل وراني ناوية ندير بات بريزي ديالك بارك الله فيك ربي يفرحك دنيا وآخرة اذا ممكن تحطيلنا وصفة البريوش الاطالي ،فطيرة التركية ،مربى الاجاص،مرق الخضار،وصفات الارز الي حطيتيهم،رابط المعمول تاع ام رامي،وحبيت نسألك على بيتزا الطاجين هي نفسها البيتزا إلى طيب في الفور الي حطيتها في المنتدى وبالنسبة لطاجين هل هو الطاوة تاع الشيخوخة ولا طاجين الطين

[هجيرة1]

الله يبارك ما شاء الله عليك اختي الهام فنانة و متألقة

ياريت تعطيني نوع عجان يكون مليح نتاع ٢كيلو يكون ماركة مضمونة راني جاية لسطيف باه نشري عجان
او ماركة لتخدمي بيها اذاممكن خلاط كهربائي كذلك اكون ممتنةلك

[عروبة وطن]

الله يبارك
الهاااااااااااااااام يارييت تعطيني وصفة المقرووووووووووووووووووووووط

[اولادي ام]

ماشاء الله تبارك الرحمن كل طبق وحلو احلى من الثاني
يعطيك الصحة اختي بنت الجزائر (http://www.dzhawaa.com/vb) حرة

[Doudina]

راكي رايحة تهبلييييييينا يا اختي العزيزة. من فضلك الرابط تاع المعمول تاع أم رامي و الرابط تاع كيكة التيراميسو لأم كوثر هبلت و انا نحوس ما لقيتهمش. شكرا لهلوبة الفحلة

[أم يوسف2]

اختي الهام شحال توحشناك وعلاه ماراكيش تدخلي للمنتدى دايمن نسغسوا عليك
انا نقولك بارك الله فيك وفي امثالك وجعلها الله في ميزان حسناتك تعلمنا منك بزاف وفرحت كي لقيتك دخلتي

[عصفور الجنة]

السلام عليكم
الهام اختي تعيشي حنونة وصفة البان كيك
شكراااااااااااااااا

[*توبــــة*]

ماشاء الله تبارك الرحمن
يا لهلوووبة مادرتي فينا.. هو في احلى من هيك بااااروك
كلشي رائع.. الطبق في حد ذاتو .. الدريساج.. طريقة التصوير وووووووو
والاكييييييييييييييييييد الذوق والبنة مانحكيش عليهم
كلو كلو هااايل الاطباق المعجنات لي قاو لي تارت ووووووو ربي يبارك
اسمعي واقيلا اختك رايحة تنحيهالك وترجع فحلة خير منك خخخخخخخ

انا حابة وصفات امك العزيزة .. ربي يخليهالكم ياااارب
حتى ويلا باختصار :d

طاجين الشواء نتاع ماما وروطي دجاج ماما و طاجين الحلو نتاع ماما

[lyna2007]

بارك الله فيك ماشاء الله

[tahiya]

دائما متميزة بوصفاتك الرائعة...مشكورة جزيلا

[mamande3s]

وصفة البان كيك و اعادة تحميل صور المواضيع القديمة ان امكن

http://forum.hawahome.com/nupload/368661_1311938326.gif

[nihal159]

بسم الله ماشاء الله ولا قوة إلا بالله؛ ربي يسترك من العين؛ نتمنالك المزيد من التألق و النجاح؛ أنا من تلميذاتك النجيبات هههههههههه جربت شحال من وصفة من وصفاتك الله يبارك مقاديرك مضبوطة؛ يابنات جربو وصفات إلهام على ضمانتي هههههههههه.

[sali kanouza]

بارك الله فيييييييييييك الهام متميزة كالعادة والله تحف فنية بقيت نشوف ونعاود ربي يعطيك ماتتمني راكي مفرحة عايلتك واهلك

[الاريام]

نشالله عام خير عليك و علينا الهام ما تزيديش طول الغيبة حتى و لو بدون وصفات المهم حضور اميرة المنتدى بشخصيتك الجميلة يزيد فيه النص احلى سلام مني ليك و دعوة خير ليك بالنجاح و التالق الدائم نشالله ربي يناولك الي في بالك اختي الهام

[mon mari]

ما شاء الله كل شيء روعة الله يبارك

من فضلك انا حبيت وصفة الكيكة في المول السحري ديال البرتقال او يعطيك الصحة

[abdounardjesse]

راكي متالقة جدا ربي يبارك ووصفاتك جد ناجحة واللي نجربها تنجح، ربي يبعد عليك العين ماشاء الله مشاء الله ربي يعطيك صحتك

[biba04]

حرام عليك الهام دخلت وندمت ههههههه راني مع الرجيم واطباقك دارو فيا حالة خخخخ

[rimaas]

دائما متألقة

[صدق العطاء]

روووووووووووووووووووووووعه الله يبارك جاووووك تححففة
حابة نسقسيك
ممكن تقوليلي طريقتك في تزيين طورطة وشحال من علبة شانتيي ديري
ياليت تقوليلي بالتفصيل الممل
انا مشكلتي مع التزيين

[إلهام07]

مشكورات اخواتي على المرور والمتابعة :mh31::mh31::mh31::mh31:


الاخت اللي طلبت وصفة المقروط اختي الوصفة راهي في الصفحة الثانية من الردود ;)


الاخت اللي سقسات على صوص طاجين الحلو قلتي الصوص جيك كحلا : حنا قبل مانرميو حبات عين البقرة في المرق نحطو شوية ماء يغلي وكي يغلي نرميو حبات عين البقرة ونطفيو النار ونخليوهم يطلقو الغبرة والكحال اللي فيهم شوية هكذا ومن بعد ترميهم في المرق
ونصيحة ثانية استعملي القرفة أعواد ماشي مرحية باش يبقى الرمق نظيف ;)


الاخت اللي طلبت وصفات امي : أوكي اختي ماشي مشكل نقوللها تعطيني التوجيهات ونكتبهملكم مواضيع ;)


الاخوات اللي طلبو وصفة البان كايك راني حطيتهاكم في قسم الحلويات


والاخت اللي تسأل على ماركة للعجانة والباتور : ننصحك بماركة KENWOOD هايلة بصح دوريجين راهي غالية :19:


روابط وصفات التيراميسو ومعمول ام رامي :
http://www.djelfa.info/vb/showthread.php?t=1217138

أم رامي حذفت كل مواضيعها من المنتدى وهذه هي الوصفة :

نبدأ أولا بالغرس ننقيه مليح ونفوروه
وهوساخن نضيف شوية زيت ونخلطوه مليح بالشوكة حتى يصبح طري جدااا ثم نضيف قرفة + خميرة كيميائية +جلجلانية + كاوكاو
نبلل أيدينا بالماء ونشكل كويرات
العجين
2كاسين سميد ناعم مغربل +كاس فرينة + نصف كاس حليب غبرة + نصف كاس نشاء + صفار بيضتين + علبة مرغرين لابال 250 غ+ملعقتين كبيرتين سكر رطب أو ثلاث ملاعق حسب الرغبة + ملعقة صغيرة خميرة حلويات + ملعقة صغيرة فاني + ملعقة صغيرة حبة حلاوة وزريعة البسباس مرحيين ناعم فقط للنكهة +ملح +ربع كاس ماء أو أقل للعجن
نخبط المرغرين باليد جيداا ثم نضيف السكر والفاني والصفاران ونخلط باليد
ثم نضيف باقي المكونات ونخلط مليح

ثم نضيف الماء ونلم راح تحسي العجينة رخوة غطيها بكيس ودخليها الثلاجة ترتاح راح تشرب الماء وتتماسك حوالي نصف ساعة
نحضر قوالب المعمول
نبدأ التشكيل باستعمال كيس بلاستيكي حتى تسهل عملية إخراج الحبة من القالب

ننهي كامل الكمية خليه يرتاح بعد التشكيل ثم طيبيه

ثم نطهيها في فرن مسخن من الأسفل أولا ونحمروها من أعلى
نرشها وهي ساخنة بالسكر الرطب وبعد شوية تلاحظي أن السكر ذاب


نخلط السكر الرطب مع شوية قرفة ناعمة ونرش الرشة الثانية بواسطة صفاية
وهاهو المعمول جاهز
هذه المقادير تعطي 36 حبة

[رحمة2016]

بارك الله فيك يا الفحلة نحبك والله ههههه

[sisouni]

الهام يقولو عليك واش يقولي بصح انا والله غير نموت عليك
هههههههههههههههه زكارة في الحسادين
ربي يحفظك انشاء الله

[صدق العطاء]

الهام معليش تجاوبيني بخصوص التزيين

[ابني نور عيني]

اطباق باروك تاع الصح مشكورة حبيبتي و مبروك التثبيت :19:

[إلهام07]

الأخت : صدق العطاء
أنا الشانتيي نشري بالكيلو مانشريش نتاع العلب
كل تارت والحجم نتاعها وعلى حساب التزيين يختلف مانقدرش نقولك بالضبط قداش شانتيي بالصح عموما في المتوسط نحتاج حوالس 6 أو 7 ملاعق شانتيي يعني من 100غ حتى 150 غ على حساب حجم التارت والتزيين اللي رايحة نديرو
طبعا الشانتيي لازم ماتكونش جارية باش جيك باهية في التزيين
أما بخصوص التزيين والله ماني فاهمة واش تحوسي ، يعني وضحي مشكلتك في التزيين واش هي؟

[rayen73]

:19:بِسْم الله ماشاء الله والله روووووووعة ديما متألقة رب يحفظك ويعطيك ما تتمناي لأنك تستاهلي كل خير وتأكدي ان معظم ما تقدميه جربته وخرجولي روعة ممكن نكون متاخرة بالرد لكن والله مشاغل البيت والعمل وزيد الأولاد وتربيتهم ليهم كل الوقت اختي احبك في الله والله كل ماندخل نبحث الا على الهام وكذلك كاينة الأخت زينب حفظها الله والله كل اللي تقدموه في ميزان حسناتكم وخاصة المبتدئات راكم سهلتم عليهم الكتير الكتير ،:19::19::19::19::19::19:

[zokhrofa]

أختي الهام ما عندكش ورقة فارغة في دفتر العائلة تتبنايني هههههههههه واو هايليييييييين

[حياة مليزي]

الله يبارك تشهي وصفات انتي فنانة رابي يحفظك ان شاء الله

[jojo dj]

واووووو لهلوبه بسم الله ماشاالله دخلت نقرعج لقيتك يافنانه الله يعطيك واش تتمناي ويفرحك دنيا واخره جامي بخلتي علينا بالوصفات ربي يفرحك درتي الخير كمليه هههة حطيلنا وصفه تارت عيدك ميلادك تارت موس الليمون بريزونتابل روعه يعطيك الف الف صحه

[لينا27]

:dj_17:مشاء الله تبارك الرحمان .كل مواضيعك في القمة

[القناعة كنز]

رووووووووووعة الله يبارك
يديك يتلفو فالحرير

[amel maya]

روعة تسلمي كل وصفاتك روعة ياريت وصفات جزاك الله خيرا

[fyfy_top216]

يا اختي الهام والله منكثرة حبي لكي اصبحت ادخل منتدى لارى كلامك فقط
ياريت تفتحي قناة طبخ في يوتيب او مدونة
اللذين لديهم قنوات ليسو افظل منكي ارجو ان نراك دائما هنا

[الضمير العربي]

ماشاء الله لهلوبةدائما متالقة كل عام وانت بالف خير ربي يجعلو عام خير عليك ربي يحققلك كل امنياتك هذا العام ان شاء الله الف شكر دمتي متالقة

[Doudina]

من فضلك يا الهام عندي مناسبة تعيشي اعطيني وصفة لي تارتولات ب النيستلي و الشوكولاطة. راني نستنا. ربي يحفظك

[ايمان نور الجزائر]

ماشاء الله تبارك الله يعطيك الصحة

[rahma23]

ربي ايبارك فيك اختي الهام على كل حاجة تعلمناها منك ومدتيها بكل صدق عندي طلب ادا تسمحي تمديلي وصفة لكرام باتسياغ بالجبن ووصفة العجينة المورقة السحرية لي راكي معتمدتها جربت بزاف وصفات كي نطيبها تجيني قاسحة ما فهمتش المشكل ويين وسامحيني ادا ثقلت عليك بالاسئلة :mh31::mh31::mh31::mh31::mh31::mh31::mh31::mh31:

[Doudina]

يا اختي الهام وعلاش ما راكيش ترديلنا؟ راني غير نستنا والو. سمحيلي اذا كثرت عليك

[biba318]

ما شاء الله تبارك الرحمن إبداااااااااااااااااااااع
سخفتيني و شهيتيني و درتيلي القلب ما شاء الله سلمت يداكي
ربي يفرحك ان شاء الله

[ام جنى ص]

الله يبارك والله يعطيك الصحة يا لهلوبة ممكن تعطيني الوصفة تاع بسبوسه البسكوي و نواة كوكو

[سحابة باردة]

روعة كلشي انا جربت بزاف من روئعك يلهلوبة الفنانة

[fleur de lili]

ماهذه الروائع يامحبوبة المنتدي.ربي يحفضك من العين
كلش بطبع رغم سني بصح راني نتعلم من عندك شكراااااااا��

[مسعودي خولة]

عودة مميونة ان شاء الله عودة بلا غيبة والله توحشتك بزااااااااااااااااااااااااااااااف بزااااااف وفرحت بزاف كي لقيت موضوعك وصفات كي العدة مبهرة ومميزة جدا دائما متانقة يوضفاتك ان شاء الله ديريهوملنا الكل مواضيع انا مانطلبك في حتى وصفة خاطر وليت نحشم نطلبك في الوصفات ملي طلبتك في المواضيع السابقة و ممديتيليش الوصفات خلاص عمبالي مقعدتيش بالصح معليش على العموم نشكرك كي وليتي لينا و نورتيلنا المنتدى نتمنى متزيديش تغيبي علينا لانو نتوحشوك بزاف و الله احبك في الله و جزاك الله خير جزاء على المجهود لي اكي تقدميهولنا باه نتعلمو حاجة جديدة اني نكتب و الدمعة جاتني خاطر تعلمت منك بزاف حوايج خاصة اساسيات الطبخ لاباز انت و كثير اخوات وليت مميزة كتير حتى اني نفنخر قدام ناسي ندير حاجتك او اي وصفة من المنتدى و انا مغمضة عينيا عمبالي راكي تعليمي فينا من قلبك لاني كلي ثقة فيك حبيبتي ربي يخليك لينا اختي الهام

[salahpara]

اطباق في القمة كالعادة ربي يجازيك كل خير حابة وصفة البقلاوة والبسبوسة تاع البيسكوي وتارت الليمون وكون تصيبي ساعة ساعة حطيلنا وصفة ربي يعطيك ما تتمناي

[messaoudiKanza]

wasafetek akthar men raw3a.ya3tik saha
rana nessanaw fi lwassafet

[om bilel 1600]

الله يبارك كلش هائل بالطبع بوركت و بوركت جهودك والمزييييييد أن شاء الله

[amel...]

يعطيك الصحة و ربي يجعلها في ميزان الحسنات

[amel...]

اختي الهام فيما يخص هاداك المقروط الله الله

مشفتش الغرس على الجوانب يعني ندير كويرات من العجين و داخلهم الغرس

و من بعد نشكلهم و ننقشهم و لا كيفاه

ربي يبقسي عليك الستر ممكن توضحيلي الطريقة راه ماخلالي عقل

[إلهام07]

السلام عليكم أخواتي

أسمحولي طولت الغيبة مانيش ندخل تعرفو هذي الفترة نتاع الدراسة فيها ضغط وزيد قربو الامتحانات ورانا نقراو في تكوين + نخدمو نهار السبت نعوضو أيام نتاع الثلج الحالة راهي مضغوطة خاصة وأن أمو راهي مريضة بزاف في الفراش مانيش أصلا عندي نفس للمطبخ


المهم، الأخوات اللي راهم يطلبو في وصفة البسبوسة راهي مكتوبة موضوع أخواتي أدخلو للملف الشخصي نتاعي باش تسهلو على أرواحكم البحث

الاخت آمال : المقروط الوصفة حطيتها في الردود الصفحة الثانية أما العجين كي يريح تقسميه كويرات بالميزان وكل كرة تحشيها بكويرات الغرس أيضا توزنيهم وتغلقي العجين وتتحطيه في طابع الريشة نتاع الصابلي ترشيه بالفرينة وتعدليه مليح بصبعك ومن بعد تخرجيه من الطابع بسهولة وتغرسي حبة لوز و تنقشيه على الجوانب ومن فوق ساهل ماهل :19:



أختي خولة والله ماني نقعد وطلبات الوصفات لا تنتهي على العموم حطيت منذ فترة عدة وصفات ديما طلي تلقاي الجديد نقعد في العطلة إن شاء الله نزيدكم وصفات عندي دائما الجديد ;)

الأخت اللي طلبت وصفة تارت الليمون إذا قصدك الوصفة الروسية راني حطيت الروابط تحت كل صورة أما إذا تقصدي الوصفة الفرنسية راني حاطتهالكم موضوع ادخلي لملفي الخاص تلقايها :)

أخت Doudina انت بالذات أعطيتلك الوصفة اللي طلبتي نتاع التارتولات راني رديت عليك بصح والله ماشفيت المهم في واحد من مواضيعي الأخرين وين كتبتي السؤال جاوبتك وحطيتلك الروابط :)



وأخيرا نقوللكم باللي مانيش ناسية طلباتكم فقط الوقت نتاعي كامل بين التعليم وفي الدار تصحيح وتحضير ومذكرات ....... مانقعدش خلاص

لي عودة عندما تسنح الفرصة بحول الله ............... في جعبتي الكثير .... انتظروني :dj_17:

[فايزة1207]

ربي يشفي الوالدة ويطول عمرها

[ناديـة]

إن شاء الله تشفى الوالدة الكريمة
ربي يفرج عليكم

[fleur de lili]

ربي يحفظ الوالدة من كل سؤ .طهور انشاء الله
ربي يشفي ام الغالية علي قلوبنا الحبوبة الهام .

[مسعودي خولة]

ربي يشافيلك الام دياللك و ماتتقلقيش منا حنا براحتك كي تقعدي وحطيلنا الجعبة تاعك خاصة خاصة المعكولات اممممممو شكرا على الوصفات لي حطيتيلنا

[salwa78]

اهلا و سهلا بالهام توحشتك مووووووووووووووووووووووووووووووووووووووووووووووووو وووووووووووت واش راكي لعزيزة واش هذي الغيبة ربي يحفظك المهم تكوني انت و العائلةبخير علبالي بلي راكي مشغولة بساكنين في لاكوزيزين انت و ام محمد تاج و ام ساجد و ام ثازيري بصح حتى احنا عند عليكم حق تتفكرونا انا معرفتش كيفاش ندخل لساكنين في لاكويزين و الله توحشناكم متالقات منتدى الجلفة كنت دائما نستفيد منكم و ضرك مكان حتى واحد يبرد على البال المهم راكي لباس

[نوال عيسى]

بارك الله فيك على كل شي تقدميلنا فيه وكل شي من يديك تحفة ربي يبارك
تقبلي فائق احترامي وتقديري

[hanane220]

يعطيك الصحة و خموس عليك حبيبة نوعتيها كي عادة متؤلقة لكن اريد طلب وصفة كاملة

http://www.up.djelfa.info/uploads/148339372857933.jpg

[أم البراء 2017]

تحف روعة روعة اختي

[ام رضوان]

بارك الله فيك
يافناااااانة يالهلوبة
كل شيء من ايدك حلو وطريقة تقديمك احلى
ربي يحلي ايامك وينولك مرادك
امين

[jojo dj]

الله يشفي ماماك ويعطيها الصحه والعافيه ان اشاالله

[jenah]

الله يبارك ختي

[انا هي رزيقة]

مشاء الله و تبارك الرحمان عليك و على اختك و على امك الكريمة اختي لهلوبة و الله كلشي حطيتيه تبان البنة غير من صورتو.... دون تعليق فعلا و تامني بربي كنت حاسبة بلي درت ديجا تعليق حتى اليوم وين شفت بلي كلما ندخل للموضوع نقعد نتفرج و ننسى نعلق من كثرة الشهيوات ....... خخخخخخ ربي يباركلك في كل عزيز عليك اختي و جعل الله هذ الجهد في ميزان حسنالتك و كل عام و انت بالف خير يا لهلوبة

[دورا المسلمة]

الله اكبر
كل هذه وصفااات رائعة
شكرا جزيلا

[دورا المسلمة]

انتي فتحتي نفسي على المطبخ

[ام نور ندى]

يعطيك الصحة اين هي الوصفات

[ام نور ندى]

يعطيك الصحة اختي بصح اين هي الوصفات؟

[soumia zozo]

يعطيك صحة اختي ماشاء الله ربي يحفظك من عين

[samarrnada]

لهلوبة اصبحت احبك.وها انا اعلن حبي لابداعاتك و طريقتك في ايصال ابداعك.تحياتي لمطبخك

[chedot browser]

thank you :)

[Oum djed]

يعطيك الف عافية حبيبتي أطباق في القمه

[nadian]

جعلها الله في ميزان حسناتك
ما شاء الله رووووعة