هل أخطأت لأني سامحت؟

[مشكلتي]

السلام عليكم
انا صاحبة المشكلة
http://www.djelfa.info/vb/showthread.php?t=1991340

بعد مرور 3 اشهر اتصل بي هذا الصديق وقمت بصده ولم ارد التكلم معه وكنت منذ ذالك الوقت اللي جرحتي فيه عملت له بلوك على الفيس ومسحت رقمه ،اراد التكلم معي ورفضت وقلت له مستحيل اتكلم معاك و مثل ما تغيرت علي من غير سبب ومسحت صداقتنا برغبتك لا مكن ان ترجع هذه الصداقة برغبتك والتلاعب بالمشاعر يوجع ويجرح.
اعترف بغلطه وقال كان عنده ظروف وطلب اسامحه وانا رفضت وقلت له لا تكلمني وامسح رقمي ،ساعتين بعدها كلمني وقال ارجوك سامحيني وانت نسانة طيبة ويلريت تقبلي اعتذاري
سامحته وقلت له اسامحك كن لن انسى الالم اللي تسببت لي فيه وربي يعيشه لك ان شاء الله.
اتصل بيا يوم المولد النبوي وكلمته دقيقتين وحس اني ماش حابة نتكلم.تعاملت ببرودة.
احساسي الان اني ندمانة اني قلت له سامحتك ولوكان صديتك وخلاص وخليته يموت حسرة
مع انه من يوم اللي رجع يكلمني عمري ما انا اتصلت هو اللي يتصل وحاس بلي تغيرت عليه لكن نظمت اللي سامحت وقلت المفروض مانقيمةش كامل.
صاحب القلب الابيض والله ما يعرفولو قيمتو ندمت ندمت.

[نورسين.داية]

كاشما بيناتكم قوة إلزامية أو عقد شراكة في تجارة ما أو ما شابه ؟؟؟؟؟؟؟؟؟؟؟؟؟؟؟؟؟؟

ماش عارف بصح حاسة كأنك عندك إتجاه هذا الإنسان إلتزام ما ؟؟؟؟؟؟

أنا تبانلي يضرب راسو على الحيط .............ماذام ماعنديش صلاح فيه إداري ....تجاري ....دولي .....داعشي ...

[مراد سابقا]

نعطيك نصيحة من مجرب

في الوقت لي رانا فيه لي غلط معاك متسامحيهش لأنوا اذا سامحتيه راح يديرلك عفسة اكثر من الأول

ثانيا : واحد كي تعاديه جامي تولي تهدري معاه ما تدري واش يخططلك في المستقبل

[نورسين.داية]

صحة و لي تجمعك معه علاقة إدارية أو سلمية ....ههه ؟؟؟

[المهاجرة لربها]

السلام عليكم و رحمة الله و بركاته

اختي علاقتك من الاول خاطئة لماذا تتعبين نفسك بالتفكير في الامر و بالرجوع للماضي اتركيه على الله ماذا سيفيدك الندم ان سامحته ام لا تسامحيه
كان لك ان لا تفكري بهذا الامر ابدا بل اعملي على ان تصلحي موقفك و ان تتجاوزي هذه المشكلة
هو لم ينكر انك طيبة و قلبك طيب و بما انه لم يحس التصرف فأنت ربما تستحقين افضل منه

لكن اختي اريد ان انصحك ان اردت حقا الصداقة فلا صداقة بين الانثى و الذكر من صداقة بعد الزواج و من المفترض اختي ان تفكري كيف تمتنعي عن التفكير فيه و ان تبتعدي عن مصادقة الرجال لان هذا حرام فمشكلتك ليس بكونك انك قد سمحته ام لا بل مشكلتك تكمن في ان تعيدي التفكير في الامر و ان تراجعي نفسك بخصوص هذا الامر هذا من المفروض ما كان بودي ان تكون لك كمشكلة و تريديننا ان ننصحك بها و الله يا اختي لست اقول كلامي هذا لكي اغيضك او ازعجك لكن لحرصي و لخوفي عليك ان تقعي اكثر في الاخطاء و لست اهينك معاذ الله لا اسمح لنفسي لكن فقط اردت لك الخير و النصح
ربما يكون كلامي في بدايته مؤلم بالنسبة لك و قاسي لكن تأكدي اختي انني اردت ان استفيقك من غفلتك و ان ما يقال (لا تأخذ بنصيحة من يضحكك ففي الاخر سيضحك عنك لكن خذ بنصيحة من يبكيك لانه في الاخر سيبكي معك) هذا هو قصدي من تعليقي
لكن بالنسبة لموضوعك اعرف تماما انك تريدي ان تحسسي ذلك الرجل بما احسست به من هزيمة و خداع لكن اقول لك نصيحة اتركيه لربك هو العادل لكن انت فقط اهتمي بنفسك و اصلحي حالك و توبي الى الله و سيرزقك الله الزوج الاحسن منه ان شاء الله بحلاله و يبعدك عن الحرام

لا تنزعجي اختي من كلامي و الله لا اقصد ايذائك لكن على محمل الجد علقت بمشكلتك و اردت ان اقترح عليك حل افضل من ان تسامحيه او لا تسامحيه اتركيه و شأنه و صفي فكرك و قلبي الا لله سبحانه و تعالى اتمنى لك التوفيق و الخير و ان يرزقك على طيبتك و طيبة قلبك من يستحقك بالفعل و ان يكون رجلا مناسبا لك يحمل من الخصال و الصفات ما تتمناه كل فتاة مسلمة بالتوفيق اختي ان شاء الله

[white-heart]

المهاجرة لربها كفت ووفت
الله يحفظك وكلامك دواء وصاحبة المشكبة لازم تتقبله لانه كلام من القلب ومن اخت لاختها في الله.
فعلا في هاد الزمان طيبة اصبحت عيب لكن المسامح كريم وربي يخلص كل واحد على حساب نيته

[زهرة الاوراس]

باختصار انتي مخطئة ماش لانك سامحتيه بل لانك تكلمي في شخص دون اي هدف او رابط شرعي معه.. ولمعلوماتك انو يكلمك خاطر عجبوه الهدايا الي بعتيهوملو وحابك تزيدي تبعتيلو هدا مكان.. ما فائدة كلامكي معه؟ اسالي نفسك ستجدين انه يتسلى معك وانتي تتعلقين به.. وفي اخر المطاف.. سيرحل.

[first first]

ماتمديلوش اكبر من حجمه .......................او بالاحرى انت اعطيتي العلاقة اكبر من حجمها
هني راسك اختي واش صرا اصلا حتى تسامحي؟
سامحي نفسك انك عذبتها وفرات ......................والدنيا دروس


ويبقى كلام الاخت المهاجرة لربها هو الصح وما يجب ان يقال

[زبدة ذايبة]

نطرح عليك سؤال وكوني صادقة في الرد

يا هل ترى لو كنتي متزوجة ديري هذ العلاقة من الأساس؟؟؟؟؟؟

مانظنش ولا أعتقد أنك تفكري فيها نهائيا

بالتالي

المنطلق تاعك غالط 100% هذاك الراجل ماتربطك بيه حتى علاقة وش اداك ليه ؟؟؟؟؟

وزيد دخلتي في موضوع القلب الأبيض وما القلب الأبيض ونسامح ومانسامح

وهدرت معاه من فوق القلب دقيقتين برك ووووووو

هذا خرطي كبير درتي روحك فيه وصدقتيه

سميتي الأشياء بغير أسمائها واعتقدتي أنك تمشي على الطريق الصحيح

ياحبيبتي هذه منعجرات تقودك للهاوية

الحمد لله اللي هذا الراجل ماقامش باستغلالك أكثر

جاتك بالاك في شوية زيت زيتون بعتيهالو ولا كاش حاجة من التراث الجزائري

والحمدد لله اللي خلاك ودور ظهرو عليك وماحبش يكمكل في لحكاية معاك

خاصة أنك راكي تصدقي العلاقة بوجود العلاقة مع الرجل !!!!!!!!!!!!!!

رانا متزوجين بيهم هذي سنوات ومرات يخلطولنا لحساب

ياوين ماعندك حتى علاقة بيه شرعية

انت في حقيقة الأمر ارتبطتي بيه عاطفيا وكنتي متوقعة يبادلك نفس الشعور

وماكنتيش قادرة تخليه. وهو بكل بساطة انت ماتعنيلوا حتى حاجة

وهو ماغلطش معاك. دار وش يملي عليه قلبوا هو أنك ماتعنيلوا والوا

وإذا هدر معاك مرة ولا زوج هو من باب المعروف اللي درتيه معاه

عالقضيان اللي بعتيهولوا. ماحبش يقطع معاك مباشرة

يا أختي الكريمة راكي غالطة من ساسك لراسك

خلي وليد الناس يعيش حياتوا واقطعي هذ العلاقة اللي أنت أسستيها وبنيتيها وظنيتي رايحة تكمل بالطريقة اللي راهي في راسك

هو ماخدعك ماظلمك. ممكن يكون هدر معاك في فترة معينة في ظرف معين لكن بدون خلفيات اللي بنيتيها في راسك

في موضوعك تسألين هلى أخطأتي ؟؟؟؟؟؟

أنا نقولك من البداية غالطة.

لاالشرع يبيح الاختلاط بالرجال ولا معاكستهم ولا مساعدتهم ولا التدخل في شؤونهم

عندما تصبحين زوجة يكون كل هذا من واجباتك الزوجية ونهار ماتقصري فيه تكوني آثمة

عاودي راجعي نفسك مازالنا مسلمين جزائريين ماعندناش العلاقة بين الرجل والمرأة إلا في إطار الزواج

وهذ تسامحيه وماتسامحيه ماعندها حتى معنى

انت ندمتي على كلامك معه لأنك مالقيتيش اللسان الحلو اللي كنتي تظني تسمعيه من عندو

ولوكان قالك هذا الشيء ماكنتيش تجي تكتبي هنا لأن مشكلتك تكون تحلت وماتحتاجيناش نجاوبوك

لكن لقيتي من طرف هذا الرجل الصد وعدم المبالاة لهذا حسيتي بقرصة قلبك وبندم يعصر قلبك

نعاودلك مرة ثانية

راكي غالطة. أنتي ماتعني والو لهذا الرجل خليه يعيش حياتوا بطريقتوا الخاصة واقطعي علاقتك بيه

لأنه رايح هو يقطعها . وتجي منك خير من اللي تجي منو على الأقل ماتمرضيش أكثر

نتمنالك التوفيق

[نار الشوق]

كنت سأٍد عليك

لكني زرت موضوعك الأول ورأيت أن الإخوة والأخوات لم يقصروا في الرد

شغلي وقتك بما ينفعك في أمور دينك ودنياك ودعك من هذه الأمور

يجي نهار تندمي فيه على الوقت لي راكي تضيعيه وتتحاسبي عليه

[nihade off]

لوكان صديتك وخلاص وخليته يموت حسرة ماتخافيش مايموتش حسرة كيما تهدريش معاه
و انتي راكي تربطي و تفكي وحدك وحدك ماكان حتى حكاية
قلتي في الاول صداقة عادي و امبعد وليتي تحاسبي فيه كي مايهدرش معاك كل يوم كي شغل مرته
و سبب مشكلتك ماشي طيبتك الزائدة و لا قلبك الابيض لأنه نتي اصلا معندكش مشكلة
بالتوفيق

[SOLOLITO]

لنفرض انه كما قولين يحسبك صديقته بمفهومك بغض النظر عن كل هذه التفاصيل ركزي معي مالذي سيفعله رجل بصداقة مع من لاتحل له ! لذا ليست هذه صداقة ابدا ولن افتيك فيها فالشرع واضح ومااحل او حرم ربنا شيئ الا لانه اعلم بنا من نفوسنا
لذا انت تعيشين فراغ عاطفي فحاولي ملئه لن اقول لك كيف لكن انت اعلم ربي ينير بصيرتك واياك من بناء مفاهيم خاطئة فانك في النهاية سترسمين خيالات اواقع لها والاسوا ستسعين ورائها وذلك سيجلب لك مشاعر سلبية ربي يفرج على خير

[أنور]

موضوع غريب فعلا ، وما الغرض اصلا من هته الصداقة مع شخص غريب ومن بلد آخر أصلا ؟

[tateb]

الشرع و الدين يقولان ان هذا الطريق غير محمود .............. و انى اشاطر الاخ انور و sololito و الاخت زبده ذايبه و انى اشاطر راى الاخت المهاجره الى ربها

[FELLA BIO]

أنت كلك خطأ ليس لأنك سامحته بل لأنك كلمته بالأساس حتى و إن كان ردك ببرود لا شئ يشفع لك تكليمه
إن كان لك عقل و ضمير و قلب ابيض حقا فلابد لك أن تلغي إي وسيلة لاتصاله بك

[sousourose]

يابنتي واش راكي تخرطي واش من صداقة راكي جاية تحكي عليها هنا قدام الرجال والحراير وراكي متأثرة منك بالصح، الله يهدينا ويهديك ياخي راكي جزايرية ولا رآني غالطة، ياخي راكي مسلمة ولا رآني غالطة، عندك أب وأهل ولا رآني غالطة ،أنا مافهمتش راكي تحكي من عقلك ولا تتمسخري، أنا شكيت فيك مراهقة كون غير قلت شحال في عمرك، على العموم طيشي عليك هاذ الموضوع وماتزيديش تردي على هاذ الشخص وانساي والهاي في حوايج مفيدة خيرلك من هاذ التمسخير

[متهور]

وددت أن أعرف كم عمر هذا الشخص وما هو هذا البلد الأجنبي؟؟؟

[jirardo]

أنا دوختني صح
ندمت علي سامحتوا
كنت معاه في علاقة ما بنية على حلال
ربي يهديك و أطلبي سماح من خالقك
بلاك هدا شخص استغل سداجتك لي هيا باينة

[nouri.tg]

Ask forgiveness of ALLAH

[nouri.tg]

يابنتي واش راكي تخرطي واش من صداقة راكي جاية تحكي عليها هنا قدام الرجال والحراير وراكي متأثرة منك بالصح، الله يهدينا ويهديك ياخي راكي جزايرية ولا رآني غالطة، ياخي راكي مسلمة ولا رآني غالطة، عندك أب وأهل ولا رآني غالطة ،أنا مافهمتش راكي تحكي من عقلك ولا تتمسخري، أنا شكيت فيك مراهقة كون غير قلت شحال في عمرك، على العموم طيشي عليك هاذ الموضوع وماتزيديش تردي على هاذ الشخص وانساي والهاي في حوايج مفيدة خيرلك من هاذ التمسخير

لا لا مش غالطة