امي تجوعني .... [الأرشيف] - منتديات الجلفة لكل الجزائريين و العرب

مشاهدة النسخة كاملة : امي تجوعني ....

مشكلتي

2017-01-01, 13:55

امي تمنع عني الاكل وتقول لي جوعي شوي انا منيش ناكل تعلمي تجوعي وصراحة انا فيا لانيمي وكي ماناكلش ندوخ مع انه قدراتنا المالية عادية كلش متوفر امي تبدلت علي من يوم خطبوني .تعليقاتكم..

زبدة ذايبة

2017-01-01, 15:29

الأم تاعك حبت توجدك لدار الراجل

دار الراجل ماشي كيما دار الأب فيها الدلال والعز

ممكن عجوزتك ماتعطيلكش تاكلي

ممكن الزوج يكون بخيل

إذن

اعتبريها فترة تدريبية قبل ماتروحي لعش الزوجية

ماتلوميهاش الوالدين يحبوا اولادهم بزاف تخونهم طريقة التعبير برك

ربي يهنيك

بيان 5

2017-01-01, 18:02

يا اختي لا اصدق ان هناك اما تفعل ماقلت حتى لو كانت قاسية
كيما يقولوا الام ام ولو تولي افعى وتلدغ بالسم ربي يحفظ كل الامهات

الحنون الجزائري

2017-01-01, 18:28

سنوات طويلة وانا احاول تفكيك خيوط عقلية ودهنية الفتاة الجزائرية المتشابكة، فيما أعجز فعليا عن فك سيور حذائي

شفت عنوان الموضوع حسبتك طفلة صغيرة 12 او 14 سنة وقلت المسكينة ربما تعاني من عصبية الام نتيجة المشاكل الزوجية او الطلاق او الفقر المدقع

مادامني دخلت للموضوع واش راح نقلك
ربما نتيا فنيانة يعني انترنت + تلفاز

تعلمي تتحملي المسؤولية وطيبي وحدك وماتتكليش على الوالدة اطيبلك وتوجدلك الفطور وعاونيها في الكوزينة , خاصة انك مخطوبة وقريب تتزوجي يعني مراكيش طفلة صغيرة

نظن هدا هو المشكل
وماتزعفيش مني ههههه مجرد رأي

karimtito

2017-01-01, 18:42

ربما هي حكمة ارادت ايصالها بطريقتها
منضنش ام تكره او تنوي الشر لولدها
عن نفسي امي كون نصيبها تدي من صحتي ولا تمرض
وتدي من راحتي ولا تتعب احبها اكبر مما يتصوره عقل بشري

ربي يباركلنا في امهاتنا الله غالب ان ديما مع الام وين كانت

bello angel

2017-01-03, 14:13

روحي امخلوقة ارقدي علينا
بركاي من الجياحة راكي كبيرة

حنين حنين 8

2017-01-03, 14:51

ربما مصلحتك هكدا

ام كنوز

2017-01-04, 21:03

يمكن تحوس جيك الروبة تاع لعروس انا الدار كلهم جوعوني ههههههههههههه

نصارنصار

2017-01-06, 19:50

حصليها لباباك يحبسها عن الفعل هذا

أم سلوى

2017-01-06, 19:56

لا يجوز.....حرام

خالد عنابي2

2017-01-06, 20:45

حكمة من حكم الخرطي تاع بكري حبت توصلهالك ادا ماكان هههه

ولاه رايحين انتي وزوجك للصومال حتان ؟ ولا رايح يفوت العسكر ورايحة معاه ؟

تراهات وتكعرير فقط وماكان حتى فائدة مرجوة

ايمان4

2017-01-06, 22:02

يا اختي معناتها نوضي طيبي يلا تصبحي ناعسة و تضلي راقدة واش تستناي ... ها العمل ثم العمل ثم الاكل

زيان.

2017-01-06, 22:29

هذا نوع من أنواع عقوق الوالدين ...يا ويلك من عذاب يوم عظيم
كيف تجرّأتي في التكلّم عن أمك بهذا الأسلوب ؟؟؟؟ ربما هي ضمن علامات الساعة الكبرى
لا تنزعجي فقد أشفقت على أمك لأن أمي تحت الثرى

الجليس الصلح

2017-01-07, 14:47

أنت بعيدة عن والدتك تقربي منها بالحنان والحب حركي مشاعرها نحوك فهي أم نبع الحنان والحب والعطاء كذلك عليك بالصبر والتوكل على الحي الذي يرزق من يشاء

فاطمة شلف

2017-01-07, 15:13

السلام عليكم ورحمة الله وبركاته
لاتنزعجي اختي حاولي فهم امك ساع تزوجي وتعرفي حق الام لي تقولي جوعتني
كون جيتي تعرفي حق الجوع لاتتكلمين هاكذا لزمك حصة كاملة
هي اعطات لك حكمة حاولي كسب ودها
تحياتي

asma bb

2017-01-07, 15:14

اذا كانت هناك فعلا مشكلة روحي لماماك و اسئليها عن السبب بلاك هي قلقانة منك شوية و الا عندها مشكل و ربي يهديك و يهديها

الجورية سجى

2017-01-07, 17:22

روحي امخلوقة ارقدي علينا
بركاي من الجياحة راكي كبيرة

والله أنه تعليق فعلا مضحك بارك الله فيك إذا قرأته الأخت ستضحك وتنسى الجوع
يا أختي ماكانش منها أم تجوع أولادها تنح من لحمها وتوكلهم تتعرى وتغطيهم أنت راكي تتوهمي أو الشيطان يخيل لك أمور غير موجودة علاه وش معناتها كي تخطبت تبدلت عليا واش زعما غارت منك ربي يهديك
هذه المشاعر السلبة والحساسية الزائدة وتقلب في المشاعر كلها بسبب فقر الدم أختي عالجي نفسك وتقربي من أمك والسلام عليكم ورحمة الله وبركاته

Gizel

2017-01-12, 00:39

ربي معاك اختي نحي التوسويس هادي يماك

غزلانْ

2017-01-12, 14:42

السلام عليكم
لو كنت صغيرة لقلنا أنت بحاجة لمن يطعمك لكن و في هذه الحالة ان كنت تجد الأمر كما تفضلت أمك تجوعك فلتطبخي و تأكلي ما تريدين .

الماسة النادرة

2017-01-13, 21:35

اسمحليلي لكن ضحكتيني لانو هاذي مكاش منها واش هو سبب تجويعك وواش دخل الزواج في سياسة التجويع اذا راكي شاكة بلي ناس دارك راه يجوعوك متروحيش اصلا خاصة انو علاقتك وطيدة بالاكل