نصيحة لوجه الله

[اسراء عبير]

:dj_17: انا طابة اعدت البكالوريا بسبب معدلي الكارثي في الرياضيات اتمنى تساعدوني كيفاش نتغب على هدا الحاجز لاني كي نحل تمرين نحبس فيه بحكم السنين لي فاتت ماقرايتهتش ماعنديش مشكلة مع الفزياء ولا العلوم ولكن الرياضيات عميتها ان شاء الله لي يعطيني نصيحة يجيب الباك

[متفوقة بامتياز]

عليك بتمارين البكالوريا وقد صححها الاستاذ نورالدين بالتفصيل في اليوتيوب
سجلي ملاحظات حول اخطائك كي لا تعيديها مرة اخرى
وتدرجي من السهل الى الصعب حسب الكتاب المدرسي
بالتوفيق

[princesse sportive]

حاولي ان تفهمي الدرس جيدا ثم قومي بحل التمارينات السهلة لان عندما تستطعين حلها فستكتسبين ثقة اكبر بنفسك ثم تدرجي في صعوبة التمارينات انصحك بالدروس الخصوصية الفردية في الرياضيات ان امكن حتى تستطيعي الالمام بكل ما ينقصك و ان لم تتوفر الدروس الخصوصية فاعتمدي على الاستاذ نور الدين
و بالتوفيق

[اسراء عبير]

شكرا لاختprincesse والخت متفوقة بامتياز وان شاء الله تربحو الباك بنقطة مليحة لانكم الوحدين لي اعطاوني نصيحة من بين58مشاهدة الناس عادت تستكثر نصيحة وزدت قلتهلم لوجه الله

[prince student]

السلام عليكم ورحمة الله وبركاته
توكل على الله ثق في نفسك ، حل الكثير والكثير من التمارين وتدرجي من السهل للصعب وإن شاء الله ستكتسبين ثقة في نفسك واحبي المادة أيضا
بالتوفيق إن شاء الله

[جمال6]

السلام عليكم حاولي مشاهة فيديوهات الاستاذ نور الدين
كما انصحك بحل تمارين كتاب المغني
بالتوفيق

[نور الجنة]

انصحك بتمارين المغني والاستاذ نور الدين انا اعتمدت عليه والحمد الله خدمت في الفروض واليوم في الاختبار ايضاااااااا

[.ام زكرياء.]

السلام عليكم جذبني طريقة سؤالك لوجه الله ودخلت لموضوعك اختي انا تقريبا عندي فايت 5سنين ملي جوزتو والحمدلله جبتو وكملت قرايتي المهم من تجربتي كنت مثلك الفيزياء والعلوم والمواد الاخرى معنديش معاهم مشكل ني الرياضيات كابوس بالنسبة ليا المهم عن تجربة ننصحك بكثرة حل تمرينات ولازم كل تمرين يكون معاه الحل اتاعو باش تصحي لروحك وتان كل درس حاولي تعاودي اكثر من مرة حل الانشطة اتاوعو لانو في الانشطة وحلولها تلقاي نفع كبير عن تجربة وهيا مفتاح فهم الدرس وتان لازم كل درس تحاولي تقعدي وحدك وتتعبي عليه اومبعد سقسي البنات والدراري لي فاهمينو واهيرا نقولك انا كنت نتحصل على معدل في الرياضيات اقل من المتوسط تنجمي تقولي معدل كارثي والحمدلله بهذه الخطوات لي قتلك عليهم في الباك الرياضيات جبتها ب14،5 وهذي باش متخافيش كان واحد يقرى معايا مسكين ميفهمهاش ومنجمش يفهما هاداك هو مستوى فهمو في الرياضيات منجمش كثر مي ركز على المواد لي متمكن فيهم هو كان متمكن في العلوم والفيزياء امالا علابالك العلوم معاملها عالي بزاف والحمدلله في الباك في العلوم جاب كثر من 16 وتحصل على الباك اتاعو بمعدل 12 ربي يوفقك حبيبتي وييسرلك امورك وحاولي تعوضي نقص الرياضبيات في مواد اخرى لي تعرفيها متقوليش منفهمش خلاص لا اقراي وركزي وربي يعينك ويسهلك وييسرلك

[chouder youness]

أسأل الله لك التوفيق ...

[جمال6]

انصحك بتمارين المغني والاستاذ نور الدين انا اعتمدت عليه والحمد الله خدمت في الفروض واليوم في الاختبار ايضاااااااا

السلام عليكم اختي ممكن تضعي موضوع اختبارك في الرياضيات

[اسراء عبير]

السلام عليكم جذبني طريقة سؤالك لوجه الله ودخلت لموضوعك اختي انا تقريبا عندي فايت 5سنين ملي جوزتو والحمدلله جبتو وكملت قرايتي المهم من تجربتي كنت مثلك الفيزياء والعلوم والمواد الاخرى معنديش معاهم مشكل ني الرياضيات كابوس بالنسبة ليا المهم عن تجربة ننصحك بكثرة حل تمرينات ولازم كل تمرين يكون معاه الحل اتاعو باش تصحي لروحك وتان كل درس حاولي تعاودي اكثر من مرة حل الانشطة اتاوعو لانو في الانشطة وحلولها تلقاي نفع كبير عن تجربة وهيا مفتاح فهم الدرس وتان لازم كل درس تحاولي تقعدي وحدك وتتعبي عليه اومبعد سقسي البنات والدراري لي فاهمينو واهيرا نقولك انا كنت نتحصل على معدل في الرياضيات اقل من المتوسط تنجمي تقولي معدل كارثي والحمدلله بهذه الخطوات لي قتلك عليهم في الباك الرياضيات جبتها ب14،5 وهذي باش متخافيش كان واحد يقرى معايا مسكين ميفهمهاش ومنجمش يفهما هاداك هو مستوى فهمو في الرياضيات منجمش كثر مي ركز على المواد لي متمكن فيهم هو كان متمكن في العلوم والفيزياء امالا علابالك العلوم معاملها عالي بزاف والحمدلله في الباك في العلوم جاب كثر من 16 وتحصل على الباك اتاعو بمعدل 12 ربي يوفقك حبيبتي وييسرلك امورك وحاولي تعوضي نقص الرياضبيات في مواد اخرى لي تعرفيها متقوليش منفهمش خلاص لا اقراي وركزي وربي يعينك ويسهلك وييسرلك

شكراااااااااااااااااااااااااااااااا

[*** عبق الزهور ***]

اختي انصحك بتمارين المغني ++++ البكالوريات السابقة بالتوفيق