همي كامل و رعبي والغول تاعي هو الدوال الدواااااااااااااال

[modest girl]

أنا مترشحة حرة من العنوان واضحة مشكلتي
مانفهم و مانفقه والو والو والو فالدوال
والله هذي مشكلتي فالرياضيات
والاستاذ نور الدين شهادة لله ربي يجزيه مي مانفهم والو منو ومانحملوش
شكون ينصحني ولا يفيدني بأي حاجا ربي يجازيكم ان شاء الله

[َA B D E R R A H I M]

شوفي الأستاذ محمد عندوا فيديوات في اليوتيوب القنات تاعوا سمها
prof mhd
و الدوال ساهلين نهاية مشتقة دراسة دالة مستقيمات مقاربة و اسئلة أخرى مكان والوا صعيب تفهم الدرس تعرف تحل التمرين

[SELLAMI FATHI]

المشكلة نتعك هي انك معندكش قاعدة ارتكاز يعني لازمك تعاودي تفهمي دروس نتع اولي ثانوي مجموعات اعداد و من بعدها راح تلقي مفهوم دالة فهمها مليح من بعد تلقي دوال المرجعية فهمهم من بعد روحي دروس السنة الثانية ثانوي تفهمي كثيرات الحدود وفهمي مركبة دوال وفهمي كيفاش تحلي معدلات ومتراجخات من كل الدرجات ومن بعد عاد قري نهايات وراح تحسي بلي دوال ساهليين

[امونة الامورة]

انت قانعة نفسك بلي متفهميش نو اقنعي نفسك بلي تقدري وان شاء الله تقدري ومن بعد روحي للي فيديو وهكا المهم انت اول حاجة اقنعي نفسك بلي تقدري وكفى وشوفي النتيجة

[JABER ELFATA]

الرياضيات في السن الأكبر من عشرين يعني وين يكون الواحد ثقيل ورزين لازملو أختي طرقة حل المشكلات ( تمارين ) والوقوع في المأزق هو لي يخليك ترجعي للدرس وتفهمي الالموضوع ، الرياضيات ما هي إلا مفاهيم تبعيهم مفهوم مفهوم وبإذن الله يحلها الله ، بالتوفيق .

[wahid10amrani]

لازمك تحوسي على صديقة تفهمك ..الرياضيات سهلة كي يفهمهالك صديق خاصة ان كان علمي ..

[اخوكم محمد]

ربي يوفقك ان شاء الله