نحافتي تدمر حياتي

[ام شفيق]

متزوجة و عندي طفلين ، طولي 1،67 و وزني 54 انا الوحيدة النحيفة في اهل زوجي رجعت مصدر صخرية و استهزاء ليهم و يمثلوني باولادهم، كل ما نخرج من الغرفة و انا نسمع في الكلام العجوز او الاخت او العمة او السلفة والمشكل يتعمدو قدام زوجي او باباه او خاوتو يقولولي يا الملسقة حتى يعاودوها الاطفال و كل مرة كلمة وااااااااااااش ندييييييير

[نار الشوق]

نخبط راسي للحيط ولا كلام الناس يدمرلك حياتك !!!!!

حسبت بلي رايحة تقولي عندك مشكل صحي ولا مشكل مع زوجك

إذا كان زوجك راضي على شكلك والله ما فهمت وش تديري بكلام أهلو عن شكلك الخارجي !!!!!

[يوسف سرار]

من وجهة نظري ان النحافة تزيد من جمال المرأة أفضل من السمنة و السمنة فيها الكثير من السلبيات منها انها تفتح الباب للأمراض الخارجية اختي في الله لا تدعي كلامهم يستفزك إذا كثروها عليك اقصفيهم نتي ثاني بالضعف قوليلهم سمان الباب مايكفيكمش باش تمرو منو ههه على الاقل ماتبينيش بلي راكي ضعيفة قدامهم حتى في الرد

[sousou 5]

يا اختي راجلك قابل بيك وش يهمك فيهم ارضاء الناس غاية لاتدرك

[mzipaypal]

كلام الناس ليس إلا موجات صوتية لا تأثر على صحة الانسان إلا إذا أكثر من التفكير.
إصبري عليهم وما يهمك فقط هو زوجك.
بالنسبة لسؤالك حول النحافة وحسب المقياس العالمي :
نقوم بقسمة الوزن على مربع الطول بالسنتمتر أي
54/(1.67*1.67)=19.36
- إذا كانت القيمة أقل من 18.6 يكون الشخص نحيف.
- إذا كانت القيمة مابين 18.6 و 24.9 يكون الشخص طبيعي.
- إذا كان القيمة أكبر من 24 يكون الشخص بدين.

أنت شخص طبيعي.

[bazzeftv]

ليس المشكل في جسمك و انما في ضعفك
لازم تكوني قوية وماتخليهمش يغلبوك بالهدرة، عموما 1،67 و وزن 54 ليس بالسئ بالنسبة لفتاة لكن الهدرة تاعهم خلاتك قليلة الثقة في نفسك
ربي يكون في عونك

[صمت الرجوله]

غريب...بما انك امراة فوزنك ما شاء الله مناسب
راهم غايرين منك برك خطاركش هم سمان

[ام شفيق]

يعطيكم الصحة على الردود و المشكل ليس ثقة بالنفس لانه كامل يقولو لزوجي عندها ثقة بالنفس و شخصية قوية المشكل انو هدرتهم اثرت في زوجي رجع يقولي راكي مشيانة بزات و احيانا يعاود هدرتهم و انا قدامهم نتعامل ببرودة و استهزاء بصح تغيضني حتى ما يجينيش النوم خاصة قدام زوجي انشاء الله تفهموني و شكرا الف مرة

[مصطفى_س]

تأكدي ان الصحة هي كل شيء لا يهم الطول او العرض ،ما دمت بصحتك بالعكس اشكري الله كثيرا و حتى في صلاتك
و كلام الناس لا ننكر ان له تاثير في نفس الفرد و لكن يجب ان تكون الثقة بالله اكبر من الاستماع لهم
عن زوجك حفظكما الله حاولي ان تقنعيه انك بخير و النحافة ليس مرضا ما دمت لا تشتكين من اي شيء و لله الحمد ،و لا حرج في محاولة ايجاد مؤكولات او اعشاب تفتح الشهية كالخس و الحلبة ...الخ

اسأل الله ان يرزقك السعادة في الدارين و ان يحقق امانيك

[أم_فراز]

السلام عليكم
الحلبة مفيدة. توجد اعشاب كثيرة اسألي عند بائع الاعشاب مثلا حب العزيز. الأملج ..الاهم انك تكوني بصحة جيدة ولا تشتكي من اي مرض

[أم_فراز]

توجد كذلك مسمنات تباع واستفادت منها نساء كثيرات ولكن إحذري المغشوشة او المقلدة.

[Desert Man]

اختي الكريمة هناك الكثير من الخلطات الطبيعية التي تزيد من الوزن في شهر فقط

[paloma.laila]

koli lhalba otshufi ila matzidi flawzan basah kitjo3i darbi a3la rasek lmakla lakhater ila fat fik jo3 darek lma3da o nahafa rahe a la mode matadich fdak lbachar lima3ando maydir lokan ana lokan chabachthom wahda wahda

[walid malek]

الحلبة زينة لزيادة الوزن

[mino 13]

كي ديري عليهم راك تبيني لهم انك مستاءة من الكلام وكلامهم وصل
لو ديري روحك معلابالكش هوما فى نفسهم يحسبو بلي راكي فايزة عليك
... كي يعايروك ديري روحك لم تسمعيهم ودوك تشوفي مع الوقت

[شمس الدين.]

وزنك مثالي جدا يا أختاه
وبالنسبة للأخ اللي قالك ردي عليهم بالمثل نقولولو ربي يهديك
ردي عليهم بالحسنى وبيني لهم أن السمنة أمر غير صحي
وتأكدي أن هناك الملاين عبر العالم يحلمون بجسم مثل جسمك
الحمد لله على كل حال.

[ام شفيق]

يعطيكم الصحة على الردود بصح قلولي عييت معامهم ترد على الناس الي تفهم ماشي الجاهلين ما تقدرش حتى تناقشهم و ثان ما نبينلهمش بصح تغيضني و الخلطات نخاف و ما لقيتش كاش وحدة مجربة تفيدني و الي قالولي على الحلبة رجاء كيفاش نديرها ولا الي يعرف كاش دواء او خلطة ما تضرش و يعطيكم الصحة مليون مرة

[salah ozil]

اطرحي سؤالك في قسم النساء اتمنى ان تجدي حل

[الرميصاءْ]

الخلطة 1 -كاس حليب زيديلو مغرفة صغيرة حلبة وزيدي شوية حلوة الترك واشربيه ديريها 3خطرات في النهار رايحة تفتحلك الشهية وترجعي تاكلي في كل وقت

الخلطة 2-مربي الكرموس زيديلو مغرفة كبيرة زيت الزيتون وزيديلو 2مغارف صغار حلبة وكولي مغرفة كبيرة 3مرات في النهار

الخلطة 3 -رطل عدس مقلي ومرحي +خلطيه مع نص رطل حمص مقلي ومرحي وزيدي شوية جلجلانو شوية حلبة وشوية حب العزيز ارحيه راه يتباع عند العطار وخلطيهم مع مربى الكرموس وديريهم في الثلاجة وكل معرفة كبيرة 4مرات في النهار
بصح خاصك داومي على الخلطة لي ديريها حوالي 3 اشهر تبان النتيجة وربي يفرج عليك
ماتنسايش تدعيلي ربي

[karimtito]

ولله السمنه سيىئه جدا جدا. وفيها اضرار بزااف. اظن ان. الوزن. مثالي. ربي يجيب الي فيه الخير

[ام شفيق]

الخلطة 1 -كاس حليب زيديلو مغرفة صغيرة حلبة وزيدي شوية حلوة الترك واشربيه ديريها 3خطرات في النهار رايحة تفتحلك الشهية وترجعي تاكلي في كل وقت

الخلطة 2-مربي الكرموس زيديلو مغرفة كبيرة زيت الزيتون وزيديلو 2مغارف صغار حلبة وكولي مغرفة كبيرة 3مرات في النهار

الخلطة 3 -رطل عدس مقلي ومرحي +خلطيه مع نص رطل حمص مقلي ومرحي وزيدي شوية جلجلانو شوية حلبة وشوية حب العزيز ارحيه راه يتباع عند العطار وخلطيهم مع مربى الكرموس وديريهم في الثلاجة وكل معرفة كبيرة 4مرات في النهار
بصح خاصك داومي على الخلطة لي ديريها حوالي 3 اشهر تبان النتيجة وربي يفرج عليك
ماتنسايش تدعيلي ربي
ربي يحفضك والله يعطيك ما تتمناي انشاء الله

[ام شفيق]

ولله السمنه سيىئه جدا جدا. وفيها اضرار بزااف. اظن ان. الوزن. مثالي. ربي يجيب الي فيه الخير

قال الرسول عليه الصلاة و السلام (اعوذ بالله من القبر الدسم) و قال ( نحن امة لا ناكل حتى نجوع و اذا اكلنا لا نشبع ) يا اختي انا لي راني معاهم خلعوني ما يحبسوش من الاكل في الليل تبات الماكلة عند راسهم و هوما تخلعو فيا قالك ما شفناش وحدة تاكل بالوقت و كيفاش ما تجوعيش و كيفاش راكي واقفا و راكي تمشي و الحليب ما فيكش كيفاش ترضعي ضيعتي اولادك و ما نزيدش نعييلك قلبك الله يجيب الخييييييير

[نور لاتراه]

كلام الناس ليس إلا موجات صوتية لا تأثر على صحة الانسان إلا إذا أكثر من التفكير.
إصبري عليهم وما يهمك فقط هو زوجك.
بالنسبة لسؤالك حول النحافة وحسب المقياس العالمي :
نقوم بقسمة الوزن على مربع الطول بالسنتمتر أي
54/(1.67*1.67)=19.36
- إذا كانت القيمة أقل من 18.6 يكون الشخص نحيف.
- إذا كانت القيمة مابين 18.6 و 24.9 يكون الشخص طبيعي.
- إذا كان القيمة أكبر من 24 يكون الشخص بدين.

أنت شخص طبيعي.

السلام عليكم
بارك الله فيكم على هاته المعلومة والتحليل المنطقي
جزاكم الله خيرا