تسجيل الدخول

مشاهدة النسخة كاملة : سلكوني يا حراير راجلي قريب يحاوزني بسبب ...

amani32
2016-12-18, 00:53
والله ما عرفت واش نطيب راجلي ما يحبش نطيبلو بالطماطم المصبرة ويحب الحبوب والمعجنات ولي سوب
يقول الطماطم توجعو فالمعدة واحنا ناس البيض نطيبو غير بالمصبرة ويليق تجي المرقة حمرا
سلكوني واعطوني وصفات بالخضار وصفات ارز وحبوب ولحم ومافيهمش الطماطممم المصبرة
أم يوسف2
2016-12-18, 06:57
سلام بسيف باه دخلت الويفي دارها بيا رآه يروح ويجي
المشكل تاع الطماطم المصبرة كان عندي بصح لقيت الحل ووليت نستعملوا فلي صوص ويجي حمر والمذاق حلو على خاطر دار شيخي مايحبوش صوص حمرا بزاف ولا الحموضة
شريت كمية كبيرة من الفلفل الاحمر (طرشي) غسلتو وفورتوا مليح وامبعد خليتوا ليلة كاملة يقطر فالكسكاس بعدها رحيتوا مليح فالروبو تحبي ديريلوا الملح والعقاقير تحبي لالا قسمتوا في علب وغلقت عليها ودرتها فالمجمد ولي نستعملها نديرها فالثلاجة لتحت وكل ما نطيب ندير حسب الحاجة الصوص تجي حمرا. وماتجيش فيها الحموضة وحتى صلصة البيتزا نخدم بيها ادا عجباتك الطريقة قوليلي وادعيلي برك والوصفات اكيد الاخوات راح يفيدوك
amani32
2016-12-18, 08:43
ربي يحفظك على الرد
amani32
2016-12-18, 08:44
صاحيتي رايحة نجربها
حياة نور الدين
2016-12-18, 09:03
اهلااا اختي تقدري طيبي بالطماطم المصبرة وديري معاها مغرف سكر تنقصلها الحموضة
او تستعملي طماطم طازجة وتكون حمرا مليح ترحيها وديريها طيب حتى تنشف من ماها وتعطيك طماطم انت صبرتيها وطيبي بها مع شوية فلفل احمر حلو
وفكرة ام يوسف ثان مليحة تجيك المرق عاقد واحمر
وربي يسهلك اختي
nihal159
2016-12-18, 09:30
أنا نستعمل الطماطم الطازجة خاصة في فصل الصيف تكون شابعة شمس و حلوة وناقصة فالحموضية؛ نغسلها و نفورها و نخليها تقطر فالكسكاس حتى تبرد و من بعد نرحيها في الروبو و نزيد نصفيها على السيّار الرقيق باش نحي القشور و البدور و نتحصل على صلصة صافية؛ نزيد نحطها في كوكوت فوق النار حتى تنشف مليح.
في العجائن تقدري ديري تليتلي بالمرقة بيضاء و تريدة بالمرقة بيضاء.
أيضا كاين بزاف أكلات بالمرق الأبيض خاصة أطباق الدجاج و الكفتة.
نار الشوق
2016-12-18, 12:01
عليكم السلام ورحمة الله

الطماطم المصبرة أنا ما نستعملهاش بزاف وما نحبهاش، نحب كلش طبيعي

نستعمل الطماطم حب ولا طرشي حمر كيما قالتلك أم يوسف

وقد ما تتفاداي المعلبات والمواد الكيميائية يكون أكلك صحي أكثر



(غ((تى
نغىمغ((
ه ىتغتتةا غت ن

هادي بنت ختي هبلتني باش نخليها تكتب ههههه
amani32
2016-12-18, 21:15
ليوم درت خضار ودجاج في كيس بلاستيك في الفرن بعدما فورتهم وتبلتهم عجبوه
crono
2016-12-19, 15:01
مساء النور عندي نفس المشكل مع زوجي:o انا نستعمل الطماطم حب وكي نطيب بالطماطم المصبرة نديرمعاها زوردية مرحية مع مغرف سكر تنقص الحموضة
.ريحانة.
2016-12-19, 15:44
ربي معاك اختي
omkamel
2016-12-19, 23:01
سلام اختى خلعتينى ربي يحفضلك ماعندك نفس المشكل زوجى مايحبش الحماضة فى الماكلة سوفريت مع الاول ثم لقيت الحل هو كيما قالت الاخت نجمد الطماطم الحمرة بكميات ونستعملها ونستعين بالفلفل الاحمر حلو وحار للبنة والون عصفورين بحجر واحد وندير كمية قليلة من طماطم المصبرة لما تغلبني الحماضة تاع الطماطم تاع الحب ندير شوي سكر والاخوات راهم خبيرات انشاء الله تلقاي ضالتك حبيبتى وربي يسرلك امورك
amani32
2016-12-21, 00:01
صاحيتو على النصائح
zinna
2017-02-13, 23:43
يعطيك الصحة ام يوسف ربي يهنيك