الزواج بالثانية

[houda_jijel]

السلام عليكم
اخواني حابة نطرح موضوع معليش بالدارجة باه نوضح احسن
واش رايكم في الرجل اللي دخله مش كافي لتغطية حاجات ابنائه و زوجته ضروريات مش كماليات و يبحث يكفل ايتام بشرط تكون امهم حية و يتزوجها
هل هذا حاب صح يكفل الاولاد ولا يتزوج بثانية
و كيفاه يمرر عيشة زوجته الاولى باه يلقى سبة باه يتزوح
و كذلك كل ما يتزوج واحد من اولاده يبدا يهدر عل. الزواج و اللي يغيض المشاكل و الصراخ اللي يفتعلها باه يتزوج

و المشكل انو رجل مصلي و لديه من الاخلاق ما لا تخفى على الكل

يعني وصلت بينا الدرجة باه نممرو عيشة الاخرين باه نزعم انو نطبق كتاب الله و التعدد
اسمحولي كلماتي مشتتة

[mariamalak]

يا اختي انا لست ضد شرع الله صح الشرع حلل 4 بصح مشي على حساب الزوجة الاولى و الاولاد
يعرفو الدين غير فالزواج كون يتهلى فالاولى و يساعدها و يوفرلها كل شيء تعوضو على الدنيا و ما فيها ما يحتاج لا زوجة ثانية لا غيرو
ويلا غاضوه الايتام يساعد كاش واحد عازب باش يزوج بالرملة هكا يدي اجرين

[muhibbat rrasoul sws]

السلام عليكم و رحمة الله و بركاته

الحق يا أختي أنه يحق له أن يتزوج ما طاب له إنما الحكم الشرعي فيمن في حالته المادية لا أدري.
رأيي في هذا الشخص أحتفظ به لنفسي، إنما الحق أني سمعت منذ سنين الشيخ ناصر الدين رحمه الله يقول أن الرجل و ان لم ترض زوجته الاولى له أن يعدد فقالوا له فان ذهبت؟ قال بمعنى : فلتذهب

واش نقولك يا أختي، الدنيا فانية و الزوج و الأولاد و و و ... كلهم متاع غير دائم نحرقوا قلوبنا عليهم و لن نأخذ إلا ما كتبه الله لنا.

الله يعينك

أما من تقول لو يحفظ حقوق الأولى، فأقول لها الغيرة أمر كائن حتى مع العدل و قد كانت بين أمهات المؤمنين و هن تحت عصمة الحبيب المصطفى صلى الله عليه و سلم. و شخصيا أومن أن هناك نساء لا طاقة لهن بهذا الامر و منهن من لا تبالي كثيرا و هن بين ذلك درجات.

السلام عليكم و رحمة الله و بركاته

[om nour elyagine]

السلا م عليكم خليه يهدر حتى يشبع واذا دارك وحدك باسمك خليه يتزوج شرط ماتشوفيها ماتشوفك عيشي مع اولادك بين بناتك ماتتقلقيش خليها على ربي استغفري بزاف