kwon
2016-12-29, 21:40
لسلام عليكم يا جماعة الخير
قليل وين ندّخل و نكتب مواضيع و ذالك لضيق الوقت فاعذروني, هذا مايمنعنيش اني نعاون بلي نقدر فالتعاليق , المفيد ..
شفت بزاف ناس تسقسي و تسال على البنوك الجزائرية اللي تسمح باستخراج الارباح باليورو , قبل ما نقولك الطريقة لازم نفهموا واحد النقطة.
في معظم دول العالم , ممنوع منعا باتا لاي شخص انو يستقبل اموال من بلد اخر بعملة ذالك البلد, نوضح الامر, يعني انت امريكي و كاش موقع خلصك بالاورو, راك رايح تستقبل اموالك بالدولار, انت صيني و موقع خلصك بالاورو رايح تستقبل اموالك فالبنك الصيني بالعملة الصينية , انت بلجيكي و خلصك موقع بالدولار, رايح تستقبل اموالك بالاورو , يعني بما انك جزائري راك رايح تستقبل اموالك بالدينار الجزائري كيما انت كيما الصيني و البلجيكي. حتى الان كلش واضح .
بما اننا بلد متخلف تكنولوجيا ولا في طريق النمو كيما يقولو ( ما عرفنا اذا رانا غالطين فالطريق ولا طريق النمو طويل :/ ) البنوك دياولنا ما عندهاش معرفة تامة بهاذ الامور تاع التحويلات, لهذا تجد بعض البنوك يسمحوا باستقبال الاموال و بنوك اخرى ما تسمحش , تصيب في نفس البنك وكالات تسمح و اخرى ما تسمحش . يعني انت كي تروح للبنك و تقولوصاحبي راهو يجبد عادي فالوكالة الفلانية راك رايح تسد الطريق على صاحبك ماشي تفتح طريق لنفسك , لان القانون يقول انك تستقبل اموالك بالعملة ديالك كيما سبق و ذكرنا اعلاه, تروح عندو و تسقسيه اذا نجبد اموالي بالاورو ولابالدينار يا يقولك ما علاباليش و يروح يسقسي و يقولك ممنوع, ولا يقولك ممنوع من اللخر. الحل و اللعفسة وين راهي ؟
الحل انك تختار بنك وطني من المستحسن ( ما تسقسينيش واش من بنك لانو قلنا كلبنك و كيفاش ) جرب و شوف كيما الحملات تاع الفايس اد ههه , روح ليهم , سلام سلام , عندي شوية اورو حبيت نخبيه, ما تقولو قوقل ما تقولو عمار بوزوار, افتح حساب اورو , خلي يجوزو شي يمات, ولي ليهم اطلب RIB و Code swift , يقولولك علاه, قللهم طلبوهوملي فالدوسيي تاع الفيزا, رايح نقرا فالخارج و الجامعة طلبتهم, قولو يا سيدي ما عندك ما دخلك من حقي حبيت ندييرهم كادر نخبيهم لولادي تسالني ؟ المفيد عوم بحرك و جيبهم. زيد خلي مدة و دخلهم فالحساب ديالك تاع قوقل, فالـ 21 من الشهر قوقل ترسلك اموالك عادي , يوصلو فالحساب البنكي بعد اسبوع على اقصى تقدير.
كي تروح تجبدهم , كيف كيف , ما تحلبش , سلام سلام , ديرلي لافوار, اجبد واش عندك و روح لداركم . اذا تحلبولك و قالولك تجبدهم دينار, قولو بارك الله فيك, عاود ارسلهم لقوقل و نقفل الحساب تاعي فالحين ( اتعلمو ما تخافوش تهدرو, البنك يسحق دراهمك يا لوكان 1 اورو ) , اذا رجعهم لقوقل, عاود حساب اخر في بنك اخر في وكالة اخرى, حتى تصيب وكالة اللي ما تكسرلكش راسك و تخدم معاها على طول العام.
نتمنى نكون فدت خاوتي, برك نبهكم لحاجة, ما تقولوهم انه صاحبك يجبد من الوكالة الفلانية ولا البنك الفلاني, على خاطر لوكان توصل المعلومة شوية للفوق, يخرج قرار من البنك المركزي و واحد ما يولي يخرج.
سلام
قليل وين ندّخل و نكتب مواضيع و ذالك لضيق الوقت فاعذروني, هذا مايمنعنيش اني نعاون بلي نقدر فالتعاليق , المفيد ..
شفت بزاف ناس تسقسي و تسال على البنوك الجزائرية اللي تسمح باستخراج الارباح باليورو , قبل ما نقولك الطريقة لازم نفهموا واحد النقطة.
في معظم دول العالم , ممنوع منعا باتا لاي شخص انو يستقبل اموال من بلد اخر بعملة ذالك البلد, نوضح الامر, يعني انت امريكي و كاش موقع خلصك بالاورو, راك رايح تستقبل اموالك بالدولار, انت صيني و موقع خلصك بالاورو رايح تستقبل اموالك فالبنك الصيني بالعملة الصينية , انت بلجيكي و خلصك موقع بالدولار, رايح تستقبل اموالك بالاورو , يعني بما انك جزائري راك رايح تستقبل اموالك بالدينار الجزائري كيما انت كيما الصيني و البلجيكي. حتى الان كلش واضح .
بما اننا بلد متخلف تكنولوجيا ولا في طريق النمو كيما يقولو ( ما عرفنا اذا رانا غالطين فالطريق ولا طريق النمو طويل :/ ) البنوك دياولنا ما عندهاش معرفة تامة بهاذ الامور تاع التحويلات, لهذا تجد بعض البنوك يسمحوا باستقبال الاموال و بنوك اخرى ما تسمحش , تصيب في نفس البنك وكالات تسمح و اخرى ما تسمحش . يعني انت كي تروح للبنك و تقولوصاحبي راهو يجبد عادي فالوكالة الفلانية راك رايح تسد الطريق على صاحبك ماشي تفتح طريق لنفسك , لان القانون يقول انك تستقبل اموالك بالعملة ديالك كيما سبق و ذكرنا اعلاه, تروح عندو و تسقسيه اذا نجبد اموالي بالاورو ولابالدينار يا يقولك ما علاباليش و يروح يسقسي و يقولك ممنوع, ولا يقولك ممنوع من اللخر. الحل و اللعفسة وين راهي ؟
الحل انك تختار بنك وطني من المستحسن ( ما تسقسينيش واش من بنك لانو قلنا كلبنك و كيفاش ) جرب و شوف كيما الحملات تاع الفايس اد ههه , روح ليهم , سلام سلام , عندي شوية اورو حبيت نخبيه, ما تقولو قوقل ما تقولو عمار بوزوار, افتح حساب اورو , خلي يجوزو شي يمات, ولي ليهم اطلب RIB و Code swift , يقولولك علاه, قللهم طلبوهوملي فالدوسيي تاع الفيزا, رايح نقرا فالخارج و الجامعة طلبتهم, قولو يا سيدي ما عندك ما دخلك من حقي حبيت ندييرهم كادر نخبيهم لولادي تسالني ؟ المفيد عوم بحرك و جيبهم. زيد خلي مدة و دخلهم فالحساب ديالك تاع قوقل, فالـ 21 من الشهر قوقل ترسلك اموالك عادي , يوصلو فالحساب البنكي بعد اسبوع على اقصى تقدير.
كي تروح تجبدهم , كيف كيف , ما تحلبش , سلام سلام , ديرلي لافوار, اجبد واش عندك و روح لداركم . اذا تحلبولك و قالولك تجبدهم دينار, قولو بارك الله فيك, عاود ارسلهم لقوقل و نقفل الحساب تاعي فالحين ( اتعلمو ما تخافوش تهدرو, البنك يسحق دراهمك يا لوكان 1 اورو ) , اذا رجعهم لقوقل, عاود حساب اخر في بنك اخر في وكالة اخرى, حتى تصيب وكالة اللي ما تكسرلكش راسك و تخدم معاها على طول العام.
نتمنى نكون فدت خاوتي, برك نبهكم لحاجة, ما تقولوهم انه صاحبك يجبد من الوكالة الفلانية ولا البنك الفلاني, على خاطر لوكان توصل المعلومة شوية للفوق, يخرج قرار من البنك المركزي و واحد ما يولي يخرج.
سلام