ما رايكم في كوزينيار اونيام

[عاشقة النبراس]

اود شراء كوزينيار اونيام و اريد استشارتكم لأن هناك من قال لي بانها الاحسن وهي عند الكثيرين منذ سنوات لكن البعض قالو لي انها سيئة وجدتها ب 4 كوانين 35800دج .. ارجوكم افيدوني بسررررررعة و ربي يحميكم ويحفظ بيوتكم

[ام امير]

اناراه عندي هذه الماركة من حوالي 8 سنوات مايتقشر ما يصبغ ماركة مليحة المشكل الي فيهم انه ليتوش نتاوعه من نقصو ونطفيو يحمارو بفعل السخانة نتاع الفرن وانا راه عندي مشكل اخر هو لما نطلق التوش نتاع الفرن النار ماتشدش خصه الطبيب نتاعه هههههههه لكن بعد مرور8 سنوات يعني الشكل باقي جديد الكويزينيار نتاع امي راه عنده 25 عام نفس الماركة وصراله كيم نتاعي وتعدل الفرن وراه يعمل عادي ولابياس نتاعه كاينة ومتوفرة في الاسواق وزيدي اسالي وبالتوفيق

[ام الاشبال]

عندي وحدة عمرها 17سنة ولحد الان نخدم بها

[عاشقة النبراس]

شكرا لكما الله يحفظكم ويستركم ان شاء الله ... ياربي تدخل وحدة من الذين اشتروه مؤخرا تقولنا رايها لأنو الناس كامل يقولو تاع بكري مليح مي تاع دروك فيه وعليه ...اجدد شكري لكما

[الزوجة البارة]

انا عندي وحدة من عامين ربي يبارك طيب مليح وكلش فيها مليح غير انو ميشعلش الفوق و الحت مع بعض في الكوشة و التالي الباقي روعة ربي يبارك

[anachka]

الفرن تاعها ماشي مليح

[oumlamia]

merciiiiiiiiii

[نصارنصار]

شريتها من 2012 و ندمت الفور نتاعها من فوق يحمر في النص برك الطلاء نتاعها لازمتلو المحافظة

[mira4712]

سلام. ماتصلحش . انا عندي وحدة وكرهتني . القفلة تاع الفور ما تشدش

[ام هزار]

سلام اختي . انا عندي وحدة نخدم بيها من 5 سنين . فيها كلش مليح غير الفور . اولا نبقى ضاغطة على القفل تاعو مدة 15 ثانية باش يحكم . و المشكل الكبير فيه انو لما نطيب قاطو او اكل في الفرن . تخرج منو ريحة الغاز رغم انو شاعل . و نبقى حالة الحالة للتهوية في الشتا او الصيف للتهوية حتى نكمل الطياب . نصحوني الاخوات اني نجيبلها مصلح . و راني نسنى في زوجي وقتاه يجيبولي . باختصار ما نيش نطيب في الفرن تعاها ضرك:o:o:o