المساعد الشخصي الرقمي

مشاهدة النسخة كاملة : إستفسار بخصوص موعد مسابقة متصرف في الهيئة العمومية

sec 88
2016-12-14, 17:28
السلام عليكم و رحمة الله تعالى و بركاته

عندي إستفسار بخصوص مسابقة متصرف على أساس الإختبار التي نظمتها هيئة عمومية .( هكذا مكتوب في الاعلان . فقط هيئة عمومية ) أرسلت الملف عبر البريد قبل مدة

هل هناك من شارك أيضا . و هل بدأروا في إرسال الاستدعاءات ؟

و للذين شاركوا في هذه المسابقة من قبل . هل يرسلون إستدعاءات المشاركة عبر البريد أم يتصلون هاتفيا . و أين تجرى المسابقة . و شكرااا
كواسر 09
2016-12-15, 21:32
ماهي هذه الهيئة العمومية ؟

أنا أرسلت الملف عبر البريد مع إشعار بالوصول ريكوموندي -

و الإشعار بالوصول لم يعد يعد
eDigiLife
2016-12-17, 18:23
شكرا لك اخي الكريم
كواسر 09
2016-12-18, 14:03
لا جديد ...
sofianooo
2016-12-18, 15:05
علاش راكم مقلقين ياك اجال التسجيلات ومازال ماخلاصتش
كواسر 09
2016-12-19, 12:09
علاش راكم مقلقين ياك اجال التسجيلات ومازال ماخلاصتش

وقتاش أخر أجل ؟
نورمالمون خلاص فاتو 20 يوم
sofianooo
2016-12-19, 15:03
وقتاش أخر أجل ؟
نورمالمون خلاص فاتو 20 يوم
اليوم 19 ديسمبر هو اخر اجل
احسب 20 يوم عمل ابتداءا من 21 نوفمبر اي تاريخ الإعلان في الجريدة
sec 88
2016-12-19, 17:49
اليوم 19 ديسمبر هو اخر اجل
احسب 20 يوم عمل ابتداءا من 21 نوفمبر اي تاريخ الإعلان في الجريدة

أنا شفت الاعلان في موقع الوظيف العمومي . تاع الجريدة حوست عليه ملقيتوش .... معيش تعطيلنا الرابط تاعو او الصورة باش نتأكد من الملف المطلوب . خاطرش انا بعثتو على الزهر
sofianooo
2016-12-19, 20:43
أنا شفت الاعلان في موقع الوظيف العمومي . تاع الجريدة حوست عليه ملقيتوش .... معيش تعطيلنا الرابط تاعو او الصورة باش نتأكد من الملف المطلوب . خاطرش انا بعثتو على الزهر
http://www.3rbz.com/uploads/b50d9e44de331.jpg
عبد الرحمان 1111
2017-01-07, 10:05
هل هناك جديد بخصوص هذه المسابقة

أنا أرسلت الملف عبر البريد (ريكوموندي ) . و مازال مارجعش الاشعار بالوصول حتى نعرف انهم حكموا الملف

من وصله الاستدعاء او عنده جديد بخصوصها يخبرنا و شكرا
عبد الرحمان 1111
2017-01-08, 11:08
اليوم إتصلوا بي و قالوا يوم 15 جانفي تجوز entretien في دالي ابراهيم
.
لكن الإعلان فيه المسابقة على أساس الإختبار . يعني يكون كتابي . و هو قالي تجوز entretien

و حتى الملف اللي بعثناه في البريد كان عل اساس انها على أساس الاختبار ....

هل هناك من اتصلو به أيضا
wahabus
2017-01-08, 15:01
راك وسوستني . انا قالولي لو 16.

نتا واش من poste خيرت !!!
عبد الرحمان 1111
2017-01-08, 15:37
نتا تان راك وسوستني ههههههه ... بصح قادرين يديروها في اكثر من يوم

أنا متصرف اداري
.
بصح كاين حاجة في الاعلان قالوا على اساس الاختبار اومبعد يقولك تجوز entretien ؟؟

لو كان قالوا من الاول على اساس الشهادة هكذا نبعثوا شهادات الخبرة المهنية مثلا ...... انت الملف تاعك واش بعثت فيه ؟
wahabus
2017-01-08, 15:56
هههه انا تان متصرف. surement ana ma sma3tch mli7. نروح لو 15
بعثت دوسيي على اساس الاختبار(ديبلوم + imprimé + résidence )

بصح عادي موالفين يديروا هكا. يقولك على اساس الاختبار و كي تروح تجوز يديرلك entretien فقط

ياك داخل جامعة دالي براهيم ?!!!

واش من ليسانس عندك !!!
عبد الرحمان 1111
2017-01-08, 16:48
بصح المعايير ليس نفسها في المسابقتين . على أساس الإختبار يتعمدون فقط على الإختبار الكتابي
أما على أساس الشهادة يعتمدون على الخبرة المهنية . معدل المسار الدراسي . المقابلة .... الخ .
يعني كان من المفروض يقولوها من الاول باش المترشحين يبعثوا الملف كامل . و مايخسروش النقاط
.

ايه في جامعة دالي ابراهيم في ufc كي تدخل للجامعة تلقاها على لادروات نورمالمون

عندي ليسانس حقوق
wahabus
2017-01-08, 17:06
راني معاك 100% بصح راك علابلك التوظيف في الجزائر....

انشالله نكونوا من الناجحين

بالتوفيف اخي
عبد الرحمان 1111
2017-01-08, 17:22
إن شاء الله
sab-lam
2017-01-08, 20:25
نخلعكم شوية ههههههههه
جوزتو العام اللي فات و الهيئة هاذي هي الرئاسة و المقابة كل نهار يجوزو شوية و نهار تدخل للجنة تتشوكاو ههههههه اللجنة فيها اكثر من 7 اشخاص من بينهم اساتذة في جامعةدالي ابراهيم و اشخاص من الرئاسة و الاسئلة مانحكيش يسقسيو على الدومان و التقافة العامة اللي عندها علاقة بالدومان و قبلما تكمل تجاوب الآخر يسالك ماكاش رحمة و الخوف و الارتباك غير نحوه و اللي يرتبك ما يقدرش يجاوب و يزيدو يزيروه كونو هادئين و سور جاوبو اللي عرفتو و اللي معرفتوهاش الله غالب واشنو كي ما تجاوبوش ما ترتبكوش عادي .... و هادي الرئاسة العام اللي فات طلبو 13 متصرف و ما صحتلناش :(
wahabus
2017-01-08, 23:08
بطلت ما نروحش :(

واش من poste جوزتي لعام لي فات ؟؟؟

شحال مدة المقابلة ؟
sofianooo
2017-01-09, 11:38
كايينة مقابلة قبل الإمتحان الكتابي
عبد الرحمان 1111
2017-01-09, 11:50
نخلعكم شوية ههههههههه
جوزتو العام اللي فات و الهيئة هاذي هي الرئاسة و المقابة كل نهار يجوزو شوية و نهار تدخل للجنة تتشوكاو ههههههه اللجنة فيها اكثر من 7 اشخاص من بينهم اساتذة في جامعةدالي ابراهيم و اشخاص من الرئاسة و الاسئلة مانحكيش يسقسيو على الدومان و التقافة العامة اللي عندها علاقة بالدومان و قبلما تكمل تجاوب الآخر يسالك ماكاش رحمة و الخوف و الارتباك غير نحوه و اللي يرتبك ما يقدرش يجاوب و يزيدو يزيروه كونو هادئين و سور جاوبو اللي عرفتو و اللي معرفتوهاش الله غالب واشنو كي ما تجاوبوش ما ترتبكوش عادي .... و هادي الرئاسة العام اللي فات طلبو 13 متصرف و ما صحتلناش :(

و العام لي فات تان كان على أساس الإختبار و داروه entretien ؟

حنا نورمال منتخلعوش رانا موالفين :cool:
و هذا العام ماشاركتيش. وقيل مازلتلك الخلعة تاع العام لي فات :D
عبد الرحمان 1111
2017-01-09, 11:55
كايينة مقابلة قبل الإمتحان الكتابي

يعني بعد المقابلة يختارون مترشحين لإجتياز الكتابي . هكذا ؟؟
taibi2017
2017-01-09, 19:02
*=== (( ما يلفظ من قول إلا لديه رقيب عتيد )) ===*
sab-lam
2017-01-09, 20:07
سلام هههههه وي مازالت الخلعة علابيها ماحتيتش هاد العام ههههه
المهم لعام اللي فات تاني قالو كتابي و في الاخير شفهي و مور الشفهي الله اعلم الا دارو كتابي ولا لالا بصح ماشكيتتش اناجوزت متصرف و المدة واحد 15 د او اكثر
sofianooo
2017-01-10, 00:33
يعني بعد المقابلة يختارون مترشحين لإجتياز الكتابي . هكذا ؟؟

نعم، انا سقسيتهم قالولي بعد المقابلة ينظم امتحان كتابي
عبد الرحمان 1111
2017-01-10, 12:40
ya3tikoum essaha
wahabus
2017-01-15, 13:05
السلام عليكم

svp خاوتنا لي جوز ليوم يحكيلنا كيفاش جازت

شكرا
wahabus
2017-01-15, 19:01
هل من مجيب ؟
عبد الرحمان 1111
2017-01-15, 21:56
السلام عليكم

svp خاوتنا لي جوز ليوم يحكيلنا كيفاش جازت

شكرا

و عليكم السلام و رحمة الله تعالى و بركاته

جازت ماتشكرش :D:confused:
حنا اليوم كنا كلنا تخصص حقوق . تدخل تلقى أعضاء اللجنة فيها حوالي 9 أعضاء . ... توقع يسألوك عن أي شيء درسته في الجامعة ( القانون الإداري أو الدستوري أو المالية . المجلس الشعبي البلدي . القانون العضوي . الهيئات الإستشارية في الدستور . تعديل الدستور .... الخ من الأسئلة ) أو أسئلة عن عملك إذا كنت موظف أو عامل
.
و الشخص المكلف باستقبال المترشحين هناك قالنا المقابلة مازالت مستمرة حتى يوم 26 جانفي (و هذا معناه وجود عدد كبير من المترشحين)

و ماشي لازم تكون تما على الثامنة صباحا . تقدر تدير شوية روطار .. كي توصل يعطيك رقمك و تتنتظر دورك . إذا حبيت تفريها على بكري روح صباح واحكم رقم مع الاوائل

ربي يوفق
wahabus
2017-01-15, 22:58
:( انا نسيت كامل واش قريت

مشكور على الرد

ليلة سعيدة
manil.didi
2017-02-06, 21:27
وكانه امتحان العمر يا سلام
كواسر 09
2017-02-17, 19:42
السلام عليكم

اتصلوا بي من أجل اجتياز الامتحان الكتابي و الدي سيكون يومي 19 و 20 فيفري

هل هناك من ااتصلوا به أيضا
كواسر 09
2017-02-23, 17:34
واش اللي جوزتوا الشفهي معيطولكمش للكتابي وقيل :rolleyes:
.


المهم . هذه الأسئلة التي طرحت في الكتابي

الثقافة العامة

http://www2.0zz0.com/2017/02/23/19/740697158.jpg

التخصص

http://www3.0zz0.com/2017/02/23/19/824595444.jpg

اللغة الأجنبية . الإنجليزية و الفرنسية

http://www7.0zz0.com/2017/02/23/19/365299799.jpg

http://www10.0zz0.com/2017/02/23/19/910224050.jpg